|
مسافر تايلند لوحدي كم الميزانية ؟ السلام عليكم انا ان شاء الله مسافر تايلاند لحالي مدة 14 يوم 14/9/2019 1 ليلة يوم الوصول بالليل اخذت فندق قريب من المطار للنوم بتايا 4 ليالي بوكيت 5 ليالي بانكوك 4 ليالي حاط ميزانية 3000 ريال سعودي حق الاكل والتمشيه والمشاوير واسعار الدخول المنتزهات والاماكن فقط هل تكفي او اقلل المده من غير الطيران الفنادق والطيران الداخلي الميزانية كامله شامله كل شي 7000 ريال شكرا للجميع |
وعليكم السلام بالتأكيد الميزانية ما تكفي اذا كانت كلها 7000 ريال ممكن تفصلها ؟ 1000 تذكرة دولية + 500 تذكرة داخلية + 1000 فندق وهكذا <<< هذا مثال فقط هل شيكت على أسعار الطيران و الفنادق ؟ على الاقل 100 دولار مصروف يومي هذي 5250 ريال لمدة 14 يوم كم سعر الفندق ؟ كم سعر تذكرة الطيران ؟ اكتب تصورك عن الميزانية عشان نراجعه معاك بناء على تشييك فعلي للاسعار شيك قوقل للفنادق و الطيران و شوف كم يعطيك اسعار |
حياك الله اخي الغالي حجزت على طيران الامارات 1720 والفنادق 1850 والطيران الداخلي 350 يعني بيكون باقي معي 3000 ريال |
أنت أدرى بمستوى صرفك بس أشوف المبلغ ما يكفي كمصروفات يومية ممكن تزيد عليه 2000 ريال على الاقل لأن فيه فعاليات كثيرة هناك لازم تجربها |
3000 ريال اشويه مثل ما قال بوغسان لازم تزيدها اشوي عندك انشطه وايده ومتنوعه |
ماقدر ازود الميزانيه ماتسمح 3000 ريال كم تكفي يوم ؟ |
اقتباس:
أنت تتحكم بمصاريفك و أدرى فيها معدل الصرف المتوسط 100 دولار باليوم يعني ممكن تكفيك أسبوع بس الكلام فيه فعاليات كثيرة وهذي محتاجة فلوس أنت شوف الوضع هناك بنفسك وقيس مصروفاتك ومن أول يوم قرر |
الصرف المتوسط والمعقول من 100 الى 150 دولار يوميا وصدقني ترد للغرفه باقي معك فلوس و لكن تعتمد على الشخص في ناس 50 دولار باليوم وفي ناس 300 دولار انت الي تحدد مصروفك هناك على حسب الي كيف تبيه ........ |
السلام عليكم وأتمنى لك سفرة موفقة أخوي ماجد لكن عندي سؤال كيف الحجز إلى تايلاند يعني فيه مكاتب سفر عندنا تحجز لك |
اقتباس:
الافضل من النت |
الاخ ماجد مرحبا من شاورك دخل بذمتك وانت تقول نصا ان الـ 3000 ريال ( غير الفنادق والتنقلات) وانا اضمن لك من واقع تجربه السفر في عشرات الدول ( كمسافر اقتصادي جدا ) ان الـ3000 ريال بتكفيك وتزيد .. مع بعض التوفير .. خصوصا وانت بشرق اسيا وليس في اوربا .. استخدم وسائل النقل الرخيصه والمترو وقسمها يوميا 200 يوميا .. صحيح يوم بتصرف 300 ولكن من بكره بتصرف 100 وهكذا .. وراح تستمتع جدا .. صدقني لايخوفونك الشباب تراهم كلهم كاشات ( حفظهم الله) ومن يسافر بميزانيه مفتوحه سيستغرب ان قلت له 3000 رح وانت متطمن والصباح الفطور بالفندق وتطلع من الفندق كل يوم معك 200 ريال لو كنت بالرياض كفت ووفت معك فكيف ماتكفيك ببانكوك حفظ الله سموك ( والله لا اقول قولي هذا تنظيرا وانما من واقع تجارب في الشرق والغرب) وقد سافرت بميزانيات لو قلتها للبعض ماصدقني .. :7: لكن لاتنكبني يابوزهره .. لاجيت ان شاء الله اكتب بهالموضوع .. ايهم صح انا او فريق الكاشات :17: |
اقتباس:
انا من سكان الدمام وبطلع عن طريق البحرين حجزت عن طريق برنامج wego طيران الامارات 1680 |
اقتباس:
|
اقتباس:
المهم يا ماجد اذا رجعت بالسلامة تكتب لنا كيف تعاملت مع الصرف وهل كفت الفلوس ؟ ما قصر أبو لجين بتطمينك لكن حنا نحسب على الفعاليات لكثرتها |
اقتباس:
|
السفر الى تايلند مسموح كسعوديين ؟ انجوي اخوي ماجد ������ |
اقتباس:
|
انصحك تزود الميزانية شوي لأي ضرف طارئ لاسمح الله انت في بلد غربة لا تعلم مايحدث 3000 الاف ريال ربما تكفي اذا كنت مقتصد جدا ولو تقلل المدة 10 ايام بعد احسن المغريات في تايلند كثيرة واقلها التسوق اكتب لنا تقرير بعد عودتك :e030: |
اذكر سافرت مع صديق الى مصر كنا اذا بنروح معلم من المعالم على نفس الشارع الي ساكنين فيه لا يمين ولا يسار اللهم يبعد عن موقعنا سبعة كيلو مثلا فكنت اقول: نوقف ماكروباص ب اثنين جنيه وكان صديقي يقول: لا نوقف تاكسي ب سبعين جنية ههههههه هنا الفرق، صحيح لا يبخل الواحد على نفسه بالترفيه لكن ينتهز الفرص بالتوفير متى ما سنحت الفرصة بالتوفيق اخوي ماجد |
اقتباس:
|
اقتباس:
اقتباس:
|
باقي اسبوع ويطير ابو زهره .. لبلاد الشرق الاقصى .. وننتظر عودته او مراسلته لنا من هناك .. ان كانت تايلند على خبري لايفوتك الجح هناك ههههههههه .. كلما مامريت بياع جح اشتر :72: |
مرحبا بالجميع وتوني داخل المنتدي وعايد من هذه البلاد المميزه اهوي الغامدي مرحبا مليون المصروف يقتصر عليك انت ادراى بالحاجه ورغبتك بالتجول انا اشوف انها قليله جدا المفروض ١٠،٠٠٠ الف ريال ميزانيه ممتازه و١٤ يوم واجد ََكثير |
الاخ ماجد ثلاثة اشياء ابعد عنها وتكفيك الميزانية 1- البارات 2- الطيور 3- المطاعم العربيه |
اقتباس:
الحمد لله على السلامة ياليت تكتب لنا تقرير عن رحلتك حتى لو بشكل مبسط حتى تفيد غيرك منور المنتدى |
على حسب صرفك انا جلست في بوكيت ست ايام جيت من كوالا رايح جاي صرفت فيها تقريبا 1500 ريال بدون الفنادق بس حط ببالك قيمة التوصيل من المطارات للفندق .. اتذكر في بوكيت 100 ريال من المطار ومثلها لما رجعت وانصحك تخلي 1000 ريال احتياط وقت الضروره |
اقتباس:
اي طيووور ؟؟ Sent from my iPhone using Tapatalk |
لازم تزيد الميزانيه وتحط مبلغ للطوارى ...... رااي انا بتكفيك 10 الاف ريال من غير تذاكر |
تصدق اخر مره للفلبين صرفت ١٠ ايام ٣٨٠٠ ريال شامل سكن اكل شرب وناسه |
اخوي ماجد 3 الالف بات مصروف يومي بالمتوسط الطيران الداخلي روح على شركه الطيران التايلندي تقريبا 2500 بات الفندق بعدد ايام بيكون الف بات باليوم الحسبه بتصير مع التكاسي تقريبا 64 الف بات من غير الشغلات الي تطلعلك عرض تبي تعيش مرتاح يوميتك 6 الالف بات او 5 من عير فلوس الطيران والفنادق ورحله موفقه |
اقتباس:
|
فيه برنامج يمكن تعرفونه انا جربته بكذا دوله شقق وممتاز وخذ يواحد واحد وجرب وشف التقييم النزلاء الشقق حريه اكثر من الفندق وومميزات اكثى خاصه المطبخ للي يبي يطبخ |
:e324::e324: |
من يجيب لنا ابو زهره يسولف علينا ... صار له جاي اسبوعين ( لن ننسى ) :59: ابو زهره اذا مريت من هنا فحدثنا برحلتك الميمونه فانت الان خبره .. حدثنا عن ليالي الغربه وعن الدروب وعن اخر اماني الراحلين وعن الافاق والوداع .. وعن الشموس الغاربه دون الاحباب .. |
السلام عليكم معليش تاخرت عليكم الحمدلله حصلت لي خوي وكان معنا 14 الف شامله كل شي من و الى وكفت الحمدلله وماحرمنا نفسنا من اي شي نبيه |
المده 14 يوم |
اخوي حسب سفرتي لها لازم تحاول تزيد راس المال .. تايلند دولة تصرف فيها وفيها اشياء غصب راح تشتريها |
| الساعة الآن 10:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO