|
استفسار قبل الحجز للمملكة المتحدة السلام عليكم ورحمة الله وبركاتة اسعد الله اوقاتكم بكل خير عندي سفرة بأذن الله موعدها من نص يوليو الى بداية اوغس حوالي 3اسابيع واتمنى ازور جلاسكو ادنبره مانشستر البحيرات لندن من جدة طبعا الرحلة عائلية زوجي وانا و2اطفال لندن ماعندي اي استفسار فيها وراح تكون العودة منها ان شاءالله سؤالي ابغى خط سير حلو ومريح ولا مانع من ايجار سيارة لكن اذا في بدائل يكون افضل باصات قطارات وكمان ابغى شقق بسنتر كل منطقة الميزانية غير محدده لكن ابغى شي معقول حرام ادفع بالسكن مبالغ كبيرة البحيرات هل ضروري يكون معانا سيارة الحقيقة اني قريت كذا موضوع لكن ماعرفت ارسم خط سير واتمنى الاقي الجواب هنا:e132: واذا عندكم اي زيادة او تعديل اتقبلة اكيد :13: وشكراً مقدماً |
و عليكم السلام صباح الخير طوق مسار الرحلة الافضل حسب رأيي لندن - مانشستر - البحيرات - ادنبره - لندن و طبعاً كلها بالقطار في كل المدن ما تحتاجوا سيارة شوفي مواضيع مهند عن الشقق في كل مدينة في البحيرات سكنت بهذا الفندق لا يفوتكم Inn on the Lake - Ullswater Hotel - 4 star Lake District Hotel في ادنبره ارشح لكم السكن بهذا المكان رائع سكنت فيه Chester Residence |
جزاك الله خير مو افضل محطة الوصول تختلف عن المغادرة بشيك على الفنادق للاسف شقق مهند ماناسبتني خاصة في مانشستر موقعها قريب من البارات ويقول بالليل الوضع مو اوكي |
اذا كان الوصول و المغادرة من نفس المدينة سعر تذكرة الطيران يكون ارخص هنا شقة في بيكاديللي قلب مانشستر SACO Manchester - Piccadilly | SACO Serviced Apartments | SACO Apartments | Serviced Apartments و اذا حابين فندق هذا سكنت فيه من الفنادق الشهيرة في مانشستر The Midland - QHotels, Manchester, UK - Booking.com |
حصلت ع طيران الامارات جدة جلاسكو لندن جدة بحدود ١٥الف وعلى السعودية جدة لندن جدة بحدود ١٣الف احس مو ذاك الفرق وممكن ادفع الفرق في القطارات اذا راح ارجع على لندن طيب ابغى اعرف افضل مناطق السكن في كل مدينة مانشستر ادنبرة او جيلاسكو ايهم افضل من حيث قربها من الاماكن المهمه وكمان البحيرات خيارات السكن قليلة واغلبها موتيلات تديرها عوائل ان شاءالله خلال هذي الاجازة راح نقرر خط السير والمدن المهمه حمدلله انه مانحتاج سيارة احس انها تتعب زوجي وتفقدة متعه الطريق رغم انها اريح لي انا طيب مبدأياً جيلاسكو ادنبرة ٧ايام البحيرات ٣ايام مانشستر ٦ايام لندن ٥ايام حلو كذا ولا :e10d: |
ياهلا ومرحبا مميزتنا طوق اول شي خلينا نعرف بعض الامور عشان نقدر نرتب لج مخطط ممتاز ان شاء الله 1- تفضلين الطيران دايركت او اهم شي السعر !! 2- بالنسبه اذا كنتي تفكرين بموضوع الدايركت من جده الطيران السعودي يروح لندن ومانشستر دايركت لكن مايروح لا ادنبره ولا جلاسكو اذا كنتي تبغين الدايركت فقط المخطط : على الطيران السعودي الوصول مانشستر - البحيرات - جلاسكو - أدنبره وبعدها طيران من ادنبره الى لندن والعوده منها الى جده هذا في حاله الرحلات الدايركت اما اذا ماعندكم مشكله في الترانزيت جده - ادنبره - جلاسكو - البحيرات - مانشستر - لندن والعوده من لندن الى جده او العكس الوصول لندن والعوده من ادنبره بالنسبه لــ ادنبره وجلاسكو ان شاء الله برتب لج السكن والجدول لاتحاتينهم وباقي الاماكن ان شاء الله جلاسكو : مدينه تسوق بالدرجه الاولى يعني لاتفكرون بأماكن سياحيه كثيره لكن عن طريقها ممكن تنظمون لكم رحلات خارجيه # من جلاسكو تروحون ثيم بارك بالباص # من جلاسكو تروحون بحيره لوخ ليموند بقريه بولاخ ادنبره : شعب محترم جدا ودود مساعد مدينه حلوه وخاصه شارع المايل وشارع البرنسس واماكنها الحلوه راح اذكرها لج ان شاء الله وسفاري بارك حلوه قريبه من مدينه ستيرلنغ المشاركه الجايه ان شاء الله بتكون للفنادق تقسيم الايام ادنبره 4 ايام جلاسكو 4 ايام البحيرات 3 ايام مانشستر 5 ( يوم منها ليفربول - يوم منها بلاك بول - يوم منها ملاهي التون تاور ) لانها كمدينه ماتستاهل اكثر من يومين من وجهه نظري لندن 5 ايام |
قبل لا اعطيج الفنادق ممكن تعطيني كم شخص انتو ! معاكم اطفال ام لا ! تفضلون شقق او فنادق ! |
القطري وكعادتك دايما المنقذ ماشاءالله احنا ٤زوجي وانا وطفلين ١١و٩ افضل شقق بغرفتين وبخصوص الطيران والله محتارة لكن اظن اني بحجز ع السعودية لان ترانزيت دبي طويل حوالي ٦ساعات |
العفووو اختي طوق وتسلمين على الكلام الطيب معليه انا تأخرت قاعد اشوف افضل الرحلات لكم الي توصلت له انكم تحجزون على الطيران السعودي الذهاب بتاريخ 16 يوليو والعوده بتاريخ 5 اغسطس الذهاب من جدة الى مانشستر العوده من لندن الى جدة سعر التذاكر لعدد 2 كبار + 2 اطفال = 10.740 ريال والذهاب والعوده مباشره اذا التاريخ مناسبج بعطيج تواريخ ثانيه تختارين مابينها الذهاب في شهر يوليو ؛ 16 - 17 العوده في شهر اغسطس : التواريخ من 1 الى 8 اغسطس ماعدا يوم 3 اغسطس و يوم 7 اغسطس رتبي رحلتج على اساس هذي التواريخ راح تكون سعر تذكرتكم 10.740 ريال |
حلو الوقت جدا مناسب ونفس التواريخ الي ببالي تقريبا :18: |
حلوووووو :14: احجز الذهاب جدة مانشستر 16 او 17 يوليو العوده لندن بنفس التواريخ المذكوره في اغسطس والسعر اتوقع ممتاز جدا صح على اساس عقب مانشستر تروحين البحيرات وبعدها جلاسكو واخيرا ادنبره وعقب طيران داخلي الى لندن والعوده من لندن الى جدة الحين قاعد اشوف لج الفنادق في ادنبره وجلاسكو بحصرهم لج ونختار مع بعض من بينهم لاني ماجربت شققهم بس اي شقه نختارها انا علي موقع الشقه يكون ممتاز لما اخلص اخبرج ان شاء الله |
من ادنبرة الى لندن مايصير قطار كم المدة |
الا في قطار وكل الرحلات دايركت لكن اسرع رحله توصل في 4:20 و اطول رحله توصل في 5:39 |
الله يسهل اموركم يا ام محمد وابو سعد ما شاءالله يساعد الجميع ويسهل امورهم بارك الله فيه |
بو سعد اذا من مانشستر ابي رحلات يوم واحد وارجع مانشستر وين اروح غير ليفربول وبلاكبول بلاكبول ضروري نروح لها يوم نحبها وايد بس نبي اماكن ثانيه وحتى بمانشستر شنو الحلو غير الاسواق والسنتر |
الله يمهل لكم وييسر سفركم ويطوي خطركم ... ابو سعد الموسوعه ماشاء الله مايحتاج وما يقصر ابد ... هذا سكنته بمانشيستر وقريب من اماكن كثير والسنتر قريب مشي وقريب اعتقد من القطار ... https://www.booking.com/hotel/gb/pal...5fa9c3d;dcid=2 البحيرات احس يكتمل جمالها بالسيارة لانها ارياف والاماكن اللي الواحد وده يوقف عندها كثيره |
ام حسين هلا بك تسلمين كثري اسئلة خلينا نستفيد لوووول |
ابوعبدالله ممكن نستأجر سيارة يومين بس للبحيرات ايش رايك |
اقتباس:
|
ابوعبدالله جزاك الله خير ماقصرت اذا عندك راي او مشورة ابدي رايك |
تم الحجز جدة مانشستر 24يوليو لندن جدة14/اوغس اللهم لك الحمد |
يا ام محمد كان اخرتي سفرتج شوي ههههه بس ميخالف ...احنا بعد رجعتكم اي مكان جديد واي ملاحظه تشوفينها بلغيني علشان اخذ فكره ويمكن اروح لها :6: ودي اروح البحيرات وكنت متخوفه من طول الطريج بس مدامها ساعه رايحه رايحه ان شاءالله بس ابي بالقطار يابو عبدالله شنو المحطه اللي اقدر اروح منها والمحطه اللي بنزل فيها جزاك الله خير :e304::e304: |
مالنا نصيب نتقابل انا مازرت مانشستر ولا البحيرات حدي لندن وماامل منها :18: وين بتسكنون ولا ماقررتوا الصيف اللي فات سكنا بشقق عجيبة لكن ناسية اسمها وماحصلتها ببوكنج هي قريبة من محطة قطار بادنقتون |
معليش الطريق ساعتين وشوي من مانشيستر ... انا كنت رايح من بلاكبول يوم ماعجبتنا وكانت ساعة من بلاكبول ... بس الطريق جننننة وحلو مرررره .. جبال خضراء ووسطها بحيرات رائعه سبحان الخلاق وانهار وجداول ... لو بقول شي بقول لاتروحون بلاكبول ( هذا رايي وحاط موضوع عنها ويمكن تعجبكم بس انا حسيتها مقلب لنا) اليوم حق بلاكبول زيدوه بلندن طبعا فيه ناس كثيرين معجبتهم بلاكبول ... ام حسين من وين بتروحين البحيرات ؟ |
تسلم ابو عبدالله رايك يُحترم جزاك الله خير |
اقتباس:
وثاني اسبوع حجزنا بمانشستر باقي اخر اسبوع لندن مادري وين احجز اذا عندج اسم الشقق او رابط دزي لي بالخاص :18: |
اقتباس:
نحب اجوائها البحيرات اذا الله راد ان شاءالله اروح لها من مانشستر |
اقتباس:
العفووو يا ام حسين يعني هالمكانين اهم شي وتقدرين البحيرات وتقدرين تروحين ملاهي التون تاور وتقدرين تروحين برمنغهام فيها جاليه مسلمه كبيره وبتحصلين اتوقع وايد من ربعكم يدرسون هناك واذا تبغون تشوفون يورك بعد ممكن حسب الايام الي عندكم |
اقتباس:
انا اعرف الشقه صح ههههههه تبغين اسمها وعنوانها !! |
اقتباس:
من مانشستر الى البحيرات بالقطار مابين 1:33 الى ساعتين حسب الرحله اسرع رحله 1:33 بس تبديل قطار واحد اما الرحله الدايركت يتحرك القطار الساعه 9:46 الصبح وياخذ مسافه 1:52 اسم محطه القطار في مانشستر ( محطه بيكاديلي ) اسم محطه الوصول في البحيرات ( Windermere ) اسم منطقه البحيرات Lake Distrect |
ام حسين تبغي تروح بلاك بول خاطرها في لعبه البيبسي بوكس هههههههه :18: |
مبدددددددع يا بوعبدالله جزاك الله خير يا عسل |
القطري ايوووووه ايش اسم الشقق ناسية ذكرني:e020: |
صح كلامج مب موجوده وغير معروضه للحجز مادري شسالفتهم بس العماره اسمها FG Property - Chelsea Westbourne Terrace بس مادري الشقق كلها بنفس الاسم بالنسبه للمبنى او الشقه لها اسم خاص |
وبعدين اختي طوق انتي من اي موقع حجزتيها بتحصلينها في مكان حجوزاتج بالموقع او بتحصلينها با الايميل |
حجزتها من بوكنج لكن مو موجوده اسمها ثري ابارتمنت بادنقتون اصلا بعد حجزي بفتره انشالت من البوكنج واذكر اني سألتك وكنت قلقانه انهم شالوها |
ابغى شقق بمستواها وسعرها وموقعها وخدماتها :72: الحجز لمدة اسبوع شقة ٣غرف وصالة مكونة من طابقين وشرفتين بسعر١١الف ريال سعودي سعر جدا ممتاز اتوقع لو احجز غرفتين بس بيكون ارخص |
مرحبا اختي طوق السموحه على التأخير انا جمعت لج مجموعه من الشقق طبعا انا علي اختار لج موقعهم وبعدها انا اونتي نشوف الشقق المناسبه لكم كل الشقق المختاره توجد بمنطقتين 1- ادنبره ( البلده القديمه ) 2- ادنبره ( البلده الجديده ) والمنطقتين جنب بعض ماتفرق تحجزين بأي مكان فيهم يفصل بين المنطقتين فقط شارع الرنسس وهذا شارع جهه كامله كلها محلات تجاريه والجهه الثانيه حديقه البرنسس وفوقها قلعه ادنبره والباقي من الجهه محطه قطارات ادنبره تفضلي الشقق واي شقه تبغين تستفسرين عنها او عن موقعها خبريني واعطيج معلومات اكثر Booking.com: ط´ظ‚ظ‚ My-Canning Street Aparts - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: ط´ظ‚ظ‚ ط£ط¬ظ†طط© ط¨ط±ظٹظ†ط³ط² ط³طھط±ظٹطھ - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: ط´ظ‚ظ‚ ط³طھط§ظٹ ط¥ط¯ظ†ط¨ط±ط© ط³ظٹطھظٹ - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: Burnets Apartments - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: Greyfriars Apartments - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: ط´ظ‚ظ‚ ط³ط§ظ†طھ ط¬ط§ظٹظ„ط² - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: ط¯ظٹط³طھظٹظ†ظٹ ط§ط³ظƒطھظ„ظ†ط¯ط§ - ط´ظ‚ظ‚ ظ‡ظٹظ„ ط³طھط±ظٹطھ - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: ط¯ظٹط³طھظٹظ†ظٹ ط§ط³ظƒطھظ„ظ†ط¯ط§ - ط´ظ‚ظ‚ ط¬ظˆط±ط¬ IV - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: Princes Street Residence - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© Booking.com: ط´ظ‚ظ‚ Capital Retreats - ط¥ط¯ظ†ط¨ط±ط©, ط§ظ„ظ…ظ…ظ„ظƒط© ط§ظ„ظ…طھطط¯ط© والجسر الي يفصل بين البلده القديمه والجديده ويمر فوق محطه القطار اسمه الجسر الشمالي ( نورث بريدج ) لازم تحفظين اسمه احتمال كبير راح ينفعج وهذا اهم جسر واصل بين شارع البرنسس وشارع المايل |
الله يسعدك في 5شقق انا كنت حاطتهم ببالي وانت رشحتهم لي الله يجزاك خير مدة الاقلمة في ادنبرة من 1الى6 اوغس 5ليالي وبكذا راح الغي الاقامة في جلاسكو **اجنحة برينسز ستريت **ستاي ادنبرة سيتي **سانت جايلز **ديستيني هيل ستريت ** ice cream suiteايش رايك بذي:1: |
| الساعة الآن 09:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO