|
افيدوني الله يوفقكم جميعا فزعتكم السلام عليكم ورحمة الله وبركاته اخواني /أخواتي في هذا المنتدى المتميز بصراحة يا اخواني باختصار انا وصديقي فقط نبغى نروح باذن الله على اوروبا واتفقنا اننا نروح ستوكهولم في السويد وبصراحة هذي اول سفر لنا في اوروبا وفي حياتنا كلها ومانعرف شي هناك مع العلم اننا نبحث عن مدينة بحريه مو نهريه فقط فمادري ايش رايكم في ستكهولم هل هناك رحلات بحريه عندهم في القوارب للسياح نقدر نروح فيها هل هي غاليه جدا ايش تنصحوني احد الزملاء قالي روح فلنلدا فماذا رايكم افيدوني باللي تقدرو عليه حاس ان ستكهولم مافيها بحر والسياحة فيها صعبه ايش رايكم |
ان شاء الله يفيدونك الاخوان ماعندي خلفيه عنها صراحه |
و عليكم السلام سأقول بنقل الاستفسار لبوابة الدول الاسكندنافية لو قلت لسويدي الكلام هذا بيزعل عليك :17: لأن السويديين من أعظم البحارة في اوروبا بل ان الدول الاسكندنافية كلها تفتخر بقوتها البحرية عدا أن فيها من البحيرات ما يصعب حصره ستوكهولم رائعة لكنها كمثل باقي دول اسكندنافيا اغلى من باقي دول اوروبا لذا لابد من حساب الميزانية مضبوط بالطبع ستوكهولم فيها كل ماتتخيله من نشاطات وهي مدينة فيييها الكثير من الحركة و جميلة جداً كذلك فنلندا رائعة لكنها أهدأ من السويد و نشاطات اقل كم ميزانيتكم للرحلة و كم عدد الايام حسب تخطيطكم ؟ |
ستوكهولم تقع بين الارخبيلات والممرات المائية حيث اكثر من 60% من المدينه تتكون من ممرات مائية وحدائق من أجمل مدن اوروبا وتتنوع النشاطات السياحية فيها وبكثره زي ماقال ابو غسان تتعتبر اغلى من الدول الاوروبية الاخرى زي وسط وغرب اوروبا فترة الموسم الفنادق غالية ولو ماحجزت بدري يمكن ماتلقى فنادق او تسكن في مناطق بعيده عن سنتر المدينة كم عدد ايام الرحلة ومتى تاريخ السفر والميزانية دائما تعتمد ع الشخص نفسه بمعنى طريقة صرفك باختيارك للسكن والاكل والشرب مكلف ورغبتك في الجولات السياحية ودخول المتاحف والتسوق ايجأر السياره واختيار نوعها كل هذي الميزانية وانت وحدك من يحدد طريقة الصرف شخصين انتو تقاسمو الميزانية واقتصدو في الصرف وماراح تزيد المصاريف عن 15 الف لكل شخص بدون تذاكر الطيران وكل شخص ياخذ مبلغ 5 الاف احتياط غير الـ15 واعتقد تكفي من 12 يوم الى 15 يوم بالراحه |
| الساعة الآن 03:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO