|
خبراء النرويج ضروري ابي رايكم سفري بعد اسبوعين للسويد والنرويج انا وزوجي تم حجز التذاكر الخارجية من السعودية لإستكهولم والعودة استكهولم السعودية راح يكون (المخطط الاول ) يومين استكهولم ثم طيران داخلي لبيرغن واستئجار سيارة والمبيت يوم ببيرغن ثم يومين فوس ثم يوم سترين ثم يومين جيرانجير ثم الى مولده وتسليم السيارة وطيرا ن داخليا الى استكهولم ( المخطط الثاني ) تم حذف بيرغن وفوس على كلام احدى الزميلات الشمال الغربي اجمل فا اصبح المخطط طيران داخلي الى اليسوند واستلام السيارة ثم مباشرة الى جيرانجير يومين ثم سترين يومين اليسوند يومين ثم تسليم السيارة وطيران داخلي لإستكهولم ثلالث ايام للتسوق أي المخططين اعتمده حتى احجز السكن واذا في اسماء سكن جميل الاطلاله وراقي الله يعافيكم السفره ما باقي عليها شي الله يجزاكم الجنة ... |
اسكندنافيا جميييله جداً ،، الشي الأكيييد إنج راح تشبعين طبيعه ومناظر طبيعية رأي شخصي ( أتعس ما في اسنكندنافيا بشكل عام السوق لسببين ١- الأسعار ٢- البضاعه قديمه ) في المخططين الأول لو تكنسلين فوس وتزيدين أيام بيرغن في رأيي بيكون أفضل بما إنج مدخله جيرانجير خصوصاً إن بيرغن تقدرون تطلعون منها رحلات أما بخصوص المخطط الثاني فأغلبه مدن أنا مازرتها ففتواي فيها بتكون ظالمه ملاحظه : أتمنننننى يصادف وجودكم في ستوكهولم ويكند لأن المدينة القديمة من أجممممل المناطق الاوربية اللي ممكن تشوفين الويكند فيها بالتوفيق إن شاء الله الاخوان مابيقصرون معاج :18: |
اقتباس:
وين باقي الخبراء ابي مشورتهم ..... |
أجمل مناطق النرويج السياحية هي جنوبها الغربي حيث تقع مدينة بيرغن وهي بوابة المضايق وأفضل نقطة انطلاق لتجربة مشاهدة المضايق البحري مع المضايق الضيقة والأنهار الجليدية وسفوح الجبال شديدة الانحدار، والجزر الجميلة والشلالات الرائعةوالارياف والطبيعة البكر. نصيحة لاتلغين بيرغن وماحولها فهي المنطقة الاجمل في النرويج ويمكن ممارسة انشطة كثيرة جدا لاتوجد في منطقة اخرى في النرويج كما ذكرت سابقا اجعلي بيرغن نقطة الانطلاق والسكن فيها انا اقترح عليك المخطط الاول لو ماتبين تسكنين بيرغن كذلك السكن انصحك اسكني في جيرانجر او سترين في فندق واحد وهي قريبة من بعض مايحتاج كل يومين في فندق وانتي ورغبتك هنا رابط واسم اكواخ في جيرانجر تقييمه ممتاز جدا وكذلك اراء الساكنين غراندي هيتوتليغا أوغ كامبينغ و فيستيراس غارد ملاحظه السويديين غير متشددين عند الدخول وخاصة انكم مصدرين التاشيره من سفارتهم يعني عادي 7 ايام نرويجيه و 5 ايام سويدية 2 يوم ستوكهولم 4 ايام مابين بيرغن + فوس+ فلام 4 ايام جيرانجر + سترين مولدي اخر يومين ستوكهولم ويكون حجزكم للعوده الى ستوكهولم بدري في الصباح عشان تتستفيدو من اليوم كامل |
اقتباس:
يعني اخلي السكن كله ببيرغن واتنقل كل يوم برنامج .. والشمال الغربي اسكن بجيرنجير واتنقل كل يوم ببرنامج الى سترين واليسوند |
اضفت لك رابط اخر لاكواخ في جيرانجر في الرد السابق ثاني شي فيه مطار اقرب من مولدي واقرب الى جيرانجر اسم المطار airport hovden رمز المطار HOV يقع في مدينة فولدا volda الرحلة من ستوكهولم ترانزيت باوسلو مافيه رحلات مباشرة الى مولدي او فولدا ع طيران ساس SAS او الطيران النرويجي لو تطلعين ع فولدا وتكون رجعتكم من بيرغن معى انو ماتفرق كلو نفس المسار بس لو حبيتي تعكسي |
مسافرة جدية اشوفك تحت وماشاء الله مداخلاتك مفيدة حبيت اذكرك وين التقرير هههههههههه انتي وعدتي لمن تعرجعي تنزلين تقرير:17: |
اقتباس:
سؤال لو تكرمت راح تكون الخطة ثلالث ايام سكن بيرغن واطلع كل يوم لمكان واستلم السيارة من مطارها ويومين جيرانجر ويوم اوليسوند واسلم السيارة لمطارها ابي الله يعافيك ترشح لي سكن ببيرغن وسكن جيراجير اللي ارسلت لي لقيت وقت سفري محجوز:21: |
اقتباس:
خل الامور تضبط وابشر :1: |
اقتباس:
|
اقتباس:
------------------ اوكي ياشرقاااوية اعتقد يومين تكفي لزيارة جيرانجر والمناطق القريبه منها وخاصة ان نهارهم طويل جدا اولسوند جزر على المحيط وقليل جدا الانشطه فيها وحولها طبيعه جميلة وارخبيلات ويمكنكم التمتع بمشاهدتها في طريقكم الى اولسوند بتركبون عبارة ادخلي على هذا الرابط وشوفي اللي يناسبك من الاكواخ او الشقق والفنادق انا ما اعرف تواريخ سكنكم في جيرانجر هنـــــــــــــــــــــــــــا وهـــــــــنا سترين Save |
اقتباس:
بعطيك راي احد الأصدقاء ان يكون السكن بمدن متوفر فيها المطاعم لاننا ما راح نطبخ قيكون المخطط اليسوند يوم والخروج منها بأتجاه جيرانجير ومنها السكن في سترين يومين ثم الخروج الى كينسارفيك يومين يوم لفوس مع فلام / ويوم لأوددا/ والخروج لبيرغن والسكن يوم وثم طيران داخلي لاستوكهولم لاني اجد من الصعب السكن ثلاث ايام ببيرغن واذهب يوم لكينسارفيك وارجع بنفس الطريق مره ثانيه احس مشوار لاني شفت تقرير لازم عباره ورسوم ابي رايك اخوي فارس لانك صاحب خبره ... |
اذا تبين كنسارفيك واودا الافضل السكن في فوس لانها متوسطه مابين فلام وبيرغن وكنسارفيك افضل لك من كل يوم تسكنين في مكان |
من فوس لاكنسارفيك 50 كم واضيفي عليها 40 لاودا ومن فوس الى بيرغن ساعتين والى فلام مايقارب 60كم حق ساعة |
|
الله يحفظكم أخت شرقاوية و يهنيكم استفدت كثير من استفساراتك و ردود الإخوان بترتيب سفرتنا رحلة سعيدة بإذن الله |
اقتباس:
رحلة سعيدة لكم يارب ... |
استفدت من مشاركاتكم جميعا جزاكم الله خيرا رحلتي سوف تكون قبل وخلال عيد الاضحى |
| الساعة الآن 12:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO