المشاركة الأصلية كتبت بواسطة محمد1979 (المشاركة 398935)

اهل الخبرة رواد هالمنتدى الطيب اللي من سنين استفدت منه الكثير
داخل على الله ثم عليكم
اول سفرة لي لبريطانيا ورحلتي فيها ثلاث اطفال وانا وام العيال
1- كيف هو الطريق من لندن الى ادنبرة بالسيارة علما باني سقت من قبل في اوروبا لكن اول مرة في بريطانيا ( القيادة العكس) والقير عادي عشان الميزانية🤕
لا مشكلة بالسواقة عكس أول ساعة وبعدين تتعود فقط اتبع اللي قدامك
والطريق ما فيه زحمة و مخدوم كعادة طرق بريطانيا
2- كيف توفر المواقف في مدينة ادنبرة وجلاسكو للاماكن السياحية ؟ علما بان الشقق اللي استاجرتها فيها مواقف؟
متوفرة
3- انوي تسليم السيارة في مطار هيثرو هل هو نفس المكان اللي استلم منه السيارة؟
قوقل مابز يدلك على مكان تسليم السيارات وهو واحد لكل الشركات
4- هل منطقة Kentish والقريبة من camden آمنة ؟ اللي شفته كلام متضارب بالرغم ان اللي قريته انها سابقا كانت للهيبيز الان منطقة سياح
المنطقة أمان و كامدين نفس نظامها كثير هيبيز فيها بس كلن بحاله
4- هل شارع العرب آمن للزيارته ام لا؟ خصوصا امن معه اطفال
نعم آمن
5- لما قريت توقعات الطقس لنهاية شهر 6 وبداية شهر سبعة الحرارة تكون من 9-21 واحيانا ممطر فهل هذا الكلام صحيح؟
غالباً صحيح امطار بالصيف و برودة بالليل
6- رجوعي سيكون على مطار ستانستد ولم اجد معلومات كثيرة ، انوي استخدام باصات national express للرجوع وهم يسمحون بالشنط الكبيرة ..لكن سؤالي هل استطيع استخدام باصات لندن للذهاب لمحطة golders Green وهل يسمح بالشنط الكبيرة في الباص ؟
رحلة الرجوع دايم خذ تاكسي ولا تستعمل الباص أبداً والافضل تستخدم تطبيق اوبر
الباص قد يأخذ وقت أطول بكثير مما تتوقع
مع جزيل شكري