جدول سياحي للملكة المتحدة
 

السلام عليكم ورحمة الله وبركاته
ان شاء الله ناويين نقضي اجازة الصيف ولمدة أسبوعين في المملكة المتحدة.
ارجو من ذوي الخبرة المساعدة في وضع جدول سياحي لمدة أسبوعين
لعائلة من ابوين و 3 أطفال من 7 إلى 11 سنة
علما بأنني زرت لندن مرتين سابقا .. و حابة أزور مناطق أخرى بالإضافة إلى لندن
وبالذات الريف و القلاع و الحصون وجزاكم الله كل الخير. :e437:

وعليكم السلام ورحمة الله وبركاته

ايش الاماكن اللي رحتوا لها عشان الواحد مايكرر لكم الاماكن ؟
شفتي تقارير اسكتلند ؟ ادنبرة وجلاسكو .. حلوه ومليانة قلاع واريافها روعه

مثل ما تفضل بوعبدالله
علمينا شنو اللي زرتيهم عشان نقدر نساعدج اكثر

زرت فقط لندن المركز .. ابغى مدن ثانية بالإضافة إلى لندن .. هل الأفضل أن تتجه لادنبرة وجلاسكو أم كارديف؟

انا اشوف دام معاج اطفال بعمر ماشاءالله حلو للعب والملاهي اقترح تروحين ملاهي التون تاورز Alton towers و منطقة بلاك بول حق أعمارهم راح يستانسون وانتوا تستانسون ان شاءالله

وإذا بخاطرج اللي قلتيهم ادنبره تاريخيه وفيها تسليه بس كثر المكانين اللي ذكرتهم ونفس الشي جلاسكو

اماكارديف في حواليها منتجع يصلح للاطفال فيه مثل الاكوا بارك ودراجات هوائية وفِي بحر


Sent from my iPhone using Tapatalk

شكرا على ردك 🌷

زوري ملاهي التون تاورز ممتازة للعوائل و كبيرة
فيه ملاهي ثورب بارك 45 دقيقة عن لندن تقريباً
منطقة البحيرات ليك ديستريك بحيرات و منتجعات و فنادق ، جميلة و فيها أنشطة
، تقريباً ثلاث ساعات بالقطار من لندن .

ويموث جنوب ، الشاطئ فيها جميل
سفاري بارك أنا رحت شي قريب من بيرمنغهام و كانت ممتعة
تمشين بسيارتك بين الحيوانات و فيها منطقة ألعاب للأطفال،
سكوتلاند أدنبرة و غلاسكو و الهاي لاند إذا ودك تبعدين ،
أدنبره خصوصاً حبيتها مره تحسين نفسك بفلم تاريخي

و رحلة سعيدة إن شاءالله ، الله يحفظكم و يهنيكم��