|
بريطانيا من جديد السلام عليكم ورحمة الله وبركاته قررنا السفر لبريطانيا ومو اول مره نزورها لكن عندي كذا استفسار الرحلة طويلة شهر من 5 يوليو الى 4 اوغس اعضاء الرحلة 6 كبار وطفلين ورضيع التقسيم مانشستر 5--10 البحيرات او كارديف محتارة من 10--15 ادنبرة او جلاسكو من 15--20 لندن من 20--4 البحيرات سبق ورحناها ايش رايكم في كارديف وكيف تقسيم الايام بنعتمد على القطارات بين المدن ابغى اعرف السعر التقريبي لها وكارديف فين افضل منطقة للسكن ابغى فندق او شقة 3 غرف وحمامين تكرمون ومطبخ نجي للندن خيارات السكن قليلة بالمواصفات اللي نبغاها لاني تأخرت بالحجز المواصفات شقة 3 غرف وحمامين ومطبخ اصنصير منطقة بادنغتون او قريب من الهايدبارك السعر لا يتجاوز 35 الف سعودي وشكراً لكم مقدماً |
اقتباس:
العفو وان شاءالله قدرت افيدج |
يعطيك العافية ابرار طيب بكذا بتقل ايام الرحلة بيصير الخط مانشستر المنطقة اللي قلتيها جلاسكو او ادنبرة لندن صح ولا انا مافهمت يعني كارديف مااقدر اروح لها ولا صعب ولا ايش بالضبط |
اقتباس:
ممكن تقل يومين او تتم مثل ما اهي اذا تقدرين تحجزين طيران يطب ادنبره و تطلعين من لندن ممتاز يصير خط السير ادنبره - kenmore - ممكن من kenmore الى جلاسكو ليله منها تتسوقون و تريحون و بعدين - مانشستر - لندن او اذا طبيتوا لندن تروحون سيده ادنبره و نفس الخط اللي فوق او مانشستر - جلاسكو ليله - kenmore- ادنبره - لندن انتي المناطق اللي مختارتهم كلهم شمال و كاريف تحت غرب جنوب بريطانيا عادي تقدرين تضيفنها لو تبينها اتقللين من لندن و تروحين كارديف Sent from my iPhone using Tapatalk |
للاسف خطوطنا ماتنزل باسكتلاند تسلمين ياقلبي بشوف اعضاء الرحلة ونتشاور المشكلة انا زينت لهم كارديف وهم حبوها من كلامي عنها |
روحوا لها عن الحسافه اذا بخاطركم Sent from my iPhone using Tapatalk |
خط سيرج حلووو بس اذا طبيتوا مانشستر بتصير بالنص بين لندن وبين اسكتلندا لو تروحين اول ادنبره وجلاسكو وبعدين تنزلين مانشستر ومنها لكارديف ترى حلوة ٣ ايام وبعدين لندن طبعا انا اقول لج قللي مدة لندن لعشرة ايام وايد عليها لان خلاص رحتي لها وحافظتها وزيدي ايام غلاسكو وادنبره وكارديف مانشستر حلو ٥ ايام واذا بتزورين ليفربول زيدي يوم طلعي لها من مانشستر حلوة شقة نمبر وين في تشيلسي حلوة وان شاءالله تحصلين فيها ترى حلوة وواسعه والشارع فيه مطاعم وسوبر ماركت مارك سبنسر ومطاعم ومقاهي عربيه اخف من الاجور رود وفي محطة ايرلزكورت للمترو |
القطارات حجزي من الحين بتلاقين اسعار حلوه وعروض حتى على الدرجه الاولى لشركة فيرجن |
تسلمين ابرار والله خاطري فيها كارديف ام حسين حلتها بعيني الله يحلي ايامها |
ام حسين الله يسعدك المشكلة الوالد يقول اذا مو ١٥ يوم بلندن ماني مسافر يهدد هههههههه بشيك على القطارات شكراً :e327: |
| الساعة الآن 11:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO