|
ابغى رايكم في فندق بوكيت وكرابي السلام ابغى رايكم في فندق the nature phuket ضروري لاني ابي احجز لشهر نوفمبر |
وعليكم السلام ورحمة الله وبركاته هذا الفندق يقع جنب منتجع أوشن فرونت بيتش الذي سكنت فيه وتطرقت له في تقريري يبعد تقريبًا 5 دقائق بالسيارة عن شاطئ الباتونج هو عبارة عن عدة بنايات مبنية بشكل تصاعدي على الجبل الغرف البعيدة عن الاستقبال يتم التنقل لها بسيارة جولف يحتوي على ألعاب مائية بسيطة للاطفال يفضل تقرأ تعليقات النزلاء في تطبيق بوكينج وبعدها تحدد إذا يناسبك أم لا بالتوفيق |
يعطيك الف عافية اخوي المسافر ماقصرت |
اقتباس:
موقع الفندق مقابل البحر لكن نسبة الاستفادة منه ممكن 1% فقط يعني من الاخر ما تستفيد من البحر سوى مشاهدة من بعيد حتى الاطلاله اقل من عادية النقطة الاخرى لا يوجد خدمات قريبه تحتاج سيارة للوصول لها اذا كنتم شباب يوجد خيارات كثيرة غيرة اما اذا كنتم عائلة ولديك سيارة ايجار يومي فكلامي اعلاه لا يعنيك اتمنى لك التوفيق |
عذرا على التاخير في الرد.... انا بروح بأذن الله مع زوجتي وولدي عمر 8 سنوات وتنقلاتنا بتعتمد ع تطبيق بولت او التك توك (وهل هالوسيلتين أمنين بأذن الله والا ) |
انا استخدمتها و لم أرى اي شي مريب على العكس كان كل شي كان ممتاز جدا |
يعطيك الف عافية ويجزيك خير مراقبنا دائما حاضر للخدمة |
السلام عذرا ازعجنكم معنا بس ابي رايكم في فندق كرابي holiday Ao Nang beach Resort krabi |
اقتباس:
الفندق ممتاز خصوصا اذا معك اطفال راح ينبسطوا |
مشكور مراقبنا والله يجزاك عنا خير |
االسلام ..... عذرا لكثرة الاستفسارات :24: بس شنو الفعاليات اللي تتناسب مع وجود طفل عمر 8 سنوات في كرابي وبوكيت وهل تنصحوا برحلات الجزر مع طفل وايهما افضل بي بي إيلاند او جيمس بوند وشنو ترشحون من هذه الفعاليات ( تايغر كينغ دوم والاكواريوم وفانتازيا شو وانداموند) وهل في فعاليات غيرهم بعد |
عليكم السلام رحلة الجزر متعبه للاطفال انا ما انصح فيها ركوب الفيله - دبابات الدفع الرباعي رائعه جداً هذا مكان بعيدعن بوكيت ممكن تزوره وانت رايح كرابي القي نظره عليه https://maps.app.goo.gl/ESoh5oj4LxBND7xS9 اعتقد ان اسمه كذا ان لم تخوني الذاكره phang nga رحلات الجزر من كرابي ارخص في السعر و الوصول لها اقرب من بوكيت شراء تذاكر الفعاليات من شاطئ الباتونج ارخص من التوجهه للفعالية مباشرة وشراء التذاكر من هناك |
كفيت ووفيت مراقبنا ويعطيك الف عافية |
السلام... وصلت امس بوكيت بس جتني حرارة قوية وزمام في صيدلية قريبه في البانتونج وشنو المضاد الحيوي اللي متوفر هنا واحد جربه قبل |
سلامااااااااااات ما تشوف شر الصيدليات كثير اذكر فيه صيدليه في بداية شارع البنغلا قريب من مطعم الكويت لكن الافضل انك تنزل للاستقبال في الفندق وتقولهم ابغى طبيب هم راح يطلبوا لك تكسي يوصل والا هم يوصولك بسيارة الفندق طمنا عليك بالله |
سلامات, ان شالله تكون تحسنت طفل بعمر 8 سنين برأيي رح يستمتع بالرحلات البحرية |
اخبارك يا حساوي طمنا عليك ان شاء الله الصحة احسن |
| الساعة الآن 03:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO