|
استفسار مهم السلام عليكم ورحمة الله وبركاته ابغى اعرف اجراءات مطار هيثرو لما انزل من الطيارة الى الخروج من المطار وهل فيه تفتيش للشناط وشخصي بعد ما اوصل المطار ودي اروح دايراكت الى مدينة اكستير فيه بالباص وفيه بالقطار وين القى محطة الباص اللي يذهب خارج لندن ومحطة القطار وطريقة الحجز |
وعليكم السلام ياهلا ومرحبا اول ماتنزلون من الطياره تمشون مشوار الى مكان الجوازات بعد ختم الدخول تاخذون الشنط وغالبا مافي تفتيش للشنط الا اذا شكو بشي بالشنط او شافو شي بالجهاز فقط وبعدها الخروج الموضوع سهالات وعند الخروج من المطار سهالات توجد علامات للباصات والمترو وغيره افضل طريقه باص او تاكسي او قطار الى مدينه ريدنغ Reading ومنها تاخذين قطار مباشر الى اكستير المسافه من مطار هيثرو الى ريدنغ 44 كيلو مسافه القطار مابين ساعه و 45 الى ساعتين ونص حسب الرحله |
وعليكم السلام ورحمة الله وبركاته ... ماقصر ابو سعد ... احب اضيف : اذا كنتي مبتعثه فخلي خطاب القبول اللي من الجامعه اللي بتدرسين فيها او معهد اللغة بشنطة اليد معك لان موظف الجوازات بيسألك عنها .. او وهو يسالك ليش جاية بتقولين انك طالبة ولازم تثبتين له ...هذا اذا طالبة اذا سياحة خلاص سوي اقنور لكلامي وبالتوفيق. ولا تنسين تعبين كرت الدخول لبريطانيا... |
جزاك الله اخي وجهات أوربية على التوضيح القطار فيه تغير وانا معي طفلة اشوف الباص افضل انا قريت انه محطة القطار خارج المطار ومحطة الباصات داخل المطار راح اطلع من مطار هيثرو دايراكت على اكستير عن طريق الباص هل فيه موقع احجز منه معليش اخي عارفة اني غلبتك لكن ابغى اروح وانا فاهمة كل شيء -------------------------- جزاك الله اخي ابو عبدالله لا انا ماني مبتعثة ولكن فب زيارة لأختي وزوجها في مدينة اكستير وكرت بريطانيا ماشاء الله لقيته مشروح بس فيه خانت الفندق انا بسكن عند اختي ماني عارفة وش اكتب |
http://3.bp.blogspot.com/-qoiwXtZPIZ...s1600/3178.jpg هذا الباصات اللي تطلع خارج لندن هل الباصات هذي في محطة الباصات بمطار هثيرو لقيت شرح للمواصلات ودخلت موقع الحجز بس ماني عارفة طريقة الدفع |
اي اختي كنت بقولك عن طريق ناشيونال اكبرس مسافه الرحله مابين 3:15 الى 3:50 طريقه الدفع سهله جدا وواضحه ايش الي ماعرفتيه بالدفع اختار وقت الرحله وبعدها كنتننيو بدون اضافه شي وبعدها تختارين الافضل عن طريق sms وياخذون نص باوند وتسجلين ايميلك وبعدها كونتنيو وتدفعين جربي اذا واجهتك اي مشكله خبريني عنها |
مبدع يا مميزنا ابوعبدالله ماهي غريبه عليك يا غالي |
ما ابغى احجز الحين استنى الفيزا البريطانية تطلع بس ابي اعرف الطريقة ابغى اعرف هذي الباصات موجودة بمطار هيثرو ينفع احجز اول ما اوصل مباشرة من محطة الباص وكرت الدخول ايش اكتب في خانت الفندق لاني بقدم فيزا سياحية وانا بسكن عند اختي الله يعطيك العافية اخوي |
اولا خلينا نعرف اي تيرمنال راح تنزلين فيه اذا تيرمنال 3 الباصات في الخارج من تاخذين منه الشنط تطلعين فيه لوحات ارشادية تدلك على مكان الباصات انظري الخريطة National Express Booking - Map of HEATHROW AIRPORT LONDON (Terminals 2, 3)) وبالنسبة للدفع حتى لو مادفعتي اون لاين بامكانك الدفع هناك |
تيرمنال 4 هو اللي تنزل عليه الخطوط السعودية جزاك الله خير اخي فارس بكذا انتقل الى تيرمنال 3 وبعدها اتبع اللوحات الارشادية للباصات صح كذا معليش ازعجتكم بإسئلتي بس ماودي اروح هناك وماني عارفة شيء |
| الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO