|
][ .... ترشيح سكن في طرابزون .....][ السلام عليكم ورحمة الله وبركاته يعلم الله قد ايش استفد من هذا المنتدى فجزى الله كل من افاد اخوانه سواءاً بموضوع او بتعليق كل خير بإذن المولى مسافر انا والعائلة 2 بالغين 3 اطفال الى الشمال التركي يوم 22 اغسطس والعودة 1 سبتمبر صباحاً (10 ليالي - 9ايام) قررت تقسيم جدولي كتالي : الوصول يوم 22 الساعة 10 مساءً قررت ان اخذ فندق في طرابزون بسبب وصولي المتأخر وذلك لمدة يومين اليوم الاول اروح لبحيرة سيراقول ومغارة تشال ومرتفعات حيدر نبي اليوم الثاني مرتفعات زيقانا وقرية هامسي كوي [ ياليت ترشحون لي فندق كويس في طرابزون يكون فقط للراحة ] بعدها انطلق على اوزونجول :e204: أكمل فيها باقي المدة المتبقية يتخللها ايدر وريزا [ هنا ياليت ترشحون لي جدول ] تحياتي :e310: |
بالتوفيق ان شاء الله ١٠ ايام حلوة وتعتبر كثيرة على الشمال رايي تخفف طلعاتك حتى تكون مرتاح كثر المشاوير يتعب مثلا اول يوم حيدر نبي تتغدا وتتمشى وتجلس فيها تستاهل الجلسة. واذا اطفالك كبار بتكون رائعة لهم. وترجع ترتاح في طرابزون ممكن تتمشى على الكرنيش اذا حابب تطلع وهكذا جميع برامجك اليومية اجعل كل يوم مشوار او مكان اساسي وبقية اليوم ارتاح من القيادة الطويلة وارتاح ذهنيا هذا رايي كذلك السكن في طرابزون اقل شيء ب ٤٠٠ او ٣٥٠ وتعتبر صغير وبعضها مداخلها مهو شرح ... . انسب شيء فندق بناجايا تلقى غرفة ومجلس ومطبخ ب٩٠٠ او ٨٠٠ ليرة يعطوكياها المجلس فيه مراتب تنقلب الى اسرة ومناسبة جدا . كذلك عندهم بوفية فطور ممتااز وله اطلالة على البحر الفندق مستواها عالي بالنسبة لغيرة ولا يعلو عليه الا النوفتيه ورمادا والفنادق ٥ نجوم وموقعه ممتاز ايضا راحة وانشراح صدر مقابل زيادة قلسل من المال |
أنا عن تجربتي قبل اسبوعين سكنت مع العائلة في فندق غراند فوسلات في ميدان طرابزون والخدمات متوفرة من مطاعم ومحلات ومكان للتمشية والتنزه جميل ، كان عددنا قريب منكم وأخذنا غرفة عائلية الليلة تقريبا ب 700 ريال سعودي مع الافطار ، فندق نظيف ومرتب وأثاثه جديد |
الحل الأفضل احجز من بوكنق اول يوم او يومين بالكثير ومن هناك تشوف السكن المناسب لك راح تحصل ارخص من بوكنق وممكن تاخذ لك شقة بعد الأمور طيبه |
اقتباس:
|
اهلا بك رحلتك تقريبا في الاسبوع ما قبل بداية الدراسة فغالباً تكون الأمور هدأت كثير .. دائماً فترة الذروة في اوزنجول وآيدر تكون ما بين العيدين ( الفطر / الأضحى ) ... وفي هذا الأسبوع يعود منسوبي الهيئة التعليمية لوظائفهم ... طبعاً ما بتكون فاضية بالعكس فيه سياح ولكن الوضع أهدأ كثير من اقبل عيد الأضحى بالنسبة لاوزنجول وآيدر خلك جاهز ببدائل معينة ولتكن ثلاث أربع بدائل سكنية وإذا وصلت هناك ركز عليهم وأختار الأنسب بالتوفيق |
اقتباس:
|
اهلا بك حتى طرابزون احجز اول ليلة فقط وحاول تمدد وانت هناك ولكن خليها قاعدة عامة في أي مكان تروح له لابد يكون عندك أكثر من فندق أو شقة في بالك بحيث لو ما قدرت تمدد تتوجه مباشرة لهذي الفنادق عشان لا يضيع وقتك في البحث لأن للأسف بعض المسافرين يروح وما عنده غير فندق واحد وإذا ما قدر يمدد يتلخبط ويضيع وقته في البحث بالتوفيق |
اقتباس:
وعلى الله التكلان :60: |
رائي تشوف 4 او 5 فنادق تختارها من هنا وتعجبك او شقق وتحجز اول يومين وتروح للفنادق اللي اخترتها وتشوف الأنسب والارخص والخ |
| الساعة الآن 12:08 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO