|
تقييمي لأجواء تركيا السلام عليكم اولا انا اكره الحر ودقيقه جدا بهالموضوع لانه يهمني سافرت لتركيا في شهر سبتمبر الماضي في عيد الاضحى الاجواء في ابانت براد واحيانا تكون بارده اما سابنجا واسطنبول كانت سيئة جدا فتره الصباح الى الساعه 5 بعده يعتدل الجو صراحه ندمت كل الندم لما رحت بهالشهر اغلب كلام الناس يقولون الجو حار بس تقدر تتحمله مو نفس جو السعوديه ودرجه الحراره ماتعدي 27 .... بس 27 عندهم كأنه 45 عندنا ابدددددا ماكان يحتمل! اطلع الصبح والله دقيقه تحت الشمس تصير ريحتي حريقة بوصف أدق تعرفون العيال لما يطلعون الشارع ويرجعون كيف تصير ريحتهم :D المشكله في تركيا لازم تطلع بدري عشان كل الاماكن السياحيه تقفل الساعه 6 فلو انتظرت الشمس تهدأ بيفوتك كل شي ويخلص اليوم بدون اي اكتفتي اللي يهمه الجو مثلي ويبي يدفع فلوس على شي يسوى لايسافر تركيا بالصيف السفره الثانيه كانت قبل اسبوع اللي هو شهر مايو برضه قالوا لي ان الجو ربيع واحسن وقت للزياره ورحت اسطنبول فقط كانت سفرتي تاريخ 5 ووصلت شمسس وعلى بالي بشوف الغيوم بما انه فصل الربيع�� عرفت ان شمسهم محد يمزح معها حتى لو بالشتاء :D في شجر لازال صامد مع لونه الاخضر وفي شجر مات .. ورود التوليب اللي قالوا لي عنها بشوفها كثير فقط شفتها في مكان واحد ومره وحده فقط والباقي ماتوا الله يرحمهم ههههههه ثاني يوم صار الجو غيوم وامطار والجو براد شوي بس بالليل احيانا تضطر تلبس جاكيت بعد بكم يوم شمسس قويه وحر تقريبا في يوم 11 مايو وفوق انسلخنا بس مو مثل شمس سبتمبر بس كان برضه حر مايحتمل انا ماعرفت انه حر صدق الا لما صار كل واحد نفسه بخشمه بس ننافخ على بعض هههههه ولأني بالايام الاخيره ألبس جزمه فلات وانتو بكرامه صارت رجلي "بالمكان المكشوف" اغمق من اللي متغطي بالجزمه ههههههه حرقتني الشمس :D يعني مو مثل ماقالوا ربيع والجو بارد الخلاصه ان جو مايو متقلب بين حر وبرد وشمس وغيوم .. هذا وانا سافرت اول مايو ومتأكده في نهاية مايو حر قوي المهم اني اعطيت الاعضاء الذكور هنا اكس في تقييم الاجواء لانهم نكبونا ههههههه حنا الحريم بالبيوت ومانتحمل الحر زيهم متعودين المره الثالثه بإذن الله اذا سافرت ماراح افكر اسافر غير منتصف شهر ابريل فقط فصل امطار وجو بارد تقدر تتحمله والشجر اخضرررر والورود والتوليب خاصه بكل مكان لمن لايهمه الامر:D اذا انت من عشاق ستاربكس ... اشرب من هناك لين تشبع قبل ترجع السعوديه لان اسعاره أرخص منا بنسبة 50% :D الكوفي اللي اشتريه ب 19 ريال ينباع هناك ب 9 ليره :25: وشكرا لكم ... اذا استفدت من موضوعي ادعي لي الله يحقق مرادي |
والله هذه المشكله بعينها انا حجزت شهر 8 يعني مااروح والا كيف معقول الحرارة عندهم اشد منا اجل وش نقول حنا بالجو اللي عندنا اللي شوي الجمل وهو ماشي ياخسارة علي الوقت اللي ضاع من عمري خلال تصفحي بالتقارير خلاص انا زعلان منكم:28: |
شكرا لذكر تجربتك تقبل الجو مختلفه الرجال يتحملون أكثر :30: شمسهم صاقعه عموديه زي أوربا لكن ما أعتقد أن أيامك كان الي هالدرجه ما يحتمل أم أنتي ما تتقبلي الأجواء الحاره مره هل زرتي الشمال لأني قرأت لك موضوع عن الشمال |
يبي لك تروحين في يناير افضل لك الشمس ممكن تناسبكـ اسطنبول متميزه في صيفها وشتائها انا السنتين الأخيره اسافر بالصيف من 1 - 4 راحه بالفندق وبعدها كمل مشاويركـ اما الشمال حدث ولا حرج من اجمل الأجواء رحله موفقه لك في السفرات القادمه |
الاجواء في اسطنبول متقلبة في الصيف . انا رحت اوغست الماضي و كانت درجة الحرارة خلال اسبوعين من 27 الى 34 درجة . و اتذكر كان في يوم مطر و يوم ثاني رحنا اكوا دولفين ما قدرنا نسبح من برودة الماء . افضل حل في رأيي زيارة موقع سياحي في الصباح و مول فترة الظهيرة و الانطلاق للتمشية من 4 الى 10 مساء يكون الجو بديع حيث انه غروب الشمس الساعة 8 تقريبا و اغلب المحلات تقفل الساعة 10 . |
انا جربت تركيا في الصيف مرتين حلو الجو براد خفيف مو جاف وصادفنا جم يوم حار شمس قويه بس والله يهون عن جونا ومثل ماقالو الاخوان لاتروحون الاماكن المكشوفه بالنهار والشمال وبورصه الجو ابرد ورحت بيناير الجو بارد وروعه |
اقتباس:
نفوخك تغلي على قولة اخواننا المصاريه .. اشعة الشمس هناك عموديه مؤذيه جدا يعني انتبهوا من ضربات الشمس للاسف انت حجزت في اسوء وقت هههههه انا لما حجزت في سبتمبر كان هالشهر هو نهاية الصيف وماسلمت ممكن الذكور غير الاناث يتحملون لانهم متعودين بس انا لما ابي اسافر وأغيّر جو يعني لازم انبسط من كل النواحي ... والا يازين المكيف بالسعوديه :D رحلتي بمايو لما يكون الجو مغيّم اطلع اتمشى بعد الفطور مباشره يعني الساعه 8 بس بسبتمبر الساعه 5 العصر اطلع :21: شفت الفرق :D المهم ضروري بعد ترجع سالم تكتب لنا عن الجو |
اقتباس:
اذكر رحنا بازار الثلاثاء ولأن المكان مو مكيّف وزحمه وحر وقفنا تسوق وطلعنا ... هالكلام بمايو تقريبا في 10 مايو .. الساعه 12 الظهر او 1 لا .. كنسلنا الشمال التركي |
اقتباس:
البازارات برضه الساعه 6 المغزى ان اغلب الاماكن يقفلون بدري متى توصل وتاخذ وقتك اذا طلعت 4 ؟ مافي وقت مره |
اقتباس:
|
هههههههههههههههه الله يسامحك والله اني شايل هم هالسالفة واول مافتحت الموقع على موضوعك مباشرة ههههههه حجزي في شهر يوليو7 ياربي عساها سلامات |
اقتباس:
|
اقتباس:
الا اذا كان حظك وصار الجو مغيم:D بس اذا رجعت لازم تكتب لنا عن الجو هنا ابي اشوف انا لهالدرجه حساسه والا صدق الناس مثلي :D |
اقتباس:
يعني اذا انت تسافر بس عشان تتمشى بالكوفيهات والاسواق تقدر تسوي هالاشياء بعد غروب الشمس انا عني راح نص اليوم وانا اتمشى في حديقة اميرغان هالمكان فضيييع وكان وقتها الجو يجنن غيوم وامطار فما حسيت بنفسي الا وراحت 4 ساعات وبعد ماطلعنا جلست قدام البسفور 3 ساعات :22: وهالفعاليات لازم تكون في النهار طبعا تقسيم آمن الا بآخر الليل تقدر تسكن فيه بس ماتجي 10 الا وانت متجه للفندق خصوصا اذا معك عائله يعني لو خرجت 12 الليل بتلقى قروبات وشلل وتلقى الجنس الثالث الخ غير ان الجو العام والنايت كلب اللي بكل شارع يعطيك احساس ان المكان مو جوك ولازم تهج انا ما اجلس بعد الساعه 10 في تقسيم واستقلال مره وحده فقط جلست الى الساعه 12 لان كنت مسافره للسعوديه وابي اشياء وحصل لي مشكله مع قروب الى اليوم كل ماتذكرتها اتنافض من الخوف :14: |
الي يبي يكره اسطنبول يروح بالصيف ههههه:24: |
اقتباس:
الرجال ماشاء الله لو ينحرقون عادي مستمتعين :D |
اقتباس:
|
انا رحت قبل سنتين في يوليو وشوي من أغسطس ما حصلت ذاك الحر في اسطنبول او الشمال التركي |
و الله ماني عارف اصدق مين والا اكذب مين ياناس الجمجمه خلاص نسمت حيلتي في السفر الصيف الاجازة عندي في الصيف تقول ليش اقول اسال الطالب انا لوحدي هل فيه مشكله والا المشكله لما تكون فيها اطفال وحر تزيد انا ابغي اسمع صوت فيه شي من المعقول :e317: وين الصوت |
خوفتوني :27:.. انا كمان حجزت و رايحة ب شهر 7 ان شاء الله .. المشكلة ما اقدر اخذ اجازة الا هالشهر .. متوكلة ع الله و متفائلة و ان شاء الله الاجواء تكون معتدلة هالسنة يا رب :) :e437: |
انا امس رجعت من اسطنبول الجو كان روعة وما صادف اي يوم حر وكانت الشمس عادية واخر يومين برد ولابس جاكيت |
اقتباس:
لكن الظهر لو كان مشمس يكون الجو حار .. وقت الظهر عندهم اللي هو بين الساعه 12 الى 4 تقريبا بس تختفي الشمس او تروح للظل يصير الجو ولا اروع جننننه |
اقتباس:
احيانا كنت اتأخر و صراحة شفت الناس كل في حاله لكن الحذر واجب دائما .... تحياتي |
انا الان في اسطنبول والاجواء في غاية الروعه درجة الحراره تصل بالكاد الى 23 ظهراً |
من شهر نوفمبر الى ابريل افضل وقت لاسطنبول و البقية في الشمال التركي شهر مايو في الشمال التركي ستجد الاجواء بارده بشكل كبير حتى الثلوج موجوده بالمرتفعات مثل سلطان مراد و غيرها |
رد اذ ا تحبي البراد وبدون زحمة سياح انسب وقت اكتوبر انا رحت العام الماضي بداية اكتوبر اول يومين جو ربيعي وشوية حر وبعدها كان جو ربيييييعي مائل للبرودة بس روعة واخر الايام كان برد صراحة خصوصا صبنجا انصحك بشهر اكتوبر واسعار الفنادق ممتازة جداااااا في اكتوبر وكمان يمدحوا ابريل حسب ماسمعت انوا اكتوبر زي ابريل اكتوبر نهاية الحر وبداية البرد وابريل نهاية البرد وبداية الربيع والجوالحار |
الله يحقق مرادك يارب |
اقتباس:
|
اقتباس:
واللي يريد يكره اسطنبول اكثر يروح لجزيرة الاميرات بالصيف الوضع لا يطاااق . |
انا مع رأي وانطباع مشرفنا عادل عن نفسي وجدت شهر مايو والفترة من نهاية سبتمبر وبداية اوكتوبر انسب وقتين لزيارة تركيا. الاجواء رائعة عموما. |
الله يحقق مرادك ومرادي |
مساء الخير إخواني وأخواتي حبيت أوضح نقطة مهمة بخصوص الجو والحرارة والإختلاف بين دول الخليج وأوروبا وشرق آسيا والإختلاف بين درجة الحرارة المقروءة والمحسوسة في أوروبا ودول شرق آسيا لو كانت درجة الحرارة أقل عن دول الخليج بس ممكن تحس بالحرارة أكثر ولسعة الشمس بسبب نقاء الجو هناك ، يعني لو كانت درجة الحرارة مقاربة إلى 30 درجة ممكن تحسها 40 وفوق في دول الخليج عندنا الغبار في طبقات الجو يخفف من لسعة الشمس والحرارة في الصيف ولولا ذلك لأحسسنا بالحرارة أكثر من ذلك مثلا درجة حرارة 30 في النهار لن تتحملها في الخارج ولكن درجة حرارة 30 في الليل ممكن تتحملها وتجلس في الخارج وخصوصا إذا كان في نسمة هواء لذلك الأفضل تكون الحرارة لا تتجاوز 25 في النهار عند سفرك حتى تستمتع بالجو والحركة في الأماكن الخارجية الغيوم تلطف الجو وتمنع أشعة الشمس الحارقة وهذا ما يساعد على الحركة ولاكن غير مضمون دائما |
يارب يكثر الغيوم�� |
كيف الأجواء في إسطنبول في أغسطس |
اقتباس:
الله يكون بعونكم:20: |
اي والله صدقت |
اسطنبول تفرق عن غيره ان فيها اكثر من فعالية .. بازارات او اماكن اثرية ومولات غير الطبيعة في ريفها .. |
شكرا |
فعلا كنت هناك من 8 الى 21 جولاي حررر في اسطنبول ماعدا يومين غيوم ومع ذلك حر وهي المرة الاولى اللي اسافر لها بالصيف عادة شهر اربعة وبداية خمسة الجو مناسب في اسطنبول اما الشمال فطرابزون رطوبة فيها لكن اوزنغول وحواليها الجو رائع |
تركيا حقيقة يعيبها جوها المتقلب فبعد الحراره تأتى أمطار غزيره ولكن عموماً معظم الأماكن مكيفة مثل المحلات والمطاعم ينصح بعدم المشي في مكان مكشوف والاسترخاء في الظل |
| الساعة الآن 02:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO