|
رحلة 10 أيام بين لندن و مانشستر، أحتاج مساعدتكم السلام عليكم و رحمة الله و بركاته أولا أحب أشكر جميع المشرفين و الأعضاء على جهودهم الرائعة لإثراء المحتوى العربي في مجال السياحة و السفر الله يعطيكم ألف عافية و أحب أستفيد من خبراتكم في هذا المجال للتخطيط لرحلتي القادمة بإذن الله في نهاية شهر سبتمبر راح أزور بريطاني لأول مرة مدة الرحلة 10 أيام لأربعة أشخاص بالغين الوصول إلى لندن و العودة من مانشستر عندي كذا تساؤل . 1- مخطط الرحلة مبدئيا الخطة هي ستة أيام في لندن و أربعة في مانشستر ما رأيكم؟ هل فيه أماكن ريفية تقترحون علينا زيارتها أو إضافتها لمخطط الرحلة؟ 2- المواصلات و التنقل التنقل داخل لندن راح يكون بالباص و الاندرقراوند وين ألاقي البطاقة ؟ هل تطلب بطاقة لكل شخص ؟ و كم تكلفتها؟ هل يحتاج أستأجر سيارة مع سائق و كم التكلفة؟ من لندن إلى مانشستر أيهم أفضل القطار أو السيارة؟ و ياليت تفيدوني بموقع لحجز التذاكر أو أرقام سائقين موثوقين 3- السكن أيهم أفضل و أوفر السكن في شقق أم فنادق؟ و إيش أنسب منطقة في لندن و كذلك في مانشستر بحيث تكون قريبة من الأماكن السياحية 4- الأنشطة السياحية ببالي نزور لندن آي و ..؟ بس كيف أحجز التذاكر؟ و هل أحتاج الفاست تراك بسبتمبر؟ مدري لو تقترحو علي أنشطة نقدر نسويها ودي بزيارة مزرعة خيول و تجربة الزيبلاين ، متوفرة هناك؟ هل السفاري بلندن أو مانشستر تستاهل الزيارة ؟ 5- التكلفة كم التكلفة التقريبة للأنشطة و السكن و الأكل للشخص الواحد طوال فترة الإقامة؟ عشان أرتب الميزانية على هالأساس و هل أصرف العملة من هنا أو هناك و وش أفضل بنك في حالات السفر . آسفة إذا خرشتكم بالأسئلة بس أول مرة أزور بريطانيا و أنا المسؤولة عن تخطيط الرحلة من إلى وماودي أنحرج مع العائلة :24: أتمنى تفيدوني وأرحب بأي اقتراحات للجدول و دمتم سالمين |
صحيح سمعت عن عرض The lion king من وين أحجز التذاكر؟ |
السلام عليكم اتشرف للعوده الى اسرتي في المنتدى وانا من 2009 مشتركه بالمنتدى واتشرف بالعوده اليه لما فيه من تعاون من الجميع واعطاء من معلومات تفيد السائل واللي يحتاج اي معلومه عن لندن ومدينه نورتش اهلا وسهلا وتقبلو تحياتي:63: |
اقتباس:
وجيتي بوقتج للرد على اسئلة عضوتنا الجديده عن لندن بارك الله فيج |
هلا فيج اختي A91 بالنسبه للمخطط حلو ومانشستر ممكن تروحون منهل لليفربول او البحيرات جميله جدا المواصلات في تقرير عن بطاقة الاويستر او تابعي تقرير المثبت عن بريطانيا العظمى https://www.arabtrvl.com/vb/t1808.html لندن اندرقراوند والباص وانا افضله اكثر لانه اسهل تحصلين البطاقات في محطات المترو او عند بائع الصحف قرب مطعم البلد في الاجوررود او تحجزينها اون لاين https://oyster.tfl.gov.uk/oyster/entry.do الى مانشستر بالقطار وتحجزين قبل السفر اونلاين من موقع قطار فيرجن https://www.virgintrains.co.uk وكل ما حجزتي بدري بتحصلينه ارخص لا تفكرين بسيارة وسائق خاص باي مكان الحين هناك تطبيقات اوبر وجت نزليهم واستخدميهم في ايجاد التاكسي السكن في لندن حوالين الهايد بارك ومايفير.... الاجور رود اذا حابين عند العرب وفيه شقق ....فنادق الاكسفورد مثل كمبرلاند وامبا وراديسون ....منطقة الكوينز واي ...او حوالين هارودز وبتكون اغلى النايتسبرج مانشستر اهم منطقه هي البيكاديللي اذا حصلتي فندق هناك او حوالينها شوفي قسم الفنادق بالبوابه فيها الفنادق المجربه بلندن ومانشستر من قبل الاعضاء الانشطه السياحيه كثيره للندن اي والمتاحف والقصور الحدائق الجميله الخيول موجود عنها في تقرير بريطانيا العظمى الزبلاين ماعندي فكرة السفاري في رحلات تحصلونها من المكاتب العربيه في الاجور رود ورحلات لاماكن اخرى ما اعتقد تحتاجين للفاست تراك لانه بتكون خفيفه من السواح رابط للحجز للاماكن السياحيه https://www.tathakerlondon.com التكلفه على حسب المواسم المسرحيات افضل تروحون مسرحية علاء الدين احلى من ليون كنغ وهي بعد جميله الحجز اونلاين او قبل روحتكم بكم يوم احجزوا بس الافضل قبل السفره احجزوا اون لاين التكلفه على حسب مشترواتكم ونخليها بدون مشتروات ولا فنادق اعتقد ١٠٠ باوند للشخص باليوم مريحه لا تنسين لندن غاليه اسعار الانشطه غاليه وكل ماحجزتي قبل فترة بتكون ارخص الصرف صرفي من بلدك ولكن القليل واخذي معاك البطاقات الأتمانيه افضل وان شاءالله اذا قرأتي التقارير بتاخذين فكره اكثر عن بريطانيا سفره ممتعه ورجعي كتبي لنا عنها |
افضل عشر اماكن سياحيه في لندن من تريب ادفايزر https://ar.tripadvisor.com/Attractio...n_England.html وافضل مافي مانشستر https://ar.tripadvisor.com/Tourism-g...Vacations.html |
:e303: اقتباس:
و مالنا غنى عن خبراتك و اقتراحاتك:e030: اقتباس:
الله يسعدك بجد ماقصرتي :e327: بإذن الله راح أشارككم تجربتي |
صحيح بخصوص الصرف قرأت أن أحد الأعضاء يحذر من الصرف هنا لأن العملة الموجودة هنا قديمة مدري وش رايك يا أم حسين؟ |
بطاقة الاويستر تحصلينها بكل مكان ... بمحطات الاندرقراوند او حتى البقالات والمحلات الصغيره اللي تكثر في شارع الاجور رود بالنسبه لي دايما اشتريها من مكتب الفيزا البريطانيه عندنا لما نروح نسوي الفيزا ... ادخل لندن البطاقه عندي ( احس اني محصنه) ماحتاج شي �� والصرف اكيد من هنا احسن من تصرفين عندهم السكن الاوفر يعتمد على اختياركم لنوع الشقه ونوع الفندق اذا تحبون السوق اسكني بشارع الاكسفورد في ( امبا ) وانتي مغمضه .. واذا مومهم التسوق اسكنوا اي مكان حوالين السنتر والهايدبارك بيكون مناسب مثل المايفير او النايتسبرج او الباركلين ... بس هالاماكن تعتبر اسعارها مرتفعه اذا تبين مكان موقعه حلو و اسعاره اقل شوي وموبعيد عنهم ابحثي عن فنادق في كينسقتون .. واي استفسار احنا فالخدمه ..... درب السلامه |
اقتباس:
بخصوص البطاقة عادي لو اشتريتها قبل السفرة بأسبوع؟ و هل لو أخذتها هنا سعرها يفرق عن هناك؟ آخذ لكل شخص بطاقة؟ بالنسبة للصرف فأنا أصدرت بطاقة فيزا مدري إذا يحتاج آخذ كاش معاي؟ السكن باقي مادورت إن شاء الله راح أتفرغ له اليوم أو بكرة مدري إذا نظامهم زي أمريكا بطلب تأمين عالسكن:e12f: |
بطاقة الاويستر لكل شخص بطاقه حتى الاطفال اكبر من ١٢ سنه لهم بطاقه الصرف اذا اخذتي الفيزا استخدميها هناك بكل المحلات والمطاعم عادي بس اخذي معاج شويه تكفيج للتاكسي وباوندات للعربانه في المطار لانها ما تفتح الا بباوندين وسفره موفقه يارب |
الله يسلم قلبك ماقصرت توبليرون بالرد بس بضيف انه ماعتقد يفرق سعر البطاقه .. ومو مشكله لو شريتيها قبل اسبوع وضروري يكون معاك مبلغ كاش ... مافهمت قصدك بتامين عالسكن ... بس لما تروحين للفيزا ضروري يكون عندك حجز للسكن وعلى فكره سفرتك باقي عليها ايام ... يفترض تكون خلصتي حجز الفنادق :e31d: انا ان شالله بروح في ديسمبر و امس حجزت فندق :e31d::48: |
صحيح لازم الفنادق تحجزينها بدري لان كل ما تأخرتي بتكون اغلى |
:65: |
:60: |
:e10f: |
:e01d::e01d: |
ان شاء الله اصحاب الخبرة يفيدوا الناس اللي مسافرة اول مره خصوصا |
| الساعة الآن 11:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO