المشاركة الأصلية كتبت بواسطة zola25 (المشاركة 310692)

السلام عليكم ورحمة الله وبركاته ..

عليكم السلام ورحمة الله وبركاته

انا طالع لندن في شهر مايو بدايته بالتحديد لمدة 8 ليالي انا وزوجتي ..

وعندي كذا سؤال واتمنى تجاوبوني عليها ..


اول شي ابي تعطوني كذا فندق سعره متوسط يعني ماتتعدا اسعاره الليالي كلها 7000 ريال وتكون فنادق زينه ومجربه وتكون قريبه من المترو ..

الفنادق كثيره ومتفاوته الاسعار من موقع بوكينق حدد امكانياتك علما ان كلما كان قريب من السنتر كلما زاد سعر الفندق والعكس صحيح لكن انظر فندق ميلينيوم جلوستر سعره مناسب ومكانه مميز وجميل انا شخصياا لي كذا سنه مااسكن الا فيه


ثانيا بخصوص المترو سمعت ان فيه بطاقه اخذها لمدة اسبوع مفتوحه واقدر ادخل اي زون واعتقد سعرها 29 باوند او 30 باوند السؤال هل هي موجوده ولا لغوها ولا لا؟


ثالثا انا حاط مصروفنا اليوم 300 باوند وتشمل التنقل والاكل والقهوه والمتاحف .. طبعا التسوق مالنا فيه مجرد تمشي .. لذلك هل 300 باوند تكفي ولالا ؟ ومثل ماقلت حنا شخصين انا وزوجتي ..

ممتاز 300 ةباوند معناته انت مدلع نفسك عل الآخر


رابعا انا عندي بطاقة فيزا شحن حقت بنك البلاد هل تنصحوني احط الفلوس كلها فيها ولا اخلي مع شوي بالجيب فلوس يعني المصروف للرحله كامله 13 الف ريال اخلي 10 الاف بالفيزا و3 الاف احولها للباوند ؟ وهل الاماكن كلها هناك عندهم مكاين سحب من الفيزا اقصد البقالات والمتاحف وهالاماكن .. وبعدين سمعت ان الفيزا اللي تشحن ماتسحب بكل مكان ..

البطاقة ماشيه وتقدر تسحب منها وتدفع في اي مكان عن تجربة وبالتحديد بنك البلاد ممتازه


خامسا بطاقات المترو ابي اشريها من المطار وين القاها ؟ يعني وين موقعها بالمطار ؟

اش معنى من المطار ؟؟ تقدر تشتريها من اي محطة اندرقراوند من شباك التذاكر والاسعار هي نفسها مافيه فرق


سادسا الجو كيف بيكون تقريبا ؟

جو لندن عامة وطول السنة ممتاز في الصيف شوي حر وبعض الايام مو على طول عل العموم في مايو درجة الحرارة بالعشرينيات

وبس .. اسف اني طولت بس اول مره اسافر لندن وابي اتأكد من كل شي هناك .. :28:

المشاركة الأصلية كتبت بواسطة فارس الجبيل (المشاركة 310808)

ابدا الله يحييك في اي وقت وحنا في خدمتكم

المشاركة الأصلية كتبت بواسطة فارس الجبيل (المشاركة 311052)

نعم اخوي هي شاملة الاندراقراوند والباصات لعدد غير محدود من الاستعمال

المشاركة الأصلية كتبت بواسطة zola25 (المشاركة 311107)

لبى قلبك يا فارس الجبيل ..

ماقصرت يالغالي وجعلك تسلم بس اخر سؤال لاني ادري اني غثيتك وازعجتك

الحين سعر الصرف بالبطاقه الفيزا ياخذون البنك مع كل عمليه ولا كيف ؟

يعني لو رحت مثلا مطعم وقال الحساب 50 باوند هل ياخذون نفس القيمه ولا البنك ياخذ بعد عموله ؟ اتمنى انك فهمت كلامي يا باشا

المشاركة الأصلية كتبت بواسطة ابو عبدالله (المشاركة 311244)

اي والله ماقصر ابو عبدالله والله

لا ماياخذ البنك عليك شي بس فرق تحويل العمله .. طبعا انت خلهم يحاسبونك بالباوند مو بالريال

المشاركة الأصلية كتبت بواسطة q8ya metnaqla (المشاركة 311749)

ما قصروا اخواني بالرد

بس بالنسبة لبطاقة النقل لازم تقولهم ابيها مترو وباص لان في بعضهم بس يبي باص ف الافضل تقولهم الاثنين


وبالتوفيج