|
استفسار بخصوص المواصلات للتنقل داخل بريطانيا السلام عليكم ورحمة الله وبركاته حابين هالسنه نسافر بريطانيا على بداية شهر يوليو مدة السفر تقريبا شهر وكم يوم لسه ما حجزنا بنتنقل خلال هالفتره من مانشستر الى ليفربول ومنطقة البحيرات وادنبره واكيد لندن وبنضيف قرى خصوصا بالشمال بسبب برودة الاجواء اللي محتاره فيه هو وسيلة المواصلات سابقا كانت لنا سفره تعلم لغه للابناء من خمس سنوات استخدمنا سياره وكنا فقط في مانشستر لاحظت ان سياره لها عيوب مثل المواقف كلها تقريبا غير مجانيه ومزدحمه اضافه الى المخالفات جدا دقيقين _ بعدها سافرت انا والاولاد فقط اعتمدنا ع باصات اوبر وهكذا وفي الويك اند قطارات لزيارة مدن _ الان السفره سياحه فقط وكلها تنقلات ولا في استقرار بمعنى اشوف صعوبه بنقل الشنط باستمرار داخل القطارات لذلك افكر بايجار سياره والسكن خارج السنتر مدري محتاره اتمنى مساعدتي علما ان ابني وهو اللي بيقود السياره عمره ٢١ سنه بس بستأجرها باسمي جزاكم الله خير |
اذا السكن برا السنتر و بتنقلون وايد الافضل تأجرون سياره او تستخدمون القطار للمدن الرئيسه اللي بتزورونها ومنها تاخذون تاكسي للوجهه اللي تبونها |
ياهلا بك اختي تقريبا خطتك مشابهه بشكل كبير لخطتي هذا الصيف مع اختلاف بعض المدن وزيارتي بتكون بنهاية جولاي. بالنسبة اذا بتستأجرين سيارة تأكدي اذا الشركة عندها شرط يكون السائق اكبر من 25 سنة فانتبهي من سالفة المخالفات. والسكن مو شرط انه برا السنتر فيه مواقف.. ابحثي وحطي بالفلاتر يكون الفندق فيه مواقف بعضها بالسنتر تكون بسعر رمزي يعني يوم ب6 - 8 باوند واحيانا يكون فيه مواقف مجانية بس تكون مسافة مشي شوي عن الفندق لذلك اقرأي بالرفيوز وتواصلي مع اماكن الاقامة قبل للتأكيد. اذا العدد غير كبير والتنقل يكون بس بهدف السفر من مدينة لاخرى ممكن تستخدمين القطار. ولكن اذا حابين توقفون بالطريق في قرى وكان العدد كبير فالسيارة خيار مناسب. قالولي السواقه باسكوتلندا شوي اصعب لانها جبلية وامطار معظم الوقت وانا حريصة من هالسالفة لان اول مره اسوق هناك. |
اقتباس:
رغم ان كنا مستقرين ب manchestr ونفس الشي السنه اللي بعدها سكنا ليفربول ونهاية الاسبوع نسافر والشنط سالفه حاليا كلها سياحه وكل منطقة بنجلس بين يومين الى ٥ ايام هل يعقل بسحب انا وعيالي شناط اصلا سالفة القطارات سالفه مرا بغينا ننسى شنطه ومرا فاتنا القطار وحجزنا من جديد ومرا كنا بالندن وتاخرنا على القطار وكان اخر واحد وجلسنا لقريب الفجر ورجعنا من لندن الى ليفربول بباص اخر الليل مت خوف والله القطارات حلوه لكن فيها بهذله |
اقتباس:
بستاجر باسمي طبعا لان ولدي تحت ٢٥ عمره ٢١ لكن فعليا بعد ما اخذ السياره اللي بيسوقها ولدي سوينا نفس الحركه ب اوكرانيا السياره باسمي و ولدي يسوق طرق جبليه منعطفات امطار لكن بريطانيا السواقه عكس مدري كيف بيكون الوضع بالنسبه لعددنا ٣ اشخاص فقط لازلت محتاره هل اخذ سياره وافتك من هجولة القطارات او اعتمد ع المواصلات والقطارات ! مين جرب القيادة ببريطانيا هل الموضوع سهل وخصوصا ان القيادة عكس ؟؟ |
اقتباس:
حقيقةً اختي لا أنصح بقيادة ابنك للسيارة في بريطانيا كونه غير مستوفي الشروط كون بريطانيا صارمة في تطبيق القوانين ، خصوصاً في حال حصول حادث لا قدر الله فأنتم في رحلة سياحة ، فلماذا تورطون انفسكم في مثل هذه الظروف والتي قد تعكر صفو الرحلة بالكامل عليكم . كما أن القيادة في بريطانيا مختلفة ( المقود جهة اليمين ) وابنك غير متعود على هذا النوع من القيادة . نصيحة أخرى التقليل من حمل الكثير من الحقائب في السفر مريح ومفيد جداً ويسهل عليكم التنقل . |
اقتباس:
|
اقتباس:
وازورها بس كيف بيكون تنقلكم جدول مثل كذا يحتاج سياره صح؟ ليفربول اقمت فيها شهرين مع اولادي يدرسون لغه جدا جميله وهادئه وفيها نهر يفصلها لجزئين تنتقلون عبر الجسر او عبارات وفيها واجهه بحريه رائعه والسنتر قريب جدا من الواجهه فيه مطاعم وكافيهات وتسوق اغلب الماركات موجوده تستاهل الزياره |
اقتباس:
|
اقتباس:
ان شاء الله تكون بالسيارة ونجرب انفسنا في البداية ولو ماارتحنا ممكن ناخذ سايق خاص مع انه غالي وربي ييسر لنا ولكم |
| الساعة الآن 10:31 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO