|
بورصه .انطاليا....اسطنبول..... السلام عليكم ورحمة الله وبركاته احب ان اضع بين يديكم هذا التقرير البسيط عن رحلتي الى تركيا ( بورصه يوم /انطاليا اربع ايام/اسطنبول خمس ايام ) وكانت الرحله في شهر رمضان الماضي يعني في السنة الحاليه 2018 بسم الله نبدا... العدد 8 بالغين 1 طفله 1 رضيع (عشر اشخاص) مدة الرحله 10 ايام من تاريخ 20 مايو الى 30 مايو المصادف 3 رمضان الى 13 رمضان سبب السفر في هذا الوقت التوفير في اسعار التذاكر حصلت التذاكر في بداية رمضان ب900 ريال سعودي تقريبا على طيران بيقاسوس من البحرين دايركت من نصف رمضان ترتفع اسعار التذاكر الى 1600 ريال الى نهاية عطلة المدارس والاسعار ماتنزل عن هذا السعر ... لا من الدمام ولا من البحرين كله ب1600 واعلى وهذا طبعا ارخص طيران حصلته والباقي اغلى منه ... مستوى الطيران جيد طبعا انا حاجز التذاكر قبل الرحله ب4 شهور فقررنا نروح في رمضان والله يعينا... طلعنا البحرين ووقفنا في منطقة مواقف قلالي التابعه للمطار ( سعر الوقوف 10 ريال لليوم الواحد) وفيه باص تابع للمطار يوصلك من المواقف الى المطار هذا الكلام الساعه 12 بالليل وطيراتنا الساعه 3 الفجر ... كان التوقيت مناسب ولله الحمد |
جميل جدا بو مريم توقيتكم مناسب جدا نهاية شهر مايو الانسب لزيارة تركيا من كل الشهور ان شاء الله نستمتع بتقريرك المميز. |
نكمل ماتوقفنا عنده... وصلنا مطار صبيحه على الساعه 7 الصباح رحنا لمكتب الفيزا ( الواحد ب60 دولار) بعدها الجوازات وبعدها استلمنا الشنط بعدها طلعنا من صالة الجوازات والجمارك وكان في انتظارنا شخص ماسك لوحه مكتوب عليها( 3جي ) هذا تبع شركة تاجير الكونكت ( بطل الكونكت ) .. استلمت منه الكونكت وعلمني كيف استخدامه وقالي بتستاجر سياره؟؟ قلت له اي نعم قال لي من اي شركه ؟ قلت له شركة سيزجي (cizgi) https://www.arabtrvl.com/vb/picture....ictureid=65601https://www.arabtrvl.com/vb/album.ph...ictureid=65601 وصلني لمكتب الشركه وقال لي اذا رجعت السياره عطهم الكونكت ويادار مادخلك شر قلت له تسلم ومشى ..... وانا جلست عند مكتب تاجير السيارات انا كنت حاجز سياره ( باص ) من النت من شركة سيزجي (عرفت عن الشركه عن طريق احد مشاهير السناب في تركيا ) طبعا الشركه رخيصه ومش موجوده على رينتال كار .... انا بحثت على الرنيتال كار عن ارخص باص كان سعره ب1800 ريال سعودي لمدة 6 ايام وعند هذه الشركه 1330 ريال باص من شركة فورد لمدة 6 ايام ( قير عادي وديزل وشامل التامين وشامل ضريبه شركة ال HSG ) بس ضريبه جسر عثمان غير مشموله... استلمناه مافيه ديزل ... قال لنا رجعوه مثل مااستلمتوه .... عبيناه فل ب470 ليره تركيه ويمشي 800 كيلو .. يكفي لتسع اشخاص... واتجهنا الى بورصه .. يعني تقريبا طلعنا من المطار الساعه 9 الصباح.... |
شركة سيزجي ممتازة الحلو فيها انها ما تاخذ وديعة (لو بس تأكدلنا اخوي بهذا الخصوص) انا كلمتهم برحلتي السابقة عشان احجز سيارة بس للاسف كانت كل السيارات محجوزة شكرا اخوي على التقرير وبداية رائعة |
بداية موفقة متابعين معك =) |
اقتباس:
ايه نعم صحيح ماتاخذ وديعه وهذي نقطه مهمه نسيت اذكرها اشكرك على الرد وعلى التنبيه |
اهلا بك اخوي رائد ملخص تجربة جديدة علينا أن تكون الرحلة السياحية في رمضان وأتمنى كانت موفقة بالنسبة لشركة حجز السيارات قد شفت شخص تكلم عنها واشوفها خيار جيد للي عنده مشكلة مع التأمين وأهم شي تكون عندهم الاحترافية أوقات الذروة لأن هي المحك الحقيقي وأتمنى لو نعرف أرقام التواصل مع الشركة أتمنى ظروفك تسمح ونشوف رحلتك بشكل مفصل ومدعم بالصور بالتوفيق |
نكمل ماتوقفنا عنده ... توجهنا الى بورصه... انا حاجز كوخ في جبل الالدوغ بس قبل نروح .. كان عندنا خيارين ... الاول ان نذهب الى اعلى الجبل وناخذ قسط من الراحه في الكوخ وبعدها نرجع الى وسط بورصه الى اخر الليل وبعدها نرجع الى اعلى الجبل ولكن كنت متوقع ان الطريق صعب وفعلا كان كذلك والخيار الثاني اننا نتسوق وبعدها نتوجه للجبل ولكن هذا الخيار متعب قليلا ولكننا استخدمنا هذا الخيار ولله الحمد وكان احسن بكثير جدا من اننا ذهبنا ورجعنا الطريق الى اعلى الجبل لايطاق توجهنا من مطار صبيحه الى ايه اس اوتليت في بورصه... (مكان رائع للتسوق ) https://www.arabtrvl.com/vb/picture....ictureid=65602 وبعده توجهنا للجبل ... الى الكوخ ... كان الجو والمكان اكثر من رائع.. توقفنا على الطريق لاخذ بعض الفواكه https://www.arabtrvl.com/vb/picture....ictureid=65603 وبعدها اكملنا طريقنا الى الكوخ.. وهنا بعض الصور للكوخ.. واسف على قلة جودة الصور ولكن توجد صور اوضح على النت ... https://www.arabtrvl.com/vb/picture....ictureid=65604 https://www.arabtrvl.com/vb/picture....ictureid=65605 https://www.arabtrvl.com/vb/picture....ictureid=65610 https://www.arabtrvl.com/vb/picture....ictureid=65613 https://www.arabtrvl.com/vb/picture....ictureid=65612 https://www.arabtrvl.com/vb/picture....ictureid=65611 https://www.arabtrvl.com/vb/picture....ictureid=65606 https://www.arabtrvl.com/vb/picture....ictureid=65607 https://www.arabtrvl.com/vb/picture....ictureid=65609 https://www.arabtrvl.com/vb/picture....ictureid=65608 طبعا قريب الكوخ في مطعم فاتح 24 ساعه وفيه مطاعم تغلق الساعه 6 المغرب والبقاله ايضا تغلق الساعه 6 المغرب ومثل ماانتوا شايفين فيه مكان للشوي للي يحب يجرب ... (بس فيه لوحات تحذيريه من الدببه والذئاب) ماادري .... تتوقعون بيجون على الريحه مثل القطاوه ؟؟؟ بس هذا راعي المطعم يشوي ولا احد جاه:5: |
اقتباس:
انا صراحه اول مره اتعامل معهم ولا شفت منهم شي ينعاب ويقول المثل المصري ( لاتذم ولاتشكر الا بعد سنه وست اشهر) بس فيه عندهم اشياء حلوه مثل .. موقعهم بالعربي عندهم موظفين يتكلمون بالعربي وهذا موقعهم عالنت https://www.cizgirentacar.com/ar/ |
ماشاءالله رحله برمضان رووعه والحلو السعر ممتاز بنشوفها مفصله وكثر من الصور يابو مريم واشلون تجربتكم بساعات الصيام الطويله |
أهلاً بو مريم ... الحمد لله ع السلامة ... شكراً لك ع طرح تجربة السفر ... كيف تجربة السيارات الكبيرة ؟؟ إن شاء الله قيادتها سهلة ؟؟؟ سعر التذكرة بصراحة مميز ،، وتقييمك لبيجاسوس إيجابي .. بانتظار بقية الأجزاء .. ومستمتعين برفقتك .. |
تقرير جميل وجا بوقته لاتتاخر علينا متابعين بقوة:7: |
نكمل ماتوقفنا عنده ... بعد الاسترخاء والراحه والنوم بعد عناء السفر ... صحينا ثاني يوم وسلمنا الكوخ وتوجهنا الى انطاليا مسافة الطريق سبع ساعات.. بس فيها توقفات والسبع ساعات صارت احدى عشر ساعه.. اول مانزلنا من الجبل وفي بورصه تقريبا وفي مزارع بورصه تحديد توجهنا الى مزرعه لبيع العسل.. https://www.arabtrvl.com/vb/picture....ictureid=65615 المزرعه بدائيه وليست مجهزه للبيع ولكن... تعرفنا على هذه المزرعه من احد مشاهير السناب .. وعلى حسب مايقوله انه اخذ العسل من هذه المزرعه وذهب به الى احد المختبرات في دولة الكويت وقالوا له ان هذا العسل من اجواد انواع العسل... تحمسنا وقلنا يبي لنا .. عنده اربع انواع من العسل .. كستناء ب 100 ليره للعلبه اللي تشوفونها في الصوره وزهور سوداء ب80 ليره وهذا النوعين يقول انهم علاج تشربهم على بطن فاضي يعني تشربهم على الريج من الصبح ... وفيه نوعين ثانين نسيت اساميهم بس اذكر اسعارهم ... فيه نوع ب50 ليره وفيه نوع ب30 ليره ويقول هذا النوعين للاكل .... شرينا منه تقريبا ثمان علب من كذا نوع ... وفيه عنده بيض للبيع وعشان حنا اخذنا منه كميه من العسل عطانا بيض مجانا ( اكرام ) وبعدها توكلنا على الله ومشينا ..الى انطاليا ... https://www.arabtrvl.com/vb/picture....ictureid=65616 وفي الطريق ... توقفنا عند اوزدليك اوت ليت.. قريب من مدينة اسكي شيهر ... https://www.arabtrvl.com/vb/picture....ictureid=65655 مكان جيد للتسوق خصوصا للي بيكون قريب من ذيك المنطقة ...تقريبا اخذنا ثلاث ساعات في ذاك المول... وبعدها واصلنا الطريق الى انطاليا... https://www.arabtrvl.com/vb/picture....ictureid=65614 يتبع ... |
جميلة فكرة القيادة من يورصة لأنطاليا اتمنى انكم اخذتم طريق كوتاهيا لتعطينا انطباعك عنها. |
الحمدلله على السلامه صح الاسعار في رمضان وايد رخيصه للسفر حلو الكوخ في بورصه وعليكم بالعافيه العسل متابعه معاك |
متابعين معاك اخوي رائد اعتقد ان القيادة في تركيا رائعة جدا لكثرة الاماكن الموجودة على الطريق |
اشكركم جميعا على الرد ... ونكمل ماتوقفنا عنده ... وصلنا على انطاليا تقريبا 11 فالليل .. وعلى الفندق الرائع قصر ميلدا https://www.arabtrvl.com/vb/picture....ictureid=65656 https://www.arabtrvl.com/vb/picture....ictureid=65657 الفندق رائع ورخيص والغرف واسعه جدا... يعني تخيل شقة لاربع اشخاص تتكون من غرفة نوم ودورة مياه وصاله (مساحة الصاله 5*7 متر او اكبر) ب 180 ريال سعودي ... المهم بما ان اغلب المحلات مغلقه بسبب وصولنا المتاخر كان النوم هو المكان الوحيد اللي نروح له ... بس طلعنا خذنا لنا عشاء خفيف ورجعنا ننام للاستعداد لثاني يوم ...يتبع |
السلام عليكم و رحمة الله و بركاته ... ما شاء الله تبارك الرحمن .. أخوي رائد .. تقرير جميل و تفاصيل جذابة و توقيت السفر في رمضان مميو ..بلإضافة إلى خيارات جميلة كانت حتى الآن مثل الكوج في بورصة ... واصل أخوي رائد .. معاك متابعين و مستمتعين |
👍 |
السلام عليكم الحجز في بورصه الاكواخ مباشر ..ولاعن طريق موقع وكم تنصح من يوم لها |
اقتباس:
بالنسبه للصيام ... فيه بعضنا صاموا وبعضنا وانا منهم ماصمت ولا يوم ... الله يعيينا على القضاء اقتباس:
السياره الكبيره ممتازه وقويه .. مع ان حنا تسع اشخاص بس تمشيك 160 واذا تبي زود ماعندك مشكله وبالراحه تجيبها اقتباس:
اقتباس:
بصراحه كوتاهيا مريت عليها مرور الكرام بس حسيت انه يبغى لها زياره اقتباس:
اشكركم جميعا اقتباس:
هذا صحيح الطريق رائع ومناظر اروع والطريق نظيف اقتباس:
اشكركم جميعا اقتباس:
وعليكم السلام الحجز في الاكواخ كان عن طريق بوكينج ارخص ... لاني تواصلت معهم وشفت ان بوكينج ارخص.. وبصراحه انصح فيه يوم واحد فقط ... لانه ماجنبك شي .,.. هي فقط اجواء تعيشها يوم وتمشي .. مثل اللي يروح البحر .. يجلس يوم في شاليه او حتى بدون ويرجع اخر الليل ... مايستاهل تجلس اكثر لانك بتشعر بالملل الا اذا ... الا اذا كنت من اللي يسافر للاستجمام ويحب الاسترخاء ويحب يجلس في الفندق اكثر من التمشيه ... |
حلوو فندق أنطاليا واهم شي كبر المساحه Sent from my iPhone using Tapatalk |
نكمل ماتوقفنا عنده .. اليوم الاول في انطاليا... كان التوجه من الساعه 12 الظهر الى شلال الدودان (المصب) https://www.arabtrvl.com/vb/picture....ictureid=65628 https://www.arabtrvl.com/vb/picture....ictureid=65629 المكان حلو بس شوي حار بس انه يستاهل الروحه.. تقريبا جلسنا هناك نص ساعه... وبعدها توجهنا الى شلال الدودان (المنبع) https://www.arabtrvl.com/vb/picture....ictureid=65633 https://www.arabtrvl.com/vb/picture....ictureid=65634 https://www.arabtrvl.com/vb/picture....ictureid=65637 المكان حلو اكثر من المصب وابرد من المصب بس دخوله بفلوس ب5 ليره تقريبا للشخص ... تقريبا جلسنا هناك ساعه .. فيه جنب مدخل الشلال كوشكات تبيع اشياء شعبيه وغيرها وغيرها ... طلعنا ورحنا لشلال كورشنلو ... https://www.arabtrvl.com/vb/picture....ictureid=65636 https://www.arabtrvl.com/vb/picture....ictureid=65635 وعند الشلال توجد مغارة ... https://www.arabtrvl.com/vb/picture....ictureid=65631 https://www.arabtrvl.com/vb/picture....ictureid=65632 تنزل فيها عشان تشوف الشلال من تحت ... وعشان تمشي الى المقهى ... https://www.arabtrvl.com/vb/picture....ictureid=65641 مشينا الى مقهى عصمانلي ... (ماادري اسمه كذا او انا غلطان) https://www.arabtrvl.com/vb/picture....ictureid=65638 طبعا المقهى مشهور وله فروع وهذا احد فروعه ... بس المشي الى ذاك المقهى طويل ومتعب بس حلو بسبب انك تمشي داخل غابه ... واذا جلست في المقهى تشوف شلال كورشنلو الصغير https://www.arabtrvl.com/vb/picture....ictureid=65639 https://www.arabtrvl.com/vb/picture....ictureid=65640 جلسنا وتقهوينا واكلنا وحنا نفكر في طريق الرجعه... نقول ان شاء الله فيه طريق اقصر ... بس للاسف نفس طول الطريق للرجوع بس من طريق مختلف... طبعا تعتبر هذي الثلاث شلالات قريبه من بعض ... يعني ممكن يبعد الواحد عن الاخر نص ساعه بالسياره ... ويعتبر مكانهم في نص انطاليا ... ف حلو انك تروح اماكن قريبه من بعض عشان ماتضيع وقت ... المهم طلعنا من الشلال الثالث ( شلال كورشنلو ) وتوجهنا الى ( ديبو اوت ليت مول ) https://www.arabtrvl.com/vb/picture....ictureid=65642 طبعا اوت ليت يعني اسعار مخفضه .. حتى ان اهلي قالوا يبغون يرجعون له في اليوم الاخير .. المهم اني حصلت عندهم محل يبيع سميت بالداندرما .. خطييييييييره https://www.arabtrvl.com/vb/picture....ictureid=65643 https://www.arabtrvl.com/vb/picture....ictureid=65644 من فوق السميت ساخن شوي وتحته الداندرما بارده ... ( في النخااااااع ) طبعا تعشينا في المول وبعدها الى النووووووم ... ونلتقي غدا مع مغامرة الرافتينج الرائعه ... |
شلال كورشنلو روعة مصب شلال دودان جميل ويفضل زيارته وقت الغروب للاستمتاع بالبارك الجميل حوله وتتوفر فيه كل الخدمات. كوتاهيا من المناطق الجميلة وزيارتها بالصيف مميزة بسبب اعتدال الجو بس بالشتاء برد ما تنفع. |
الشلالات حلوين ومثل قالت الحلو بعد قربهم من بعض عليكم بالعافيه الدندرمه [emoji7] Sent from my iPhone using Tapatalk |
شكرا بك |
جزء جميل للشلالات ... وحلو إن الواحد يخطط بشكل مميز .. فعلاً المعالم القريبة من بعض زيارتها متعة وكسباً للوقت ... كيف أسعار الآوت ليت ... ؟؟؟ هل فعلاً أسعار مخفضة أم اسم فقط :22: |
اقتباس:
بصراحه فكره رائعه الزياره وقت الغروب لكن فاتتني اقتباس:
اقتباس:
|
نكمل ماتوقفنا عنده... اليوم الثاني في انطاليا...( يوم الرافتينج ) انا كنت مجهز لهذا اليوم وفي الحقيقه اصلا جاي انطاليا عشان هذه المغامره ... بعد البحث على النت عرفت انه فيه اكثر من شركه تقدم هذا المغامره ويوجد ايضا اكثر من مكان تقام فيه هذه المغامره .... اتصلت على احد هذه الشركات وانا في السعوديه وعرفت منهم انه يبغى لك تحجز قبلها بيوم عشان يجون ياخذونك من الفندق وانهم ينطلقون في رحلتين .. وحده من الرحلات تبدا الساعه 1 الظهر والثانيه من الرحلات تبدا الساعه 3 العصر وان سعر الشخص ب50 ليره شامله الغداء وان مدة الرحله ساعتين.... قلت حلو اذا جيت بحجز ... وفعلا في اليوم اللي قبل هذا اليوم عندما كنت في شلال الدودان سالتهم عن الرافتينج واني ابغى احجز .. قالوا لي ب50 ليره ومدة الرحله ساعه وانه ماعندهم مواصلات (يعني مايجي ياخذك من الفندق ) وبدون غداء ... قلت اجل هذا مش خوينا اللي كلمته من السعوديه قبل اجي ... فا اتصلت عليهم على الرقم اللي موجود على موقعهم وهذا اسم شركتهم (Raftingo)... https://www.arabtrvl.com/vb/picture....ictureid=65627 وقالوا لي نفس التفاصيل اللي سالتهم عنها من قبل... قلت طيب حنا سبعه اشخاص هل يحتاج حجز .. قالوا لي سبعه مايحتاج لهم حجز تعال اي وقت وينطلق فيكم القارب بس لاتتاخر عن الساعه 3 العصر .. قلت حلو ... بكم ؟؟ 50 مع التوصيل يصير ب80 ليره لكل شخص .. قلت له انا عندي سياره .. قال اوك بدون التنقل ب50 ليره لكل شخص شامله الغداء ولمدة ساعتين .. قلت حلو .. بكره انا عندكم .. قالي اوك بنرسل لك الموقع على الواتسب .. قلت ممتاز (تمام تمام) ... وفي الساعه الحاديه عشر انطلقنا من الفندق متوجهين الى هاك المكان وبصراحه بعيد شوي .. يعني ممكن اخذ منا بالسياره ساعه ونص ... المهم وصلنا عندهم وعطونا التعليمات وقالوا لنا فيه جزمه للايجار ب10 ليره واذا تبغى تشتريها ب20 ليره .. اخذنا شي بالايجار وشي شراء كل على حسب رغبته ... وركبوا معنا شخصين من عندهم .. واحد منهم هو القائد حقنا ( سوري الجنسيه .. وبصراحه هو ملح الطلعه ) والثاني عشان يرجع السياره ... لان مكان الانطلق يبعد 14 كيلو ومكان النهايه يكون عند مكتب الشركه ... المهم ان حنا وصلنا الى مكان الانطلاق ونزلنا ونزل معنا القائد والشخص الثاني رجع بالسياره حقتنا الى المكتب اللي هو مكان النهايه وهنا بعض الصور https://www.arabtrvl.com/vb/picture....ictureid=65668 ومن هنا يبدا الانطلاق.. https://www.arabtrvl.com/vb/picture....ictureid=65669 قاربنا ... https://www.arabtrvl.com/vb/picture....ictureid=65670 طبعا ممنوع تاخذ الجوال عشان لايطيح عليك .. قلت لهم انا باخذه وعلى مسوؤليتي .. قالوا بكيفك بس اذا طاح لاتقول جيبوه وترى كذا واحد طاح عليهم .. قلت لهم مو مشكله انا مجرب من قبل الرافتينج في اندونيسيا في بالي وعارف الوضع... وهذا بعض مناظر النهر.. https://www.arabtrvl.com/vb/picture....ictureid=65671 وفي ثلث الطريق توجد محطه توقف لاخذ قسط من الراحه .. https://www.arabtrvl.com/vb/picture....ictureid=65672 وتوجد ايضا بعض الالعاب .. واحده منها هي الحبل المعلق ... https://www.arabtrvl.com/vb/picture....ictureid=65673 ماركبنا فيها ... كان سعر الواحد ب10 يورو يعني تقريبا 40 ليره ... وتوجد العاب اخرى مجانيه ولكنها مكسوره ... https://www.arabtrvl.com/vb/picture....ictureid=65674 وبعدها انطلقنا وفي الثلث الثاني توجد منطقة توقف اخرى وهي للسباحه ... الطريقه كيف ؟؟؟ نصعد فوق شجره ونقفز في النهر ... ارتفاع الشجره عن الماء تقريبا 6 متر وعمق الماء تقريبا 6 متر والماء بارد ... هذي انا جربتها ... ممتازه جدا بس يبغى لها واحد يعرف يسبح وعنده لياقه لو قليله ... https://www.arabtrvl.com/vb/picture....ictureid=65677 https://www.arabtrvl.com/vb/picture....ictureid=65678 https://www.arabtrvl.com/vb/picture....ictureid=65679 مافيه واحد كان بيسحبه النهر :17: https://www.arabtrvl.com/vb/picture....ictureid=65680 المهم .. كانت تجربه حلوه واتمنى اعيدها ... كملنا طريقنا الى نقطة النهايه وكان فيه بعض الشلالات الصغيره جدا .. قال لنا قائدنا السوري انه في هذه النقطه يقلب القارب اذا كانوا معاه اجانب بس عشانكم سعوديين ماراح يسويها ... قلنا كويس .. عجبتني الفكره بس قلنا خلنا نرجع سالمين .. وصلنا الى نقطه النهايه وبصراحه قائدنا السوري ماقصر جاب لنا الغداء على طاوله لحالنا ... https://www.arabtrvl.com/vb/picture....ictureid=65675 https://www.arabtrvl.com/vb/picture....ictureid=65676 الاكل كان حلو ... الحلو في هذه الرحله هذا القائد السوري ... كان مرح وكان يتحرش في المجموعات الثانيه ... لانه فيه شركات كثيره ... وكل شركه طالع معها مجموعه او مجموعتين ... فا تشوف قارب روسيين وقارب اوروبيين وقارب كوريين وغيرهم وغيرهم .. المهم ان حنا اذا قربنا من اي قارب من القوارب يقول لنا السوري يلا تجهزوا نرشهم بالماي ... واذا قربنا نبدا نرشهم ويرشون بالماي .. وكانوا يضحكون وحنا نضحك وماخذين الوضع بسعة صدر ... طبعا فيه تعب خاصه للي ماعنده لياقه مثلي ... في الليل وينك ياكريم العضلات ... بس يستاهل انك تروح له ومثل ماقلت سابقا انا اللي حمسني اجي انطاليا هو الرافتينج .. بعدها رحنا الفندق واخذنا الوالد والوالده ورجعنا مره ثانيه الى ديبو اوت ليت مول .. تذكروا كم شغله ورجعوا ياخذونها ... https://www.arabtrvl.com/vb/picture....ictureid=65642 وبعدها رجعنا الفندق .. ووينك ياكريم العضلات ووينك يالنوم ... |
جميلة جدا رحلة الرافتينج بانطاليا واعتقد 50 ليرة ولساعتين مع وجبة الغداء سعر مناسب جدا شكرا بو مريم وبانتظار تفاصيل مميزة جديدة. |
جميل |
نكمل ما توقفنا عنده .. اليوم الثالث في انطاليا .... كان الجو جميل وممتاز للاماكن المفتوحه مثل الشواطى ... وبدينا في شاطى كونياليتي https://www.arabtrvl.com/vb/picture....ictureid=65690 https://www.arabtrvl.com/vb/picture....ictureid=65691 https://www.arabtrvl.com/vb/picture....ictureid=65692 ماجلسنا ... يعتبر مرينا مرور الكرام... وبعدها توجهنا للتلفريك ... https://www.arabtrvl.com/vb/picture....ictureid=65693 التلفريك كان قريب من شاطى النساء ... وكان سعر الشخص 15 ليره https://www.arabtrvl.com/vb/picture....ictureid=65695 لما وصلنا فوق الجبل .. كان فيه مقهى ومطعم للبلديه ومكان يبيعون فيه خبز بالجبن وباللحم وبالبطاطس ... نسيت وش يسمونه باللغه التركيه.. المهم انه كان لذيذ والمكان حلو https://www.arabtrvl.com/vb/picture....ictureid=65697 بعض الصور قبل النزول.. https://www.arabtrvl.com/vb/picture....ictureid=65696 وتوجهنا بعدها الى شاطى النساء الملاصق للتلفريك اللي ركبناه ... https://www.arabtrvl.com/vb/picture....ictureid=65698 شاطى النساء الغير مختص بالنساء .. بس اعتقد له قصه... https://www.arabtrvl.com/vb/picture....ictureid=65699 كان في جانب الشاطى بعض الاماكن للجلوس والطاولات للشواء https://www.arabtrvl.com/vb/picture....ictureid=65700 https://www.arabtrvl.com/vb/picture....ictureid=65701 ويوجد ماء للغسيل .. بصراحه المكان مرتب ولكن اتمنى لو كان انظف مما كان عليه ... بعدها توجهنا الى مطعم في مدينة كيمر ..( اسم المطعم ... Ulupinar Kayalar ) اترككم مع الصور ... مدخل المطعم ... https://www.arabtrvl.com/vb/picture....ictureid=65702 اول مادخلنا شفناهم توهم فاتحين التنور .. https://www.arabtrvl.com/vb/picture....ictureid=65703 ومطلعين ذا اللحم الزين ... https://www.arabtrvl.com/vb/picture....ictureid=65704 توجهنا الى الطاولات ... https://www.arabtrvl.com/vb/picture....ictureid=65705 فيه طاولات تحط رجولك في الماي وانت تاكل وفيه بدون ... https://www.arabtrvl.com/vb/picture....ictureid=65708 https://www.arabtrvl.com/vb/picture....ictureid=65709 بس المناظر حلوه اللي في المطعم ... https://www.arabtrvl.com/vb/picture....ictureid=65706 https://www.arabtrvl.com/vb/picture....ictureid=65707 خصوصا مع وجود بعض الحيوانات الاليفه :29: https://www.arabtrvl.com/vb/picture....ictureid=65711 بعدها رجعنا الفندق للاستعداد للتوجه الى اسطنبول ... ولكن قبل الذهاب للفندق توجهنا الى المدينه القديمه المسماه ب (كاليتشي) ولكن للاسف كان الوقت قد تاخر واغلقت اغلب المحلات .. بس شكلها كان يشوق ... تمنينا لو ان حنا جينا بدري لهذاك المكان .. بس نقول الحمدلله وان شاء الله خير .. رجعنا الى الفندق وبهذا يكون قد انتهى هذا اليوم الاخير في انطاليا ... ونلقاكم في الغد للتكمله باذن الله ... |
يوميات جميلة اخوي ابو مريم أتفق معك .. اعجبني دودن المنبع أكثر من المصب والجو أكثر برودة من المصب الرافتينق فكرته جميلة ورخيصة ويبدو لي بُعد المكان هو المشكلة لهذا أتوقع الواحد يخصص له يوم مستقل تحسباً للاجهاد من المشوار والتجديف مستمتعين ومتابعين معك بكل التفاصيل |
اهم رحلة في انطاليا هي الرافتنق الصراحة رائعة وطول الرحلة تقريبا 14 كيلو انا جربتتها بتايلند 5 كيلو بس بانطاليا 14 كيلو لدرجة انك تمل من الجلسة في القارب والماي البارد :25: لو ابي ارجع انطاليا اكيد عشان الرافتنق والشلالات طافكم المدنية القديمة مكان رائع جدا وكان ممكن تاخذون جولة بالقارب الى الشلال بالعافيه عليكم |
ماشاء الله عليك بو مريم ... الرافتينق جميل وفعالية ممتعة ... 14 كيلو .. مسافه مو سهلة .. وسعرها بصراحة جداً معقول .. أنا جربتها في آيدر يبدو رافتينق أنطاليا يتفوق .. طبعاً حسب كلامك جربت ( رافتينق بالي ) لا أعتقد فيه مقارنة مع رافتينقات تركيا :) متابعين ومستمتعين ... |
حلو الشاطئ والتلفريك وجلسات المطاعم. كاليشي جميلة جدا ان شاء الله المرة الجاية تشوفهة مستمتعين وبانتظار المزيد. |
اقتباس:
فعلا يبغى له يوم ..يعني ساعه ونص رايح وساعه ونص راجع ووقت التعليمات وفي النهر ساعتين تقريبا ... يعني طار اليوم .. بس يستاهل اقتباس:
الله يعافيك وفعلا المدينه القديمه شكلها رائعه بس ان شاء الله نرجع لها يوم ما اقتباس:
طبعا مافيه مقارنه ... رافتينج بالي احلى بكثير بس اغلى بكثير ... اقتباس:
اشكركم جميعا على الردود |
الله يعطيك العافيه |
اخوي رائد ، الله يسعدك ،موضوعك مرة عجبني خصوصا اني كنت حريص ع معلومات حول الرافتنج واجبتني انت فيه. بس عندي استفسار، انت رحت قبل شهرين تقريبا، انا بتحط رجلي انطاليا 12 سبتمبر ، وش رايك؟ هل الرافتنج حيكون دعس وحلو ولا ممكن بسبب الصيف المياه في النهر بتكون مش ذاك الزود. حنا شباب ،لو في اي نصيحة ممكن تفيدني فيها مشكور |
شكرا على المعلومات المفيدة جدا |
| الساعة الآن 11:07 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO