|
هواهين من بعد انقطاع طويل عن تايلند بسبب قيود السفر و من بعد ان تم الاعلان عن تخفيف بعض القيود قررنا السفر الرحله كانت شهر 7 - 2022 الجميل في الموضوع ان الحجز تم من قبل اشهر لكن قبل السفر باسابيع تم الاعلان عن انهاء جميع القيود مع بدايه شهر 7 اللي طبعا يصادف موعد سفرنا الرحله كانت بين بانكوك و بوكيت و هواهين ما راح اكتب عن بانكوك و بوكيت لانه في الكثير من التقارير المفيده الشيء الوحيد الجديد في بوكيت هو انداماندا و يستحق الزياره و بقوه هو مدينه العاب مائيه https://www.arabtrvl.com/vb/picture....ictureid=71939 تقريري هذا بيكون عن مدينه هواهين |
الفكره من السفر الى هواهين كان للتغيير و اكتشاف مدن جديده ما اعرف اذا كان في طيران الي هواهين بس احنا انتقلنا لها بالسياره من بانكوك تقريبا الطريج اخذ منه 3 ساعات مع توقف لشرب القهوه بالطريق اول شي كنا في بوكيت ومن مطار بوكيت طرنا الى بانكوك عن طريق شركه سمايل التابعه للخطوط التايلنديه https://www.arabtrvl.com/vb/picture....ictureid=71916 https://www.arabtrvl.com/vb/picture....ictureid=71917 و من مطار بانكوك كان في اتفاق مسبق مع احد السواق ان ينقلنا من المطار الى هواهين و فعلا تم الانطلاق حجزنا كان في فندق هوليداي ان هواهين ليش؟ لانه بجانب مدينه العاب و الغرفه شامله تذكره دخول الالعاب طول مده الاقامه https://www.arabtrvl.com/vb/picture....ictureid=71940 الفندق نظيف و مرتب و و يطل على مدينه الالعاب و هذي غرفتنا https://www.arabtrvl.com/vb/picture....ictureid=71900 https://www.arabtrvl.com/vb/picture....ictureid=71903 https://www.arabtrvl.com/vb/picture....ictureid=71901 اطلاله غرفتنا عالمحيط الصوره يمكن غير واضحه بس بمجرد الجلوس في البلكونه و النظر تقول سبحان الله على روعه المنظر وجمال الكون المحيط كبير و عميق https://www.arabtrvl.com/vb/picture....ictureid=71902 و تحت الفندق مباشره خط سكه حديد https://www.arabtrvl.com/vb/picture....ictureid=71932 الاطلاله من الفندق https://www.arabtrvl.com/vb/picture....ictureid=71899 كل شخص له ساعه يلبسها تفتح له باب غرفته و يدخل المدينه المائيه https://www.arabtrvl.com/vb/picture....ictureid=71912 في الفندق حمام سباحه بالدور العلوي طبعا احنا نفطر الصبح و نطلع فوق حمام السباحه لحين ما تفتح المدينه المائيه و نروح نكمل سباحه هناك https://www.arabtrvl.com/vb/picture....ictureid=71911 https://www.arabtrvl.com/vb/picture....ictureid=71918 و هذي الصوره من داخل الالعاب https://www.arabtrvl.com/vb/picture....ictureid=71920 https://www.arabtrvl.com/vb/picture....ictureid=71919 و ايس كريم بنكهه جوز الهند من عند بوابه الفندق https://www.arabtrvl.com/vb/picture....ictureid=71930 |
الفندق كبير و كان مزدحم بس مافي الا احنا عرب الاغلب اسيويين و قليل اجانب في الفتره هذي كان عندهم عيد يتعلق ببوذا او شي جذي المهم حاطين اعلان ان اكراما للعيد مافي بيع و لا شرب الكحول بهذي الايام ابركها من ساعه :1: الافطار بالفندق كبير و متنوع و يرضى كل الاذواق مثل كل منتجعات تايلند و هذي بعض الصور الافطار وايد كبير اكثر من الصور بس بسبب الزحمه صعب اني اصور https://www.arabtrvl.com/vb/picture....ictureid=71910 https://www.arabtrvl.com/vb/picture....ictureid=71909 https://www.arabtrvl.com/vb/picture....ictureid=71905 https://www.arabtrvl.com/vb/picture....ictureid=71908 https://www.arabtrvl.com/vb/picture....ictureid=71906 https://www.arabtrvl.com/vb/picture....ictureid=71935 و مع الغرفه عطونا مشروب مجاني بالروف توب من اعلى اطلاله و الروف كان تحته زجاج يعني اللي يخاف صعب ان يصعد https://www.arabtrvl.com/vb/picture....ictureid=71914 |
الحين من ضمن خدمات الفندق التوصيل من و الى عده مرافق في هواهين من مجمع تجاري و سوق الليل و هذا المجمع https://www.arabtrvl.com/vb/picture....ictureid=71928 مافي محلات وايد ف لا تتوقعون الكثير بس فيه مطاعم و سينما و احنا كنا ناكل بالمجمع و رحنا السينما يوم بالليل https://www.arabtrvl.com/vb/picture....ictureid=71929 https://www.arabtrvl.com/vb/picture....ictureid=71922 الفلم اللي دخلناه https://www.arabtrvl.com/vb/picture....ictureid=71925 طبعا ما يمنع ناخذ اشكال ثانيه من علب البوبكورن لانه اشكالها مميزه https://www.arabtrvl.com/vb/picture....ictureid=71924 في اكثر من سوق ليلي و في حديقه سانتوريني طبعا انا ما كنت متوقعه برجع اكتب تقرير بالمنتدى لاني قطعت فتره طويله و سافرت عده اماكن و ماكتبت اي تقرير عنهم لانه باختصار كسل مني و خذتنا وسائل التواصل و صار تنزيل ستوري الانستغرام وحفظه بالهايلايت وايد اسهل فما كنت مصوره وايد صور عن الاماكن بس النت مليان صور انا بحثي عن هواهين كله اخذت المعلومات من قوقل و ان شالله اكون افتدكم ولو بشي بسيط :e306: |
عودا حميدا 👏🏽👏🏽 هواهين من فترة اسمع عمي يسولف عنها وهالسنه سمعت اكثر من شخص زارها والحين انتي ذكرتيها لنا بتقرير مفيد وحلووو .. اعتقد بتكون بالسنوات اليايه من ضمن المناطق المشهوره سياحيًا عند العرب الله يعطيج العافيه مفيد وخفيف التقرير 💐 |
اقتباس:
مثل بوكيت شلون المنتجعات الحلوه حق الهدوء بعيده يمكن لانه مافيها رحلات مثل بوكيت فالغالب العرب ما يروحون لها بس مثل ماذكرت كان الفندق مزدحم و حتى داخل مدينه الالعاب مختلف الشعوب الا عرب مافي :7: |
دائما مبدعه يا اوبرا وتقاريرج في غاية الجمال وكلها معلومات مفيدة وتعتبر مرجع للسائح حسافه انج توقفتي عن كتابه التقارير ان شاءالله هذا التقرير يشجعج على العودة وكتابه التقارير |
تايلند بالنسبة لنا بانكوك وبوكيت اول مرة اسمع عن هواهين واضح ان المنطقه جميلة وحلوة للاطفال مو الكل يعرفها وحظكم حلو بمنع الخمور ان شاءالله طول السنة يمنعونه |
ماشاءالله عودا حميدا حبيبتي اوبرا الفندق واجواء مدينة الملاهي حلوة عليكم بالعافية بالنسبه لهواهين في تقرير قديم عنها بالمنتدى اعتقد حاطه العضو الامارتي او غيره ناسيه بالضبط يلا اذا عندك تقارير حلوه بعد ما نستغني عنها |
عوده بتقرير جديد ومميز عودا حميدا الصراحه اول مره اسمع عنها المنطقة معلومات مفيده |
| الساعة الآن 03:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO