|
مغامرة في انهار بريطانيا السلام عليكم ... اخباركم ؟ كل واحد له مزاج بالسفر ... احد يحب الصخب ... احد يحب الهدوء... ناس تحب الاسواق... ناس تحب الطبيعة ... انا احب المشي ... انت تحب المواصلات ... هو يبي شي مذهل... هي تبي شي اكشن ... كل هذا هنا... تبي متعه عندنا ... تبي اثارة ( عندنا ) ... تبي مغامرة ( عندنا ) ... ماتدري وش تبي ( عندنا بعد ) ... سلمني مفاتيحك وخل السواقه علي هالمره ... انك تقدم على شي وانت ماتدري انت مقبل على ايش هذا بحد ذاته اثارة ... ان الاسئلة تدور براسك وماعندك جواب ( ؟ ) ... دايم بسفراتي اعرف وش انا رايح له واصير حاط خطوط عريضه ورئيسية ... بس هذي اول مره اروح ( ادربي راسي ) .. انا مادري هل التجربة طرحت في المنتديات العربية او لا ... بس بعد باريس سئلت بريطانيين وش تقترحون اسوي ، وش عندكم بديرتكم ؟ واكتشتفت خيارين الى الان ممتازين على الاقل بالنسبة لي ... اليوم اطرح خيار منهم .. وهو متوفر في كل بريطانيا ... وغير محدود بمنطقة معينة ... سواء في الشمال او الجنوب ... انجلترا او ايرلندا او ويلز ... وفيه بعد بدول اوربيه ثانيه نفس الفكره ... في فرنسا وهولند والنرويج وغيرهم ...تجربة انك تركب بوت او قارب وياخذ بك جولة هذي معروفه ومجربة وجربتها انا بماليزيا في رحلة المانقروف ودبي والدمام وغيرها .. تجربة اني اركب سفينه مطعم وتمشي بنا هذي معروفة ومنتشرة بالعالم بعد ... تجربة الكروز معروفة وفي هنا تقريرين كبار لاثنين من كبار الخبراء تقرير قطري ( ابو سعد ) وتقرير هداوة ( ام عيسى ) ... وان شاء الله يصير لي تقرير قريب بعد ( لاني احسها تجربه ممتعه جدا ) ... بس انك انت تستاجر بوت كأنك مستاجر سيارة !! انت تسوقه !! انت قبطانه !! مسؤول عن تحريكه وعن توقيفه !! تمشي اذا بغيت وتوقف اذا بغيت !! مسؤول تشيك الوقود حقه وتفحص موية الاديتر له !! انت اللي ترسوا به في المراسي !! احيانا يكون المرسى جذع شجرة !! تقفز من البوت وهو يمشي ومعك الحبل عشان تربطه !! تسحبه للجال !! يساعدك افراد عائلتك !! يرمون لك بالحبال الاخرى ...لا احد غريب معكم !! عادي تصدم به في المرسى !! او احد يصدمك ويضحك !! تجارب بالنسبة لي جديدة والغريب ما سأقوله لكم في ثنايا هذا التقرير البسيط ... اعذروني ان تعاظم الموضوع اكبر من توقعاتكم ... ولكن .. لو علمت عن زيارة احد لربما اجبرته اجبارا على خوض التجربة ... ولربما تركت اسئلته تدور براسه بدون جواب ... التجربة هذي ارشحها بقوووه وبقوه وبقوه لأي احد ... حتى كبار السن رأيتهم هناك... فمن لايعشق الجمال .. او الاثارة .. او الدهشة ... اترككم للنشبة الكبرى والمعضلة العظمى ومانعة التقارير ومحطمة الاقلام ... اترككم واروح ارفع بعض الصور وارجع :26::15: .... |
وعليكم السلام والرحمة في انتظار بقية التقرير والصور احب النوع دة من التقارير والرحلات ولو اني اخاااااف من الامور اللي فيها مجازفة:27::yolks00180:(احس انك تركب البحر في حد زاته مجازفة بغض النظر عن الوسيلة ) لكن صراحة ممكن بقرائتي لتقريرك افكر اجربها مع العيلةواطرح الفكرة عليهم وخصوصا انها الرحلة نهرية مش بحرية :) |
مغامرة مجنونة من جد ضحكتني مدربي راسك ننتظر تفاصيل تجربتك :42: القبطان نامق |
اقتباس:
اقتباس:
حياكم الله وشكرا لحضوركم ... والان جزء جديد |
طبعا بما ان كثيرين يجهزون لسفرة الصيف ومن باب حب لاخيك ماتحب لنفسك ... ويمكن يعجبهم ويضعونه ضمن خططهم ... فسأستغل الفرصه واقدم التقرير كالعاده ( حوسة ) ... مجهز حوالي 500 صورة :7: ...بس مدري كم بنزل ...كثير من الناس بيجون بريطانيا بعد رمضان ... وهو بيكون هنا من اجمل الاوقات ... خصوصا الارياف ... وبتقريري هذا بتشوفون الريف الانجليزي بوجه اخر :18: ... سموها سفاري ان صحت التسمية ... بس على ظهر البوت ... سياحة الابوات او قوارب النزهات سوقها رائج هنا وبقوة ويلزمك احيانا تحجز بدري ... افكر اعيد التجربة بعد رمضان ان شاء الله لعدة اسباب ... اولها واهمها جمال التجربة وروعة الاحساس ... ثانيها الربيع تأخر شوي ولازالت اثار الشتاء باقية في كثير من الاماكن وخصوصا الاشجار توها بادية تورق ويمكن يبيلها شهر من الان او اكثر شوي .... ثالثا - كثير يوجد الكثير من الفعاليات في طريقك وانت في النهر ( ملاهي ، محميات طبيعية ، جولات الغابات وغيرها ) وطبعا على حسب مكان النهر اعتقد ... رابعا - اخذنا المره هذي البوت ثلاثة ايام وكان اللي يسلمناه مثل المستغرب ليش مااخذنا اسبوع ؟!! واحنا اصلا كنا نبي يومين بس قالوا اقل شي ثلاث ايام . وفعلا ابي اعيدها وبمدة اطول ... التجربة ممتعه لكل افراد العائلة ... وسعرها بعد حلو مرررره ... ارخص اي استراحة او مخيم ... بس اجمل ... عاد اللي يحبون الكشتات اعتقد قمة الالم لهم مغادرة هذا المكان ... بحثت عن تأجير الابوات في بريطانيا وتفاجات انها موجودة في كل بريطانيا تقريبا ... فيكفي انك تبحث بالمنطقة اللي بتسافر لها وبيطلعون لك وممكن اساعد اللي يحتاج في البحث ...كنا نفكر نجرب البوت لمدة يومين لان مانعرف اي شي عنه ولا وش وضعه ... دخلنا الموقع ولقينا الابوات اشكال والوان ... من شخصين الى 10 اشخاص ... مايشترطون انك تعرف تسوق بوت او حتى سبق ركبته ... حتى لو ماسبق شفته مو مشكلة !!!!! اتصلنا عليهم لان موب متاكد من سالفة اني بسوق وانا مامعي رخصة !!! :e201: قالوا اقل شي ثلاث ايام ... والابوات المتوفرة محدودة لان عليها طلب واحنا نبي نحجز قبل اسبوعين من الاجازة ... اجازة المدارس ... يعني موسم ... بالمناسبة هنا الاجازت تنخفض الاسعار وتزين العروض ويساعدون الناس انها تستمتع بالاجازة ومايستغلون ظروفك (بحجة انه موسم ) . علمونا الموجود عندهم واخذنا شي مناسب لنا وكان 3 ايام بـ 300 باوند شامل التأمين و 75 باوند تأمين الوقود ... طبعا مثل نظام السيارات تستاجر الوقود فل ترجعه فل ... لو استأجرت البوت وفيه مثلا بـ 75 باوند ديزل وقبل نهاية جولتك مثلا عبيته بـ 100 باوند اذا رجعته يحسبون الليترات واللي فوق 75 باوند يرجعونه لك يعني مايقولون محد قال لك عب زياده .. فيه ريفاوند يعني ... والديزل عاد مايصرف .... انا 3 ايام وماكنت اوقف الا قليل مرررره واخذوا علي زيادة 81 بنس ( اقل من باوند ) ...ترا انا اطلع عن الموضوع لموضوع واستطرد وانسى ...اللي بيستفسر عن نقطه معينه عادي بس يقول ...حجزنا وسحبوا فلوسهم على طول ... وجلسنا نفكر وش نسوي بهالورطه ... وش ناخذ معنا ... طيب وش تجهيزاته !! وارجع اقرا مميزاته والقى البطانيات والواي فاي والمطبخ ... بس مدري المطبخ وش تجهيزاته وهل فيه ثلاجه او لا ؟ ونكلمهم ثانيه ويقولون بعضها يجي فيه ثلاجه وحقكم فيه ...ونسينا نسئلهم عن اغراض المطبخ :16:... لانه بوت موب اوتيل ... قررنا نشيل اغراضنا معنا من الملعقه مرورا بالصحون وانتهاء بالقدر ... رايحين نفلها موب نتحسر :14:...ونجمع الشناط حقة الملابس ونقلبها عزبة ... ملاعق ، سكاكين ، شوك، ملاس،سكين تقطيع، مفك ، فرادة ، قدر كبير ، مقلاة ... خذت الاغراض شنطة ونص واخذنا تموين للطبخ ( ارز ومكرونه ودقيق ) وملحقاته من بهارات وصلصة وخضار وفاكهة واخذنا سناكات واخذنا (((((((( قدوع ))))))))) وتراه مهم لاتنسونه . والشاهي والقهوة والسكر والهيل ،والعصاير الخ ، في اليوم الموعود قمنا وكنا مخلين بعض الاشياء ناخذها طازجه مثل الدجاج والفواكه وموية الشرب ع الطريق لان مدري عن وضع المويه للشرب والطبخ ...اللي بيروح يكتب قائمتي اللي فوق ...كان موعد استلام البوت الساعة الثانية والنصف بعد الظهر وهم بعيدين عننا حوالي ساعة ونص ... هم في نارويتش ... وصنا لهم على الوقت وسلمونا ستر النجاة للصغار وللكبار .... http://www.arabtrvl.com/vb/picture.p...ictureid=49459 وقالوا البوت هناك روحوا له وبيجيكم واحد الان ... رحنا بالسيارة عشان ننزل الاغراض ووقفنا جنب البوت http://www.arabtrvl.com/vb/picture.p...ictureid=49460 وجانا واحد وقال بسوي معكم جرد للبوت واعلمكم وش تسوون بما انكم اول مرة ... نزلنا معه للبوت ... الدخول مع ورا كان http://www.arabtrvl.com/vb/picture.p...ictureid=49461 اليمين غرفة صغيره مره فيها سرير لشخص واحد ودولاب ... http://www.arabtrvl.com/vb/picture.p...ictureid=49485 http://www.arabtrvl.com/vb/picture.p...ictureid=49475 http://www.arabtrvl.com/vb/picture.p...ictureid=49474 واليسار دورة مياه ( اجلكم الله ) http://www.arabtrvl.com/vb/picture.p...ictureid=49463 http://www.arabtrvl.com/vb/picture.p...ictureid=49462 طبعا مافيه شطاف .... ونظيفه مرررره ... وفيه سخان ... بعد الغرفة الصغيرة غرفة اكبر وفيها دروج يمكن 4 وفيها دولاب صغير للتعليق وسرير كبير .. http://www.arabtrvl.com/vb/picture.p...ictureid=49484 http://www.arabtrvl.com/vb/picture.p...ictureid=49487 المفارش مرررره نظيفه والوسائد اعتقد جديده بس ميب رفيعه ... قدام الغرفة الكبيرة يجي المطبخ .. http://www.arabtrvl.com/vb/picture.p...ictureid=49483 فرن غاز ( فيه اسطوانتين غاز في البوت موجودات برا يعني ماراح تشوفونهن الا اول مره عند الجرد ) وفيه ثلاجه صغيره بفريزر + وفيه مجلى صغير ودولاب مطبخ ... http://www.arabtrvl.com/vb/picture.p...ictureid=49482 http://www.arabtrvl.com/vb/picture.p...ictureid=49467 اللي فيه هذي اغراضنا .. http://www.arabtrvl.com/vb/picture.p...ictureid=49489 اللي كتب الاغراض من فوق يرجع يمسح المواعين ، فيه كل الادوات حتى القدور بس صغيره ،حتى الملاحه موجوده ، بس جيبوا التموين ... واذا تابعتوا التقرير بتشوفون شي ثاني ينمسح ... قدام الفرن فيه صندوق كبير وهذا هو http://www.arabtrvl.com/vb/picture.p...ictureid=49472 مكينة البوت ... قال تشيكون الزيت والمويه كل صبح وفيه في البوت برا علبة زيت ( بس ماحتجناها ابد ) .... في المقدمة فيه اللي تشوفون مكان السواق في غرفة الجلوس http://www.arabtrvl.com/vb/picture.p...ictureid=49468 فيه مقعدين كبار على جنب وممكن يستخدمن سراير http://www.arabtrvl.com/vb/picture.p...ictureid=49479 http://www.arabtrvl.com/vb/picture.p...ictureid=49469 مع مساحات تخزين اسفلها ... http://www.arabtrvl.com/vb/picture.p...ictureid=49481 فيه تلفزيون ملحق به دي في دي http://www.arabtrvl.com/vb/picture.p...ictureid=49476 - في محلات باوند لاند فيه افلام دي في دي بـ واحد باوند .. وتشتغل القنوات المحليه بواسطة اريل ( موجود بالبوت تشبكونه من برا وتحطونه فوق ) فيه طاولة اكل http://www.arabtrvl.com/vb/picture.p...ictureid=49480 فيه واي فاي مجاني (بعد ماتشبكون عليه يفتح المتصفح وتسجلون بياناتكم ويرسل رقم التفعيل ع الجوال لاول مره بس ) ثم باقي المرات يكفي تسجيل الدخول ع الشبكة وفتح المتصفح والانتظار الين تجي صفحة ( قيت ستارت ) تضغطونه وخلاص .. فيه بعد دفاية هوا ...موزعه فتحاتها في البوت وممكن تشتغل لمدة 4 ساعات بعد ايقاف المحرك .. وعادي استعمال الكهرب بعد اطفاء المحرك لان فيه بطاريه للمحرك وبطارية للاستعمال الكهرب مثل الانارة والشواحن والتلفزيون الخ ... في الخلف فيه مساحتين تخزين وحده فيه دبتين غاز والثانيه هذي http://www.arabtrvl.com/vb/picture.p...ictureid=49471 اطناب لو حبيتوا ترسون على جنب النهر ومافيه مربط تغرسونها بالارض وتربطون البوت ... وفيه مقدمه جميله تشيل طاولة الاكل وممكن الجلوس فيها او حتى الجلوس في المقدمة وتعلقون رجليكم برا اثناء الابحار ( تجربة لاتنسى ) :18::18::18: http://www.arabtrvl.com/vb/picture.p...ictureid=49470 طبعا فيها فتحة سقف كبيره ... وطبعا المميزات تختلف من بوت لاخر ...فيه انواع فيها جلسة في السطح وبعضها النصف الامامي ينفتح بشكل كامل ( يرجع نصف غطاء الكبينه للخلف وتصيرون كنكم جالسين برا ) وفيه ابوات دورين ... البوت الدورين حلو وتشوف من فوق بس مشكلته احيانا الجسور مايقدر يمر من تحتها كلها ... الى هنا خلصنا البوت ومرافقه والجزء القادم ننطلق معكم ونشوف وش اللي صار .... كونوا بخير ... وعودوا |
يا سلام خوش بوت متابعين معاك للآخر يابو عبدالله |
تجربة جميلة و فريدة من نوعها يا كابتن ما شاء الله البوت متكامل نبغى نعرف كيف كانت تجربة القيادة تقرير روعة يابو عبدالله |
فعلاً شي مشوووق ويحتاج جراءة ماشاءالله عليكم جد غامرتوا ننتظر باقي المغامرة |
ما شاء الله يبدو من السياق بالحديث كانت تجربة جداً رائعة ان انبسطت فيها وماني معكم [emoji57] << مُتَابِع تحياتي أرسلت بواسطة iPhone بإستخدام Tapatalk |
يا سلام على جوك يا ابو عبدالله ان شاء الله بجربها الصيفيه |
تجربه جديده ومغامرة حلوه متابعين معاك الرحلة |
تسلم على هالتقرير ابو عبدالله وسعر البوت مره حلو انت لو تروح دبي تحجز ساعه ب 1500 ناس تستقطب وتنمي سياحتها وناس تدور دخل الفكره جميله بجد استمتعنا مع بالاجواء الله يعطيك العافيه على هالتقرير الفريد من نوعه |
اقتباس:
اقتباس:
اقتباس:
اقتباس:
سعيد بمتابعتك .. اقتباس:
اقتباس:
اقتباس:
حياكم الله جميعا وشكرا لحضوركم ودعمكم ... اجهز الجزء الجديد وارجع به ان شاء الله |
ماشاء الله تجربه رائعه بدل الكشتات بالمخيمات تكشت ببوت متابعين |
اقتباس:
شاكر لك حضورك ودعمك .... والان جزء جديد |
بعد ما جرد الموظف معنا الاشياء اللي لازم ننتبه لها ( المرساة ، الاطناب ، الغاز ، اريل التلفزيون ، عصا طويلة تساعد في دفع البوت عن المرسى وقت الحاجة ...الخ ) قال لنا بروح 10 دقايق وارجع اعلمكم عليه ... رتبنا اغراضنا في الاداراج وحطيت السيارة بالمواقف قدام المراسى ( مواقف مجانية تابعة للشركة ) ... ورحت للبوت ... الخطوة عن خطوتين واحيانا ثلاث ... وما احسن ما قال المتنبي : لقد دب الهوى لك في فؤادي *** دبيب دم الحياة إلى عروقي موضوع الجو كان غايب عن البال تقريبا ...وماانتبهنا له الا بعد الحجز بفترة وان الجو بيكون اكثره ممطر ... بس دايم اقول ان العلم اولا واخيرا عند الله سبحانه وكلها توقعات ... وان شاء الله ماتضبط التوقعات ويصير جونا حلو .... الجو يوم الرحله كان يبشر بخير وانه بيكون يوم مشمس نسبيا وهادئ ... طبعا احنا عارفين انه الربيع لسى في بداياته وتو الاشجار بادية تورق ... يعني مافيه خضره بشكل كبير .... الطيور منتشرة بكل مكان http://www.arabtrvl.com/vb/picture.p...ictureid=49539 http://www.arabtrvl.com/vb/picture.p...ictureid=49540 http://www.arabtrvl.com/vb/picture.p...ictureid=49541 وش هالنشبه ... كيف بنطلع http://www.arabtrvl.com/vb/picture.p...ictureid=49542 جاء الموظف مره ثانيه وعلمنا كيف نشغل ونطفي وعلمنا على اللوحات في امام السواق http://www.arabtrvl.com/vb/picture.p...ictureid=49543 ثم قال يلا ورنا مشيك يا فلان .... وبسم الله واشغل وامشي بشويش... وطلع المقود سهل التعامل معه وازيد السرعه .... قلنا له كيف نرجع لك بعدين ؟! احس انه سؤال وجيه !! قال عادي ماراح تضيعون !!!! وقال لو احتجتوا مساعده اتصلوا واحنا نجيكم ... قلت خلاص اجل ... انس موضوع كيف نرجع لكم .... النية ضيعه ... نسيت اقول لكم انهم معطينا كتاب عن البوت كيف تتعامل معه وكيف توقف وكذا وخريطه... وطبعا كعربي اصيل ... رميته بالدرج ... وماشفته الا بالليل يوم وقفنا وخلصنا من نص التعليمات بروحنا ....رجعنا نرجع الموظف وطبعا كان معلمنا انه بما ان ايجارنا لمدة ثلاثة ايام فما نحتاج للتزود بالوقود ... لان الديزل اللي فيه يكفي اسبوع ... والموية ممكن نحتاج نعبي كل يوم ... قلت من وين ؟ قال عادي بالطريق بتلقون اماكن كثيرة للتزود بالديزل او المويه او لشفط الصرف الصحي اجلكم الله ... المويه قال غالبا مجانية ولو احد طلب فلوس فغالبا 50 بنس ( نصف باوند ) وبالمناسبة المويه صالحة للطبخ وفيه فلتر صالح للشرب ( بس ماعجبني طعمها للشرب ) بس للطبخ والشاي والقهوة كانت عاديه وماحسينا بشي ... احنا اصلا كنا ماخذين موية بس رجعنا بها لان مويتهم مناسبة للطبخ ... وعلمنا ان فيه كثير مواقف مجانية ... وانه لازم مانوقف في المواقف الخاصة ... او المكتوب ممنوع الوقف هنا .. http://www.arabtrvl.com/vb/picture.p...ictureid=49544 بعد ما نزلنا الرجال ... انطلقنا بعون الله ... لوحدنا ... في بوتنا ... لا سائق يمنع حريتنا ... كأننا في بيتنا ( المتحرك ) ... بدأت فعاليات الاطفال ... لعب وصراخ ... وهذا كيف يشتغل ... وهذي بطه قدامنا بابا لا تصدمها ... لوحات اسماء الانهار مثل اسماء الطرق هذا نهر آنت اللي نطلقنا منها http://www.arabtrvl.com/vb/picture.p...ictureid=49545 http://www.arabtrvl.com/vb/picture.p...ictureid=49546 مناظر على جانبي النهر http://www.arabtrvl.com/vb/picture.p...ictureid=49547 مشاهد تتغير باستمرار http://www.arabtrvl.com/vb/picture.p...ictureid=49548 فيه بعد ردارات سرعه !!! http://www.arabtrvl.com/vb/picture.p...ictureid=49560 http://www.arabtrvl.com/vb/picture.p...ictureid=49563 http://www.arabtrvl.com/vb/picture.p...ictureid=49564 http://www.arabtrvl.com/vb/picture.p...ictureid=49565 الجوانب بعد شهر او اكثر شوي من الان بتكون كلها خضراء باذن الله .. http://www.arabtrvl.com/vb/picture.p...ictureid=49566 http://www.arabtrvl.com/vb/picture.p...ictureid=49561 http://www.arabtrvl.com/vb/picture.p...ictureid=49562 http://www.arabtrvl.com/vb/picture.p...ictureid=49550 تقابلك احيانا ابوات ثانية ... http://www.arabtrvl.com/vb/picture.p...ictureid=49552 تمر احيانا بقرى .. http://www.arabtrvl.com/vb/picture.p...ictureid=49553 او مزارع http://www.arabtrvl.com/vb/picture.p...ictureid=49554 او براري خاليه http://www.arabtrvl.com/vb/picture.p...ictureid=49555 http://www.arabtrvl.com/vb/picture.p...ictureid=49556 ام عبدالله اخذت دورها في قيادة البوت ... وبالمناسبة البوت له 4 قباطنه ... كل افراد العائلة جربوا واستمتعوا بقيادته ... وبما انه اقترب وقت المغيب ... واحنا لسى جديدين في الشغله ... وكنا شايفين في النهر اكثر من مرسى ... بتشوفون صورهم ... اخترنا نوقف هنا ... وبدأت فعالية اول توقف حقيقي.. اول توقف بدون موظف يوجه او يساعد ... خففت السرعه واقتربت من اليابسه بشويش ... اول مره التدئه الكبرى كانت بصدم الميناء .... ونزلت بالحبل http://www.arabtrvl.com/vb/picture.p...ictureid=49567 البوت خفيف نسبيا عشان المويه ... ويستجيب للسحب ...او الدفع ... كل المراسي مجهزة باماكن للربط .. والمراسي تختلف احيانا التوقف يكون على جنب مثل الان ... واحيانا للخلف ... وموجود في البوت حبل في الامام + مرساة للتثبيت حال التوقف بالخلف ... وموجود حبلين في خلف البوت للتثبيت مع الزوايا ... جيران .... http://www.arabtrvl.com/vb/picture.p...ictureid=49559 موقف بعيد عن اللي ورانا ... والصبح كانت هذي المساحه كلها مليانه ... http://www.arabtrvl.com/vb/picture.p...ictureid=49568 http://www.arabtrvl.com/vb/picture.p...ictureid=49576 شبينا على الغدا العشاء .... والقهوة http://www.arabtrvl.com/vb/picture.p...ictureid=49558 قهوتنا ... http://www.arabtrvl.com/vb/picture.p...ictureid=49569 البوت مثبت ... بوجود جيراننا الحلوين http://www.arabtrvl.com/vb/picture.p...ictureid=49570 http://www.arabtrvl.com/vb/picture.p...ictureid=49572 http://www.arabtrvl.com/vb/picture.p...ictureid=49571 http://www.arabtrvl.com/vb/picture.p...ictureid=49573 اول وجبة بوتيه .... الاواني موجوده كامله مع البوت .... http://www.arabtrvl.com/vb/picture.p...ictureid=49574 طلعنا نشرب الشاهي بعد العشاء برا ... وكان الجو حلو ... بس شوي وبدأ المطر ودخلنا ... النت كان حلو وسريع وشغل كل الاجهزة اللي معنا... 4 جوالات ولاب توب ...طبعا حسب مكان توقفك اذا كان قريب من قرية فيكون النت زين.. الشاحن الموجود مثل شاحن السيارة ... لذلك انصخ باخذ اللي له منفذين او اكثر ... فيه فيش بدورة المياه عشان الاستشوار ( ممكن يوفرون استشوار برسوم اضافيه ) ... ثم الى تجربة اخرى ... تجربة اول مبيت داخل البوت ... http://www.arabtrvl.com/vb/picture.p...ictureid=49575 قرينا اذكارنا وكان الجو برد شوي مع المطر .... وخلينا الدفاية تشتغل ... وكان فيه بطانيات كافية للجميع .... عاد اول تجربة لي انام في مكان يهز ... يمكني مالحقت على سراير الهزاز يومني صغير .... فكل شوي اقوم وافتح الستاره اشوف البوت في مكانه والا مشى بنا :e419: .... وتجيك الافكار السودا وماتتركز الا عند النوم ... طيب لو مر واحد الحين وفك الحبال ودفنا عشان ياخذ الموقف ... وش نسوي بهالليول ... وخذ من هالافكار .... كلهم ناموا الا انا وعبقريتي وهواجيسي :13: ... ونمت وانا مدري ... وبالمناسبة ابواب البوت الاماي والخلفي تنقفل بالمفتاح ... عشان العيال ... وعشان المجرم اللي بيغتالني ما يدخل وانا نايم:44: ... ولازم كونان وشارلوك هولمز يجون وتبدا التحقيقات ... لو صار كذا ...طيب لو مااشتغل البوت الصبح ومافيه ارسال جوال .... هههههه صح افكار جهنمية :2:. وصحيت بدري قبل جرس المنبه لصلاة الفجر بس كان الوقت داخل وصليت الفجر ... وضبطت ام عبدالله القهوة ... وطلعنا نتقهوى برا وكان الجو حلو ... http://www.arabtrvl.com/vb/picture.p...ictureid=49577 http://www.arabtrvl.com/vb/picture.p...ictureid=49578 http://www.arabtrvl.com/vb/picture.p...ictureid=49582 Free Moorings يعني مراسي مجانية ... فيه مراسي بفلوس احيانا ... وفيه مراسي خاصة ... وفي ممكن توقف بأي مكان ثاني مثلا تحت شجرة وتربطه فيها ... عادي ... المهم كل كل مرسى يوضح تعليماته ... هنا الوقوف لمدة 24 ساعة ثم ماترجع لنفس الموقف لمدة 24 ساعه ... وفيه مواقف لمدة ساعتين او ثلاث وتكون غالبا في اماكن الخدمات مثل التزود بالماء او الوقود ... ضيوف شاركونا قهوة الصباح ... http://www.arabtrvl.com/vb/picture.p...ictureid=49581 http://www.arabtrvl.com/vb/picture.p...ictureid=49583 طبعا رياضة الكاياك مشهورة هنا ..اللي هو القارب الصغير ... اللي تحس ان رجول اللي راكبه نازله بالمويه http://www.arabtrvl.com/vb/picture.p...ictureid=49584 http://www.arabtrvl.com/vb/picture.p...ictureid=49580 ثم دخلنا وصلحنا فطور سريع عبارة عن مشروم + فاصوليا حمراء وشاهي ... http://www.arabtrvl.com/vb/picture.p...ictureid=49585 اللوحة اللي قدامنا المرقمه هذي دايم تجي قبل الجسور ... وفيها ارتفاع البوت المناسب للدخول الان .... وتتغير حسب ارتفاع منسوب النهر ... فكرة ذكية http://www.arabtrvl.com/vb/picture.p...ictureid=49579 انطلقنا ... http://www.arabtrvl.com/vb/picture.p...ictureid=49588 طبعا البوت بطيئ جدا ...يعني مافيه سرعات عالية ... وبكذا هو امن جدا ... http://www.arabtrvl.com/vb/picture.p...ictureid=49589 http://www.arabtrvl.com/vb/picture.p...ictureid=49590 http://www.arabtrvl.com/vb/picture.p...ictureid=49591 جو جميل ... مستحيل الصور تنقل جماله ... وانتم تعرفون ان الصور عجزت تنقل جمال سفراتكم بالشكل المطلوب ... http://www.arabtrvl.com/vb/picture.p...ictureid=49592 هذا موقف خاص ... http://www.arabtrvl.com/vb/picture.p...ictureid=49593 http://www.arabtrvl.com/vb/picture.p...ictureid=49594 http://www.arabtrvl.com/vb/picture.p...ictureid=49595 http://www.arabtrvl.com/vb/picture.p...ictureid=49596 http://www.arabtrvl.com/vb/picture.p...ictureid=49597 ابوات وقوارب من مختلف الاحجام http://www.arabtrvl.com/vb/picture.p...ictureid=49599 ممرات مائية مختلفة http://www.arabtrvl.com/vb/picture.p...ictureid=49601 كانك في طريق سيارات ... بيوت ومطاعم على جوانب النهر ... http://www.arabtrvl.com/vb/picture.p...ictureid=49602 http://www.arabtrvl.com/vb/picture.p...ictureid=49603 http://www.arabtrvl.com/vb/picture.p...ictureid=49604 المراسي منتشرة ومتوفرة .... http://www.arabtrvl.com/vb/picture.p...ictureid=49605 http://www.arabtrvl.com/vb/picture.p...ictureid=49606 الاجمل ... نظااااافة .... والله ماتشوف اي شي بالنهر ... لا اكياس ولا علب ... ولا اي مخلفات ... http://www.arabtrvl.com/vb/picture.p...ictureid=49607 http://www.arabtrvl.com/vb/picture.p...ictureid=49608 رغم زحمة الناس في بعض الاماكن ... الا ان التنظيم الرائع يخليك ماتحس بوجود اي زحمه + التزامهم بالنظام ومعرفتهم بأن للاخرين ايضا حق ... انا ومن بعدي الطوفان غير موجوده ... رحلات سياحية ... http://www.arabtrvl.com/vb/picture.p...ictureid=49609 طبعا حنا احسن منهم ... لاننا في بوتنا ... اللي احنا انسوقه .... http://www.arabtrvl.com/vb/picture.p...ictureid=49610 لو احد بيعطيني هدية بيت هنا مع بوت ترا والله مارده ... لاتستحون ...:e032: http://www.arabtrvl.com/vb/picture.p...ictureid=49611 http://www.arabtrvl.com/vb/picture.p...ictureid=49612 الاماكن هادية ... بالمناسبة .... في بيوت صغيرة للايجار ... بيوت عطلات http://www.arabtrvl.com/vb/picture.p...ictureid=49613 تطلع من بيتك ... تركب بوتك ... تروح دوامك ...:72: http://www.arabtrvl.com/vb/picture.p...ictureid=49614 http://www.arabtrvl.com/vb/picture.p...ictureid=49615 ورشة ... http://www.arabtrvl.com/vb/picture.p...ictureid=49616 كوفي ... http://www.arabtrvl.com/vb/picture.p...ictureid=49617 http://www.arabtrvl.com/vb/picture.p...ictureid=49618 ولاني نسيت التنبيه في البداية انبه الان ... انه يمكنكم صيد السمك في الانهار ... كل ماعليك هو توفير سنارة او خيط ولو نسيت بتلقاها في القرى اللي بتزورها... ثم استمتع .... فيه اماكن يمنع فيها الصيد وعليها لوحات ... http://www.arabtrvl.com/vb/picture.p...ictureid=49619 http://www.arabtrvl.com/vb/picture.p...ictureid=49620 http://www.arabtrvl.com/vb/picture.p...ictureid=49621 مثل الحواري .... تدخل مع جهة وتطلع مع اخرى ... http://www.arabtrvl.com/vb/picture.p...ictureid=49622 http://www.arabtrvl.com/vb/picture.p...ictureid=49623 http://www.arabtrvl.com/vb/picture.p...ictureid=49624 http://www.arabtrvl.com/vb/picture.p...ictureid=49625 نوع اخر من مرابط الابوات وتحت اشراف البطات ... اذا وقفت يمكن تركب البطه ... لانها متعوده يحطون لها اكل http://www.arabtrvl.com/vb/picture.p...ictureid=49626 لوحات تنبيه عند الحاجة http://www.arabtrvl.com/vb/picture.p...ictureid=49627 كأنه فنار قديم ... http://www.arabtrvl.com/vb/picture.p...ictureid=49628 بالمناسبة في الطريق قد تجدون الكثير من القلاع او بقايا الحصون القديمه والمتاحة للزيارة ... او غير متاحة .. وذلك حسب اللوحات الموجودة بالمكان ... http://www.arabtrvl.com/vb/picture.p...ictureid=49629 يوجد الكثير من الفعاليات بالطريق مثل الملاهي ، الحدائق ، المتاحف ، جولات الغابات ، زيارة اكواخ الاشجار ... ولكن اكثرها كان مقفل الوقت هذا وتفتح بداية ابريل ... http://www.arabtrvl.com/vb/picture.p...ictureid=49630 http://www.arabtrvl.com/vb/picture.p...ictureid=49631 http://www.arabtrvl.com/vb/picture.p...ictureid=49632 http://www.arabtrvl.com/vb/picture.p...ictureid=49633 http://www.arabtrvl.com/vb/picture.p...ictureid=49634 http://www.arabtrvl.com/vb/picture.p...ictureid=49635 القرى في الطريق كثيرة والخدمات متوفرة ... http://www.arabtrvl.com/vb/picture.p...ictureid=49636 http://www.arabtrvl.com/vb/picture.p...ictureid=49637 http://www.arabtrvl.com/vb/picture.p...ictureid=49638 الحين طقنا الجوع ... نبي نوقف نريح ونصلح غدانا ... وشفنا قارب ايسكريم وقلنا نوقف حوله http://www.arabtrvl.com/vb/picture.p...ictureid=49639 http://www.arabtrvl.com/vb/picture.p...ictureid=49640 http://www.arabtrvl.com/vb/picture.p...ictureid=49641 اوقف هنا ... وبقي جزء واحد ... فيه من صدمنا ... وليش ؟ !! |
جزء رائع يابو عبدالله منظر الانهار والمكان لو تجلس يكفيك كيف وانت تتمشى بينهم |
يا سلاااام عجييب والله عليكم بالعافيه يابو عبدالله اذا حصلت هديه بيت هناك عطني الملحق هههه جوهم عجييب بانتظار اخر جزء والصدمة |
اقتباس:
اقتباس:
شكرا لحضورك والان الجزء الاخير ... |
بعد ماتغدينا وحمدنا ربنا على نعمته ورزقه ... شغلنا البوت مرة ثانيه ... المكان جميل والجو حلو ... بس نبغى نشوف زيادة ... ونبغى نسوق البوت ... وبما ان البوت بطيئ ... فهو مناسب حتى للاطفال انهم يستمتعون بقيادته ... وانا ماخليت بخاطرهم شي ... واغلب الناس اللي يقابلونا نشوف عيالهم يسوقون وهم قريبين منهم طبعا ... والمناطق كثيرة وتطلع من نهر لنهر ... يعني صعب تكرر المناظر الا اذا رجعت من نفس طريقك ... والفعاليات اللي بتكون مفتوحه بتاخذ وقت ... مااعتقد ان الملل بيطرق بابكم ابدا ... انطلقنا نتجول في الانهار وبعض المناطق بالمناسبة هي بالاصل مناجم قديمه جدا غمرتها المياه ... وفي وحده من الدخلات لقينا مكان للتزود بالماء وكان فاضي ... فقلنا نوقف عنده ... ورجعنا للخلف الين وقفنا عنده ... وطبعا مميز هو اما بلوحة او تشوفون ليات الموية الزرقاء .. وقفنا هنا .... http://www.arabtrvl.com/vb/picture.p...ictureid=49642 وطلع الموقف موب مجاني ... الى ساعة توقف بـ 1.5 باوند ... والمكان جميل جدا وفيه فعاليات واكواخ وتخييم للي يحب بس تفتح في اول ابريل ... http://www.arabtrvl.com/vb/picture.p...ictureid=49652 طبعا محد فيه ... وانت اخدم نفسك ... http://www.arabtrvl.com/vb/picture.p...ictureid=49643 عبينا المويه وتوكلنا على الله ... http://www.arabtrvl.com/vb/picture.p...ictureid=49644 http://www.arabtrvl.com/vb/picture.p...ictureid=49645 http://www.arabtrvl.com/vb/picture.p...ictureid=49646 http://www.arabtrvl.com/vb/picture.p...ictureid=49647 http://www.arabtrvl.com/vb/picture.p...ictureid=49648 http://www.arabtrvl.com/vb/picture.p...ictureid=49649 وقفنا بموقف عند قرية ... http://www.arabtrvl.com/vb/picture.p...ictureid=49650 وتجولنا فيها .. http://www.arabtrvl.com/vb/picture.p...ictureid=49651 http://www.arabtrvl.com/vb/picture.p...ictureid=49653 رحنا للبقالة ... http://www.arabtrvl.com/vb/picture.p...ictureid=49654 بس كانت مشطبه اغراضها قبل نوصل .. http://www.arabtrvl.com/vb/picture.p...ictureid=49655 خذنا توست وحلويات ... http://www.arabtrvl.com/vb/picture.p...ictureid=49656 http://www.arabtrvl.com/vb/picture.p...ictureid=49657 http://www.arabtrvl.com/vb/picture.p...ictureid=49658 http://www.arabtrvl.com/vb/picture.p...ictureid=49659 http://www.arabtrvl.com/vb/picture.p...ictureid=49674 يوم وصلنا بوتنا ... والا فيه ناس واقفين ورانا ... والمغرب باقي عليه ثلاث ساعات تقريبا ... تونا معنا وقت ناخذ لفة ... وادفه ابيه يبعد نطلع ... عجزت عنه ... وراعي البوت الثاني شايب بريطاني ... واقف يتفرج ... قلت له اني ماعرفت اطلعه ... قال لف ويطلع ... وجلس يدف معي ... قلت رح سق انت ورني شطارتك .. ويركب ويحاول وانا وعياله ندف البوت على جنب ... وبغى يكسر قاربهم الصغير اللي يسحبونه وراهم ... اخر شي قال لعياله فكوا بوتنا وخلوا نطلع عنهم... وفعلا طلعوا عنا ومشينا ... واشوا مشينا .... طحنا بقرية جميلة مره ... البريطانيين جدا كويسين مع انهم هم يصنفون نفسهم انهم سيئين ...طبعا هم مايحبون الشخص اللي يطلب فلوس ... بس اذا مساعده او يفيدك بشي فهم جدا ودودين ... بس لا تقرب جهة فلوسه .. http://www.arabtrvl.com/vb/picture.p...ictureid=49660 http://www.arabtrvl.com/vb/picture.p...ictureid=49661 http://www.arabtrvl.com/vb/picture.p...ictureid=49662 http://www.arabtrvl.com/vb/picture.p...ictureid=49663 http://www.arabtrvl.com/vb/picture.p...ictureid=49664 http://www.arabtrvl.com/vb/picture.p...ictureid=49675 الطيور مره موالفة ومتعودة على الناس ... لدرجة انها تركب على البوت اذا وقف ... http://www.arabtrvl.com/vb/picture.p...ictureid=49676 بوت للبيع ... بس مابيه ... يا بوت جخ او لا .. http://www.arabtrvl.com/vb/picture.p...ictureid=49665 موقف مجاني http://www.arabtrvl.com/vb/picture.p...ictureid=49666 http://www.arabtrvl.com/vb/picture.p...ictureid=49667 بعض الجسور المرور تحتها بفلوس ... وشفنا رقمهم من الخريطه وكلمناهم نتأكد ... بس طبعا بوتنا ماكان يدخل لان المنسوب مرتفع... ويقول على اخر الاسبوع يمكن يصير مناسب ... http://www.arabtrvl.com/vb/picture.p...ictureid=49668 فرجعنا مع طريقنا http://www.arabtrvl.com/vb/picture.p...ictureid=49669 ووصلنا للموقف اللي نشبنا فيه مع البريطانيين ... http://www.arabtrvl.com/vb/picture.p...ictureid=49670 وكان الوقت خلاص قريب المغرب ... وماحبيت نغير المكان يمكن مانلقى موقف قريب ويجينا الليل .. http://www.arabtrvl.com/vb/picture.p...ictureid=49671 http://www.arabtrvl.com/vb/picture.p...ictureid=49672 http://www.arabtrvl.com/vb/picture.p...ictureid=49678 http://www.arabtrvl.com/vb/picture.p...ictureid=49679 قهوة المغرب http://www.arabtrvl.com/vb/picture.p...ictureid=49677 بعد المغرب بدا الجو يتغير وجاء هوا قوي مع مطر .... يالله الخيره حنا يخوفنا المطر والهوا وحنا في بيوتنا كيف في بوتنا ... كيف وحنا في المويه ... زي ماقال ذاك ... اخاف من كلب يطلع لي اسد ... بس مالك الا تقضب ارضك ... وين تروح ... وحتى القرية بين وبينها مسافة مشي !!! صلحنا عشانا وتعشينا وتقهوينا والوضع يزود .... وبدا البوت يتأرجح والموج يضرب من تحت لان كنت موقف في وجه الهوا ... ويمكن احسن من لو اني موقف على جنب ... رحنا للنوم ... والنومة الله اعلم بها ... كل شوي اطل اشوف حنا بمكانا والا وين رحنا ... وراحت علي نومه ... الين وقت الفجر ... صليت الفجر ... وفكرت اسوي خبز ... فعجنت ولفيته بجاكيتي وحطيته قدام الدفايه... ورجعت انام ... بعد ساعة يمكن ...الا وطراااخ ... ونفز انا وام عبدالله ... وش السالفه .... شالنا الهوا لمكان ثاني !!! او وش ... وصار اللي قدامنا ( وكان بيننا مسافة بوت يمكن ) يوم فك حباله ماقدرو يسيطرون عليه ودفهم الهوا علينا وصدموا فينا ... جلست اطل عليهم بعد مالفوا ... بس مره عجزوا يلفون جهة الهوا ... كل ماحاولوا رجعهم للجهة الثانية ... غيروا مكانهم وبعدوا شوي عننا ... عادة المكان هذا البوت يلف للجهة المقابله بدون الحاجة للرجوع للخلف ... هم يمكن اخذوا اكثر من خمس مرات يرجعون فيها للخلف عشان يلفون وبالاخير نجحوا ... http://www.arabtrvl.com/vb/picture.p...ictureid=49680 بعد مداولات قررنا نقوم ونصلح قهوتنا ... ثم بديت اصلح خبيزاتي ... http://www.arabtrvl.com/vb/picture.p...ictureid=49682 جايبين معنا الفراده ... http://www.arabtrvl.com/vb/picture.p...ictureid=49681 ومقاس الخبزة على مقاس المقلى ... http://www.arabtrvl.com/vb/picture.p...ictureid=49683 خبز حاااار في الجو البارد ... بس ناقصه الفول http://www.arabtrvl.com/vb/picture.p...ictureid=49685 والفول قريب http://www.arabtrvl.com/vb/picture.p...ictureid=49686 http://www.arabtrvl.com/vb/picture.p...ictureid=49687 بعد ماافطرنا وغسلنا مواعينا ...جلسنا نتابع اللي امس حادينا ثم تحركوا عنا ... كانوا ناشبين بين بوتين .. والهواء ضدهم بعد ..كل مالفوا رجعهم لمكانهم ... الين تحركوا اللي قدامهم شوي ... بعد ماراحوا ...فك جاك سباروا حبال الجوهرة السوداء .. وانطلقنا http://www.arabtrvl.com/vb/picture.p...ictureid=49688 http://www.arabtrvl.com/vb/picture.p...ictureid=49689 http://www.arabtrvl.com/vb/picture.p...ictureid=49690 http://www.arabtrvl.com/vb/picture.p...ictureid=49691 http://www.arabtrvl.com/vb/picture.p...ictureid=49692 http://www.arabtrvl.com/vb/picture.p...ictureid=49693 شفنا لوحة موقف فيه بقالة ... ولفينا عليه ... وهنا ساعدنا واحد ثاني في الوقوف بين بوتين ... رجعنا له ثم عطيناه الحبل وسحبنا عند بوته ... اقولكم جدا خدومين وودودين ومايعطونك فرصة حتى تشكرهم ... يعني وانت تشكره يقول لك لا خلاص ما سويت شي ويمشي .. في كل اماكن التوقف يتوفر دورات مياه عامة ... http://www.arabtrvl.com/vb/picture.p...ictureid=49734 لوحة بالفعاليات http://www.arabtrvl.com/vb/picture.p...ictureid=49735 http://www.arabtrvl.com/vb/picture.p...ictureid=49740 بقالة : والاسعار عادية http://www.arabtrvl.com/vb/picture.p...ictureid=49741 http://www.arabtrvl.com/vb/picture.p...ictureid=49742 http://www.arabtrvl.com/vb/picture.p...ictureid=49743 http://www.arabtrvl.com/vb/picture.p...ictureid=49744 http://www.arabtrvl.com/vb/picture.p...ictureid=49736 قصة قصيرة : البطة اللي في المويه كانت تتهاوش مع البطة اللي على البوت ...وجلدت اللي على البوت ورمتها بالنهر ... جت البطة السوداء وعضتها اللي فوق وطاحوا كلهم بالنهر ... بس موقفهم مره مضحك ... http://www.arabtrvl.com/vb/picture.p...ictureid=49737 انطلقنا من جديد عشان نفضي المكان لناس غيرنا يتزودون بالموية ... http://www.arabtrvl.com/vb/picture.p...ictureid=49738 http://www.arabtrvl.com/vb/picture.p...ictureid=49739 بمناسبة لوحات السرعه ... شفت بوت للشرطة .. بس ما لحقت اصوره ... http://www.arabtrvl.com/vb/picture.p...ictureid=49745 http://www.arabtrvl.com/vb/picture.p...ictureid=49746 http://www.arabtrvl.com/vb/picture.p...ictureid=49747 http://www.arabtrvl.com/vb/picture.p...ictureid=49748 للايجار .. http://www.arabtrvl.com/vb/picture.p...ictureid=49749 الخريطه مفيدة مره بالنسبة للفعاليات ومعرفة الطريق ... وسهله مره ... قوقل ماب يشتغل تمام ... بس ما يعلمك الطريق بالنهر بس كنت اشوف الطريق احيانا والاماكن اللي حولنا به .. http://www.arabtrvl.com/vb/picture.p...ictureid=49750 http://www.arabtrvl.com/vb/picture.p...ictureid=49751 تشوفون فيه هواء وامواج بسيطه http://www.arabtrvl.com/vb/picture.p...ictureid=49752 http://www.arabtrvl.com/vb/picture.p...ictureid=49753 منطقة مطاعم والوقوف بالمرسى بالحجز ... http://www.arabtrvl.com/vb/picture.p...ictureid=49788 مطعم ... ميزة البريطانين انهم يتعشون الساعه 6 ... فوقت عشانا لو حبينا نتعشى بمطعم مايكون زحمه ويصيرون فاضين لنا ... http://www.arabtrvl.com/vb/picture.p...ictureid=49789 http://www.arabtrvl.com/vb/picture.p...ictureid=49790 http://www.arabtrvl.com/vb/picture.p...ictureid=49791 http://www.arabtrvl.com/vb/picture.p...ictureid=49792 http://www.arabtrvl.com/vb/picture.p...ictureid=49793 http://www.arabtrvl.com/vb/picture.p...ictureid=49794 http://www.arabtrvl.com/vb/picture.p...ictureid=49795 http://www.arabtrvl.com/vb/picture.p...ictureid=49796 http://www.arabtrvl.com/vb/picture.p...ictureid=49797 http://www.arabtrvl.com/vb/picture.p...ictureid=49798 http://www.arabtrvl.com/vb/picture.p...ictureid=49799 http://www.arabtrvl.com/vb/picture.p...ictureid=49800 http://www.arabtrvl.com/vb/picture.p...ictureid=49801 http://www.arabtrvl.com/vb/picture.p...ictureid=49802 http://www.arabtrvl.com/vb/picture.p...ictureid=49803 http://www.arabtrvl.com/vb/picture.p...ictureid=49804 http://www.arabtrvl.com/vb/picture.p...ictureid=49805 http://www.arabtrvl.com/vb/picture.p...ictureid=49806 http://www.arabtrvl.com/vb/picture.p...ictureid=49807 http://www.arabtrvl.com/vb/picture.p...ictureid=49808 بما انه اخر يوم ... بدينا نرجع نقرب من مكان اخذ البوت .... لان التسليم تسع ونص الصبح http://www.arabtrvl.com/vb/picture.p...ictureid=49817 http://www.arabtrvl.com/vb/picture.p...ictureid=49809 http://www.arabtrvl.com/vb/picture.p...ictureid=49810 هذا جاية تقول ... وييييييييي اخر يوم لكم !!! http://www.arabtrvl.com/vb/picture.p...ictureid=49811 http://www.arabtrvl.com/vb/picture.p...ictureid=49812 http://www.arabtrvl.com/vb/picture.p...ictureid=49813 http://www.arabtrvl.com/vb/picture.p...ictureid=49814 وصلنا ووقفنا وتعشينا ونمنا .... وش رايكم بالاختصار ... ومافيه صور بعد ... لان شحن الكاميرا خلص ... كانت ليله هاديه وجميله ... ونمنا للصبح بدون اي فواصل اعلانيه .... كنا متفقين نتحرك مع شقة النور زي مايقولون ونتمشى 3 ساعات لين موعد التسليم لان فيه لفة مارحنا معها ... محللينه ذا البوت http://www.arabtrvl.com/vb/picture.p...ictureid=49815 قمنا وتقهوينا ومشينا بدون فطور بعد .... والعيال توهم نايمين ... http://www.arabtrvl.com/vb/picture.p...ictureid=49816 http://www.arabtrvl.com/vb/picture.p...ictureid=49818 http://www.arabtrvl.com/vb/picture.p...ictureid=49819 http://www.arabtrvl.com/vb/picture.p...ictureid=49820 http://www.arabtrvl.com/vb/picture.p...ictureid=49821 http://www.arabtrvl.com/vb/picture.p...ictureid=49822 http://www.arabtrvl.com/vb/picture.p...ictureid=49823 http://www.arabtrvl.com/vb/picture.p...ictureid=49824 رجعنا للمكان الاول ولسان حالنا كما: نال منا يوم الفراق كمـا***نـال من الناكثين سـيف الأمير http://www.arabtrvl.com/vb/picture.p...ictureid=49825 من هنا بدينا وهنا ننتهي ... بس النهاية كانت تعلق اكبر من البداية .... لجمال التجربة ... وغرابتها بالنسبة لنا ... امتزجت بالمتعة والاستمتاع ... فحمدا لربنا على رزقه ...وحمدا له على توفيقه ...وحمدا له على كل شي هذا موقع الشركة : Richardson's Boating Holidays - Norfolk Broads Boat Hire and Boating Holidays تقيمي 10/10 وفيه شركات اخرى منتشرة في بريطانيا واوربا ... سعدت بصحبتكم واشكر لكم حضوركم ودعمكم ... كم اسعدتني ردودكم ... فلا حرمتم سعادة الدارين ... الى لقاء ولعله يكون قريب ... :e116: رفعت الجلسة |
ماشاء الله تبارك الله يا مميزنا تقرير جديد وقنبله لي رجعه له بس اشوفه عدل بكامل تفاصيله ابدعت يا غالي |
اقتباس:
حياك ربي ... ومنتظرين رجعتك الجميله :e032: |
ماشاءالله جولات حلوه والصور للامكنه والبيوت والشجر رووعه عليكم بالعافيه وسلامتكم من الصدمة صج الوضع يخوف مطر واهتزاز البوت وبعدها اصطدام أكيد اخترعتوا نتمنى انك تحصل بيت وانا اخذ البيت اللي يمكم واكبر من بيتكم وبوتنا يصطدم ببوتكم وما نطلع الا ناشبين ببوتكم خخخخ الله يرزقنا ويرزقكم من خيراته شكراا على التقرير الحصري لمنتدى العرب المسافرون |
مبروووك التنجيم :e335::e335::e335::e335::e335: وبجداره |
اقتباس:
اقتباس:
|
ماشااااااااااء الله إبداع بالفكرة إبداع بالتصوير إبداع بالتقرير تسلم الأيادي...الفكرة رااااائعة وتستحق اتجربة وفقك الله لكل خير |
اقتباس:
|
ابوعبدالله بصراحه تقرير ورحله كارثيه بمعنى الكلمه وانا ماعطيت التقرير حقه لازم اتمعن بكل كلمه وكل صوره ولا عندي تعليق لاني راح اظلم تقريرك ورحلتك لو قدرتي اجمع كلمات توفي القليل من حق هذا الابداع بقولها ابدعت والله ورحله ممتعه جدا بكل تفاصيلها في كلمه تنقال لما حد يوصف الشي وصف دقيق يقال عنه بالتفصيل الممل لكن تقريرك بالتفصيل الممتع جدااا |
انا يوم قريت تقريرك اول مره على بالي انك ماخذ الكروز النهري اعتقد اسمه avalon بس بعدها تذكرت انها هذا النوع في باريس لكن تفجأت يوم ان انت الي مأجر المركب وقياده ذاتيه واعتبرها مغامره جميله جدا |
اقتباس:
اقتباس:
ماتتخيل كيف ممتع جدا ... حتى ولدي عمره سبع سنوات استمتع بالقياده هو بعد من كثر ماهو سهل وآمن ... الابوات احجام وفئات ... وفيه ابوات بكبينتين قيادة وجاكوزي وجلسة على السطح الخ ... الف شكر لك ابو سعد |
الف سلامة عليكم من جد كل الافكار السلبية طرت عليا وانا بس فكرت اغامر عاد انتم ماشاء الله طبقتوا المغامرة وخليتوها واقع ممتع العيش ماشاء الله باين لذيذ ممكن الطريقة:24: شكرا لك على مشاركتنا المتعة |
اقتباس:
|
يعطيك العافية ابو عبدالله على التقرير الرائع لتجربه جديده ورائعة |
والله صراحة تجرابة رائعة كدة حسيت من تقريرك ابو عبدالله واتحمست جدا لتجربتها ومفكرة جديا فيها استمعت جدا بقراءة التقرير وعشت جوكم جزاك الله خير على السرد الرائع. الحمدلله الصدمة كانت خفيفة وحتكون ذكرى مضحكة لكم احلى شى في اول ليلة لما قعدت تتخيل في الليل ان الحرامية جايين عشانك :1: فكرتني بنفسي خيالي دائما يسرح . |
اقتباس:
اقتباس:
|
تجربة جميلة يابو عبدالله اتوقع المرة الجاية تكون متمرس و خبير و هي تمشية روعة لذا اتوقع تكررها هل يدققون على كل شي عند تسليم البوت اتوقع لابد فيه تأمين علىها تسلم يا عسل |
اقتباس:
منور يا ابو غسان |
تجربة جميلة ومذهله ابو عبدالله اما عاد الهواجس ذي مالها حل ماتجي الاوقت النوم :26: تسلم يدك |
اقتباس:
حياك الله والف الف شكر لمشاركتك هنا |
وعليكم السلام يسعد لي صباحك بوت وأنت قائد ومعك يمكن ما يعرفون يسبحون ذي مشكله ما دام مستغرب ثلاث ايام شكلها مثيره التجربه توقعت بس ساعه يوم قريت الجزء الأول أجل ثلاث ايام وبتمر بأشياء كثيره خلنا نكمل قراءه حجة الموسم ذبحتنا هنا وحولنا يا سلام اللي اعبيه زياده يرجعونه لي وين ذولا عن محلات تأجير السيارات طلعاتك عن الموضوع مفيده فيها تفاصيل مهمه ايقاف القارب احسها هي المشكله عندي لو بجربها ما فيه تدريب لو مره بس حلوه البوت في مكانه أو مشي بس ما يوحش النوم بالليل صوره حلوه http://www.arabtrvl.com/vb/picture.p...ictureid=49675 والله رحله جميله ولكن الأجواء خاصه الهواء بيعقدها شوي التجربه ممتعه ما قصرت ابوعبدالله |
| الساعة الآن 02:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO