|
وش رايكم ؟ لندن في سبتمبر والزحمة ؟ وهل تناسب اروح لحالي ؟ او زيارة دول اوروبية ؟ السلام عليكم ورحمة الله وبركاته في البداية احب اشكر ادارة ومشرفي المنتدى المميز وكل الاعضاء الي ساهمو فيه بتقارير رائعه و كل من ساهم بمعلومات فيه لان صراحه فيه مجهودات رائعه تفيد كثير ... نجي لموضوع استفساراتي والله يعينكم علي :17: افكر لسفره لمدة اسبوع 10 ايام تزود او تنقص حسب الوناسة :) بتكون تمشي وسعة صدر ومدينة يكون الجو حلو وفيه اماكن راحه وحدائق واسترخاء اذا بغيت .. وطبعا ما حاب اسوق بديرة ماعرف شواعها وطرقها .:14: فكرت في لندن !!! لكن ! ... صراحة ماحب الزحمة الشديد والانتظار والطوابير وانا من النوع الي يرفع ضغطي ويلعب بنفسيتي الانتظار :( وانا جاي اوسع صدري وانبسط :) وحبيت استشركم بحكم خبرتكم : 1) مدري وش رايكم بالسفر الى لندن في سبتمبر بعد نهاية الاجازة ؟ او افضل ب اوكتوبر ؟ وانسب وقت في سبتمبر ؟ الاسبوع الاول او الثاني ؟ هل الوقت مناسب ومايكون زحمة والتنقل اسهل في الاماكن السياحية ؟ 2) نجي للموضوع المحير الثاني والاهم افكر اسافر لحالي ومتردد !! اخاف اطفش وامل .. وما سبق وسافرت لحالي !! ولا رايكم لازم اشوف لي خوي او اثنين ؟؟ وتعرفون بريطانيا فيزا لحالها ماهي مع الشنجن واغلب الي اعرفهم وارتاحلهم بالسفر صعبه ياخذون اجازه بسبتمبر وتوهم راجعين من اجازاتهم ومكن ماتناسبهم لندن وماطلعو فيزا . و متردد اخاف ادور احد ثاني ماعرفه زين وما نرتاح يصير لكل واحد رايه واهتمامته والاماكن الي تعجبه .... الخ . 3) رايكم هل افضل اني اشبكها مع زيارة لدولة اخرى في اوروبا ؟ لان من لندن بسهول تروح دايركت طيران لمدن اوروبا . وهل ترشحون مدن معينة بالرجعه او الذهاب مثلا باريس او امستردام او برشلونة او فينا.. زيورخ و لوسيرن..... الخ ؟ |
وعليكم السلام ورحمة الله وبركاته حياك الله أخي في منتداك ، وكل الشكر على المقدمة الطيبة ويا ليت لو كنت كاتب موضوعك في قسم الإستفسارات عموماً ردي على إستفساراتك : - بالنسبة لوقت زيارة لندن فشهر سبتمبر مناسب خصوصاً من الإسبوع الثاني وطالع ، وشهر أكتوبر أفضل - مدة الرحلة اسبوع إلى 10 أيام جميلة وكافية بإذن الله - السفر من صديق تعرفه جيداً أو قريب لك أفضل ، ولكن إن لم تجد فلا بأس أن تسافر لوحدك ولكن نصيحة اسبوع كافي خصوصاً وأنك غير متعود على السفر لوحدك - حقيقة لا أرى أي داعي لزيارة دولة أخرى ، ويمكنك زيارة مدن بريطانية أخرى مع لندن إن أحببت |
ما قصر أبو محمد السفر لوحدك متعة متى ما تعودت عليه لندن خيار حلو بكل الاوقات لكن أسبوع يا دوب تتعرف على كم معلم و تتقن خريطة الاندرقراوند يعني ما يمديك تضيف لها مدينة ثانية ممكن تفكر في مدريد مع برشلونه هذا برضه خيار حلو و يناسب شخص مسافر لحاله و تتنقل بينهم بالقطار |
لندن جميلة بكل الاوقات وخيار السفر بسبتمبر بيكون جميل بتكون الدنيا برتقاليه وخياليه بعد وفيه برودة زحمه ما فيه لانه مو موسم بس المهم تنتبه لـ 23 سبتمبر اليوم الوطني السعودي ممكن فيه ناس تسافر فيه واخر اكتوبر فيه عيد الهالوين العالم تخرع وتألف تأليف بسم الله علينا وكمان نوفمبر شهر البون فاير (الالعاب النارية ) بكل مكان تشوفها التنقلات في لندن/ باص ،مشي على الاقدام، مترو التكاسي غالية لانها بتوقف في الزحمة وتلسعك بالسعر السيارات ما ينفع لان اماكن كثيرة بلندن ممنوع الوقوف فيها والانتظار وبالتالي انت ما تستفيدوبعضها ببلاش لكن في اوقات معينة مجرد ما تتجاوزها تجيك مخالفه المبتعثين لما يزورون لندن يصفطون سياراتهم بأي مواقف بفلوس وينسونها او في اماكن مسموحة ومشاويرهم كعابي او اندرقراوند جنوب لندن في حدائق اللافندر جميلة وكمان مزرعة الفراولة بس ما اتوقع تشوف شي بالخريف (سبتمبر/ اكتوبر / نوفمبر ) |
اقتباس:
واخذنا من وقتك و الله يعطيك الف عافيه اجوبتك كافه ووافيه . |
اقتباس:
واخذنا من وقتك ماقصرت . اجل اسبوع 10 ايام شويه على لندن ماشاء الله :) حمستني اكثر وفكرة برشلونه مدريد حلوه ب المشكلة مدريد اعتقد درجة الحرارة اعلى من برشلونة ولندن واكرر شكري لك على الرد واقتراحاتك الله يجزاك خير . |
اقتباس:
وكويس نبهتينا اليوم الوطني والزحمات :) وموضوع السيارة اكيد زي ماقلتي ماتنفع ابدا :( و اكرر شكري لك واخذنا من وقتك الله يعطيك العافية |
وش رايكم ؟ لندن في سبتمبر والزحمة ؟ وهل تناسب اروح لحالي ؟ او زيارة دول اوروبية ؟ الجو حلو في سبتمبر في اسبانيا وبريطانيا طبعا احلى بالجو منهم Sent from my iPhone using Tapatalk |
اقتباس:
والمشكلى سفرتي اقل من 10 ايام تقريبا |
| الساعة الآن 02:10 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO