|
مطلوب شقة قريبة من المستشفى الأمريكي في بانكوك السلام عليكم اخواني انا بروح ان شاء الله تايلاند للعلاج في المستشفى الأمريكي في بانكوك وأبي أأجر شقه تكون قريبة من المستشفى هل في أحد عنده اسم فندق للشقق الفندقية ؟؟ هل أحد عنده تجربة هناك ؟؟ أخوكم أول مره بيروح تايلاند وما أعرف شي هناك الرجاء المساعده ممن لديه خبره وشكرا مقدما |
رد: مطلوب شقة قريبة من المستشفى الأمريكي في بانكوك اقتباس:
اجر وعافيه ان شاءالله أخويي اذا ناوي للعلاج عندك مستشفيين واحد الامريكي والثاني الملكي وأنا جربت الاثنين ، الفرق بينهم انه الامريكي وايد زحمه عليه من العرب وموقعه في نانا وهو شارع العرب فاذا سكنت في هالمكان بتكره بانكوك من عقبها لأنها منطقه وصخه وفيها مناظر مب زينه صحيح فيها كل المطاعم العربيه بس منطقه مب حلو انك تعيش فيها وخصوصا اذا معاك أهلك بينما المستشفى الملكي أقل ازدحام من العرب وبعد هو كبير ومتوفر فيه المترجمين وفي نظري هو أرقى وتقريبا أغلب الدكاترته نفسهم يداومون في المستشفيين يعني مب لازم تسكن عدال المستشفى بالضبط بس نحن كنا نسير المستشفى بالتكسي أو التك تك الامور سهله هناك فكر وخبرني أي مستشفى تبا وعقب ممكن أساعدك واعطيك خيارات من السكن وع فكره ممكن اذا مصر وتبا الامريكي بعد مب لازم تسكن عداله وممكن تسكن ابعد عنه وتروح وترجع في التكسي بالنسبه للسكن انتوا كم شخص وليش تبا شقق ؟ أحس الفنادق أحسن |
شكرا أخت هداوه الله يحييج أختي هداوه والله يسلمج ويعافيج من كل شر يارب مشكورة إنج رديتي علي كلامج صحيح في مستشفيين واحد اسمه بامرونجراد ونطلق عليه المستشفى الأمريكي والثاني الملكي انا حسب ما عرفت ان الملكي متخصص بالعظام أما الأول فلديه أكثر من تخصص عموما يمكن ممنوع نتكلم عن المستشفيات هني بالتقرير بس شكرا انك نبهتيني ان المستشفى عند شارع العرب عشان نبتعد عنه طيب هل تنصحين بمنطقة قريبة من المستشفى وتكون مناسبة للعائلات ؟؟ انا سلمك الله بيكون معاي امي وابوي ، وأبوي ما يحب الأكل بالمطاعم نهائيا لذلك نبي شقه يكون فيها مطبخ ولو صغير بس عشان نطبخ له أي شي خفايف يعني احنا عددنا 3 أشخاص واحتاج غرفتين بالشقة ياريت لو تعطيني اسم منطقة أو اسم شقق فندقيه مجربتهم انهم مناسبين للعوائل بحيث نروح ونرجع بالتاكسي بس ما تكون المسافة بعيده وايد ومشكووووره مقدما |
رد: مطلوب شقة قريبة من المستشفى الأمريكي في بانكوك السلام عليكم انا ما عندي خبرة بالموضوع نهائيا بس حبيت ادعو لك بالشفاء و التوفيق اللهم يا ذا الجلال و الإكرام يا حي يا قيوم ندعوك باسمك الاعظم الذى اذا دعيت به اجبت واذا سالت به اعطيت ان يشفيك شفاء لايغادر سقما اللهم رده سالما غانما اللهم متعه بالصحة والعافية اللهم وفر له اسباب العلاج اللهم ارفع عنه البلاء و سائر الأسقام يامجيب الدعاء ياحنان يامنان اللهم اشفه وعافه والبسه ثوب الصحة والعافية وخفف عنه ألامه اسال الله العظيم رب العرش العظيم ان يشفيك شفاء لا يغادر سقما اسال الله العظيم رب العرش العظيم ان يشفيك شفاء لا يغادر سقما اسال الله العظيم رب العرش العظيم ان يشفيك شفاء لا يغادر سقما اسال الله العظيم رب العرش العظيم ان يشفيك شفاء لا يغادر سقما اسال الله العظيم رب العرش العظيم ان يشفيك شفاء لا يغادر سقما اسال الله العظيم رب العرش العظيم ان يشفيك شفاء لا يغادر سقما اسال الله العظيم رب العرش العظيم ان يشفيك شفاء لا يغادر سقما اللهم رب الناس اذهب الباس ,,اشفيه انت الشافي لا شفاء الا شفاءك ,,شفاء لا يغادر سقما اللهم رب الناس اذهب الباس ..اشفيه انت الشافي لا شفاء الا شفاءك ,,شفاء لا يغادر سقما اللهم رب الناس اذهب الباس اشفيه انت الشافي لا شفاء الا شفاءك ,,شفاء لا يغادر سقما تمنياتي لك بالشفاء العاجل ان شاء الله اذا نقدر نساعد باي خدمة لا يردك الا لسانك |
رد: مطلوب شقة قريبة من المستشفى الأمريكي في بانكوك الحين فهمتك ودام انه أمك وابوك الله يحفظهم سايرين وياك فالافضل تبعد عن منطقة نانا بس حبيت أقولك انه الملكي نفس الامركي وفيه كل التخصصات ونحن كل سنه نراجع فيه وحتى عندهم الفحوصات الشامله شرات الامريكي وفيه كوفي شوب ستاربكس وكوفيهات ثانيه ولاصق فيه مبنى فيه مطاعم لو بغيت انته تآكل فيه والمستشفى كبير وادخل موقعهم وشوف كل التخصصات اللي فيه ، حتى تقدر تحجز عند أي طبيب لو تبا https://www.bangkokhospital.com/en/ نصيحتي لك سير الملكي والشور عندك بالنسبه للسكن كم المده اللي بتسكنونها واذا ممكن التواريخ عسب أطلعلك الاسعار ؟ وفي حدود كم تقريبا تبا يكون ايجار الشقه ، عشان أعطيك الاختيارات المناسبه ؟ وقوللي قرارك النهائي الملكي ولا الامريكي ؟ |
رد: مطلوب شقة قريبة من المستشفى الأمريكي في بانكوك شوف أخويي انا طلعتلك من بوكينج مجموعة شقق من 5 و 4 نجوم وهاي الفنادق قريبه من المستشفيين طبعا بالتكسي تسيرلهم انته شوف الشقق اللي تناسبك منهم حسب ميزانيتك واذا احتجت أي شي خبرني شقق بانكوك أرشحلك فندق ماريوت للشقق الفندقيه هذا الفندق سبق دخلته وعجبني ومكانه هادي ومب بعيد عن الاسواق والمستشفيات شقق الماريوت |
رد: مطلوب شقة قريبة من المستشفى الأمريكي في بانكوك اخوي بوسعود .. سلامات وبالنسبة للسكن والمستشفى اغلب مستشفيات تايلاند عامة لكن كل منها له مايميزه عن غيره فمثلا المستشفى الامريكي Bumangrad hospital يمتاز بالامراض الباطنية وقربه من حي العرب لكن اسعاره اكثر من مبالغ فيها لانه الوجهة الاولى للعرب وحكوماتهم في ارسال العلاج . المستشفى الملكي Bangkok hospital يمتاز بعيادات الجلدية وامراض السرطان وهو خامس او سابع افضل مستشفى بالعالم حسب ما اعرف واسعاره مناسبة لكن اذا تريد مستشفيات ممتازة اخرى Bangpakok 9 hospital عام ورخيص لكن ليس مشهور Rutanin eye hospital لامراض العيون Vijthani hospital للعظام والأعصاب وبالنسبة للسكن والشقة احجز شقة في Omani tower قريبة من الأميركي او احجز شقة في A One بالقرب من المستشفى الملكي وانا من رأي الاخت هداوة الملكي منطقة انظف واهدء ومستشفى افضل سعرا وجودة وخدمة وتقنيات وإمكانيات واذا في اي استفسار .. انا بخدمتك .. واذا تبي اكثر .. يمكنك ارسالي عالخاص للتواصل |
رد: مطلوب شقة قريبة من المستشفى الأمريكي في بانكوك سلامات يابو سعود وما تشوفون شر تروحون وترجعون بالسلامة |
رد: مطلوب شقة قريبة من المستشفى الأمريكي في بانكوك اقتباس:
اقتباس:
ياهلا فيك أخويه صح كلامك بالنسبه للمستشفيات ولكن المستشفى الملكي فيه كل التخصصات زرنا عندهم دكاترة عيون وغدد وعظام وباطني وجلدي وما أتذكر بعد طبعا مب حقي ولكن هاي زياراتنا بصوره عامه للاهل والاصدقاء يعني هو فيه كل التخصصات تقريبا |
رد: مطلوب شقة قريبة من المستشفى الأمريكي في بانكوك صحيح اختي .. عندهم كل التخصصات لكن قصدت .. ان الملكي او غيره يتميز كل منهم بشي ما .. اكثر من غيره اما مستشفى روتانين لامراض العيون فقط وهو قريب من حي العرب ويقع بشارع الاسوك Asoke road |
رد: مطلوب شقة قريبة من المستشفى الأمريكي في بانكوك وتاكيد لكلامك ... بسبب توفر العديد من التخصصات يعتبر افضل فحصين شاملين دقيقين بالميلي في مستشفى بانكوك او الملكي ومستشفى البومنجراد او الامريكي وعساج .. عالقوة .. اختنا |
رد: مطلوب شقة قريبة من المستشفى الأمريكي في بانكوك اقتباس:
أنا فكرتك تقصد انهم بس متخصصين هاذيل بس وانا بغيت أوضح انه فيه بعد تخصصات غير الصراحه توني أعرف عنها والله يبعد عنا الامراض ومانحتاجهم وجزاك الله خير ع هاي الاضافه |
مشكور أخوي طارق اقتباس:
الله يعطيك العافية أخوي طارق مشكور وما قصرت والله يكفيني دعائك هذي أكبر مساعدة والله يجعله بميزان حسناتك يارب الله يشافي الجميع يارب |
رد: مطلوب شقة قريبة من المستشفى الأمريكي في بانكوك الله يشافي مريضكم والله على حسب الربع يقولون انهم زحمه ونصابين بالتشخيص بس ياخذون فلوس والله اعلم |
إلى الأخت هداوه اقتباس:
أشكرج على تفاعلج معاي اختي هداوه لو الأمر بيدي كان رحت للملكي لكني باخذ ابوي وهو سامع عن المستشفى الأمريكي ومثل ما تعرفين صعب ان نغير فناعة الشخص الكبير بالعمر احنا بالغصب اقنعناه بالسفر لذلك ما اقدر اغير المستشفى لكن بالنسبة لي بروح للملكي لأن مرضي بالعظم والي اعرفه ان الملكي متخصصين بالعظم ويمكن بشغلات ثانية عموما ، ان شاء الله ما بنختلف على الاختيار ، لكن هل في منطقة تكون قريبة من الاثنين ؟ من الامريكي والملكي بسألج عن هذي الفنادق شنو الافضل منهم : CNC Heritage سومرست ليك بوينت بانكوك شقة ساباي ساثورن المخدومة Lohas SUITES SUKHUMVIT by SUPERHOTEL احنا سفرتنا تقريبا اسبوعين أو 17 يوم ليلحين ما حجزت التذاكر بس انتظر الوالد يطلع من المستشفى عشان احجز ، واحتمال كبير تكون ببداية شهر ابريل 4 مبدئيا من تاريخ 30/3/2015 ونوصل تاريخ 31 لغاية تاريخ 16/4/2015 أما بخصوص سعر الشقه ، والله مادري بحدود كم بس طبعا كلما كانت ارخص كانت افضل لكن مو على حساب شكلها ونظافتها يعني تهمني النظافة والموقع بالدرجة الاولى وان يكون فيها مطبخ وبعدين سعرها مثلا بحدود 40 أو 50 دينار كويتي باليوم اتوقع يكون مبلغ ممتاز شفت شقق الماريوت وعجبتني وااااايد بس للأسف مافي غرفتين كلهم غرفة وحده بسألج عن الأكل هل في بقالات أو اسواق تبيع الاحتياجات الاساسية لأكلنا الخليجي ؟ مثلا بهارات وعيش ودهت وأجبان و و ؟؟؟ ولا الافضل ناخذهم معانا من الكويت ؟؟ ايضا بالنسبة لصرف العملة ، انا مادري عن تكلفة العلاج لذلك هل أخذ معاي الفلوس بالدينار الكويتي وهناك أحولهم بوقت الي أحتاجهم ؟ ولا احولهم دولار امريكي وآخذهم معاي ؟ ولا اعتمد على بطاقة الفيزا والماستر ؟؟ طبعا انا اتكلم عن فلوس العلاج وليس فلوس المعيشه من تاكسي وأكل وخلافه وآسف على الاطالة والازعاج ومشكورة مقدما |
إلى الأخ thailugshai2000 اقتباس:
الله يسلمك من كل شر ياخوي ومشكور وجزاك الله الف خير على مساعدتك والمعلومات الي عطيتني اياها وإن شاء الله باخذها بالحسبان بسألك بالنسبة لمستشفى العيون Rutanin eye hospital هل هذا افضل من الملكي والامريكي ؟؟ لأن الوالد معاه سكر ونزل ماي على عينه وانتلفت الشبكية وبنروح نعالجه مع باقي الامراض فهل تنصح ان نخلي علاج العيون بمستشفى العيون وباقي الامراض بمستشفى الامريكي او الملكي ؟ ولا نخليهم كلهم بنفس المستشفى ؟؟؟ ايضا سألت الاخت هداوه بعض الاسئلة عن المعيشه هناك ، فإذا عندك فكرة عنهم فكلي آذان صاغية ومشكور مره ثانية على كل المساعدة |
إلى الأخت توبليرون اقتباس:
الله يسلمج من كل شر أختي ام حسين مشكورة وما قصرتي على كل شي سويتيه لنا :204: |
إلى الأخ DarkOrange [COLOR="rgb(65, 105, 225)"] اقتباس:
والله يشافي الجميع يارب من ناحية زحمة نعم اتوقع بيكون زحمه وخصوصا من العرب أما من ناحية انهم نصابين ....... مادري والله ما جربتهم بس أغلب الي تعالجوا في تايلاند يمدحون علاجهم وتشخيصهم وعموما ما أظن انهم أقل مستوى من الكويت من ناحية الاعتناء بالمريض وعلاجة الله كريم [/COLOR] |
رد: إلى الأخ DarkOrange اقتباس:
|
إلى الأخ DarkOrange اقتباس:
لا والله رايح على حسابي الشخصي مو على حساب الوزارة ولا أبي من الوزارة شي الوزارة حق الي عنده واسطه وبس أما غيرهم فمالهم غير الله |
رد: إلى الأخ DarkOrange اخوي بخصوص الفنادق اللي انت اخترتها انا افضل السمرسيت لنك .. لان قريب على Bangkok hospital Bumangrad hospital وقريب جدا على مستشفى العيون العيون .. روتانين |
رد: إلى الأخ DarkOrange وبالنسبة للعيون Rutanin hospital للعيون .. وقريب عليك ورخيص جدا وهو اكبر ثاني متخصص بالعيون بتايلاند |
رد: مطلوب شقة قريبة من المستشفى الأمريكي في بانكوك كل المستشفيات الثلاث بتروح لهم بتاكسي وانا اتكلم في حال سكنت Sumerset lank bangkok الامريكي عشر دقايق الملكي ربع ساعة او ثلث ساعة اما روتانين دقايق معدودة .. ويمكنك المشي له |
رد: إلى الأخت هداوه اقتباس:
هذا عجبني سومرست ليك بوينت بانكوك أم الباقين ماحبيتهم بعد شفتلك ع السريع كم واحد حلوين سكن أوك وود سوخومفيت ثونغلور بانكوك Lohas SUITES SUKHUMVIT by SUPERHOTEL شقق قريبه من المستشفى الامريكي ومابتكون بعيده عن الملكي أنا رآيي شلوا احتياجاتكم وين عنثركم تيلسون تدورون وفي سنتر سيام براغون في الطابق الارضي سوبرماركت كبير وفيه كل شي تباه حتى البهارات بس أجبانا وأغراضنا اللي متعودين عليها ممكن ماتحصله فيه ، وماعندي علم اذا فيه سوبرماركت عنده منتجاتنا وممكن فيه نانا تحصل بعض الاشياء ، لأنه نحن نعتمد بشكل رئيسي ع المطاعم ياليت حد من الاعضاء يفيدك أكثر عني بالنسبه للصرف هات وياك دولارات والتصريف في شارع نانا عندك صرافة دبي ووايد صرافات وبالنسبه للمستشفى انته حر اذا بتدفع بالفيزا ولا كاش نحن أغلب الاوقات ندفع بالفيزا عشان مايخلص عنا الكاش |
رد: مطلوب شقة قريبة من المستشفى الأمريكي في بانكوك على فكرة اخوي انا من سكان بانكوك ولكني حاليا .. مسافر ومتواجد بالكويت |
رد: إلى الأخت هداوه كلام الاخت هداوة ... 100/100 وبالنسبة للاكل متوفر بالنانا شارع 5 ... Soi 5 food land super market لكن احضر معاك الجبن .. لان في تايلاند سعره اضعاف اما باقي مستلزمات الطبخ والبهارات متوفرة على الرغم من غلاءها نسبيا .. بالنسبة للدول الخليج |
رد: مطلوب شقة قريبة من المستشفى الأمريكي في بانكوك اقتباس:
شكلي بستفيد منك حق المستقبل :(34): |
رد: إلى الأخ DarkOrange اقتباس:
من توكل علي الله فهو حسبه الله يشفيكم يارب |
| الساعة الآن 11:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO