|
يا اخوان تكفون الحقوني انا في بوكيت ومسكتني حمى شديده ياجماعة الخير انا عندي رحلة العوده يوم 22 اكتوبر والرحله محجوزه على طيران vietjet air غير مسترده هل اقدر اقدم موعد الرحله وادفع فرق فزعتكم اعطوني رد ليا اربع ايام طريح الفراش لا اقدر اكل ولا شي ابغى ارجع بين اهلي ماني مرتاح |
تكفون يارجال احد يفيدني |
يارجل روح المستشفى ليش جالس في الفندق اذا ما تستطتيع المشي و الذهاب للمستشفي اتصل على الرسبشن هم يتصرفون لا تجلس كذا والشي الاخر الذي لازم تعرفه انه لا يسمح لك بركوب الطائرة اذا كنت مريض مره |
رحت المستشفى واخذت ابرة فولترين ولا استفدت شي منها لا هيا ولا ادويتهم الصباح بطلع المطار امري لله بحاول اقدم العوده وبمسك نفسي ولا راح ابين اني تعبان انا هنا لوحدي لو صار ليا شي ماحد درى عني |
الموضوع بسيط ان شاء الله روح أقرب مستشفى في باتونق وهي كثيرة الحمى علاجها ما يأخذ وقت من الصعب ترجع لأهلك و أنت معك حمى يمكن تغير الجو أثر عليك ما تشوف شر طمنا عليك |
رحت الله يسلمك والله جالس اخذ الادويه من غير اكل ماني قادر اكل شي الشر ما يجيك يالغالي |
اقتباس:
قدامك العافيه وما يصير الا كل خير ان شا الله انت بس لا تفكر وتسوس لنفسك ارجع للمستشفى وان شاء الله بتتحسن بس الدواء لازم ياخذ وقته حتى يجيب مفعوله |
الله يعافيك ماقصرت يالغالي |
المضادات الحيوية عندهم مفعولها ضعيف ما هي زي اللي عندنا تأخذ وقت أطول و لا تأكل شي فقط عليك بالشوربة عندهم شوربة توم يم حرارة متوسطة ترد لك العافية |
ربي يحفظكم جميعا وربي حسيت انكم اهل وسند |
اقتباس:
|
ابشر ولا يهمك اول باول بطمنكم بس سوال هل مكاتب الطيران مفتوحه في المطار يوم السبت والا قافلين اجازه |
سلامات ماتشوف شر اخوي اذا سخونه امورك طيبة ولازم تاخذ دورة المرض من 3-4 ايام وتطيب ان شاء الله لاتعرض نفسك للهواء والمكيف بقدر ماتستطيع ابعد عنها اما التذكرة اذا غير مسترد انسى تقدر تعدل عليها اي شيء اما تسافر في تاريخ حجزك او تروح عليك التذكرة و راح تدفع حق تذكرة جديدة اذا بتقدم الحجز شوف ايش شرط الشراء اذا مرن وفيه تعديل او تغيير تاريح تقدر تدفع رسوم التعديل فقط اذا مقيدة ماتقدر تسوي اي شيء عليها ولازم تسافر في نفس تاريخ حجزك |
انصحك اخوي لاتاخذ ابرة الفولتارين وبطنك فاضي يعني ما اكلت شي تسبب جلطه ع طول انتبه ع الاقل اكل شي خفيف قبل تاخذ للابرة |
للاسف مكاتب الاماراتيه مغلقه يوم السبت والاحد 💔💔 |
كيفك اليوم أن شاء الله تحسن الاماراتية ما يحتاج تروح المكتب عدل الحجز من الناس واذا يحتاج دفع فلوس تدفع بالفيزا https://www.emirates.com/qa/arabic/manage-booking/ |
ياخوي انتا فين موجود في بوكيت ارسلي رقمك عالخاص انا متواجد هناك حاليا |
كيفك اليوم طمنا |
بشر عسى تحسنت خلك على حجزك لا تستعجل فيه محل رائع و معروف بس نسيت اسمه مساج + جاكوزي + بخار روح هناك غير جو |
اهم شي خلك متواصل مع الاستقبال حق الفندق ..ونصيحه لاترجع بتطيب ان شاء الله وشف ميدو حاول تواصل معاه وان شاء الله ربي يعافيك ويشفيك |
ما تشوف شر وارجع للمستشفى اذا الحراره ما نزلت يمكن يغيرون علاجك ... تغير الاجواء اكيد اثر عليك واهم شي نفسيتك تحافظ عليها واهي اهم الاسباب بعد الله سبحانه طمنا عنك |
يا طويل العمر انا مشيت من بوكيت كنت حاب اساعدك بس انشالله امورك طيبة طمنا عنك |
ان شاء الله يكون بخير ربي يعطيك العافية يا ميدو |
ابشرنا. ان شاء الله تحسنت صحتك؟ Sent from my Pixel 3a using Tapatalk |
المرض يأخذ وقته لاتحاتي وسلامات ماتشوف شر الأفضل تروح للريسبشن بالفندق يكلمون شركة الطيران لتغيير الحجز |
وين راح صاحبنا عساك بخير ان شاء الله، اكيد تشافا وراح فلها بالاجواء الحلوه ونسانا. ربي يحفظك،، تحياااتي،،، |
اول شي شكرا لكل شخص سال عني ربي يبارك فيكم ويسعدك ولا يوريكم مكروه انا رجعت جده الان اربعه ايام ورحت المستشفى واخذت العلاج اللازم ياربي لك الحمد الحين تمام احسن من اول بكثير فعلا انتو اهل وسند ينشد فيكم ربي يبارك فيكم |
الحمدلله على سلامتك اجر وعافية يارب تتعوض السفرة مرة ثانية من جذيه الواحد لازم ما يسافر بروحه تحسبا لهذه الظروف |
الحمدلله على سلامتك اجر وعافية يارب |
| الساعة الآن 10:49 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO