|
فزعتكم في ترتيب جدولي السياحي السلام عليكم ورحمة الله أحتاج مساعدتكم لاهنتوا في ترتيب جدولي الى لندن .. بإمكانكم إضافة أماكن حلوة , أو حذف أماكن ماتستاهل العنوة .... الأماكن المقترحة : ساعة بيج بين , عين لندن , السي لايف أكواريوم , مغامرة شريك (Shrek's Advanture) أحد جرب راح لها ؟؟؟ رايكم فيها ؟؟ وهل مناسبة للأطفال أقل من 3 سنوات ؟؟ المتحف العلمي , حديقة الريجنت , قصر باكينجهام (مشاهدة تبديل الحرس) الهارودز , الهايدبارك , شارع أكسفورد , حديقة الحيوانات(تنصحوني فيها ؟؟ أو أروح اللي بالنمسا أو ألمانيا؟) شارع العرب , كامدن تاون , ترافلجارد , ميدان البيكاديلي , مزرعة مارقريت , ملاهي ثورب , ديانا مومريال بلاي قراوند بالإضافة الى بوتينج (Alexandra palace boating lake) , و horseferry playground ----------------------------------------------------------------- الجدول المقترح: اليوم الأول: ممكن أختصر أغلب الأماكن بحجز الباص السياحي لأن راح يختصر لي الوقت بــ زيارة أغلب الأماكن السياحية المقترحة ,, أنا بصراحة مو عارفة جميع الأماكن اللي راح يمرها الباص ولكن ساعدوني بترتيب الأماكن اللي راح يمرها الباص أكتبوها لي لحالها في اليوم الأول وساعدوني في ترتيب الأماكن المتبقية الله يعافيكم ,,, و للمعلومية راح أبدأ بتطبيق جدولي من الساعة 8 ونص الصباح حتى وقت غروب الشمس ,, وهذا الوقت عندهم النهار طويل الى 9 الليل تقريباً شاكرة لكم مقدماً:18: |
+1 نتمنى اجابة خبراء لندن |
هل اطلعتوا على هذا الموضوع شامل لمعظم مزارات لندن و مرتب حسب مواقعها http://www.arabtrvl.com/vb/t1726.html |
الجدول لـ 10 أيام لو كنتوا قاعدين 5 أيام بس استبعدوا حسب رغبتكم لأن الجدول يعتمد على اهتماماتكم |
ياريتكم دخلتوا التقارير بتفيدكم http://www.arabtrvl.com/vb/t1813.html http://www.arabtrvl.com/vb/t10226.html http://www.arabtrvl.com/vb/t11214.html هذه ثلاثة من تقارير خبيرنا ابو عبدالله وعنده بعد تقارير بتفيدكم |
:11: حالي يكسر الخاطر ،،، أجي من الدوام وأقرأ في التقارير وعندي أوراق و أقلام وهاي لايت وكأني جالسة اذاكر أيام الأختبارات طيب احتاج منكم الإجابة على هذا السؤال حديقة الحيوانات(تنصحوني فيها ؟؟ أو أروح اللي بالنمسا أو ألمانيا؟) يعطيكم العافية ما قصرتوا:e116::72: |
روحي لها لندن Zoo مشهوره من سنين وما اعتقد اللي بالنمسا والا المانيا بيكونون مثل مالت لندن فيها عروض واقسام متنوعه كثيره |
اقتباس:
- مغامرات شريك جدا رائعة خصوصا للاطفال ويوم نروح لها ماكانوا عيالي يعرفون انجليزي وانبسطوا وفي نهايتها عرض 4D مررررره حلو ... حتى انا انبسطت عليه :e419: بس اقل من 3 سنوات مدري والله هو عبارة عن قاعات وكل قاعه فيها فعالية معينة بس كنت اشوف الاطفال مبسوطين . - اكواريوم لندن جنب مغامرات شريك بس ( مايسوى ) وماانصح به ابد . - بيج بين طبعا موجوده هناك وبتشوفونها وتمرون جنبها كثير . - عين لندن تجربة حلوه - شارع العرب مافيه شي غير المطاعم ومحلات صرافة ومحلات اواني ومحلات سفر.. وانتم جايين من ديرتكم جربوا اكل غير عربي . - كامدن رحت لها كم مره حلوه مرررره وفيها حياة وتغيير حلو وقريب منها ليتل فينيسيا ممكن تاخذون جوله في النهر ولي تقرير عنها . ولو انكم من اهل المشي وتحبونه وكملتوا مشي جنب النهر بتمرون بوسط حديقة الحيوان ويمكن تشوفون بعض الحيوانات طالعه وتمرون من عند ريجنت بارك وينتهي الممشى قريب من الهايد بارك ( موب قريب مره ) .. بس الممشى مافيه خدمات واكشاك ..مجرد مشي. - ميداني البيكادلي حلو وقريب من نهايته ( تشينا تاون ) وصدق او لاتصدق وكم فعاليه هناك . وقريب منه يكون الترفلجار. - متحف مدام توسو حلو وفي نهايتها عرض 4D . - خلو عين لندن على يساركم وامشوا جنب النهر بتمرون اشياء كثيرة مره واكشاك مطاعم وسوق كتب بنص الشارع وامشوا وتعدوا الجسر وبتوصلون لسوق شعبي .. كل المنطقه من عين لندن الى مابعد برج جسر لندن حلوه مره وحقة تمشية زبتاخذ منكم وقت طويل .. تتمشون وتريحون. - قوقل ماب بيخدمكم كثير في انكم تعرفون محطات المترو او الباص او حتى طريق المشي - فيه يوميات مشرفنا اخر فرصة واعتقد انها فرصة حلوه لو تشوفونها |
اقتباس:
|
اقتباس:
طيب راح نزور شريك من كلامك ومن تقرير احد الأخوان دخل مزاجي عشان البنوته اللي عندي ... كم ساعة ممكن راح ناخذ فيه؟؟؟؟؟؟؟؟؟؟؟ الأكواريوم ليش ماعجبك ؟؟؟ ممكن تعطيني السبب عشان أصرف النظر عنه :) الله يعطيك العافية على تفاعلك :41::41: |
اقتباس:
- الاكواريوم حقهم ماعجبني لان مافيه شي يستاهل وصغير ... بالنسبة لي حتى اللي ماعنده فرصه يدخل اكواريوم في مكان ثاني اقول له لا يدخل اللي عند عين لندن لانه مضيعة فلوس ووقت . |
اقتباس:
|
خاطري في مكانين اروح لهم في لندن ممكن تساعدوني في طريقة الوصول لهم: 1- Alexandra palace 2- Airkix المكان مغلق وأطير فيه:38: يارب فهمتوا قصدي.. كيف اروح لهم ؟ |
اقتباس:
المكان الاول الوصول له عن طريق الخط الازرق باتجاه Great Northern محطة Alexandra Palace ثم مشي 10 دقايق ... - فيه موضوع لي عن كيف نستفيد من قوقل ماب في الجوال اذا كنا بلندن ، متأكد انه بيفيدك مررره وبتصير احسن واحد يدل في لندن وبريطانيا .. - المكان الثاني ماعرفت وشو .. ممكن رابط موقع له او كيف عرفت عنه عشان اساعدك |
اقتباس:
Airkix قرأت عنه في مواقع بريطانية و أكثر موقع أفادني وعجبني وأنصح الجميع فيه تكتب في قوقل 101things to do in London وبيطلع لك الدليل ثواني برسل لك الرابط:1: بالنسبة للمكان الثاني ياللي نطير في مكان مغلق هذا هو الرابط Airkix Indoor Skydiving in Milton Keynes |
هذا الرابط اللي أفادني في 101 أشياء نسويها في لندن 101 Things to do in London – Your ultimate guide to London بس انا مافهمتك شلون يعني الخط الأزرق ؟ وشلون نحجز الخط هذا ؟ |
مافي أحد :e419: لا حس ولا خبر... |
اقتباس:
اولا شكرا ع الروابط ... بشوفهم وارجع لك ان شاء الله اول شي فيه موضوع عن استعمال اويستر كارد للتنقل في لندن اعتقد بيفيدك : http://www.arabtrvl.com/vb/t1808.html - المترو عبارة عن خطوط مختلفة مثل الشوارع العادية ( طريق الملك فهد ، طريق الملك عبدالعزيز ...الخ ) كل خط له اسم وله لون عشان يميزه عن غيره خصوصا اذا كانوا جنب بعض واحيانا اذا استعملوا نفس المحطه ... الخط الاصفر داخله اصفر والازرق ازرق وله اسم يكتب ع الخريطه في الداخل وله اسم موجود خارج عربة المترو ... هذا الموضوع بيفيدك اكثر وبالصور : http://www.arabtrvl.com/vb/t1947.html كل الخطوط تستعملونها بنفس تذكرة المترو لانها وسيلة نقل وحده .. اذا شفت الموضوع اللي فوق وفيه شي موب واضح مو بحاول اني اوضحه لك |
اوووو ... اي فلاي ... جربناها بدبي ويوم شفت روابطك وقلت لعيالي قالوا وااااو يلا احجز :32: لندن فيها موقعين والثالث في مانشيستر والموقعين اللي بلندن نفس المسافه من عين لندن ( ساعة وربع تقريبا ) هذا موضوع ودي تشوفونه بيسهل عليكم جدا التنقل هناك http://www.arabtrvl.com/vb/t8590.html المكان الاول لآي فلاي بلندن هو على البوست كود : RG22 6PG وهذي صفحته من موقعهم Airkix Indoor Skydiving in Basingstoke المكان الثاني على البوست كود MK9 3XS هذي صفحته من موقعهم Airkix Indoor Skydiving in Milton Keynes صفحاتهم في اوقات الدخول |
اقتباس:
أهم شي تعطيني أنطباعك عن المكان لما تزورونه :) |
زرنا اليوم Alexandra palace المكان مافيه اي شي ووجهة اعتبرها غير سياحيه ... قصر كبير مغلق ..اعتقد مخصص لحفلات الغنائية ...في زاويته حلبة تزلج كبيره نوعا ما .. كلش مقفل الا الحلبه والبار وفيه بحيره برا عندها كوفي ... رحنا قبل ساعتين من موعد التزلج وتوهقنا بعمرنا شوي ... كون المكان على تلة عاليه فالتمشية في الحديقة الضخمه حوله متعبة شوي ( طلوع ونزول بسبب انحدار المكان ) ايضا يوم حسبنا الوصول لوسط لندن كان 42 دقيقه بالسيارة و 47 دقيقة بالنقل العام وفيه محطة باص توقف قدامه بالضبط ... المكان يصلح للي يعرف يتزلج او يحب يجرب التزلج وعندهم دروس تعليم الدرس ب ( 9 باوند للشخص ) ... المكان موب سيء بس اذا بجي له مره ثانيه فبجي لصالة التزلج على موعدي لان مافيه اي شي ثاني ممكن اسويه ... مواقف السيارات مجانية .. واحنا عموما اعجبتنا صالتهم وبنعيد الزيارة لها مرات ثانيه ان شاء الله وشكرا لك عليها |
اقتباس:
عجبنا المكان ، ولما نكون ماشيين بإتجاه البحيرة نشوف لندن من فوق ، منظر بانورامي:58: ان شاء الله لي عودة مرة أخرى .. |
| الساعة الآن 10:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO