![]() |
تايلند في شهر ابريل .. السلام علييكم .. يعطيكم العافيه .. بس عندي جم استفسار عن تايلند .. انا حجزت تذاكر من تاريخ 5-4-2015 لي تاريخ 26-4-2015 .. وهاي ان شاءالله ثاني مره باروح .. بس الزياره الاولى كانت في بوكيت بس .. الحين ابي جدول زين اقسم فيه الايام هناك .. بوكيت .. بتايا .. شنغماي .. بانكوك .. قلت بوكيت 10 ايام .. 9 ليالي ..* وبيبقى 13 يوم ماعرفت شلون اوزعهم .. واذا عندكم اماكن زينه بعد اروحها كتبو لي .. وشلون عن الطيران الداخلي احجز من البحرين قبل لا اروح احسن؟ والفنادق اذا عندكم فنادق زينه حق شخصين اسعارهم زينه مع الريوق .. * بتكون معاي زوجتي ان شاءالله تقريبا الميزانيه 1000 دينار حق الفنادق و الطيران الداخلي والصرف |
رد: تايلند في شهر ابريل .. يا هلا ،، الحين ابي جدول زين اقسم فيه الايام هناك .. بوكيت .. بتايا .. شنغماي .. بانكوك .. قلت بوكيت 10 ايام .. 9 ليالي .. وبيبقى 13 يوم ماعرفت شلون اوزعهم .. - دام انك حددت 10 ايام لبوكيت فالتوزيع المناسب كالتالي: 10 ايام بوكيت 4 ايام شانقماي 5 ايام بتايا 4 ايام بانكوك واذا عندك اماكن زينه بعد اروحها اكتب لي .. -في وايد مناطق لكن بما انك ما زرت غير بوكيت من قبل فأقترح هالسفرة تروح المناطق الاشهر والرئيسية لكل مسافر لتايلند وان شاء الله في سفراتم الياية تروح جزر ومناطق ثانية ،، وشلون عن الطيران الداخلي احجز من البحرين قبل لا اروح احسن؟ -يفضل تخلص حجوزاتك كامل بالنسبة للفنادق والطيران الداخلي من البحرين ،، لان شهر 4 بيكون في تايلند احتفال بـ عيد الماي وفي هالفترة الفنادق شبه مليانه وصعب تحصل رحلات داخلية باوقات مناسبة وبسعر زين اذا اخرت حجزك . والفنادق اذا عندك فنادق زينه حق شخصين اسعارهم زينه مع الريوق .. هذي قائمة فنادق لكل منطقة عليك ان تختار الافضل لك سعرا ولا تنسى الحجز باقرب فرصة قبل لا تمتلئ الفنادق خاصة شهر ابريل بيكون فيه مناسبة عيد الماي بوكيت: Ramaburin Resort Deevana Patong Resort & Spa Baumanburi Hotel (حجز غرفة ديلوكس او اعلى تصنيف منها ولا تحجز سوبيريور ) Holiday Inn Express Phuket Patong Beach Central Bauman Residence Eastin Easy Patong Phuket Centra Ashlee Hotel Patong Pimnara Boutique Hotel شانقماي: Kampaeng Ngam Hotel Duangtawan Hotel Chiang Mai The Imperial Mae Ping Hotel Royal Princess Chiang Mai Raming Lodge Hotel & Spa Mona Chiangmai Boutique Hotel بتايا: Aya Boutique Hotel At Mind Serviced Residence Baywalk Residence Pattaya Citrus Parc Hotel Pattaya by Compass Hospitality Areca Lodge The Stay Hotel بانكوك: BelAire Bangkok Galleria Sukhumvit 10 Bangkok Sacha's Hotel Uno S Sukhumvit Suite Hotel Citadines Sukhumvit 8 Bangkok Hotel Solo, Sukhumvit 2, Bangkok Legacy Express Sukhumvit by Compass Hospitality On 8 Sukhumvit Nana Bangkok by Compass Hospitality Holiday Inn Express Bangkok Sukhumvit 11 Citrus Sukhumvit 11 by Compass Hospitality |
رد: تايلند في شهر ابريل .. اقتباس:
وعليكم السلام بخصوص توزيع الايام مثل ما تفضل اخوي ولد البحرين والفنادق ما قصر باللسته الطيبة بخصوص الطيران الداخلي يفضل حجز تذاكر من الان لتجنب ارتفاع الاسعار و عدم حصولك على مقاعد .. هذا موضوع ومواقع شركات الطيران الداخلي في تايلند دش على المواقع وحط التواريخ وشوف الاسعار واختار الي يناسبك واكرر يفضل الحجز الان وبخصوص الاسعار الفنادق المتوسطة سعرها ما يقارب 800 الى 2000 بات حاول تقتصد بالفنادق ببتايا لا تتجاوز الـ 1000 بات لليلة لان بوكيت فنادقها غالية بوقت عيد الماي يفضل الحجز لبوكيت من النت وبسعر معقول وفندق نظيف لنفترض بوكيت 10 ايام حصلت فندق بسعر 1500 بات 1500 ضرب 10 = 15000 بات ( 170 دينار بحريني ) و فندق في شنقماي 1500 بات لـ 4 ايام 1500 ضرب 4 = 6000 بات ( 68 دينار بحريني ) فندق في بتايا 1500 بات لـ 5 ايام 1500 ضرب 5 = 7500 بات ( 85 دينار بحريني ) وفندق في بانكوك 1500 لـ 4 ايام 1500 ضرب 4 = 6000 بات ( 68 دينار بحريني ) الناتج الافتراضي للفنادق 34500 بات ( 391 دينار بحريني ) * حاول تقتصد بالفنادق او تزيد الميزانية شوي ( رايح بوقت عيد الماي ) حسبه افتراضية للطيران الداخلي ( خذيتلي جولة سريعه على موقع بانكوك اير الاسعار غاليه ) انت دش شوف اسعار الفنادق والطيران الداخلي انا كاتب موضوع عن مواقع شركات الطيران الداخلي في تايلند هذا رابط الموضوع http://www.arabtrvl.com/vb/t2137.html شوف شيصير معاكم واحسبها وعطني خبر اضبطها معاك وموفق خير |
رد: تايلند في شهر ابريل .. ولد البحرين .. bkk يزاكم الله خير اخواني ويعطيكم الف عافيه على مجهودكم .. الصراحه ماقصرتو كفيتوو و ووفيتوو .. استفدت من ردودكم .. عساكم على القوة .. في ميزان حسناتكم ان شاءالله .. |
الساعة الآن 08:05 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO