|
القيادة في لندن ... دخول يا أحبتي الإخوة الكرام أرغب الذهاب إلى لندن وما جاورها شمالا وغربا ... لكن مشكلتي في القيادة العكسية .. أخشى من الحوادث ... وبعض المناطق مثل الريف والسكن فيه لا يصلح بلا سيارة ... ما الحل ؟ وهل اسكتلندا ... مثل لندن في القيادة العكسية ؟ |
القيادة في اليمين ليست صعبة جربتها في ماليزيا سهلة جداً بس البداية لازم تجربها في مناطق ليست مزدحمة حتى تتعود عليها واعتقد ان المشكلة ليست في القيادة في اليمين فقط انما راح تواجهك التكلفة العاليه لايجار السيارة من وقود ومواقف ورسوم طرق اتمنى لك التوفيق |
بالضبظ مثل ما تفضل فيه الردادي |
والله بلشه طول حياتك تسوق باليسار ومتعود لكل شي بالقياده والشوارع والتقاطعات باليسار وتتفاجاء عكس يعني بمدينه زي لندن مابتستمتع بتجلس مركز عالقياده أرسلت من SM-G925I بإستخدام تاباتلك |
داخل لندن ماانصحك ابد بالقيادة لانك ماراح تستمتع وبتكون مركز على الطريق مثل ماتفضل ابو طلال بالاضافة لمشكلة المواقف مثل ماتفضل الردادي .. في الخارج والارياف ايه مناسب جدا واؤيدك عليه بس لازم تعرف بعض انظمتهم شوي ... مثل التوقف عند خط المشاة اجباري ومو متسامح فيه اطلاقا انك تمشي وفيه احد بيعبر وماتمشي الا اذا وصل للرصيف .. الافضلية في الدوار لمين ؟ واكثر الحوادث تصير فيه لان فيه صغار مستهترين واحيانا تنلغي الافضلية ويصير لخبطه ... وترا عادي يوقف واحد قدامك وينزل من السيارة ويخليك تبلش بعمرك لانه يكون وقتها توقفه نظامي على حسب الشارع ... لو توقفت خطا وشفت حق القسايم جالس يسوي لك قسيمة فلا توقف تتفرج عليه الين يخلص ولو كلمك طنشة وشغل سيارتك ورح لان المخالفة ماراح تكون نظامية الا اذا صور القسيمة على قزاز السيارة ولو مشيت قبل تصويرها فخلاص مايقدر يسجلها ولو تسجلت لازم تلقى لها صورة على موقعهم اللي في القسيمة وماراح يقدرون يوفرون الصورة ... <<<<تحس اني شرير |
خخخح تخيل يابو عبدالله الرجال يسجل قسيمة وانا اركب السيارة و اشخط اتوقع تجيه صدمة نفسية تكلفة علاجها اكثر من قيمة المخالفة :32: ما يصير يا شرير ههههههه بالمدن الكبيرة مثل لندن و ادنبره ماتحتاج سيارة مغطاة تماما بالمواصلات اما الارياف سوق براحتك واعكس و حوسهم عند الدوار ماعندك احد حتى لو وقفك البوليس قوله مي نو انقلش مي تورست :32: و اسكتلندا جزء من بريطانيا لذا نفس الانظمة |
ههههه بوعبدالله الريال يبي احد يعلمه انظمة المرور وانت تعلمه انه يخالف لا خليك يا اخوي على الباصات والانرغراوند والقطارات بالارياف سوق وتعلم على القيادة بالعكس |
هو اول ساعة تحسب برهبه و الدوار له رهبه اكبر ثاني يوم عادي |
داخل لندن ماتحتاج سيارة لكن بالارياف الافضل التنقل بالسيارة قبل شهر كنت هناك واجرنا سيارة تحس بالصعوبه وعدم التركيز اول يوم بعدين يصير الوضع سهل وعادي |
ليش متوقعين اني امزح ؟! ترا اتكلم جد وهي ممارسات شبه يومية قدامي ... |
اقتباس:
ادري والله انك جاد بكلامك انا اللي امزح معك :e306: |
اقتباس:
تعرف ان المواقف وخاصة في المناطق السكنية قليلة جدا ومنظمة بحيث انه لازم تكون السيارة عليها تصريح وقوف في المنطقة وبعض الاماكن ممكن تدفع عشان توقف ... المهم مرة من المرات وانا راجع للبيت شفت واحد جاي ركض وركب سيارته وكان حق القسايم جالس يطبع القسيمة من الجهاز اللي معه ( كبر جهاز الشبكة اللي في المحلات والمطاعم) وصاحب السيارة شغل ومشى ولا كلم هذاك ابدا مع انه كان يكلمه ويقول له مايتحرك ... واللي شدني انه نظام المخالفات هنا انه اذا سددت باول 14 يوم فتسدد 50% يعني نصف المخالفة فكيف هذا يروح ويخليه وتبقى مسجله عليه ويدفع زياده لانها خلاص مسجله !! فتكررت المشاهد قدامي وانا عندي سيارة فصار الموضوع يهمني ... خصوصا ان الواحد احيانا يضطر يوقف في الممنوع ( الممنوع انواع منها شي تنظيمي بس ومايشكل خطر او ازعاج لاحد ) ... فسألت وقالوا لي انه ماتستحق المخالفة الا بعد مايصور القسيمة على قزاز السيارة الامامي .. ليش الامامي بعد لانه لازم السائق مايكون موجود .. ولو ماقدر يحطها على السيارة ماله حق ومايقدر يرسلها على العنوان البريدي لصاحب السيارة ( بعض المخالفات مثل السرعة والسير بمسار الباص يرسلونها على العنوان المسجل لمالك السيارة ) ومن حق صاحب السيارة انه يجي مع المخالفة صورة للسيارة في مكان المخالفة والا تعتبر غير نظامية . وفي حالة مخالفات الوقوف الخطأ فبعد تصوير المخالفة وهي ملزوقه على السيارة يرفع الصورة على موقع المخالفات ويقدر صاحب السيارة يشوف الصورة ولو مافيه صورة السيارة وهي واقفه غلط يقدر يحجهم وتنلغي .. |
| الساعة الآن 01:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO