|
بورصه .انطاليا....اسطنبول..... السلام عليكم ورحمة الله وبركاته احب ان اضع بين يديكم هذا التقرير البسيط عن رحلتي الى تركيا ( بورصه يوم /انطاليا اربع ايام/اسطنبول خمس ايام ) وكانت الرحله في شهر رمضان الماضي يعني في السنة الحاليه 2018 بسم الله نبدا... العدد 8 بالغين 1 طفله 1 رضيع (عشر اشخاص) مدة الرحله 10 ايام من تاريخ 20 مايو الى 30 مايو المصادف 3 رمضان الى 13 رمضان سبب السفر في هذا الوقت التوفير في اسعار التذاكر حصلت التذاكر في بداية رمضان ب900 ريال سعودي تقريبا على طيران بيقاسوس من البحرين دايركت من نصف رمضان ترتفع اسعار التذاكر الى 1600 ريال الى نهاية عطلة المدارس والاسعار ماتنزل عن هذا السعر ... لا من الدمام ولا من البحرين كله ب1600 واعلى وهذا طبعا ارخص طيران حصلته والباقي اغلى منه ... مستوى الطيران جيد طبعا انا حاجز التذاكر قبل الرحله ب4 شهور فقررنا نروح في رمضان والله يعينا... طلعنا البحرين ووقفنا في منطقة مواقف قلالي التابعه للمطار ( سعر الوقوف 10 ريال لليوم الواحد) وفيه باص تابع للمطار يوصلك من المواقف الى المطار هذا الكلام الساعه 12 بالليل وطيراتنا الساعه 3 الفجر ... كان التوقيت مناسب ولله الحمد |
جميل جدا بو مريم توقيتكم مناسب جدا نهاية شهر مايو الانسب لزيارة تركيا من كل الشهور ان شاء الله نستمتع بتقريرك المميز. |
نكمل ماتوقفنا عنده... وصلنا مطار صبيحه على الساعه 7 الصباح رحنا لمكتب الفيزا ( الواحد ب60 دولار) بعدها الجوازات وبعدها استلمنا الشنط بعدها طلعنا من صالة الجوازات والجمارك وكان في انتظارنا شخص ماسك لوحه مكتوب عليها( 3جي ) هذا تبع شركة تاجير الكونكت ( بطل الكونكت ) .. استلمت منه الكونكت وعلمني كيف استخدامه وقالي بتستاجر سياره؟؟ قلت له اي نعم قال لي من اي شركه ؟ قلت له شركة سيزجي (cizgi) https://www.arabtrvl.com/vb/picture....ictureid=65601https://www.arabtrvl.com/vb/album.ph...ictureid=65601 وصلني لمكتب الشركه وقال لي اذا رجعت السياره عطهم الكونكت ويادار مادخلك شر قلت له تسلم ومشى ..... وانا جلست عند مكتب تاجير السيارات انا كنت حاجز سياره ( باص ) من النت من شركة سيزجي (عرفت عن الشركه عن طريق احد مشاهير السناب في تركيا ) طبعا الشركه رخيصه ومش موجوده على رينتال كار .... انا بحثت على الرنيتال كار عن ارخص باص كان سعره ب1800 ريال سعودي لمدة 6 ايام وعند هذه الشركه 1330 ريال باص من شركة فورد لمدة 6 ايام ( قير عادي وديزل وشامل التامين وشامل ضريبه شركة ال HSG ) بس ضريبه جسر عثمان غير مشموله... استلمناه مافيه ديزل ... قال لنا رجعوه مثل مااستلمتوه .... عبيناه فل ب470 ليره تركيه ويمشي 800 كيلو .. يكفي لتسع اشخاص... واتجهنا الى بورصه .. يعني تقريبا طلعنا من المطار الساعه 9 الصباح.... |
شركة سيزجي ممتازة الحلو فيها انها ما تاخذ وديعة (لو بس تأكدلنا اخوي بهذا الخصوص) انا كلمتهم برحلتي السابقة عشان احجز سيارة بس للاسف كانت كل السيارات محجوزة شكرا اخوي على التقرير وبداية رائعة |
بداية موفقة متابعين معك =) |
اقتباس:
ايه نعم صحيح ماتاخذ وديعه وهذي نقطه مهمه نسيت اذكرها اشكرك على الرد وعلى التنبيه |
اهلا بك اخوي رائد ملخص تجربة جديدة علينا أن تكون الرحلة السياحية في رمضان وأتمنى كانت موفقة بالنسبة لشركة حجز السيارات قد شفت شخص تكلم عنها واشوفها خيار جيد للي عنده مشكلة مع التأمين وأهم شي تكون عندهم الاحترافية أوقات الذروة لأن هي المحك الحقيقي وأتمنى لو نعرف أرقام التواصل مع الشركة أتمنى ظروفك تسمح ونشوف رحلتك بشكل مفصل ومدعم بالصور بالتوفيق |
نكمل ماتوقفنا عنده ... توجهنا الى بورصه... انا حاجز كوخ في جبل الالدوغ بس قبل نروح .. كان عندنا خيارين ... الاول ان نذهب الى اعلى الجبل وناخذ قسط من الراحه في الكوخ وبعدها نرجع الى وسط بورصه الى اخر الليل وبعدها نرجع الى اعلى الجبل ولكن كنت متوقع ان الطريق صعب وفعلا كان كذلك والخيار الثاني اننا نتسوق وبعدها نتوجه للجبل ولكن هذا الخيار متعب قليلا ولكننا استخدمنا هذا الخيار ولله الحمد وكان احسن بكثير جدا من اننا ذهبنا ورجعنا الطريق الى اعلى الجبل لايطاق توجهنا من مطار صبيحه الى ايه اس اوتليت في بورصه... (مكان رائع للتسوق ) https://www.arabtrvl.com/vb/picture....ictureid=65602 وبعده توجهنا للجبل ... الى الكوخ ... كان الجو والمكان اكثر من رائع.. توقفنا على الطريق لاخذ بعض الفواكه https://www.arabtrvl.com/vb/picture....ictureid=65603 وبعدها اكملنا طريقنا الى الكوخ.. وهنا بعض الصور للكوخ.. واسف على قلة جودة الصور ولكن توجد صور اوضح على النت ... https://www.arabtrvl.com/vb/picture....ictureid=65604 https://www.arabtrvl.com/vb/picture....ictureid=65605 https://www.arabtrvl.com/vb/picture....ictureid=65610 https://www.arabtrvl.com/vb/picture....ictureid=65613 https://www.arabtrvl.com/vb/picture....ictureid=65612 https://www.arabtrvl.com/vb/picture....ictureid=65611 https://www.arabtrvl.com/vb/picture....ictureid=65606 https://www.arabtrvl.com/vb/picture....ictureid=65607 https://www.arabtrvl.com/vb/picture....ictureid=65609 https://www.arabtrvl.com/vb/picture....ictureid=65608 طبعا قريب الكوخ في مطعم فاتح 24 ساعه وفيه مطاعم تغلق الساعه 6 المغرب والبقاله ايضا تغلق الساعه 6 المغرب ومثل ماانتوا شايفين فيه مكان للشوي للي يحب يجرب ... (بس فيه لوحات تحذيريه من الدببه والذئاب) ماادري .... تتوقعون بيجون على الريحه مثل القطاوه ؟؟؟ بس هذا راعي المطعم يشوي ولا احد جاه:5: |
اقتباس:
انا صراحه اول مره اتعامل معهم ولا شفت منهم شي ينعاب ويقول المثل المصري ( لاتذم ولاتشكر الا بعد سنه وست اشهر) بس فيه عندهم اشياء حلوه مثل .. موقعهم بالعربي عندهم موظفين يتكلمون بالعربي وهذا موقعهم عالنت https://www.cizgirentacar.com/ar/ |
ماشاءالله رحله برمضان رووعه والحلو السعر ممتاز بنشوفها مفصله وكثر من الصور يابو مريم واشلون تجربتكم بساعات الصيام الطويله |
| الساعة الآن 02:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO