|
بغيت ا بغيت اسماء فنادق في مدن مانشستر وبلاكبول وليفربول . اهلا بالاعضاء الاعزاء.. بغيت اسماء فنادق في كل من مدينة مانشستر ومدينة بلاكبول ومدينة ليفربول. ويارايت واللي عنده خبره اذا سكنت مانشستر كيف اقدر اوصل لبلاكبول وايضا لليفربول !! او اذا سكنت بلاكبول كيف اقدر اوصل لليفربول ولمانشستر؟؟ ويكون اسعار الفنادق من سعر 140 باوند ونازل ما اكثر بكثير ومجربة ولعائلة من زوجين وطفلين. انا افكر اسكن في بلاكبول واتنقل منها الى مانشستر يوم كامل وايضا ليفربول يوم كامل واجلس 3 ايام في بلاكبول نفسها بحكم فنادق بلاكبول ممكن ارخص شوي. كيف تشوفوا زين واللي عنده مقترح يبلغني جزاه الله خير. واللي ينصح بالسكن في مدينة منهم ومها التنقل يخبرني السبب وكيف طريقة التنقل للمدينتين الاخريات. ويخبرني عن الفندق هذا شو جنبه ...الخ |
حياك الله اخوي المدن اللي مختارها كلها سياحية وكلها جميلة وقريبة من بعض التنقل بالقطار افضل شي وعلشان الاطفال لازم تاخذ القطار دايركت انتبه لهذه النقطة لان في بعضها لازم تغير القطار بمحطة ثانية القطار بيوقف بكل المحطات اللي يمر منها ويعطي تنبيه لكل محطة محطة بلاكبول رئيسية يتوقف القطار فيها وينزل جميع الركاب لانها محطة نهاية الخط وفي محطة توقف بسيطة كأنها محطة باص قريبة من فندق هيلتون بلو اذا ما معاك عفش وايد يعني تنزل بسرعه من القطار وتروح على جهة الشارع وملاهي بليتشر بيتش الفنادق ببلاكبول فيها الفخم وفيها الرخيص الفنادق القريبه من ملاهي بليتشر بيتش او الشارع الرئيسي او البرج هي افضل منطقة للسكن وكل ما حجزت مبجر تكون ارخص وعلى ذوقك حلو تسكن ببلاكبول والافضل بمانشستر لانها اكبر وفيها مراكز تسوق بالسنتر اسمه بيكادللي او الترافورد اكبر مركز تسوق في هالمناطق طبعا الارخص بلاكبول ليفربول انا رحت لها يوم واحد الصيف وتمشينا بالميناء والسنتر وبسفرة شتوية رحت ملعب لمباراة ورجعنا بس اكيد احسن فندق هو اللي بالسنتر الاسعار اكيد بتلاقي الحجز الارخص الحين كل ما تاخرت تلاقيه يغلى |
https://www.arabtrvl.com/vb/f250.html هنا تشوف كل فنادق اللي مجربينها انا والاعضاء بالمناطق المذكورة |
مشكوره اختي توبليرون ع الافادة الجميلة. بس عندي استفسار : رأيك افضل اسكن في مانشستر 5 ايام ومنها اروح لبلاكبول وليفربول بدون مبيت فيها ؟ ولا اسكن في بلاكبول 5 ايام ومنها اروح مانشستر وليفربول بدون مبيت ؟ وهل في مانشستر موقع السكن اختار في السنتر ولا منطقة معينه وشارع معين؟ احب السكن مكان الزحمه والحركه. واذا عندك اسماء معينه لفنادق بعينها وبأسعار ما تكون غاليه يعني ف اليوم 100 باوند كذا لاني ميزانيتي ما كبيره. السؤال التالي : لما اطلع من الفندق وانا بمانشستر شو اقول اي محطه اريد اللي تاخذ بلاكبول وليفربول ؟؟ ومثلا انا وصلت معهم الساعه 10 الصباح هل فيه رحلات يحددوا لك متى وايضا هل فيه وقت وقت لازم ترجع له ف بلاكبول مثلا؟؟ ولا الرحلات تطلع كل نص ساعه ولا كيف؟؟ ولا يفضل احجز مسبقا بالنت؟؟ |
اكيد السكن في مانشستر افضل بس اغلى من بلاكبول افضل مكان بالسكن تلاقيه عند السنتر وهو منطقة البيكادللي حوالينها الاسواق والساحة والسوبر ماركت محطة مانشستر بيكادللي هي نفسها للتنقل الى محطة بلاكبول او محطة ليفربول احنا لما نحجز بس نقول لهم اسم المحطه ولعلمك عندهم اونلاين تحجز قبل السفر بفتره وتلاقيه ارخص حتى درجة ال VIP او الاولى بتكون رخيصه وهذه الدرجة لهم لاونج بالمحطه وكذلك بالقطار يعطونك وجبه المسافه ما تستاهل هذا كلها ساعه وعشر دقايق بالكثير اشوف الموقع واكتبه لك هني وبشوف لك كم فندق على حسب اللي تبيه |
هذا موقع القطارات https://www.goeuro.com/lps/train_man...SAAEgImdvD_BwE شوف وقت روحتك لكل من ليفربول وبلاكبول وشوف الاسعار بالنسبة للوقت اهو مدار الوقت قطارات في تقريبا كل ساعة او نص ساعه حتى العوده في اوقات مختلفه بس انتبه لوقت اخر قطار بعده ما راح تلاقي اي قطار والا تضطر ترجع بسيارة اي محطات القطار تحتاج تعرف اي رقم للرصيف اللي بيمشي عليه قطارك وهو تسأل اللي تقص منهم التذكرة او حتى لما تحجز اونلاين هناك لازم تسال عن اي رصيف بيكون عليه قطارك والمشي ضروري لان مسافات وبعد كون قبل موعدك على الاقل بساعه بالمحطه لان معك اطفال يبيلك تكون متواجد تحسبا للظروف |
بغيت ا بغيت اسماء فنادق في مدن مانشستر وبلاكبول وليفربول . الفندق يتغير اسعارهم على حسب الشهر والحجز والعروض متى سفرتكم بتكون وكم اعمار الاطفال خمس ليالي لستة ايام والا اربع ليالي لخمس ايام ؟ https://www.booking.com/hotel/gb/bri...al&#map_closed تجربة او مثال شفت لك هذا الفندق سعره مناسب وموقعه مناسب وكل الفنادق القريبه منه ممتازه سعر وموقع اختار الوقت والمده وحط اعمار الصغار ليش شوف الخريطه https://uploads.tapatalk-cdn.com/201...b80b5beb78.jpg شايف المنطقة هذه هي السنتر وتجمع الناس الساحة تصير فيها العروض الفرديه حوالينها المطاعم والكافيهات والسوبر ماركت محل بريماك المشهور ببريطانيا بضاعه جيده ورخيصه مول ازنديل فيه محلات ومطاعم ويتصل بمحل سيلفردجز والماركات العالميه المنطقه وايد حلوه اذا بغيت تروح لمحطه القطار اتصل على تاكسي او بتلاقي تكاسي بالمنطقه قول له ابي بيكادللي ترين ستيشن ويوصلك بسعر رخيص لانها قريبه و |
والله يا اختي ام احسين جزاك الله الف خير ما قصرتي حقيقه وفي ميزان حسناتك. السفرة ان شاء الله 90% بتكون في منتصف شهر 6 واشيك ع التذاكر والفنادق من الآن لاني اعرف افضل الحين عشان الاسعار تكون حلوه. ما عارف كم اجلس ف مانشستر لاني اريد منها بلاكبول وليفربول تقريبا فقط وهل فيه مكان او مدينة ممكن اروح لها بالقطار غيرهم وارجع نفس اليوم؟؟ لانه مدة الرحلة بتكون 12 يوم تقريبا بين لندن ومانشستر. |
انا افضل السكن في مانشستر ومنها يوم لزيارة بلاكبول وبعدها تنتقل للسكن في ليفربول لاني اشوف مايمفيها زيارة في مانشستر سكنا مره في فندق بجنب محطة بيكادلي للقطارات ناسية اسمه. ومره في ماكدونالد جيد جداً لكن شوي بعيد عن السنتر في ليفربول سكنت في فندق حبيته رغم انه صفير جدا جدا ibic |
اذا حضر الماء بطل التيمم ماعاد نقدر نضيف شي مابعد قول الخوات اي قول نقوله ..... عورني حنكي وانا اقلقل :24: 5 ايام مانشيستر والذهاب لليفربول وبلاكبول يوم والرجعه للمانشستر بنفس اليوم 8 ايام لندن |
| الساعة الآن 11:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO