|
يومياتي اللندنية 2016 العرب المسافرون بريطانيا يومياتي اللندنية 2016 يسعد أيامكم من زار لندن يعلم أن لها رونق خاص و نكهة مختلفة عن باقي المدن من تمشى بالهايدبارك و جرب أجواءها يعلم ان لا منافس لها من ركب الاندرقراوند و الباصات في لندن يشعر بمتعة لا تضاهى من زار شارع الاكسفورد و ميدان الترافلجار وقع بالتأكيد في عشقها لندن عشق قديم للعرب عرفنا كلنا هذا و حنا صغار تذكرون جيداً مسرحية " باي باي لندن " و سدحت ربعي يامستر براون تعرفون نهاش فتى الجبل و البراري و القفار (الله يرحمه) كانت و لا زالت لندن مقصد الكثير من السياح العرب لا أبالغ ان قلت تحتاج أشهر لكي تمر على معالم لندن كلها ثق تماماً انك كل ما زرتها تشاهد شي جديد شوفوا محمد بن فطيس وش يقول عنها يآ كثر الزين في لندن .. وفي لندن يآ كثر الشين .. وانا ما جيت ادور ذا ولا ذا يوم انا اجيها انا اجيها سياحة واستفيد بخوّة الذربين .. ولولا جوّها والله مالي حاجةٍ فيهالا يخفى عليكم حبي للندن بس السنة هذي زرتها لسبب محدد و هو اصطحاب اولادي الاثنين غسان و حسام الى المدرسة الصيفية بلندن طبعاً هم اولى و ثالثة متوسط و اجهزهم من بدري لاتقان اللغة الانقليزية لثقتي بأهميتها في تحديد مسارهم المهني مستقبلاً كما عودتكم سأكتب كل ما يجول بخاطري حول لندن و حول المدرسة الصيفية فقد يستفيد أحد ما من تجربتي طبعاً راح تكون اليوميات مدعومة بالصور حياكم |
بارك الله فيك و شاكر لك مجهودك و في انتظارك |
الله يوفقهم ويصلحهم لك تدري يابوغسان ان الانقليزي اكثر شعب اكرهه لتعاليهم وشوفت النفس زرتها مرة برحلة عمل واكره زيارتها ولكن احيانا الواحد يكون مضطر لها الله يسعدكم ويسهل لكم رحلتكم |
الله يوفقهم يارب خطوة مهمة في مستقبل الاولاد ومسرحية باب باي لندن مسرحية جميلة وبدعوا فيها بالذات انتصار الشراح :14: |
الله يا بوغسان صح السانه بن فطيس ياحلوها وياحلو ريحتها وطاريها عشق أبدي [emoji174][emoji174] الله يرحمه نهاش فتى الجبل ممتاز احب المدارس الداخلية [emoji1362] متابعه معاك Sent from my iPhone using Tapatalk |
بداية الحمد عَل السلامة والله يهنيكم ويسعدكم ثاني شي ماقصرتبتريس الأولاد. الله يوفقهم ويزيدهم علم ويجعلهم قرة عين لكم ثالث شي اوصيك بالتفاصيل من المطار للمطار الله يسعدكم وترجعون بالسلامة |
اهلاً وسهلاً ما شاء الله اكيد موعودين بيوميات مختلفه جداً بكون من المتابعين بأذن الله |
الله يحفظهم وتشوفهم بأعلى المناصب متابعين |
رحله موفقه اخوي ابوغسان قبل اربع ايام مكلم الربع في لندن يقولون ندور تكيف ايجار حر موجه الحر ذبحتهم الله يعينهم متابع معاك بكل جديد |
لندن من اسمها تنعشق فما بالك باللي يزورها اكيد راح يهيم في عشقها قصيدة لندن – مساعد الرشيدي لندن مدينه تجنن تشوف فيها كل شي تشوف فيها المستحيل اقرب من الممكن وتشوف ارض الانجليز واليازبيث وملكها وتشوف هايدباركها وتشوف فيها وجيه اكثر ملامحها تقول ان الحياه جنه لندن مدينه تجنن تعلمك حاجات وتفهمك حاجات اكثر من اللي تعرفه واللي انت كنت تظن لندن مدينة الضباب تعرفك باصحاب وتذكرك باصحاب وتحببك باصحاب وتعلم القلب البليد ان الزمن كذاب لندن مثيره كلها شمس تغازل ظلها خذ لك بها كم يوم ماتذوق فيها النوم وماتشيل فيها هموم واليا قربت تملها وقف قليل وقلها انا غريب ديار واشر لتاكسي المطار وارحل بعيد وخلها :e447::e447::e447: الله يوفقك ابوغسان ويوفق اولادك وعقبال ماتفرح فيهم ان شاء الله منظرين يومياتك في لندن Save Save |
| الساعة الآن 09:10 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO