|
ملاحظات من سفرتي لتركيا السلام عليكم ورحمة الله اولا احب اشكر كل القائمين على منتدى المسافرون العرب http://store2.up-00.com/2016-05/1463984976091.jpg وكل من كتب تقرير وكل من افادنا واسأل الله القدير ان يوفقهم ويحميهم ويرزقهم ولا اقدر اذكر احد معين لأن الجميع بدون استثناء اجادوا وافادوا ولكن ماجد الفهد ماجد الفهد لازم اخصه بالشكر وليعذرني الجميع . http://store2.up-00.com/2016-05/1463984976382.jpg ثانيا: من عزمت السفر الي تركيا وبديت اخطط واقراء كنت اقراء كثييير عن اخلاق الأتراك الشينه وانفسهم الضيقه ودايم تمر على مسامعي من الناس الأتراك قشران وبهم شوفة نفس وينفخون و و و ... وسبحان الله في نفس الفتره اللي قررت اسافر كان عندي عده مراجعات حكوميه وبنوك وكنت احتك بكثير من الموظفين الحكوميين وموظفين البنوك ولا اعمم لكن كنت اشوف كثييير منهم اخلاقهم ضيقه و ينافخ على غير سبب ويعطل مصالح المسلمين بدون مبرر وكثييير منهم وكثيييير يخلصون واجباتهم على اكمل وجه ولكن بوجه عابس ورفع صوت وخصوصا العماله الأجنبيه في البنوك والله اني استحي من معاملة الموظفين لهم من رفع صوت ومن وجه عابس ومن تعامل سيء واقارن ما اسمع واقراء و اشوف واقعنا بوطننا الحبيب واسأا نفسي هاللي يسبون اخلاق الأتراك وتعاملهم ما يشوفون حنا وشلون نتعامل مع بعض وبنفس الوقت اقول انت ما رحت لتركيا الي الآن اصبر ولا تحكم الا من واقع تجربه والصدمه من البدايه من وصلت اسطنبول وأول تعامل لي مع شركة ايجار نقاط النت الرجال واقف على موعدنا و رافع اسمي و بأبتسامه عريييضه جميله وسلام حار شكيت انوه يعرفن من زمان. وكان عندي رحله على طول لطربزون وسريع سريع الصاله الثانيه ونجي للتفتيش وتوصل زوجتي ويوم شافتها الموظفه بكامل حجابها ما فتشت قدام الناس قالت لو سمحتي وهي تتبسم تعالي انا استغربت وقلت هذي تبي تسلط عليها وبعد شوي ترجع زوجتي وتقول فتشوني بأحترام ولا حتا طلبوا مني افك النقاب بس ما رضت تفتشها تفتيش شخصي قدام الناس وتقول انهم يضحكون معي وانهم لطيفين للغايه قلت هذي مهيب مقياس . الصدمه بطربزون واوزنجول وايدر يا ناس مؤدبين وبشوشين واخلاقهم عاليه وكلمه دايم اسمعه (عرب ستان قود ) والمواقف لا تعد وكثيره http://store2.up-00.com/2016-05/1463984976663.jpg وبعد ما جيت اسطنبول اسأل نفسي هل انا موفق او كلهم كذا ابتسامه وحبابه صاحب اول مطعم تعشينا عنده كنت متزمت ومتشدد بحكم انهم حراميه ويأخذون اكثر من الواقع وينزلون طلبات زياده والمفاجأه ان الماء بلاش والشاهي بلاش وطلبنا نعناع وبلاش كله على قولتهم ( اكرام ) انا ما ادري وين ضيق الخلق وشين النفس اللي يقولونه الناس .. بأخر يوم بأسطنبول مريت على راعي المطعم هذا نفسه بالصدفه يوم شاف البزران بدا يخمخمهم ويحبهم ويوم قلنا اننا مسافرين تقطع ابن الحلال تقل بيننا عشرة طويله عموما باقي كم نقطه انصح المسافرين لتركيا 1-لا تصرف دولار وليره ويور من واقع تجربتي السحب من الصراف احسن بكثير واذا طلب حسابه باليورو او الدولار اقول ما معي الا ليره وغالبا يصير سعر الصرف مناسب جدا طلب من 50 دولار قلت مامعي الا ليره قسم وضرب قال هات 140 ليره ويوم حاسبته لقيت ان سعر الصرف 50 دولار = 148 ليره بالنسبه للشمال الشرقي وتحديدا اوزنجول وما جاورها 2- اذا كان الجو ماطر لا تتحرك ابد ولا تفكر انك تروح لمرتفعات ابد ابد ابد تقدر تروح لقرى مجاوره مثل شيكرا لكن مرتفعات ابد لا تفكر. 3-وانت رايح لمرتفعات السلطان مراد يوجد طريقين اونت طالع من اوزنجول متجه لطربزون اول طريق يسار لا تروح معه الطريق الثاني يسار بالماريه عنده لوحه عربي مكتوب مرتفعات السلطان مراد هذا مسفلت وطريق زين الأول وعر ولا سفلت وكله حفر. 4- لا تفوت بحيرة السمك ومرتفعات شكرسو ابد صحيح الطريق مهب مسفلت ومخيف بعض الشي ومو شرط توصله ولكن لا تفوت الأستمتاع بتفاصيل الطريق والمرتفعات ولو تطلع نص المسافه وترجع مع العلم اني اشوف ان الطريق حلو جدا لكن بعض الأخوان يرونه مخيف واهم شي يكون الجو مشمس. 5-المطاعم البعيده عن بحيرة اوزنجول ارخص بكثيييير . 6-انا لقيت العسل بالمرتفعات وبالقرى الصغيره ارخص بكثييييير من المحلات هل فيه فرق بالجوده ؟ الله اعلم انا مانب خبير بالعسل لكن اشوفه من المناحل اللي بالقرى وانت طالع المرتفعات ارخص . 7- مثل ما قال كل من كتب تقرير عن الشمال الشرقي فعاليات ما فيه ذاك الزود استرخاء وطبيعه ومناظر لا تمل وهدوووء عجيب وراحة اعصاب غير كذا لا تدوره بالشمال الشرقي . *اسطنبول* 1-التكسي اللي عداده مهوب بالمرايه فوق تراه نصاب وحرامي ابعد عنوه وانصحكم ببرنامج bitaksi الحقيقه مفيد جدا وجزى الله خير من دلنا عليه. 2- تذكرة دخول فيالاند تقدر تدفع 50 ليره زياده ولا تصف سرا في بعض الألعاب مع اني رحت يوم اربعاء لكن كانت مزحومه وبعد ما دخلت دفعت زياده لكل شخص 50 ليره وصرنا ما نصف ندخل كل لعبه بسرعه. 3-لا تفكر ابد ابد تروح لجامع ابو ايوب الأنصاري رضي الله عنه او ما يسمى بمنطقة ايوب والتلفريك ومقهى بيير لوتي يا ناس هل يعقل يجي للرياض سائح بولندي مثلا و اوديه لمقبرة النسيم او العود ؟؟؟ يا ناس هل من المعقول اني اقعد احتسي قهوتي الساخنه وانا مطل على قبور ؟؟؟ تلة العرائس افضل واحسن اطلاله وجو ولا اروع وارفع عن مستوى البحر. 4- بحكم اني اول مره ازور تركيا يوم جيت لأسطنبول استعنت بمرشد سياحي عراقي يومين فقط لين دليت ومسكت الدرب وعرفت المناطق وعرفت كيف استخدم المترو والترام والباص والعبارات وبعده انطلقت ورحت ولله الحمد لأغلب المناطق اللي نصحتون بزيارته لحالي . واخيرا ما كتبته يعبر عن رأيي انا ولا هوب لازم يصلحلكم بس هذا ما كان يقرقع بخاطري من سافرت الين رجعت . والمعذرة على الأطاله ترا اول مره اكتب موضوع وأولا واخرا نحمد الله على الرجوع للوطن ونحن بخير والدعاء لكل من كتب بهذا الموقع المبارك وجزاكم الله خير وصلى الله على سيدنا محمد . |
اللهم صل وسلم على نبينا محمد بارك الله فيك وحفظك |
الافضل برايك استأجار سيارة وتقودها بنفسك في الشمال التركي او تأجير سيارة بسائق افضل |
الحمد لله على السلامة ملاحظات هامة و قيمة شكرا لك |
ما شاء الله ماشاء الله الصور تنطق شنووووووووووو هالجمال واللقطات الجميلة مصور مبدع الله يحفظك هالصورة خذت قلبي كل الشكر على ملاحظاتك ونصايحك والحمد لله على سلامتكم والله ا ن تركيا حلو لكن يبيلها حيطة وحذر حتى تسمتع بشكل صحيح انا زرتها مرة وحدة 10 ايام اسطنبول وبورصة والايام سريعه لكن اسمتعتنا وان شاء الله نكرر الزيارة بايام اكثر وزيارة هالمناطق اللي ترد الروح باختصار بدأت احب تركيا واشتاق لها :e13d::58: تحياتي اختكم - قصة حب الكويت |
يعطيك العافيه اخوي وفعلا الشعب التركي اغلبه شعب محترم بس الناس يمكن تحكم على العرب الموجودين بتركيا انهم اتراك |
بارك الله فيك وفقت بالطرح وتركيا سبق وزرتها ناسها طيبين وبلدهم طيب ويكفيك انه بلد مسلم وقريبة من السعودية والخليج. الي حاصل هو انه في موجة تشويه لسمعىة تركيا وسياحة تركيا من بعض الدول الي لها تيار خاص بالاضافة الى ذلك انها تشوف ان تركيا منافس لها سياحياً وشافت انه اغلب العرب والخليجيين طايحين بتركيا لدرجة صارو يرسلو ناس لهناك على حسابهم من اجل تشويه سمعة السياحة وعلى سبيل المثال مشاهير السوشل ميديا يروحون هناك يحذرون الناس من كل شي انهم انسرقوا واتنصب عليهم ...والخ |
ما شاء الله عليك يابو محمد بس ليش بخيل علينا بصور الحلوة الي ترد الروح صور احترافيه ما شاء الله والله اكبر متعه ان نكون قدمنا شي للناس الي متخوفين ويرجعون مبسوطين وكلامك عين العقل وهذا ما اذكره دائما بدل مانقول الاتراك عبوسين مايبتسمون هل نحن كذلك هل التركي ماعنده هموم بس قاعد يوزع ابتسامات للسياح:71: ماذا يقال عنا نحن في بلدنا عند الاخريين هذا ما اضعه في الاعتبار بنسبة الى اسطنبول ففيها بلاوي الحمد لله الي الله سلمك منهم اسعار مرتفعه في اغلب مطاعمهم ونحن نوصي دائما لاتصغي الى حد غريب ويبتدي يسايسك ويحرجك وتقع صيد سهل له تذهب الى محل معروف مفتوحه ابوابه للجميع اغلب المشاكل في اسطنبول تحديدا تقسيم الحمد لله ان امورك طيبه واخذت فكره طيبه عن تركيا وماجد الفهد يستاهل كل خير فعلا مجتهد في الوصف ولايبخل في طرح مواضيع جدا جميله |
اقتباس:
1-ارخص 2- توقف وين ما تبي 3- خصوصيه انت وعيالك او اخوياك |
اقتباس:
|
اقتباس:
|
اقتباس:
اشكر مرورك ودعواتك والله يحفظك لكن الشمال الشرقي لا يقارن بأسطنبول ابد |
اقتباس:
|
اقتباس:
بالنسبه للتصوير التقارير كثيره وتصويرهم جميييل والصدق حمستوني انزل صور اكثر وترا حتى انت يا اخوي ماجد استفدت منك لكن من اذكر ومن اخلي واللي يوصلكم مني ان شاء الله دعواتي لكل من ساهم معنا بأنجاح السفره ودايم ادعي لكم اما سبب ذكري لماجد الفهد لأني بصراحه اشغلته معي وتواصلت معه وانتم كلكم تستاهلون كل خير :18::18: |
. . الحمد لله على السلامة وافي والله أيها الرجل الطيب كلماتك الحفزة تزيد من حماسي والله يجعلنا خيرا مما تظنون وتأكد أن كل فرد موجود في هذه البواية وغيرها مهم جدا ومفيد ويقدمون لنا الكثير من التجارب والخبرات ولولا الله ثم وجودكم ودعمكم وتواجدكم لما قامت هذه البوابة ولا كان هذا المنتدى فشكرا لكل من ساهم في البذل والبناء أما رحلتك ،،، فلن أزيد على ما ذكرت ،،، أنت قلبك أبيض ونيتك زينة ولذلك الناس في الغالب يقابلونك بنفس الوجه الطلق اللي تلقاهم فيه حكاية الصرافة أفضل زي ما ذكرت بقية الأمور لا تعليق بعد كلامك الطيب :) الله يسعدك يا غالي وشاكر ومقدر كلامك وعقبال ما نفرح بتقرير ثاني لرحلة ثانية بحول الله دمتم بخير |
يعطيك العافيه اخوي بو محمد على التقرير الطيب والنصائح الحلوة استفساري بخصوص الصرف تقدر تعطينا تفصيل مبسط عن سعر السحب والعمولة وهالامور هذي وبخصوص عدم نصيحتك ركوب التلفريك هل تقصد اللي في بورصه ؟ |
اقتباس:
|
انا حسابي ببنك الرياض سالتهم قالي 35 ريال على كل عملية + سعر الصرف |
الحمد لله على سلامتكم بو محمد. شكرا على النصائح الجميلة والانطباعات اللي اعطيتهه. واضح ان رحلتكم كانت جميلة والحمد لله. اتفق معك بمعظم ما قلته. تل العرائس ( رغم بعده نسبياً ) مكان رائع جدا. مقهى بيرلوتي كثر الاعتراض عليه ( رغم حلاوة منطقة ايوب واسواقها عموما وليس التلفريك ). لذلك انا نبهت كثيرا اللي حاب يصعد التلفريك باسطنبول عندك تلفريك ماشكا جميل جداً ويبعد 10 دقايق مشي من التقسيم وتشوف مناظر خضراء خلابة بمسيره لا مقابر ولا هم يحزنون. شكرا مرة أخرى على الملاحظات المهمة. |
جميلٌ ما طرحته يالغالي ... والرائع ماجد الفهد ... نجمٌ يُهتدى به .. لا حرمه الله أجرَ عمله وأسعد الله قلبه بدعوات محبيه .. موفق حبيبنا أبو محمد ... |
صحيييح الشعب التركي أنيق ولكل فعل ردة فعل |
ملاحظات هامة تعتبر تقرير بحد ذاتها بس ليه مقل في الصور ما شاء الله احترافية بالتصوير نطمع بالمزيد اؤيدك بنقطة الصرف وليس في تركيا فقط بل في اي بلد لا تأخذ معك الا بطاقة صراف و كريدت كارد اما كاش ماينفع ابداً ماجد الفهد ما يقصر دوم الله يحفظك |
اقتباس:
:e032::e032::e032::e032: |
اقتباس:
|
اقتباس:
يامل الجنه وبيض الله وجهك يالغالي |
اقتباس:
امين واياك يالغالي |
لي عودة تحيــاتي |
أنا تعمدت اني ارجـع بعديـن علشان اتفرغ واجمع لك كل ردودي اللي تتعلق في مقهـى المقابر هههههههههههههه بيرلوتــي اللي ما ادري مصنفيــنه اقتباس:
اقتباس:
اقتباس:
اقتباس:
اقتباس:
اقتباس:
اقتباس:
تحيـــــــــــــــــاتي |
بالنسبـة لتعامل الأتراك وطباعــهم والانطباع عنهم اليك ما كتبتـــه انا من تجربتــي الشخصيـــة اقتباس:
والحمدلله على سلامتــك واشكرك جداً على الطرح يا عزيزي تحيــــــــــــــاتي |
يعطيك العافية اخوي بو محمد نصائح وتجارب جميلة مفيدة انا معاك برأيك عن الاتراك ربي يرجعنا ويرجعكم لتركيا |
اقتباس:
|
اقتباس:
الله يعافيك واشكر مرورك اللهم امين . |
ملاحظات هامة و قيمة |
ههههههههه يعطيك العافيه ع نقل التجربه فعلا نفس الي اسمع من شين الانفس والانفس الشينه والله عندنا الله يعين بس مادري نحذر من العرب اخوانا والا الاتراك :7: |
مشكوووووور |
جزيت خيرا اخي الفاضل تحياتي لك |
طحت على موضوعك انا ما سافرت لتركيا بسبب هذا اسلوبهم نصبهم وانا رحلتي يوم 1 يناير نشوف ونحكم |
الحمدلله عى على السلامة |
يعطيك العافيه ع التوضيح |
اقتباس:
فعلا هذا واضح من تعابير اللوجة مدري هم كذا طبيعتهم جلفة ااو يتعمدون هذا الشي واكثر من واحد بما فيهم انا واجهت هذي المشكلة في المطار يمكن سألت اكثر من شخص عن مكان البوابة يطالع فيني وكاني اتشحت منة مع انة شغال في المطار طيب على الاقل اضحك او جامل او تكلم بتركي ماااااشي طيب على الاقل قول ايم سوري :32: وسوي نفسك مافهمت سؤالي جمووود فضيع |
| الساعة الآن 07:54 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO