|
بخصوص القطارات + الاندرجراوند بسم الله الرحمن الرحيم السلام عليكم قريت مواضيع كثيرة بالقسم واستفدت منها خصوصا في موضوعي السابق الله يعطيكم العافية. بحثت في المنتدى وفي المواقع عن الاندرجراوند والقطارات. انا حاب اروح من لندن الى مانشستر والعودة لها عن طريق القطار .. لكن حصلت اكثر من موقع لحجز التذاكر منها Train Line وكذلك National rail نفس الشي بخصوص التنقل بالاندرجراوند او ميترولينك في مانشستر وجدت اكثر من شركة .. فهل المحطات والقطارات توجد حسب الشركات؟ ام جميع القطارات والاندرجراوند خطوطها واحدة باختلاف الشركات؟ مثلاً لو حاب اسافر من لندن الى مانشستر عن طريق القطار وباستخدام الاندرجراوند ك وسيلة نقل لمحطة القطار .. كيف الطريقة؟ سؤال اخر .. هل الدفع الالكتروني عن طريق الابل باي يغني عن استخدام بطاقة الاندرجراوند او الميترولينك في مانشستر؟ شكرا واعتذر ع الاطالة |
و عليكم السلام و رحمة الله و بركاته .. حياك الله أخ حسام ... بالنسبة للقطار ما بين لندن و مانشستر .. هي شركات و قطاراتها لها مواعيد و محطات أنطلاق و محطات توقف قبل الوصول إلى مانشستر أو لندم و على المسافر البحث عن ما يناسبه من الرحلات و ن كان الرحلة المباشرة أفضل بالنسبة للأندرقراوند في لندن من تجربتي مرات عديدة الأفضل أنك تشتري بطاقة أويسر كارد(Oyster) التي تستخدم في رحلات المترو(الاندرقراوند) و باصات لندن بسعر مخفض و تشحن البطاقة رصيد و يخصم في كل مرة تستخدم المترو أو الباص و تقدر تضيف لها رصيد من جميع المحطات https://upload.wikimedia.org/wikiped...yster_card.png رابط الموقع التالي يبين لك كيفية أستخدام الأندرقراوند Plan a Journey تقدر تنتقل بالأندرقراوند من المحطة اللى أنت فيها إلى محطة أنطلاق قطار مانشيستر فقط تطلع إلى رصيف القطارات من خطوط الأندرقراوند بالنسبة للدفع أعتقد فيه تقدر تدفع عن طريق أبل باي بس بطاقة Oyster أوفر لك بالتوفيق |
اقتباس:
|
اقتباس:
العفو أخوي حسام شد حيلك بالسفرة .. و نبي تقرير عن تجربتك بعد العودة أن شاء الله |
رحله موفقه باذن الله احجز مسبقاا افضل للقطارات الى مانشستر بعضها يصير عروض تاخذ الدرجة الاولى مع وجبه ما يطلع عليكم وايد وبعد اذا عندك اطفال احجز الكرت العائلي واخذ الجولات رايح راجع يصير عليها خصم وانتبه على مدة رحله القطار بعضها له توقف محطات كثيرة وبعضها يكون محطات قليله وكله بموقعهم افضل كنت اروح على قطارات فيرجن بس هذه السنة مافي غفلت الشركة |
| الساعة الآن 05:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO