|
استفسار : السفر من المانيا الى بريطانيا السلام عليكم عندي كذا استفسار اذا سمحتم لي وجزاكم الله خير أولا عن السفر من المانيا الى لندن ، سمعت ان بالامكان السفر عن طريق القطار فحابه اعرف اكثر عن الموضوع و عن التكلفة مقارنة بالطيران والمدة .( في الغالب حكون وقتها في مدينة مالبورغ اوماينز ) وهل اسبوع كافي للزياة علما ان اول يومين حكون ملتزمة بحضور محاضرات للساعة 5 العصر فكيف اقدر استفيد من فترة وجودي هناك خصوصا اول يومين ؟ هل في اماكن اخرى تنصحوني ازورها قريبة من لندن او سهل الوصول لها ( علما أني مهتمة بالطبيعة والمتاحف والاماكن التاريخية اكثر من الاسواق ) أماكن اقدر اشتري منها تذكارات وهدايا رمزية عن البلد وعن التكلفة المتوقع صرفها خلال اسبوع .... او اسبوعين اذا عجبني المكان وقررت اجلس اكثر (: اعتذر عن الاسألة الكثيرة بس عشان اول مره اسافر اعتمادا على نفسي >_< |
نسيت اضيف سؤال ... بالنسبة للي سافروا المانيا وبريطانيا ...اي دولة عجبتكم أكثر |
أتوقع في البداية لازم تتأكدين من وجود التأشيرة لأن تأشيرة شنقن تختلف عن التأشيرة البريطانية والبقية يفيدونك الشباب رحلة سعيدة إن شاء الله |
وعليكم السلام 1- ممكن عن طريق القطار من ماينز الى فرانكفورت ثم بروكسل ومنها بقطار اليوروستار السريع الى قلب لندن بس رحلة متعبة 7 ساعات لكن مع الوقفات بتصير اكثر بكثير والافضل طيران اقتصادي بل ارخص 2- اسبوع مدة حلوة بس يادوب تغطين جزء من معالم لندن لو كانت الخطة تمام ولندن فيها من المتاحف والتاريخ الشئ الكثير 3- بكل مكان على طول شارع اكسفورد وفي البيكاديللي وعند النهر محل ماتروحين تلقين هذي المحلات وافضلها البيكاديللي 4- المتوقع 100 باوند سكن و 100 باوند مصروفات يعني 1000 ريال باليوم وممكن يوصل 1500 حسب خياراتك |
اقتباس:
كلها حلوة بس بريطانيا فيها حياة اكثر |
وعليكم السلام ... وانا مثل ابو غسان اشوف الطياره احسن ساعه ونص الى لندن .. |
| الساعة الآن 12:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO