|
ضعت في اول يوم في لندن ؟ السلام عليكم محتاجة مساعدتكم احس نفسي ضايييعه .. انا بروح لندن ان شاء الله 28 Jun وبطلع منها يوم 29 Jun إلى مانشيستر .. واحنا 6 كبار .. ضايعين بالسكن ماندري وين نحجز ؟؟ عند مطار هيثرو ولا عن محطة لندن ايستون اللي بتودينا الى مانشيستر ، نبي الاوفر والافضل لان ميزانيتنا ماتتعدى 170 باوند لليلة . وضايعين بالتنقلات لان نقول لو نحجز في منطقة بعيده بيروح علينا دافعين بالمواصلات وممكن ندفع بالفندق افضل .. وش رايكم ؟؟ وايضاً سؤال وش المواصلات اللي من مطار هيثرو الى لندن (عند الهايد بارك) ؟ وهل لازم احجز لها من قبل ! وشكراً لكم |
وعليكم السلام ورحمه الله وبركاته ياهلا ومرحبا فيج اختي الافضل لكم بوسيله التنقل من المطار سياره فان لان قطار هيثرو اكسبرس مايناسبكم ابدا وتقدرون تحجزون سياره ل 6 اشخاص الى وسط لندن من هذا الموقع والسياره فان لعدد 6 اشخاص بسعر تقريبا 65 باوند http://www.alphaairportcars.com/# والافضل السكن قريب محطه ويستن منها تتمشون بالمنطقه ومنها تكون المحطه قريبه منكم وجاري البحث عن فندق لكم |
اختي بالنسبه للسكن صعب احصل لكم لعددكم وبالسعر الي حاطته كل الفنادق الي حصلتها غير مناسبه لكم بتاتا |
طيب السيارة صعب احجزها واحدد الوقت ما ادري متى اخلص من اجراءات المطار واخاف يحسبون لي سعر تأخير ! ومو القطار راح يكون ارخص او التاكسي او اوبر ؟؟ وفعلاً السكن جداً ضعنا مو عارفين نحجز ، شرايك وش الحل ؟ |
اقتباس:
اللي بيسفار يسافر من سعه - عشان يرتاح نفسياً في سفرته وما يقلق أختيارك لأسم موضوعك فيه الكثير من القلق هوني عليك :) بالنسبة لشركة ألفا أنا جربتها ممتازة وأتصل علي السائق أول ما أنزلت الطيارة مطار هيثرو وقلت له أني بخلص الاجرآت وأعتقد أخذت نص ساعة إلى 45 دقيقة وما أخذ مبلغ للأنتظار وبالعودة نفس السواق رجعني مرة ثانية لمطار هيثرو بعد ما اخذت رقم جواله وبنفس السعر |
اقتباس:
السكن جنب المحطة افضل طبعا خاصة انه يوم واحد فقط لكم في لندن لذلك مو شرط تسكنون كلكم بنفس الفندق انقسمو مجموعتين بفنادق جنب بعض انتم تقدرون توزنون مصروفكم وتقسمونه على سكنكم طبعا فندق واحد افضل أكيد لكن لو لو ماحصل باالسعر المناسب لكم شوفوا غيره يكون ارخص فيه فندق ايبس اقتصادي بجانب محطة يوستن غرفتين تكفيكم |
|
استبرق فاهمه شعورك وانك حابه توفري وتستفيدوا من المبلغ لاشياء ثانية لكن في اشياء بالسفر مهمه وممكن تخرب مزاج الكل ومنها الانتقال من المطار الى الفندق وهذا الانطباع الاول عن البلد انتم عددكم ٦ماشاءالله واتوقع الشنط لا تقل عن ٣ كحد أدنى لو حسبتيها صح راح تشوفي ان راحتكم اهم شي اتفقوا مع سواق بسيارة فان يوصلكم لباب الفندق وبالعادة ماياخذوا مبلغ زايد عن التأخير لانه هو يطلب منك موعد الوصول وعلى اي خطوط وبحكم خبرتهم يوصل بالوقت المناسب اما بخصوص الفندق والله مالي خبرة بالمنطقة حدي حول الهايدبارك رحلة سعيدة ان شاءالله |
وعليكم السلام لو مالقيتوا حل ... فكروا بالضواحي !!! https://www.housetrip.com/en/rentals...06-29#location نص ساعة بالمترو عن وسط لندن . هو خيار مااحد يحبه بالسفر ... بس انا بالنسبة استعمله بالعواصم اذا المواصلات فيها حلوه مثل لندن وباريس وغيرهم .. والتنقل بالمترو والباصات بتذكرة وحده للباص والمترو ... طبعا اذا مامعكم احد حركته ثقيلة |
:e328:الله يسرها لك |
| الساعة الآن 10:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO