|
روص مندي وكبده..في مدينة الجمال استنبول **السلام عليكم ورحمة الله وبركاته** ,,,,,,,,, غسلوا يدكم واستعدوا لتضربوا بالخمس في اسياخ الكبده ولحمة الراص *حكتبها بالـ *ص ..احس ماتجي ابداً بالـ *س..اتخيلوا اقول لحمة الراس !!!!!!!!!! الـ مهم المطاعم الا حتكلم عنها مطاعم *شعبيه تناسب السائحين اكترمن السائحات و كبار السن والـ (سناقل ) اكتر من العائلات .. الجيل الجديد مالوا في دي الحاجات تقع في الجزء الاوربي من استنبول في منطقه ( اكسراي ) aksaray يوصل لها الترام لو كنت من ساكني السلطان احمد او سيركيجي او امينونو او حتى كبتاش ,, **منطقه (اكسراي) ابدا ابدا لاينصح بها للسكن للعوايل شعبيه جداً وجامعه اجناس اشكال والوان وزحمتها جامده فأنتبهوا على متعلقاتكم الشخصيه ,, *الصور من زيارات عده حتنزلوا من المحطه و حتلاقوا المسجد الا في الصوره امامكم اقطعوا الشارع وروحوا عندوا خلوا يمينكم وامشوا بمحاذاتوا على طوووول كملوا على طول يجيكم سوبرماركت (ميجروس) أبو لوحه برتكاني في الصوره كملوا بعدوا لاخر الرصيف شايفين النزله الا يمين الصوره ...في زي 4 درجات ..انزلوها https://lh6.googleusercontent.com/-t...0/DSC05226.JPG https://lh5.googleusercontent.com/-G...0/DSC05123.JPG المطعم الأول الا حنجربوا حق (لحمة الراص ) على يمينكم يمكن تالت محل عل يمين https://lh6.googleusercontent.com/-z...0/DSC05124.JPG حنشوف الراص من قريب ...كلية الطب ممكن تستفيد الان من معلوماتي فاضي ورايق ... وهذا سر عبقرية الطعامه.... https://lh6.googleusercontent.com/-e...0/DSC05243.JPG https://lh6.googleusercontent.com/-J...0/DSC05126.JPG https://lh5.googleusercontent.com/-D...0/DSC05141.JPG والله يافاصوليا ....شي عجب.... والرأي للعبد الفقير (شخصي)....لاألزمكم به https://lh4.googleusercontent.com/-n...0/DSC05244.JPG احلا ...الارمك حقي ...صواني صواني .... https://lh6.googleusercontent.com/-V...0/DSC05240.JPG مشاهير اكلوا عندهم ياحاااسن ياخولي الجنينه ياحاااسسسن سقّوها بمرقة الراص عشان تتمخمخ بزياده والحلا ..بالارمك .. في دا المحل طريقتوا اقرب للحلاوه التركي حقتنا الا نسويها أيام البراد ليّن وفي ريحه هيل كم عود قرفه يغسل فمكم من الريحه والزفره حقة اللحمه ~~~~~~~ **المطعم التاني** للكبده المشويه بعد مطعم روص المندي كملوا مشي على طول لغاية ماتوصلوا لمحطة المترو الا في الصوره واضحه وكبيره والمطعم يمينها كمان باينه لوحتوا الطلب الواحد 10 اسياخ ...زبده ...وفي روايه ..كبده المقبلات دي كلها لازم ينزلوها مجاني .. في الزيارات الابعد كدا... كلمتهم اننا مانبغاها زبده ولا كبده....شي زي اللوز صغار وطرييييه ...تتزلط زلط بعدها حبسنا بقهوة (كرديه) ركزوا كرديه وليست تركيه هناك فرق والفرق اشهر من نار على علم نعم انها تحترق ياساده يجيب الصحن في شي لونوا ازرق زي التراب ويولعوا بالولاعه والقهوة تغلي في الفنجان ويجلس مولع لغاية ماتشيل الفنجان من الصحن بعدها تبدى تنطفي النار وطعمها حليب مع حاجات حاره خفيفه .. وفي كمان جمبوا مطعم المدينه المشهور لكن ماجربتوا .. ~~~~~~ أتمنى اني افدتكم والقاكم في أماكن أخرى بحول الله |
رد: روص مندي وكبده..في مدينة الجمال استنبول يا سلام على التقارير التفصيلية ليش راص ؟؟؟اسمه راس بكل مكان في العالم حتى امريكا هههه مع اني ما احب هذه الاكلة حركة الفنجان بالنار حلوة تسلم ايدك تقرير جميل |
رد: روص مندي وكبده..في مدينة الجمال استنبول تقرير يسيل لة اللعاب لازم ما تقرأة وانت جوعان وبعدين في احد يرفض المقبلات هذه !!! https://lh5.googleusercontent.com/-f...0/DSC04939.JPG انا اذا اكلتها خلاص اكنسل الطلبية بعدها هههههه |
رد: روص مندي وكبده..في مدينة الجمال استنبول طيب وين الكرش والفوارغ ليش بس لحمة راس :) صحتين وعافيه وأعتقد جازمة في المرة القادمة لازم ناكل في مطعم الكبده ونشرب من الفهوة الكردية تسلم ايديك على التقرير اللذيذ |
رد: روص مندي وكبده..في مدينة الجمال استنبول شكراً جزيلاً **طارق عنايات** الموضوع في خشونه ....راص ورجول ...لازم بالصاد ينكتب ويتمرمش :(33): ازا ماجربتها جربها .....هنا اللحمه نظيفه وطريه لايفوتك كتيييير وشكراً لمرورك ~~~~ **العقرب ** المقبلات اكنسلها ....يمكن طفاسه مني عشان افضي المكان للكبده وبس.... وشكرا لمرورك ~~~~~ **الخاله ام معن ** في مقادم بس ماطلبتها ... بأخدها من الجزء الاسيوي في مطعم شعبي حكتب عنوا تقرير سريع ان شاء الله ولازم تجربوا وتكتبوا رأيكم عشان تتعدد الآراء ونفيد غيرنا ان شاء الله وبالعافيه مقدماً وشكرا للمرور |
رد: روص مندي وكبده..في مدينة الجمال استنبول تفصيل أكثر من رائع .. وصور جداً جميلة .. ما قصرت مميزنا/ مكة. القهوة الكردية مع الكنافة تعدل الراص على قولتك:(153): |
رد: روص مندي وكبده..في مدينة الجمال استنبول ماااااااااااااااااااااااااشاء الله شي روووووووووووووووعة وشهي جداً جداً تسلم أخي الغالي |
رد: روص مندي وكبده..في مدينة الجمال استنبول صحتين وعاافية اهم شي الراص [emoji16] هذا لو الوالد يعرف عنهم مايفوتهم بس نبغى كرش مع الراص الكبدة عندهم من جد شي تااااني لذيذة ولا تقاوم ياسلام على العيرااااان [emoji39] شكرا على التقرير الدسم اللي يرفع الكولسترول [emoji16] أرسلت بواسطة iPhone بإستخدام Tapatalk |
رد: روص مندي وكبده..في مدينة الجمال استنبول اسياخ الكبدة هذي الي راح تمشيني على اكسراي وانا مغمضة اما صفة الروص حكاية :(155): |
رد: روص مندي وكبده..في مدينة الجمال استنبول ما قصرت مميزنا/ مكة. |
| الساعة الآن 07:00 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO