|
لعشاق لندن.. بحاجة للخبرات السلام عليكم جميعاً، اخوكم عريس جديد ولا عمره سافر خارج الخليج. حجزت على لندن من 24 سبتمبر الى 2 اكتوبر، ودي استفسر هالفترة كيف اجواء لندن ؟ علما فيه كثير من القريبين قالوا لي 8 أيام على لندن كثير جدا. الصدق ودي برأي الخبرات وش فيه فعاليات ومناطق سياحية مميزة بلندن، حاولت ابحث عن خريطة سياحية بس ماحصلت للأسف. نعتذر عن الإطالة :41: |
و عليكم السلام و رحمة الله و بركاته .. و 1000 مبرووووك مقدماً و بارك الله لكما و جمع بينكما في خير أشوف أن المدة 8 أيام بتكون مناسبة و هذا حقها على أعتبار أنها زيارتك الأولى لها … بالنسبة للأجواء ممتازة في هالتوقيت و الجو لطيف لا بارد و لا حار أما فيما يخص الفعاليات و المزارات السياحية تلاقي التفاصيل بالبحث في خرائط قوقل … https://www.google.com/travel/things...AAAAHQAAAAAQBw |
اقتباس:
الله يبارك فيك وجزاك الله خير، ماقصرت الله يسعدك الف شكر. انا ناوي اقسم السكن 4 ليالي على فندقين وبعد البحث قررت واحد منهم يكون فندق قريب جدا من الاكسفورد وش فيه مناطق اخرى مناسبة للسكن؟ |
وعليكم السلام ومبروووووووك والله يهنيكم ويتمم عليكم يا رب 🤲🏽 هذا جدول فيه اهم الاماكن السياحيه https://www.arabtrvl.com/vb/t1726.html الجو وقتكم واايد حلووو ممكن اضافة على الجدول حضور مسرحيات - زياره منطقه خارجيه مثل باث او المبيت في منطقه البحيرات ويندرمير - Sky garden تحجزون للعشا او الغدا - https://www.londontheatre.co.uk/what...ic_Shows_Exact |
اقتباس:
|
اقتباس:
ما تستأهل المدة تقسم السكن في فندقين خلك بفندق واحد أحسن لك و المنطقة الوقعة قريبة من شارع أوكسفورد هي الأفضل و القريبة من كل الأماكن السياحية نصيحة خلك في فندق واحد |
اقتباس:
الله يبارك فيك ويهنيك.. جزاك الله خير والف شكر لك 🙏🏻 |
مبروك مقدماً اقترح عليك هذا المخطط يا غالي أول ما توصل تأخذ تاكسي من المطار على محطة القطارات Euston ومن هناك تأخذ قطار مباشرة على وندرمير windermere بحيث تكون حاجز 3 أيام في هذا الفندق https://innonlake.co.uk/ الجلسة في حديقة الفندق وعلى البحيرة الخاصة فيه شي خيالي كمان ممكن تمشي على المنطقة المحيطة فيه وتمشي على النهر خلفه ومن هناك على الجبال الخضراء المنطقة آمنة تماماً وقد سبق لي السكن في الفندق العشاء في الفندق يحتاج حجز مبكر وتبلغهم بالايميل أنك عريس بعدها العودة بالقطار الى لندن والسكن في هذا الفندق وقد سبق لي السكن فيه أيضاً في قلب الحدث على شارع اكسفورد وتعامل رائع الفندق كان اسمه AMBA والآن Thristle https://bit.ly/3TkLlPO بس بعد العودة لابد من تقرير عن الرحلة مهم جداً تكون مرتب حجوزاتك للفنادق أما القطار تقدر تشتري التذاكر من الشباك بعد وصولك للمحطة ولو عندك أي استفسارات يا عريس حاضرين |
اقتباس:
الله يبارك فيك وجزاك الله خير، كفيت ووفيت وباذن الله نطور مهارات الكتابة ونبهركم بالتقارير 👍🏼 |
لندن حلوة وفيها انشطة وتسوق وتمشي اكيد 8 ايام حلوة ولا تغير الفندق احجز مسرحية روح متحف الشمع روح عين لندن وفي يمها الاكواريوم ومتحف وانشطه تمشي عندها وتشوف اللي يستعرضون جولة نهرية احجز مطعم في الحدائق المعلقة بالنهار احلى المناظر والتصوير في النهار لان بالليل الشبابيك تعكس الصور ومايبين شي الافضل نهارا وعقب المطعم اخذ جوله مشي بالمنطقة الى برج الجسر وتعبر للجهة الثانيه وحتى الجسر تقدر تصعد في ممر زجاجي فوق ولا تنسى التمشي في الهايد بارك او الريجنت بارك وتقدر تستأجر قواري وتتمشون فيهم التأجير عن طريق موقع نفس موقع التكاسي وان شاءالله سفرة سعيدة والف مبرووك مقدما |
| الساعة الآن 10:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO