|
تقرير رحلتي العائلية الى الغرب النرويجي وكوبنهاجن بسم الله الرحمن الرحيم والصلاة والسلام على اشرف المرسلين لاول مره اكتب تقرير عن رحلة واشكر الاعضاء على مساعدتي فالتخطيط لها وهذي اول محاولة لي ان شاء الله يضبط التقرير مع الصور كنت كاتبه التقرير اول بأول لكن توني اليوم احاول اتعلم طريقة تنزيله والله يسترررر رحلتنا كانت عالخطوط القطريه من ٢١ يوليو وحتى ٤ اغسطس وعائلتي تتكون من ٧ اشخاص اصغرهم ٣ سنوات الرحله هي دوحه - ترانزيت اوسلو ثم اليساند يوم اليساند واستلام السياره من المطار ٣ ايام سترين ٣ فوس ٥ كوبنهاجن وحجز الفنادق عن طريق بوكينج والاكواخ من Airbnb كان من شهر مارس التقرير هذا أكتبه أول بأول عشان اتعيشون معاي اللحظة ومانسى شي ما بحط المواقع والاحداثيات لانها كلها موجوده فالتقارير عالموقع انطلقت رحلتنا الساعه ٧:٣٠ صباحا ووصلنا اليساند الساعه ٦:٣٠ مساء بعد ما استلمنا سيارتنا من المطار الفندق في اليساند كان جميل جدا واطلالته جميله وهو brosundet hotel وهذي الاطلاله من غرفتنا https://uploads.tapatalk-cdn.com/201...a1dc6c2f2e.jpg اول يوم تمشينا قريب الفندق وتعشينا في مطعم هندي وهو تاج محل وكان حلو ولذيذ وهالصوره الساعه ١ بالليل من الفندق https://uploads.tapatalk-cdn.com/201...394641aad.jpeg في اليوم التالي وهو يوم الذهاب الى سترين انطلقنا الساعه ١٢ وطبعا الطريق رائع جدا ووقفنا عدة مرات انصور ونتمشى وهذي صورة من الطريق https://uploads.tapatalk-cdn.com/201...0a614d952.jpeg قبل الوصول الى الفيلا قررنا انروح محطة leon skylift وقبل الوصول وقفنا في سنتر سترين عند مطعم ايطالي اسمه نابولي وعنده شاورما وبيتزا وباستا ويشتغل فيه عراقي ساعدنا في صرف العملة https://uploads.tapatalk-cdn.com/201...2673d3439.jpeg الساعه ٥:٣٠ انطلقنا الى وجهتنا وهي تلفريك ليون وهذا هو الطريق https://uploads.tapatalk-cdn.com/201...f84d303e8.jpeg ووصلنا محطة التلفريك وهذي هي https://uploads.tapatalk-cdn.com/201...76229361b.jpeg وحجزنا التذاكر والحين بنركب https://uploads.tapatalk-cdn.com/201...eca06e4d3.jpeg وهذا منظر من التلفريك https://uploads.tapatalk-cdn.com/201...701c4f7a5.jpeg https://uploads.tapatalk-cdn.com/201...4a3265d98.jpeg والاجواء ممطرة وخذنا لفة خمس دقايق وقعدنا نتقهوى فالمطعم والمطعم كبييييير وراااقي واطلالته وقعدته رووووعه بس احنا شبعانين وجلسنا نتقهوى فيه وانصح بتناول وجبه فيه وهذي صور التقطناها فوق https://uploads.tapatalk-cdn.com/201...400c9c86e.jpeg https://uploads.tapatalk-cdn.com/201...447a1c5e2.jpeg وهذي صورة المطعم من الخارج https://uploads.tapatalk-cdn.com/201...e4fb9f25d.jpeg وهذا جزء بسييييط جدا من المطعم لاني ماحبيت اصور الناس والان العوده بالتلفريك للمحطه https://uploads.tapatalk-cdn.com/201...673290328.jpeg والان العوده بالتلفريك للمحطة https://uploads.tapatalk-cdn.com/201...a59221721.jpeg الذهاب والعوده والجلوس في المطعم كله يحتاج ساعتين تقريبا والان وجهتنا الى الفيلا واللي حجزناها في قرية فلو عن طريق airbnb وتبعد عن سترين ٢٠ كيلو https://uploads.tapatalk-cdn.com/201...ba8a2e851.jpeg وهذا الطريق للفيلا https://uploads.tapatalk-cdn.com/201...fe226981d.jpeg والحمدلله وصلنا فلتنا الجميله والحمدلله توفقنا وفيها وفي اطلالتها الاكثر من رائعه ونسيت اقولكم مرينا على شلال قريب الفيلا وهذا هو https://uploads.tapatalk-cdn.com/201...55bafdfbf.jpeg وهاااااذي فيلاتنا وهذا رابط الفيلا https://abnb.me/1hFFEALVBY https://uploads.tapatalk-cdn.com/201...30cb3695a.jpeg https://uploads.tapatalk-cdn.com/201...a8253513c.jpeghttps://uploads.tapatalk-cdn.com/201...be20324a6.jpeghttps://uploads.tapatalk-cdn.com/201...977372f62.jpeg وهذي الاطلاله من الفيلا https://uploads.tapatalk-cdn.com/201...c96e63daae.jpg وطلعنا بسررررعه نشتري تموين للبيت ورجعنا طبخنا عشانا مجبوس دياي Sent from my iPhone using Tapatalk |
وااااااو مب مصدقة نجححححت هههههه اشرايكم فيني تبون الباقي او لا |
الحين اشلون اكمل ماعرفت افيدوني الله يجزاكم خير اشلون اكمل التقرير |
اليوم الثاني في سترين بدأنا يومنا بوجبة الافطار في القعده الخارجيه للفيلا وكان المخطط زيارة جيرانجير https://uploads.tapatalk-cdn.com/201...6dd3d15a2.jpeg وبعد ذلك ذهبنا الى سنتر سترين لصرف العملات ثم بدت رحلتنا الى جيرانجير مرورا بالنهر الجليدي briksdal glacier ثم شلال بولدر bulderfossen وفي الطريق الشلالات من كل صوب وهذي صور للطريق https://uploads.tapatalk-cdn.com/201...8b6400bda.jpeghttps://uploads.tapatalk-cdn.com/201...f3e6ad2c4.jpeghttps://uploads.tapatalk-cdn.com/201...a493e576f.jpeghttps://uploads.tapatalk-cdn.com/201...1344df8c5.jpeg ووصلنا محطة النهر الجليدي ولازم ننتظر ساعه لركوب العربه او نمشي ٤٠ دقيقه لكن طبعا فضلنا الانتظار في الكوفي https://uploads.tapatalk-cdn.com/201...4cbd1f5b1.jpeg بس مانتظرنا ولا دقيقه حصلنا سايق نازل من العربه وكانت فاضيه قلناله ممكن تاخذنا قال اوك وركبنا العربه وهي اتمر عالشلال وبعد مشي ٦٠٠ متر بدايته صعود اشوي وبعده مشي لين مصب الشلال الرحلة ممتعه جدا والمكان يستحق الزيارة والمناظر روووعه https://uploads.tapatalk-cdn.com/201...84315b605.jpeghttps://uploads.tapatalk-cdn.com/201...14c2cb522.jpeghttps://uploads.tapatalk-cdn.com/201...e41c6d775.jpeg الان النزول والمرور على الشلال واليكم الصور https://uploads.tapatalk-cdn.com/201...321f773d9.jpeghttps://uploads.tapatalk-cdn.com/201...bd47eb22b.jpeghttps://uploads.tapatalk-cdn.com/201...1cc79d757.jpeg عند النزول جلست اتقهوى في الكافتيريا وابو العيال مع العيال ادخلوا محل الهدايا والتذكار الرحله فعلا ممتعه وتستحق الزيارة والان وجهتنا الى شلال بودلر لكن وصلنا مكان الاحداثيه وشفنا كم شلال وماعرفنا اي واحد فيهم شلال بودلر وكملتنا وجهتنا الى جيرانجير والطريق كان جبلي ويمر على ٣ انفاق طويله ومتعرج واعرف ان فيه طريق اخر لكن احنا كملنا على نفس المسار وهذي صورة من بعد الانفاق https://uploads.tapatalk-cdn.com/201...a120be6f0.jpeghttps://uploads.tapatalk-cdn.com/201...cb8f05ae6.jpeg والان طريق النزول الى جيرانجير https://uploads.tapatalk-cdn.com/201...1c4ea8809.jpeghttps://uploads.tapatalk-cdn.com/201...35c5bb03d.jpeg ووقفنا نلتقط صور لجيرانجير والمضيق https://uploads.tapatalk-cdn.com/201...a6d36e254.jpeg ووصلنا لجيرانجير والحين بنشوف التذاكر https://uploads.tapatalk-cdn.com/201...345d8a359.jpeg مافي تذاكر ولاهم يحزنون كل شي سكر لان الساعه ٦ وقلنا بنرجع بكرة لكن قبل مانطلع قلت لازم امر على محل جوكلت قريت عنه في احد التقارير وقلت لااازم امر عليه كلشي الا الشوكلت ماقدر اطوفه https://uploads.tapatalk-cdn.com/201...090f2acd2.jpeghttps://uploads.tapatalk-cdn.com/201...7c54c771e.jpeghttps://uploads.tapatalk-cdn.com/201...7780353a0.jpeg وهذي انواع من الجام في محل الشوكلت واخذنا منه هذا الوافلز https://uploads.tapatalk-cdn.com/201...0dedd3902.jpeg وهذا بكل مكان فالنرويج واسمه "ترول" https://uploads.tapatalk-cdn.com/201...a801c30af.jpeg قررنا نرجع بكره لجيرانجير وفيه طريق للعوده بالعباره والمرور على قرية لكن حتى تذاكر للعباره مافي لان الحين موعد انطلاقها ورجعنا من نفس الطريق ومرينا على سوبرماركت في سترين وخذنا بعض الاغراض للعشا Sent from my iPhone using Tapatalk |
اليوم الثالث والاخير في سترين ذهبنا الى جيرانجير عشان نلحق عالانشطة الطريق ياخذ ساعه تقريبا وقفنا عند سوبرماركت joker فالطريق وكملنا الى جيرانجير واهذنا منه فراوله لذييييذه جدا جدا ووقفنا مره ثانيه عند شلال واكتشفت بعد ماتحركنا ان هو شلال بودلر وهذي صوره منه https://uploads.tapatalk-cdn.com/201...fef9c0821.jpeghttps://uploads.tapatalk-cdn.com/201...c38ebd127.jpeg وصلنا جيرانجير الساعه ٢ ونص ومافي تذاكر الا خمس ولازم نتقسم قسمين لان مافي ل ٧ اشخاص خذنا تذاكر بالعباره وتذاكر بالبوت السريع تجولنا فالمنطقه نتشرى تيشيرتات لان بناتي ميتين من الحر وانا ملبستهم كم طويل وطول الطريج يحنون يمه شملبستنا انتي ويمه متنا من الحر وقعدنا في مطعم brasserie posten وتغدينا وننطر وقت الرحله وهذي صورة من غدانا اللذيذ والستيك عندهم ألذ لكن ماصورته https://uploads.tapatalk-cdn.com/201...1317bec70.jpeg والتجمع لركوب المركب ١٠ دقايق قبل https://uploads.tapatalk-cdn.com/201...15a7c076e.jpeg القسم الثاني من العايلة فالبوت السريع وايد كان فخاطري بس لازم لبس جمسوت قبل الركوب وصعب مع العبايه https://uploads.tapatalk-cdn.com/201...1e9ad98c9.jpeghttps://uploads.tapatalk-cdn.com/201...708058a6d.jpeghttps://uploads.tapatalk-cdn.com/201...a189df26c.jpeghttps://uploads.tapatalk-cdn.com/201...9977c929b.jpeghttps://uploads.tapatalk-cdn.com/201...ce1b36b1b.jpeg الرحله كانت ساعه ونص وممله اشوي حسيت ان البوت السريع وااااايد امتع واحلى وهذي صورة من البوت السريع https://uploads.tapatalk-cdn.com/201...d0a91c9b2.jpeg وطلعنا من جيرانجير على نفس الطريق وحصلنا وحده اتبيع كرز وخذنا من عندها وبعدها توجهنا الى سوبرماركت extra في سترين وشرينا اغراض وتوجهنا للفيلا والعشا كان دجاج مشوي عالفحم https://uploads.tapatalk-cdn.com/201...d900170a97.jpg Sent from my iPhone using Tapatalk |
اليوم ستكون وجهتنا الى فوس بالنسبه للفيلا كانت روعه ونظيفه وممتازة ماعدا نقطه وحده تضايقنا منها اليوم الاخير وهي ان الجو حار وماقدرنا اننام لانها من غير مكيف والدرايش من غير شبك والحشرات تدخل بس الحمدلله عدى اليوم على خير واذا كررت زيارة سترين بسكن فيها غادرنا الفيلا الجميله الساعه ١١ صباحا https://uploads.tapatalk-cdn.com/201...74b62e2ff.jpeg الطريق طوييييل الله ييسر لنا يارب وهذا سنتر سترين يوميا انمر عليه وحفظنا السوبرماركتات اللي فيه وهم يمكن احفظوننا [emoji23] https://uploads.tapatalk-cdn.com/201...be0612e0d.jpeg ونزل بو احمد عند هالمحل من اول يوم خاطره فيه https://uploads.tapatalk-cdn.com/201...bd42e833d.jpeg صور من الطريق الجميل https://uploads.tapatalk-cdn.com/201...fcf76a7b7.jpeghttps://uploads.tapatalk-cdn.com/201...195a3bc23.jpeghttps://uploads.tapatalk-cdn.com/201...2261d39eb.jpeghttps://uploads.tapatalk-cdn.com/201...f7f22b131.jpeg الابقار والخرفان في كل مكان ونزلوا اليهال وصورناهم واحلى مافي الطريق ان اشجار التفاح والتوت الاحمر بكل مكان وكملنا ووقفنا عند سوبرماركت جوكر شرينا عصاير وفراوله لذييييذه https://uploads.tapatalk-cdn.com/201...ba643bb83.jpeg وركبنا الفري وهي عبّارة تنقل من رصيف الو رصيف اخر https://uploads.tapatalk-cdn.com/201...41f864cf0.jpeg بعدين نزلنا تغدينا https://uploads.tapatalk-cdn.com/201...139e4068f.jpeg الحين الساعه ٥:٤٥ وانطلقنا مره ثانيه الى فوس الحراره حاليا ٣٠ وصورة من الطريق من اعالي الجبال https://uploads.tapatalk-cdn.com/201...10e8fe5da.jpeghttps://uploads.tapatalk-cdn.com/201...6163353dd.jpeg وقبل فوس ب ١٠ كم وقفنا عند شلال tvindefossen https://uploads.tapatalk-cdn.com/201...a5e232ce6.jpeg ووصلنا فوس واستلمنا فلتنا الجميله وهذا الرابط للفيلا https://abnb.me/tdPVc2j1TY https://uploads.tapatalk-cdn.com/201...9da3d61cd.jpeg والحمدلله توفقنا فيها وفيها مكيف واحد بس للبيت كله الله يستر اليوم بقدر انام من الحر او لا https://uploads.tapatalk-cdn.com/201...f22051779.jpeg المهم طلعنا نتمشى ونشوف سنتر فوس https://uploads.tapatalk-cdn.com/201...f984065b8.jpeghttps://uploads.tapatalk-cdn.com/201...9404ac069.jpeg وهذي البحيره وحصلنا حذاها مدينة العاب صغيرة العبوا فيها اليهال ساعه واستانسوا https://uploads.tapatalk-cdn.com/201...ba64148ef.jpeghttps://uploads.tapatalk-cdn.com/201...b82143809.jpeg واحنا قاعدين عند البحيرة خططنا ان انروح بكره فلام وشفت ان تذاكر رحلة القطار مش متوفرة الا ٧:٣٠ الصبح او ٦:٣٠ المسا فحجزنا لليوم اللي بعده الساعه ٢:٥٠ وفي نهاية اليوم مرينا على سوبرماركت coop وتشرينا منه بعض الاغراض الناقصه Sent from my iPhone using Tapatalk |
اليوم الثاني في فوس قررنا زيارة مدينه Eidfjord وهي تبعد 55 كيلو عن فوس ومنها زيارة بعض المزارع والشلالات في البدايه مرينا على شلال skjervsfossen ويبعد ١٥ كيلو عن فوس ولمشاهدة الشلال نزلة خفيفه وخذت صوره من الاعلى مانزلت اكثر لاني افكر فالصعود وهذي صوره وقلت يمكن انمر من تحت بالسياره وانشوفه https://uploads.tapatalk-cdn.com/201...fba59fae1.jpeghttps://uploads.tapatalk-cdn.com/201...8d743d76b.jpeg وفي الطريق مرينا على جسر hardanger bridge https://uploads.tapatalk-cdn.com/201...7c201058e.jpeghttps://uploads.tapatalk-cdn.com/201...f10bc6b19.jpeg ووصلنا ايدفجورد ودخلنا مكتب الاستعلامات https://uploads.tapatalk-cdn.com/201...1b9336590.jpeg بس تذاكر الكاياك والرافتنج طافتنا واساسا اليهال مايبون يتبللون او يخافون ولازم يعرفون السباحة https://uploads.tapatalk-cdn.com/201...9b8a06f3b.jpeg فقلنا بنروح مزرعة simadel في kjeasen وهي تقريبا ١٠ دقايق من القريه والطريق جبلي ونهايته نفق طويل وضيق ووصلنا وفالنهايه اكتشفنا ان المزرعه تحت نص ساعه نزول وطبعا اضعافها صعود ومنحدر شديد واللياقه عندنا طبعا صفر ومعاننا اطفال فقلنا نرجع احسن هذي صورة من النفق https://uploads.tapatalk-cdn.com/201...91e67e5a4.jpeghttps://uploads.tapatalk-cdn.com/201...4bf5551b2.jpeg ورجعنا لايدفجورد ودشت فخاطرنا شوربة تم يم سوب من كابينه فيها مطعم تايلندي وطلبناها واتوجهنا الى قرية ulvik حيث مزرعة الفواكه هذي قرية اولفيك https://uploads.tapatalk-cdn.com/201...ca58e8b23.jpeg هذي المززعه فيها محل عصاير بس مب فريش لان مافي عصاير هذا الموسم واصلا المزرعه ماتستاهل لان طول الطريج الواحد يشوف مزارع الفواكه والكرزhttps://uploads.tapatalk-cdn.com/201...6e8e2e100.jpeghttps://uploads.tapatalk-cdn.com/201...a4b7fe776.jpeg وانطلقنا الى كافيه ومطعم the green cafe واطلالته رائعه وعرفته من احد التقارير https://uploads.tapatalk-cdn.com/201...70df5a19e.jpeghttps://uploads.tapatalk-cdn.com/201...1b4c9e491.jpeghttps://uploads.tapatalk-cdn.com/201...75cfceade.jpeghttps://uploads.tapatalk-cdn.com/201...662403267.jpeg بعدها قعدنا اشوي عالبحيره https://uploads.tapatalk-cdn.com/201...7d3500572.jpeg وبعدها قلنا انمر على بلدة كينسارفيك دام هي تبعد عنا نص ساعه تقريبا وخذنا جوله فيها بالسياره سجلنا حضور هههههه وفيها حديقة ومنتزه للاطفال لكنها مسكره https://uploads.tapatalk-cdn.com/201...e96c35021.jpeg ورجعنا فوس ومرينا على سوبرماركت حلال كل شي عنده من الالف الى الياء للطبخ وخذت منه لحم لعشا بكره وبلاليط للريوق بعدها قلنا نبي كوفي حلو نقعد فيه خصوصا ان الجو صار جمييل وحلو قبل الغروب وطلع الكوفي في فندق بارك هوتيل https://uploads.tapatalk-cdn.com/201...d69422377.jpeg وهذا كوفي اطلالته رائعه قلنا بنمر بكره باذن الله https://uploads.tapatalk-cdn.com/201...f6f8f8bd5.jpeg ونتمشى عند البحيره والجو جمييييل اليوم https://uploads.tapatalk-cdn.com/201...4262b5498.jpeg هذا اليوم اغلبه كننا فيه بالسياره ولاحظت ان كل القرى فيها نفس الانشطة Sent from my iPhone using Tapatalk |
اليوم الثالث في فوس الذهاب الى فلام موعد رحلة القطار ٢:٤٠ ان شاء الله ما نتأخر https://uploads.tapatalk-cdn.com/201...17b1cde6c.jpeg ووصلنا الحمدلله ٢٠ دقيقه قبل موعد الرحلة وركبنا القطار هذا مكتب الاستعلامات والتذاكر https://uploads.tapatalk-cdn.com/201...143cbebd0.jpeghttps://uploads.tapatalk-cdn.com/201...f0e779822.jpeg وقعدنا فالجانب الايمن من القطار وهو الافضل حسب ماقريت من خلال التقارير وهذي صور من القطار https://uploads.tapatalk-cdn.com/201...368503711.jpeghttps://uploads.tapatalk-cdn.com/201...03c678868.jpeg وتوقفنا ٥ دقايق عند الشلال ونزلنا وشفنا الجنّية https://uploads.tapatalk-cdn.com/201...2dd53a1ae.jpeghttps://uploads.tapatalk-cdn.com/201...95fac29b4.jpeg الجنية تطلع من كل صوب https://uploads.tapatalk-cdn.com/201...261041e75.jpeghttps://uploads.tapatalk-cdn.com/201...d9006b7a7.jpeg وصفّر الكابتن وركبنا القطار بسرعه https://uploads.tapatalk-cdn.com/201...cd8a0311d.jpeghttps://uploads.tapatalk-cdn.com/201...32da0ac99.jpeg اللي بيروحون بيرغن انزلوا في ميردال واحنا تمينا لاننا بنرجع فلام https://uploads.tapatalk-cdn.com/201...0bd041c86.jpeg ونرجع فلام https://uploads.tapatalk-cdn.com/201...7a93881fb.jpeg ورجعنا انودع الجنيّة https://uploads.tapatalk-cdn.com/201...27477877d.jpeg وهذا كوفي ومطعم على شكل قطار خذنا منه بيتزا وباستا وقبل ماندخله خذنا تم يم سوب وصقوع من عند تايلنديه https://uploads.tapatalk-cdn.com/201...27ed30c98.jpeg https://uploads.tapatalk-cdn.com/201...fc93fd306.jpeg وهذا كوفي ومطعم على شكل قطار خذنا منه بيتزا وباستا وقبل ماندخله خذنا تم يم سوب وصقوع من عند تايلنديه https://uploads.tapatalk-cdn.com/201...4f366244c.jpeg https://uploads.tapatalk-cdn.com/201...32215eca5.jpeg والعبوا اليهال اشوي فالحديقه وأجروا سياكل https://uploads.tapatalk-cdn.com/201...981dee708.jpeg ثم العوده الى فوس والعيال يبون العاب البحيره لكن انا قررت الرجوع للبيت للراحه وللاستعداد للذهاب يوم الغد الى بيرغن بالنسبه للفيلا هي قريبة من السنتر وراقيه ونظيفه لكن درجة الحرارة كانت تصل ٣٠ درجة وكان الدور الاول فالغرفه حار لانه بدون تكييف وممنوع نفتح الشبابيك بالليل فكنت يوميا اتسحب قبل العيال وانام بالصالة تحت لان فيها مكيف انطباعي عن فوس حلوة وهاديه ويمكن لو كانت اطلالة الفيلا مثل سترين كننا استمتعنا اكثر Sent from my iPhone using Tapatalk |
اليوم هو يوم مغادرة بيرغن والذهاب لكوبنهاجن بدأنا اليوم بالافطار في الفندق ثم التجول والتسوق في شارع المشاه https://uploads.tapatalk-cdn.com/201...1b034af59.jpeg ثم الجلوس في كوفي الفندق https://uploads.tapatalk-cdn.com/201...1cd8baea0.jpeg ثم الى المطار https://uploads.tapatalk-cdn.com/201...339d9381d.jpeghttps://uploads.tapatalk-cdn.com/201...dcd3cbd90.jpeg الوصول كوبنهاجن https://uploads.tapatalk-cdn.com/201...814d6c7b6.jpeg الفندق تم حجزه من موقع booking وهو radisson collection royal hotel سعر الغرفة ١٣٢٠ ريال قطري لليوم https://uploads.tapatalk-cdn.com/201...7abffe8f2.jpeghttps://uploads.tapatalk-cdn.com/201...c03ac0039.jpeghttps://uploads.tapatalk-cdn.com/201...dac0e558f.jpeg المنظر من الغرفه https://uploads.tapatalk-cdn.com/201...fdd48f28e.jpeg وخذنا جولة طوييييييلة في شوارع كوبنهاجن واليكم الصور https://uploads.tapatalk-cdn.com/201...c9aba02df.jpeghttps://uploads.tapatalk-cdn.com/201...cac827217.jpeghttps://uploads.tapatalk-cdn.com/201...a210e95b7.jpeghttps://uploads.tapatalk-cdn.com/201...8565e8079.jpeghttps://uploads.tapatalk-cdn.com/201...362ace668.jpeghttps://uploads.tapatalk-cdn.com/201...cbe109fdf.jpeg Sent from my iPhone using Tapatalk |
| الساعة الآن 11:36 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO