|
تخطيط ل رحلة بريطانيا في الصيف مساء الخير الصيف اللي راح أول سفرة فعلية لنا مع العيال أخيرا أبوهم اقتنع انهم كبروا و نقدر نطلع فيهم برا الخليح رحنا ماليزيا و الحمدلله توفقنا و من رجعنا و اهوه الحمدلله متحمس للصيف الجاي وين بنروح وياهم زوجي أغلب وقته للاسف مشغول أو مسافر ف كانت فرصة العيال يوطدون علاقتهم معاه و هو يعرفهم اكثر والحمدلله كلهم حبوا التجربة ف قلت السنة نخطط على كبير شوي و نروح مكان بااارد و الوجهة المبدأية بريطانيا الفترة من 10 ل 25 اغسطس الخطوط مبدئيأ الاماراتية العدد 3 بالغين 3 اطفال (9 سنوات - 5 سنوات - 4 سنوات) و للحين ما رسيت على مخطط داخل بريطانيا و لكن هذا الجدول التقريبي و اتمنى منكم النصح فيه 10 - 13 اغسطس: أدنبره - جلاسكو (مبدئياً نشوف القلاع هناك بحكم إني أموت على التراث - رحلة الباص السياحي) ما دورت سكن 13 - 18 أغسطس: مانشستر و بلاكبول و وندرمير (ولدي يموت على الكرة و يحب مانشستر يونايتد - بلاكبول عشان الحدايق الترفيهية - وندرمير زوجي يبي استرخاء) ما دورت سكن 18 - 25: لندن (الاماكن الاساسية اللي ابي نزورها عين لندن - المتاحف - قصر باكينغهام مع تبديل الحرس - عرض شريك -الكوفنت جاردن - الهايد بارك - عرض علاء الدين - حدائق الفواكه و ممكن السفاري) للحين ادرو شقق فندقية تكفي عددنا و يكون سعرها معقول لهالفترة و ما لقيت أحتاج منكم لو سمحتو إقتراحات للسكن هل تخطيط الايام مناسب في لندن شنو ممكن بعد نسوي و يناسب عمر عيالي (ما نبي الاكاوريوم و لا حديقة الحيوانات و لا متحف مدام توسو) هل أسكن بمانشستر و أطلع منها ل بلاكبول و وندرمير أو أخصص لك وحدة من المدن ليلتين و أقلل الايام بأماكن ثانية ؟ و هل أساساً في أماكن ثانية حلوة لنا و للاطفال في نفس الوقت ؟ و شاكرة لكم كل جهودكم ويانا |
" هل أسكن بمانشستر و أطلع منها ل بلاكبول و وندرمير أو أخصص لك وحدة من المدن ليلتين و أقلل الايام بأماكن ثانية ؟ " اي مانشستر حلوة حق نقطة انطلاق لندن عندج ثورب بارك و التون تاور و عندج رحلة السفاري او رحلة مزرعة الفراولة بس مادري في وقتج موسم اعتقد يتم لي نهاية جولاي |
مساء النور حلو اقنعتوه باوروبا و خيار بريطانيا رائع راح يعجبكم الترتيب الصحيح يعتمد على وصولكم الافضل يكون الوصول مانشستر والمغادرة لندن في حال كان الوصول لندن تاخذوا رحلة طيران اقتصادية لمانشستر بحيث يكون الترتيب : مانشيستر 2 يوم البحيرات 2 يوم ادنبره 3 يوم لندن 8 يوم مانشيستر ولندن فيها خيارات سكن كثيرة ولو قريتي التقارير راح تطلعي بخيارات حلوة البحيرات ارشح هذا الفندق صاحب الموقع الاجمل https://www.booking.com/hotel/gb/old...s=1&#hotelTmpl ادنبره ارشح هذي الشقق https://www.booking.com/hotel/gb/che...s=1&#hotelTmpl |
اتمنى لكم رحلة سعيده لكن انا بضيف عدد الايام في مانشستر واقلل من لندن لان اذا قعدتوا في مانشستر صوبكم مدينة الملاهي التون تاور و العاب بلاكبول و اكبر مدينة مائية مغطاة في بلاك بول و اوت لت حلو ف من الممكن تزيدون في مانشستر مثلا يومين وتقللونهم من لندن |
اقتباس:
|
اقتباس:
شفت التذاكر اذا الوصول مانشستر و العودة لندن ما تفرق وايد عن الوصول والعودة لندن ... بيكون اضبط او نخلي الوصول جلاسكو مثلا ؟ تشوف يومين في مانشستر كافية ؟ خصوصا نبي نطلع منها على بلاكبول ؟ ما يحتاج نسكن في بلاكبول ؟ |
اقتباس:
التون تاور تناسب اعمار عيالي ؟؟ بلاكبول وايد حابة ازورها اما التسوق بنخليه للندن و هو اساسا مو من اهتماماتي في السفر .. يعني في نظرج ل مانشستر اخلي 3 او 4 ايام ؟ |
مانشستر منها تروحين لفربول بعد |
اقتباس:
و ثاني شي عشان نعطي كل منطقة حقها |
التون فيها للكبار والاطفال اي انا ارشح زيادة الايام يعني 4 ايام حلوين ومنها تكون مكان اقامتكم تزوزن بلاك بول |
السلام عليكم ام حسين دشت الموضوع :17: شوفي دامكم رايحين على الامارتيه نزلي غلاسكو مطارهم سهل ومافي زحمة سكني بغلاسكو وروحي المتاحف هناك حلوه للعيال والكبار تقدرين تشوفينهم بتقريري والسكن شوفي شقتي او المنطقه حولها لانها بالسنتر ادنبرة روحي لها من غلاسكو يوم تبعد ساعه بالقطار واول شي روحي القلعه اذا ما في زحمة ادخليها احنا يوم رحنا كان زحمة وايد ما دخلنا واخذنا الباص السياحي ودانا حق متحف بعد ومر على اماكن سياحيه اذا بتسكنين فيها حلوو بعد يمدحونها بعدين روحي وندرمير للاسترخاء لازم تسكنين فيها والا بس روحه ماراح تسترخين طبعا مانشستر روحي منها بلاكبول يوم ورجعي اعتقد اذا رحتي بلاكبول خلاص الغي التون تاور وثورب بارك التون تاور اتعب الاطفال المسافات بين كل لعبه ولعبه تاخذ وقت وعندج ملاهي ثانيه اسمها كينغستون حليوه وقريبه من لندن نص ساعه تروحين لها بايام لندن وفيها بعد حديقة حيوان مصغره لندن بوسعد دايما يحط لنا عن السكن اما فنادق او شقق فندقيه اخر مره باستفسار العضوة ريم بهذا الرابط https://www.arabtrvl.com/vb/t31294.html والرجعه من لندن |
اقتباس:
شكرا ام حسين حبيبتي على الاقتراحات الخطة بعد البحث اليومي ههههه تغيرت شوي شفت سكن في مزارع و شفت تقرير في المنتدى عن سكن في قارب و شفت السكن في سفاري حالياً انتظر احجز التذاكر عشان ارتب الاكيد و الغالب اني راح اكنسل سكوتلند و اركز على الانشطة الغريبة في انجلترا حول لندن و مانشستر من احجز التذاكر برجع لكم عشان باقي الترتيب |
بالنسبة لي ولعيالي حبينا بلاكبول اكثر من مانشستر اشوف اسكنوا فيها ومنها يوم زوروا نادي مانشستر والمول الكبير ناسية اسمه لكن فعلاً يستحق وبلندن احب السكن في بادنغتون منطقة حية جداً وقريب لها كل شي تقريباً اما وندرمير تستاهل ٣ ليالي موفقين |
اقتباس:
وندرمير المكان خيالي بس شوي متخوفة منها عشان عيالي صغار و احس راح يتمللون .. شرايج ؟ فكرة السكن في بلاكبول شي ما فكرت فيه صراحة لكن باشوف الخيارات لان اتوقع الوصول بيكون على مانشستر فمو اسهل نسكن هناك ؟ |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO