استفيارات قبل السفر
 

اسعد الله ايامكم بكل خير
عندي استفسارات قبل سفري الي حيكون بعد كم يوم
اولا : هل ابداء اشتري تذاكر معالم لندن زي عين لندن وزيارة قصر بكنجهام من الان وافضل موقع يعطيني اسعار جيده و لا اشتريها يدوي من كل موقع افضل وش حكاية تذاكر الفاست.
ثانيا : اش اخذ معي من السعودية زي مظلات المطر وبعض المعلبات وهل مسموح لي ادخالها بريطانيا .
ثالثا : علاجاتي مسموح بها للسكر ودي اخذ بعض الادوية زي مضادات وخاقض حرارة لاسمح الله لو تعب احد .
رابعا : اشتري شريحة النت من مطار هيثرو ولا من اي بقالة مجاوره للسكن .
واحب اشكركم جدا وتحية خاصة للمميز اخوي ابو عبدالله لا حرمه الله الاجر لسعة صدره في اجابته على استفسارتي والشكر موصول لجميع المشرفين والاعضاء .
تحياتي للجميع
:e305:

هلا اخوي الحجز اون لاين ارخص ويعفيك من الوقوف بالطابور ولك دخول اسرع هذي تشتري فوق التذكره خذ مظلاتك عادي اما الاكل كنت اخذ زمان معلبات لكن سفراتي الاخيره لا اخذ القهوه بس هناك كل شي تحتاجة تلاقي بسهوله الادويه عادي طالما علبها تاريخ صلاحيه وبكرتونه مو ممنوع الشريحة شي راجعلك بس انصحك خذ سركة ثري محلاتهم كثير بس انا اخذها من فرعهم اللي باكسفورد لاتاخذ من محلات خارجيه تكون اغلا ويمكن ماتشتغل وسفره سعيده

حياك الله ابو الود :
- اهم شي وانتبه الف مره لاتشتري تذاكر شي من السعودية ( فيه واحد سبق عرض اسعار التذاكر بيشتريها من هناك وكانت بصراحة فلكية مثلا اويستر كارد ب 600 )
احسن شي خذها من مواقعه وتلقى عروض مثلا عرض فعاليتين او ثلاث او اربع سوا ( عين لندن ومدام توسو ومغامرات شريك ودنجوان لندن والاكواريوم ) .
تذاكر الفاست هذي تسرعك في الدخول وغالبا يكون السرا فيها اقل او مافيه سرا ... ونسيت كم تكلف بس اذكر غاليه مره (انا اوقف نص ساعه وش عاد :32: )
- المظلات تباع هنا اشكال والوان وبكل مكان وتلقى عروض مثلا 2 ب 5 باوند واشكال تفتح النفس عشان كان معك اطفال تبقى تذكار لهم ومااعتقد بتلقى بالسعوديه نفس اللي هنا احجام واشكال مختلفة ( لانها استعمال دايم لهم ) وبالنسبة لي افضل جاكيت المطر ماياخذ مكان ومايزعج بالتمشي تحت المطر لان المظلة تشغل يدك وتزعجك خصوصا لو كبيرة وماتقدر تصور ولا تشرب شي ( تجربة شخصية مزعجه المظلة للي يتمشى )( لو شريت مضلة خذ ام عصا قصيره تدخل بجيبك ).

- الله يشفيك ويعافيك وييسر امرك .. جب اللي تبي محد سائلك انا دايم اجيب معي خصوصا المضادات لانها ماتباع الا بوصفة ومالك امل تلقى دكتور يكتب لك مضاد للطفل او للكبير ( طعمهم حقة البرد ) هنا يطعمونهم في المدارس كلهم عنها في سبتمبر ... واللي يبي يروح الصيدليه ويطعمونه ب 7 باوند.
- البنادول وبخاخ الزكام للانف وشراب الكحه والاشياء البسيطه تباع عادي بالصيدليه والبقالات .

- شريحة الجوال سعرها بالكثير باوند واحد وتشحنها بالمبلغ اللي تبي .. ليبارا الان عندهم عرض اذا شحنت عن طريق موقعهم يعطونك 50% زيادة وتكلفة المكالمة للسعودية تقريبا الدقيقة بريال واحد .. ولو خذت اكثر من شريحة ليبارا تكلمون بعض ببلاش . وفيه مكاين تبيعها بالمطار بس مدري يمكن ماتقبل بطاقة سعودية ( لان سبق جربت وماقدرت اشتري ) ويمكن المشكلة بالبطاقة لان كان قدامي اوربي واشتر ببطاقته عادي.
- بطاقة النت اذا تبيها للكونكت اطلب انها للكونكت موب للجوال لانهن يختلفن ويمكن ماتشتغل معك ع الكونكت.


- انا ماادري انت بتسكن بشقه او اوتيل ..عموما شف هذولي ان مريت من جنبهن :
1- Poundland
باوند لاند حلو لبعض الاحتياجات اليومية والحلويات ومنتشر بكثره بكل محل ( كل شي بباوند ) مثلا 4 علب بيبسي ب 1 باوند او 4 علب مويه الخ .
2- https://www.iceland.co.uk/
ايسلند
فيه اشياء كثيرة يومية وخصوصا كانك ساكن بشقة تقدر تجرب اكلهم المجمد جدا جدا لذيذ ( من باب التجربة ) وعندهم نفس مخبوزات الكافيهات والكيكات الخ...

3- https://www.aldi.co.uk/
مثل ايسلند بس اقل تنوع ..


الله ييسر امركم ويسعدكم

الف الف شكر dodo

اخوي المميز ابوعبدالله عبارات الشكر في حقك قليل اكرر شكري الجزيل لك

تسلم يا غالي وهذا من طيبك