|
هذا ما حدث عند الصراف ( ممكن احد يقترح علي كيف أتصرف ) السلام عليكم . الزمان : يوم الأربعاء الساعه : 5 ونص العصر المكان : اول صراف بعد البقاله مقابل الحديقه الي في تقسيم خلف البازار حق الصناعات اليدوية الموجود حاليا الشخص : مليان جسمه ، حواجبه اشوي مرتفعه ، يتكلم عربي القصه : كانت عندي 400 دولار بغيت اصرفها ال ليره ، عطيته 200 اول صرف لي ال 100 وقال لي ال 100 الثانيه مزوره ، من وين جبتها ؟؟؟ قلت لو المطار ؟ قال لي كيف المطار يعطيك عمله مزوره تدري انا هذا غير مسموح راح اخذها منك . قلت له با اَي حق تأخذها مني جيبها خلاص ماراح اصرفها .... قال لي اقولش ممنوع قلت له قلت له أقولك جيبها قال لي راح اعلم عليها بالقلم انها مزوره قلت له اوكي . عطاها صاحبه الي موجود معاه حطها عَل الطاوله كتب عليها وعطاني إياها ... وانا خلاص ركب في عقلي كيف المطار يعطيني شي مزور !!!!! المهم : قال لي لا يكون عندش غيرها وكنا اخر يوم وبكره مسافرين الا قلت ليه ايه عندي 200 قال لي خليني أشوفهم ، عطيته اياهم زي الهبله !!!!!! حطهم عَل المكينه وقال لي حتى هذولي مزورين شوفي انا رتح احط فلوسي وفلوس شوقي المشين ماراح قرا لف لفلوس دوره !!!!!!!!قلت لوخلاص جيبهم برجعهم المطار والله يعيني ،،،،،، المهم رجعنا الكويت وروحنا الى نفس الشخص الي صرفهم اول ما شافهم قال النا هذولي مزورين من وين جبتوهم ؟؟؟ قلنا له انت عطيتنا اياهم قال مستحيل انا ارجع الكم الكاميرا ا الىً نفس اليوم وفعلا الكاميرا الي عنده متوجهه علينا وعل الاله حقت عد لفلوس والشخص عطاها فلوس سليمه ؟؟؟؟؟ معناها الي قي اسطنبول ضحك علينا ؟؟؟؟!! !!!!! مقهوره حدي حسّيت حرقتني القصه ؟ ونفسي ارجع وأخلي الشرطه تيجي تاخذه حرام وين الصدق ووين الامانه وين الاسلام ؟؟؟؟؟ |
ممكن احد موجود في اسطنبول دخيل الله يصور لي المحل عَل الأقل اسمه بشوف كيف ارسل إيميل الى مكافحة التزوير او اَي شي |
لا حول ولا قوة الا بالله حاجه غريبه لايكون غير العمله بطريقة سريعه؟ صعب المطار يعطي نقود مزوره |
في تقسيم وو يتكلم عربي 90 ٪ نصاب 🙄 اهمه يبدلون العملات الاصليه بالمزوره مثل اصحاب التكاسي يبدلون العملات الكبيره بالصغيره الله يعوضكم خير ان شاء الله |
والله هذا الي نتوقعه !!!!!! يااخي وين الاسلام حرام والله ، يعني انا اخر ٤٠٠ دولار كانت عمدي صرف لي ١٠٠ وشفط ٣٠٠ !!!!!!! تحرق |
يعني الفلم الي سواه محبوك جدا ،،،،، لما استرجع الاحداث ١٠٠ دولار الي ص رفهت حاى ماعطاني الها ورقه ت صريف ،،،؟؟ لانا كان كل همي اني ارجع الحويت وابهدل الصراف الي صرف لي اتخيلوووووو ( سبحان الله لكن ) الله حسيبه |
العريبه انا كيف يتجرا ؟؟؟؟؟ يعني القانون لا يحمل مغفلين صحيح !!!!! بس للامانه اخر مااتوقعته انها لعبه !!!!!! سرالي عل فيه جهه اقدر اشتكي عليه فيها ؟ |
اقتباس:
لو كنتي مسويه بحث بسيط قبل السفر جان عرفتي انه احتيال بالعملات كثييره 🤕 اختي شنو الي اخر ما توقعته انها لعبه هاذا اول شي المفروض الي تتوقعينه 🤔 ما اتوقع الحين ينفع تشتكين عليهم بعد ما رجعتي الا اذا ترسلين ايميل للسفاره تبلغين عنهم اما شكوى رسميه المفروض تكون بتركيا اول ما صار النصب تقدمين شكوى عند شرطه السياحيه لتقديم شكوى او استفسار الخط العربي رقمهم 155 وو شكرا 🌸 |
السلام علبكم و رحمة الله و بركاته ... الحمد لله و المهم سلامتكم و العوص على الله ... ب و مثل هالمواقف حصلت لناس كثير من زوار تركيا و خصوصاً العرب الخليجيين .. و لكن من الأفضل الصرافة من المحلات الموثوقة الكبيرة و على الرغم من كثرة سفري إلى أسطنبول و لكني قليل أحول كاش ... أستخدم بطاقة الفيزا في كل مشترياتي ... و التقطة اللى أتبعها ..أذا بغيت أصرف دولارات أطلبها من الصراف جديدة ذات أرقام متسلسة و أحتفط دوماً في محفظتي بورقة العملة الأخيرة ذات الرقم الذي يلي التى سلمتها للصراف ... فلو حدث أي مشكلة يكون الأثبات في يدي ... و طبعاً هذي الطريقة لبست سوى أحتياط من الوقوع في مثل هذه المواقف و ليس شرط في تركيا .. الله يعوضكم خير ... |
بارك الله فيك على طرح هذا الموضوع للجميع لتعم الفائدة من هذا الموقف واخذ الحذر والله يعوضك باحسن من قيمتها في صحتك للاسف من يمتهن هذي الاشياء الدنيئة هم من اخوانا العرب سمعت من بعض الزملاء اشياء يندب لها الجبين العربي والمسلم واستغلال لطيبة اهلنا :e119: |
عليكم السلام الله يعوضك خير وان شاء الله انك ما خسرتي كسبتي اجر من حذرتيهم من هؤلاء النصابين كل اللي صار معك هو انه بدل العملة الصحيحة بالمزورة لكن ما كان ينبغى عليك تبديل باقي العملة عنده الحكمه التي اتبعها دائماً في السفر ابتعد عن اي شخص يتكلم عربي يعرض عليك خدماته او يعمل في اي مرفق سياحي وان اضطريت للتعامل معه اكون في حذر شديد ولا اخذ بأي نصيحه يسديها لي |
الحمد لله على سلامتكم للاسف واضح انكم تعرضتم لواحدة من اساليب النصب المعروفة والله يعوضكم بالخير بس بعد ال 100 الاولى ليش صرفتو ال 200 ؟؟؟ يعني ما شكيتو ابدا انها عملية نصب !!!! في المنطقة اللي ذكرتيهة بالفعل موجود صرافين 2 واحد منهم محل صغير شكلهم مو راحة. وبجنبه بركن الشارع محل كبير وواضح انه موثوق مزود بالكاميرات ودائما يكون زحمة بالسياح الاجانب الله يعوضكم بالخير وشكرا لتنبيهنا على هذا الموقف . |
طبعا ما توقعت ... اتوقع من شارع من شخص مش معروف يغريني ب اقل مبلغ اوكي مش من صرافه ومعروفه يعني لو انا فطنت للموضوع مثلا وصورت العمله الي عندي قبل وهو ما يدري كان راح اوديه في داهيه ،،،، هذي 8 سفره الى اسطنبول ما تعرضت فيها ولا مره الى خداع ولا نصب ... الحمد لله لو انا شخص كافر واتعرضت الى هالنصبه من قبل المسلمين مستحيل اسلم !!!! الاسلام صدق وامانه .... وثاني شي ما يحتاج اقرا عشان احتاط .... السارق تقطع يده ... ترا الله موجود الله يعوضني خير بس انا في شخص يضحك عليك وانت اتشك في نفسك ويششكك في كل الناس هذا فن يوجعك ... |
ايوه عطيته ٢٠٠ صرف لي وحده وقال لس هذي مزوره الثانيه ... انفجعت مزوره قال لي خليني اشيك الي عندك عشان اذا رحتي المحل اتقولي له هذي مزورات ومن غبائي للاسف عطيتهم وياه وقال لي شوفي المكينه ماتقراهم مزورين .... اقسم بالله اني ما شكيت لحظه انها عمليه نصب .، فن وخفة يد ... |
الباين هذا والله وجعتني يااخي كانت اخر ٣٠٠ دولار عندي واول ما رجعتهم لكويت قال لي انتي مو اول وحده ترجع واتقولي هذا الكلام انتبهو من تركيا والصين تبديل العملات بسهوله |
في شخص موجود اهناك اليوم طحت عليه بخليه يروح ويصور المكان ، انشالله الكل يحتاط وما يطيح في اللي طحت فيه ،،، بس الشخص هذا لازم يلاقي جزاءه وحتى لو انا بعيده ماضاع حق وراه مطالب عل اللقل سدري اني اكتشفته |
اقتباس:
ذكرتي بشي اخوي ابو معتز في حادثه صارت معه واحد قال صارت معاه وو اهو دايما يستخدم بطاقة الفيزا بتركيا بس هم ما سلم من النصب ☠ يقول مره شرا سلعه ب500 ليره وو استغرب بعدين انه انسحب منه 500 يوروو تخيل فرق العمله بس 😥💸 في ناس متمرسين بالنصب حتى الحريص ما يسلم منهم |
اقتباس:
صدقني صعب تغفي عينك وتنام وانت ظالم مابال انك سارق ( الله موجود يااخي ) |
اقتباس:
و دائماً أحرص على بطاقات الفيزا منخفصة الرصيد أو مسبقة الدفع ... ازود رصيدها بالمبلغ اللى يكفي ذاك اليوم و اليوم الثاني أزود الرصيد حسب حاجتي ..و هكذا تسلم من محاولات السحب أكثر من المبلغ المطلوب ... خصوصاً مع تشابهه الأرقام و أختلاف العملة !! الله يكفينا الشر و يبعد عنا كل من به شر ... |
اقتباس:
بس حسبي الله عليهم والله بيعوضكم ان شاء الله يعني تخيلي انا وين نصبو علي ( ماكدونالدز ) متخيلين ماكدونالدز " اسبانيا " نصب علي 😂 شريت وجبات من البورد اون لاين الي بالمطعم وو دفعت بالفيزا وو طلعتلي الفاتوره 🎫 ولمن رحت استلم الطلب ولا يقولي لا انتي مو دافعه شي لمن وريته الفاتوره اني دافعه بالفيزا سبحان الله صار مايفهم انجليزي وو يقولي لا انه عنده بالكمبيوتر مو مبين اني دافعه شي 🤔 |
1 مرفق هذا المحل :::: ممكن احد يعلمني كيف اسوي اقتباس للصور ؟ |
سوال في مكان او رقم اشتكي عليهم فيه ؟؟ رسلتولي 155 الظاهر !! انا في الكويت وابغى رقم دولي |
اقتباس:
السفارة الكويتية في تركيا و تبلغينهم بالحادثة ... منها يعطونك الحل ..أو ممكن يكون فيه شكاوي أخرى قائمة من غيرك من السياح و تضم شكواك إليهم .... و بالتوفيق ... |
غشكرا جزيلا |
للاسف اختي تعرضتوا الى عملية نصب المفروض انت ما تعطينه الـ 200 الي كانوا عندج على الاقل خسرتي بس 100 لا حول والله قوة الا بالله والله يعوضكم ان شاء الله شكرا لانك نشرتي هذا الموضوع |
الكويت ماعندنا فلوس مزوره في البننوك والصرافين بس بتركيا معرروفه بالنصب وخاصه بالفلوس واييدهم خفيفه في تبديل الورق عليج العوض ووترى مو شرط انه عربي لانه يتكلم عربي لان في وايد اتراك يتكللمون عرربي بلهجة اهل سوريا لانهم من مدن وقرى قريه من الحدود مع. سوريا |
في البداية أسأل الله أن يعوض عليك اختي الكريمة وأن يذهب الحرقة التي في صدرك. وأنصحك بالتواصل مع سفارة بلدك وذكر الحادثة بالتفصيل والسؤال عن جدوى المطالبة القانونية. سبق وحصل معي موقف عند صراف في اندونيسيا، اعطيته 1000 دولار وعندما عدها قال 900 في الحقيقة أنا كنت متأكد أنها 1000 لكن لم انتبه له أثناء عدها وهذا خطئي. وبعدها تعلمت درساً أثناء سفري: - أن لا أذهب لمحلات الصرافة وأنا مشوش أو مرهق أو متوتر - لا أذهب لصراف منعزل أو في وقت مبكرا أو متأخر جدا. - عدم صرافة مبلغ كبير من المال - عد المبلغ ووضعه في جيب خاص واحذر من إخراج محفظة مليئة بالمال لأن هناك من يترقب عند محلات الصرافة بحثاً عن فريسة. - * عد المال بشكل واضح دون استعجال أمام موظف الصرافة واحرص أن يظهر هذا في الكاميرات. -* مراقبة الصراف أثناء عده المال الذي أعطيته والذي سيعطيك والاقتراب من النافذة. - في حال وجود مشكلة كن هادئا وأطلب من موظف الصرافة عد المال مرة أخرى وطلب شرطة السياحة أو الشرطة. في العام الماضي ذهبت لمحلات الصرافة 3 مرات في إسطنبول ولم أجد إلا كل خير. |
نعمة من الله..هــذي ثــامن زيارة لك لتركيــا ..بينمــا تعتبر هذه الواقعة أول عملية نصب تحصل لك... ..إذا لاخوف عليك بإذن الله وحوله وقوته وحفظه في المرات القادمة.. أن ينصب أحد عليك.. إنما .. وكما قيل ( لايغني حذر من قدر) والشرع أرشدنا حال المصيبة أن نقول( قــدر الله وماشاء فعل).. |
ماجا على بالي اصلا انها عمليه نصب .... لما استرجع الاحداث استغرب كيف كانت محبوكه صح |
اقتباس:
:65::65: نعم الكلام أعجبتني ملاحظاتك :e306: |
اقتباس:
الله يعوّض عليك هذا الدرس الاول في مكائد السفر :58: مثل ماقال الاخ عادل لو ماعطيتيه الميتين دولار ...:15: |
الحين انتهت خلاص دائماً نحذر من العرب في الخارج للأسف يرسمون صورة سيئة وهذا هو الواقع |
صادق المفروض العربي يكون فيه صفات العرب .... ترى الامانه والصدق شي جميل .... ايش استفاد ينام ويقعد وهو حرامي وتحت الخوف .... ترى النفس اللوامه في كل انسان موجوده .... بات مظلوم ولا تبات ظالمً.... للاسف |
عموما انا ماراح اسكت والله ماحرقتني لفلوس قد ما الاستغفال ب ارزاق وضمائر وعقول الناس |
وفقك الله |
لو كل واحد مشيناها اليه ، ما ترقف ومستعد يلعب عل التاس ...... لازم يلاقي جزاءه قريب او بعيد |
نفسي اعرف ليش العرب ما يفهمون ولا راضي يفهمون ان منطقة تقسيم مرتع للدعارة والنصب والاحتيال ؟؟ يعني خليتم تركيا بكبرها وبمدنها وبقراها ورحتم بارجولكم لأقذر منطقة وشارع في تركيا ؟؟ |
الي يروح اسطنبول لازم يكون حذر في التعاملات الماليه ، والله يعوضك خير |
اقتباس:
https://www.arabtrvl.com/vb/picture....ictureid=65661 الله يعوضك خير... وحسبي الله ونعم الوكيل فيهم هذي صورة المحل كبرتها عشان تكون واضحة وينتبهون الناس منهم |
الله يعوض عليك |
| الساعة الآن 12:54 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO