تقرير بسيط عن سفرتي لتركيا
 

السلام عليكم ورحمه الله وبركاته


اشكر الجميع على هذا المنتدى الرائع الفضل لله ثم لكم استطعت السفر لتركيا للمره الثانيه بمساعتكم

ولكم منى الشكر وجزيل العرفان واسال الله ان يحقق منياتكم ويمدكم بالصحه والعافيه



نبداء باسم الله


هذي تعتبر ثاني سفره لي لتركيا واجزمت فعليا ان الوقت والتارخ اهم نقطه في التخطيط للسفر

رحلتي الاولى كانت في يوليو 2015 :28:

رحله تقريري هذا ب تاريخ ابريل 2018 :18:


الافضل بككل تاكيد كانت الثانيه بشكل خيالي مايوصف من اجواء بارده وطبيعه و ثلج وخضار

كانت السفر شامله لكل شي ابيه رغم قصر المده والحمدلله حمدا كثيرا


نبداء بالتفاصيل


الرحله لشخصين
الطيران ترانزيت فلاي دبي الانتظار ساعه ونص مطار صبيحه
بقيمه 1700 ريال للشخصين انا حجزتها من الفيزا
التاشيره من هنا عن طريق الانترنت (مافيا لانتظار المطار ابي اخرج على طول )

(( اولا كانت تذكرة الطيران ب 1300 الشخصين وشوي ومو قادره احجز في مشكله في بطاقتي فاتصلت عليهم يحجزو من عندهم طلب الموظف زياده مبلغ للحجز من عندهم وهذا نظام الشركه نفسها وصل المبلغ ل 1500 وشوي وبرضو مازبطت مع موظف فلاي دبي لان الخلل من بطاقتي لكن ما اكتشفت الا في النهايه فلازم احجز من المكتب عندهم فرضو نظام الشركه يحتم زياده على المبلغ فوق اضافه مبلغ الاتصال لاني حجزت من مكتبهم وصل المبلغ الى 1700ريال وشوي للشخصين ))

المده 5 ليالي في اسطنبول والتنقل بسياره خاصه لبورصه وسبنجا ذهاب وعوده

اسم الفندق مانيسول اولد سيتي بوسفوروس Manesol Old City Bosphorus f[,hv hgldkhx

https://www.booking.com/hotel/tr/man...phorus.ar.html

الحجز كان عن طريق مكتب انا اخترت الفندق ودفعت كاش للمكتب وجبلي هو ارخص من بوكنيج باقل من 150ريال من سعره الاساسي

اخذت سويت مطل على البحر بقيمه 1700ريال مع الافطار

قريب من الميناء ( اسم الميناء أمينونو )

السياره تم الاتفاق مع سائق العائله ما ناخذ الا هو سياره عائليه مرسيدس ويتعامل بالدولار
بورصه يوم ب 250دولار سبنجا يوم ب 150دولار

(واقترح على الجميع خذ سياره وريح دماغك )

يومين في اسطنبول على اساس متفقه مع زوجي ناخذ تاكسي او نتعامل بالمترو لكن ما قدرت اتحمل الوضع
وانجنيت ورجعت طلبت من سواقنا يجي يمشيني وكان عنده ارتباط وارسل لنا واحد ثاني من معارفه برضو كان خلوق ومادب



وصلنا مطار صبيحه في الليل ابي استاجر تاكسي يوصلنا للفندق


خرجنا من المطار التمو علينا الشركات وكان من ضمنهم واحد من بلاد الشام مو متاكده من جنسيته كان يتناقر مع السواقين الشركه و الشرطه او سكيورتي ( مو متاكده من اللبس ايش نوعه ) وكان يقلنا لاتروحو معاهم هم نصابيين وصاحب الشركه والشرطي يقلنا تعالو معانا لاتروحو معاه وكان الشرطي بصف صاحب الشركه و هو معاه اوراق وكروت تثبت انو مع شركه وطول الوقت قلبي في رجلي وادعي ادعيه واقرا القران ( ماسارت سفره ) فصراحه ارتحنا لصاحب الشركه اكثر والحمدلله رحنا معاه وكنا بخير وصلنا سالمين

المبلغ كان 150 ليره

وصلنا للفندق والاخ الكريم يقلنا غرفتكم مو جاهزه بنوديكم المبنى الثاني الى بكرا مع التعب والقلق الي كنا فيه وافقنا وندامت بعدين عليها :11:

رحنا المبنى الثاني والدنيا بررررررد ولازم نخرج من البوابه الرئيسيه الى المبنى الثاني واحنا ميتين برد مو لابسين جاكتات ولاشي كنا بملابس مريحه بحكم تعب المطار والترانزييت

وصلنا الغرفه كانت صغير وباااارده والاثاث جميل ارتحنا و نبدا اجمل الايام في اليوم التالي


https://www.arabtrvl.com/up/uploads/...4787011661.jpg


للاسف الكاميرا مو لاقيتها و مافي صور بالجوال كثير كلها على كانون
باححاول اعرف احمل الفيديو على المنتدى وانزلها لكم

:e324:

اطلب من بي تاكسي اريح لك واضمن سعرا

اليوم الاول

مجهزه خطة السير من قبل واخترت الوقت ابريل بسبب جبل اولداغ ( Uludağ ) :18:

الاجواء في ابريل بااارده جدا و مع هطول امطار وبدايت الربيع وتفتح الازهار والثلج موجود فقط في جبل اولدغ يبداء يذوب

ودي اجرب احساس الثلج ومكان ابيض وامسك التلج بيدي بس اعرف نفسي مو حقت برد فكانت خطتي انو ازور مكان في ثلج لكن ما اسككن هناك :e03b: :e048::e043:

اتفقت مع السائق انو اول شي اروح جبل اولدغ لكن يتاكد في ثلج او لا لان المهم عندي بالجبل ثلج واذا مافي تتكنسل ما ابي اروح

والحمدلله في ثلج وانطلقنا بفضل الله


رحنا عن طريق العباره لكن عيب اسطنبول انها كبيره جدا فاخذنا تقريبا ساعتين عبال مانوصل العباره

العباره مادفعنا فلوسها كانت من نفس مبلغ استاجار السائق

https://www.arabtrvl.com/up/uploads/...4800812341.jpg

من العباره على طول رحنا تلفريك الجبل لكن كان متعب وممتع في نفس الوقت

اول شي كان طابور طويل عشان ندخل التلفريك اخترنا الى اخر نقطه موجوده

قبل ما نركب يصورو السياح اجباري ويقول لا زم عشان العدد مش عرفه ايه لكن الحمدلله انو اتصورنا
لمن وصلنا اول نقطه اعطونا الصور في برواز مرا حلو كانت طباعه حراريه ودفعنا تقريبا 80 ليره

المحطه الاولى كان الطريق فيها نصف ساعه وكان موجود استراحه موجود اكل وملابس وقفازات لكن انا ذكيه ولاني جايه اساسا عشان الثلج فجايبه ككل احتياطاتي معايا

https://www.arabtrvl.com/up/uploads/...3480104011.jpg

( شفوفو القمه كيف الثلج ):18::18:


كملنا الطريق بدون ما ناخذ شي ننقنق فيه من الحماس ولا انتبهنا لطول المسافه :73: :e021:

ونروح على المحطه الثانيه ومن هنا اساجرنا سياره عشان يوصلنا لفوق ب 20 ليره

وصلنا المحطه الثالثه ودفعنا حق تذكرة الصعود للقمه بلفريك مفتوح :18:

https://www.arabtrvl.com/up/uploads/...4801128461.jpg


https://www.arabtrvl.com/up/uploads/...4801174541.jpg

موجود بالمكان مطعم و توليت :e151: الدخول له ب 2 ليره

كان في مصور فنان صور زوجي صور مرا جميله :e008:

خلصنا واستمتعنا يارب لك الحمد والشكر نزلنا ميتيين جوووع اخذنا وقت طويل فوق اخذ مننا تقريبا اليوم كله

ما اتذكر المطعم فين بس تركيا عموما ما ينخاف على مطاعمهم جدا لذيييذه

بعدها رحنا الى ساحه ساحل جيميلك طريق بين يلوه وبورصه ( Gemlike )

ما تستاهل العنا اغلبهم اتراك

بعدها عدنا على العباره لكن زحمه مرا انتظرنا وقت طويل عبال ما تمشي قريبا الساعه 10 او10 ونص وصلنا الهوتيل متاخر وتعبانيين وجعانين

مع الاجواء بس جوعانيين الدنيا برد ومستحيل نخرج بدون جاكت وقلفز نهائي فوق هذا ككله السويت الجدار كله زجاج والمكيفات ما نشغلها والغرفه كلها باااااارده

الهوتيل كان مكانه استراتيجي خلفه كلو مطاعم ولذيذه اخذنا شاورما ورجعنا على طول تعبانيين جدا



نوماً هنياً:e13c:

استخدمته راح احكي عنه بوقتها :3::e023:

ماشاء الله

الحمد لله على السلامة

مشكورين حبايبي اسعدني تواجدكم في تقريري البسيط
احاول قدر الاماككن اتذكر الاحداث عشان الكل يستفيد
:e204::e437:

اليوم الثاني


وما ادراك ما اليوم الثاني اشكر ربي كثير كنت محظوظه جدا في سفرتي
اللهم لك الحمد والشكر



بعد الثلج والبرد والاجواء الشتويه ننتقل الى الطبيعه و الامطار والخضره النظره وهايدي الجميله
:e04b::e44c::e030::e447::e121::e304::e303:


خطتي مثل ما قلت سابقا مجهزتها قبل السفر وراح تكون ثاني يوم نقضيها في

سبنجا

اااااه على اجواء سبنجا و جمال سبنجا وروعه سبنجا

اااااه ليتني اخذت يومين او اكثر فيها :31::31::31:



افطرنا في الهوتيل وجا سواقنا الله يحفظه لنا على الموعد ومسكنا خط سبنجا لكن طريق طويل يا كبرك يا اسطنبول :21::e023:

بسبب كبر المدينه ناخذ وقت اطول عبال ما نخرج منها والحمدلله سيارتنا عائليه كبيره نمنا ونصحى ونرجع ننام ونصحى :32::32::32:
انصح فيها صراحه مريحه وكبيره ماخذين راحتنا كويس انو ما اخذنا سياره صغيره بحكم انو احنا شخصين بس :32::32:


طول الطريق ايش الاجواء الرائعه والجميله ومطر وخضار يرد الروح

https://www.arabtrvl.com/up/uploads/...3486867321.jpg

في الطريق وقفلنا السواق عند استاربكس ويصحينا قومو تقهوو النوم غلاب :32::32:

https://www.arabtrvl.com/up/uploads/...4868825351.jpg

الاجواء الجميله في الطريق

https://www.arabtrvl.com/up/uploads/...4868794461.jpg

https://www.arabtrvl.com/up/uploads/...4868904841.jpg

مطر

https://www.arabtrvl.com/up/uploads/...4868968571.jpg

https://www.arabtrvl.com/up/uploads/...4869006031.jpg

اعتقد الصور كنت الصور وقت الظهر :19::18::49:

وصلنا الحمدلله بحيره سبنجا ( Sapanca Gِlü ) مع هطول الامطار :e326: والجو بديع أفل على كل الموضيع :e326:

المكان حلو مليان مطاعم وكفيهات ومكان العاب اطفال اغلبها كانت مقفله المفتوحه كانت كشكات
و مسجد للرجال فقط وتوليت الدخول :e151:بليره


https://www.arabtrvl.com/up/uploads/...4869225391.jpg
هذي المظله لها اجمل ذكريات من ريحه كوريا محتفظه فيها من 2011 :e43c::e514::e204:


https://www.arabtrvl.com/up/uploads/...4869357581.jpg

https://www.arabtrvl.com/up/uploads/...3486937931.jpg




بعدها رحنا لاجمل مكان شلالات وشجر خيااااال

منطقة معشوقية

موجود فيها قرية ناتوركوي قريه محمديه ميدان الدبابات

المنطقه عموما رائعه جدا وفيها مطاعم في مكان رايق وهادي

https://www.arabtrvl.com/up/uploads/...4870118821.jpg

https://www.arabtrvl.com/up/uploads/...4870154721.jpg

https://www.arabtrvl.com/up/uploads/...4870204131.jpg

https://www.arabtrvl.com/up/uploads/...4873202431.png

https://www.arabtrvl.com/up/uploads/...4874016091.png

https://www.arabtrvl.com/up/uploads/...4874165651.png

https://www.arabtrvl.com/up/uploads/...4873264271.png

https://www.arabtrvl.com/up/uploads/...4873305311.png

https://www.arabtrvl.com/up/uploads/...3487334581.png

https://www.arabtrvl.com/up/uploads/...4873390821.png

https://www.arabtrvl.com/up/uploads/...4873443721.png

https://www.arabtrvl.com/up/uploads/...4870238851.jpg

https://www.arabtrvl.com/up/uploads/...4870289771.jpg


الاكل طعم و القطوه جننتني ما خلتني اكل عدل والدنيا برد ولازم ناكل بسرعه عشان الاكل لا يبرد

:32::32::32::32:

بعدها رحنا مكان الدبابات وركوب الحبل وكان موجود مطعم ومع مصلى ومكان للوضوء صليت ماشاء الله المكان كان نظيف

https://www.arabtrvl.com/up/uploads/...4870588871.jpg

https://www.arabtrvl.com/up/uploads/...4870678461.jpg

بعدها رحنا مكان مرا حلو يجنن زي المنتزه اغلب الوانه ابيض ازرق والمباني حلوه فيها محلات وكوفيهات ومطاعم والدرج كثير في كل مكان درج ( اختارو عربيات الاطفال تكون خفيفه مو ثقيله افضل ) و شلالات في كل مكان لكن الصور في الكاميرا للاسف ما لقيتها في الجوال ( ان شاء الله الاعضاء عرفو الوصف ويكتبو اسمه ) الافضل تسالو عن سائق يعرف المنطقه كويس سواقنا مرا يحب سبنجا ويعرف كل شي فيها فككانت الامكان تجنن كل مكان اجمل من الثاني
والي ساعد الاجواء كانت خياليه فعلا الوقت والتاريخ اهم نقطه في الرحله خسرنا فلوس لكن على شي يستاااااهل :e328::e329::e022::18:


بعدها رحنا النهر او بحر ما اعرفه هوا ودانا له وكان فيه لعبه مقفلينها بسبب الاجواء والمكان عباره عن كوفي ومطعم غرفه زجاج داخل النهر كان جميل مع الاجواء الخرافيه والضباب بين الجبال

https://www.arabtrvl.com/up/uploads/...4871722491.jpg

https://www.arabtrvl.com/up/uploads/...4871754551.jpg

https://www.arabtrvl.com/up/uploads/...4871788781.jpg

https://www.arabtrvl.com/up/uploads/...4871846791.jpg

https://www.arabtrvl.com/up/uploads/...4871881511.jpg

هنا اللعبه مقفلينا اعتقد انها (يربطون البطن بالحبل ويوصلونه الى فوق عشان ما تطيح في البحر ويسحبون بالقارب و انت واقف على خشبه وسط البحر )

https://www.arabtrvl.com/up/uploads/...4872011711.jpg

بعد ما خلصنا وانا خارجه شفت الايس كريم اشتهيته في عز البرد :32::32:

https://www.arabtrvl.com/up/uploads/...4872219331.jpg

باين البرد من الجاكيت والقلفز :21::32:

وعدنا الى اسطنبول عودا حميدا و لله الحمد والشكر والمنه


اتعشينا من مطعم خلف الهويتل يكون فاتح الى الساعه 1 ونص تقريبا
عمري ما اكلت مثل لحم تركيا ليين بشكل موطبيعي اغلب اكلنا اعتمدنا على قطعت لحمه و رز اشتهيها الى الان لذيذ بشكل ما يوصف للاسف مافي صور دورت في النت مالقيت مشابه لطلبنا الخطير:32::24:



:e32e:وانتهى يومنا بفضل الله ومنته باجمل الاوقات :e32e:

بالنسبه لتخطيط الرحله دائما ومعتمدتها في جميع سفراتي اقراء تقارير كثيره اخذا الي يناسبني ويعجبني اناوالي معي بالسفره واترك الي ما يعجبني حتى لو كانوكل الناس مدحوه

للاسف لاحظت انو في البعض من مجتمعي يروح للدوله والمكان والمطعم فقط لانه مشهور و معروف ولازم اذا تسافر ترحله واذا مارحت تعتبر ما سافرت !!! طبعا انا ضد هذا كله

حتى لو كان في دولتي اروح للمكان بسبب اعجابه به و ليس اعجاب الناس فيه


فعلا الثلج والققم البيضاء نادرا انو اشوفها بحياتي و الحمدلله شفتها باقي من امنيتي تساقط الثلوج ورحله عن طريق الكروز لسا ما حققتها اتمنى احققها يارب

شكرا لمرورك تقبل تحياتي :e112:

فعلا الورق اخضر بمعنى كلمه اخضر مومغشوش :32::32:


منتزه ( سوبيلي )
الحمدلله كويس انو عرفته المكان لان ما اعرفه اساسا ولا كان من بحثي مرا حبيته هادي ورايق مافي ازعاج



اشكرك لمرورك تحياتي لك:e32e:

حياكم الله جميعا اسعدني جدا تواجدكم :e32b::e32b:

لكن انا مش في الشمال التركي تقريري عن اسطنبول وما جاورها وهي فعلا سبنجا شبيه جدا ل الشمال التركي :e032::e032:

تقرير جيد موفق

ماشاء الله ...

بداية جميلة ومميزة ... أبريل من الشهور الرااائعة في اسطنبول ..

برد لا يعيق الحركة ...

الفندق مميز وموقعه كذلك وقريب منه المترو ...

بالعكس أشوف المترو تجربة ممتازة كمواصلات مخدومة بشكل مثالي ...

مستمتع برفقة هذا التقرير ... وننتظر اطلالة أخرى ..

احسن وقت اخترتي
ماشاءالله الاجواء اتهبل و الصور حلوه

متابعين معاكم

ماشاء الله تقرير جميل جدا جدا
استمري اختي الله يعطيك العافية متابعين معاكي

تقرير جميل جداً، شكراً لك

اشكركم حبايبي على مروركم الله يسعدكم:e030::e32b:

هلا هلا :53:

اليوم الثالث

جينا للجد والجد الله الله عليه

وكان اليوم الثالث مخصصته في اسطنبول وما ادرك ما اسطنبول الاماكن كثيره جدا الحمدلله اغلب الاماكن زرتها في السفره الاولى فمايحتاج ازورها ثاني اخترت الاماكن الي يبيها زوجي واكتفيت فيها

الاجواء فوق الخيال :e329::13::200: باارده ما اقدر اخرج بدون جاكيت وقلفز وانا الوحيده الي لبسي كذا في الشوارع كلهم ملابسهم عاديه مو عارفه كيف اتحملو البروده :32::32:

فخطتي نروح الملاهي وهذي اهم مكان في سفراتي كلها :e433::e312::e124:
بعدها مول فينسيا فقط لتجربت القارب والاستمتع بالكوفيهات الي موجوده بحكم انو المول جميل وفكره جديده بعد ذالك نعود للهوتيل من هناك تنطلق راحلات البسيفور وانصح فيها جدا جدا جميله



لكن :e020::e020:


عكر مزاجي الجميل هو ( انتهاء عقد سائقي الجميل الحنون )


المهم بكل ثقه اتفقت مع زوجي العزيز انو السائق بحكم اجره الغالي انو يكون فقط يومين خارج اسطنبول اما داخل اسطنبول راح نعتمد على التاكسي عن طريق برنامج اسمه (بي تاكسي ) رغم معارضات الي سافرو قبلنا وقالو التكاسي ماتصلح بس مافي فايده مانسمع الكلام :21:

اما المترو :e01f: قريت عنو كثير وكل ما اقرا اخاف زياده اولا شي مو متعوده عليه ثانيا اخاف انزل في مكان خاطئ بعضها يكون تبديل بين المترو واي محطه انزل وانا خوافه وقد جربت المترو في كوريا كان متعب نفسيا كل شوي نسال متى ننزل ممكن بسببها تعقدي زاد من تجربته لكن باحاول احبه شوي وافهمه قدر الامكان لاني باذن الواحد الاحد سفرتي القادمه راح تكون المانيا بس شريط اتعلم على المترو الي شجعني قريت انو مترو قارمش مكتوب بالعربي :64::64:

تمام

نرجع لمحور حديثنا


افطرنا والحمدلله على خير خرجنا من الهوتيل وطلبت من البرنامج سائق يودينا للملاهي ( فيالاند ) ف فندقنا في الجهه المقابله لخط سير الملاهي قطعنا الشارع عشان يكون على نفس خط الطريق المودي الى الفيالاند :e130:
الي جانا شايب ونقاطه كانت عاليه 4 ونص او 5 مو اقل من اربعه اخذنا على الفيالاند وكانت مقفله تفتح بعد ساعه و نزلنا في كوفي بجوار التذاكر جلسنا فيه الى ان فتح المكان الجميل الاجمل الجمالي :53::53::53:


لكن السواق كم اخذ على المشوووووااار ( 70 ليره ) عكس تماما ما قريت انو رخيص واغلى شي 30 ليره اوك :21: غير كذا السياره ما تعتبر جديده من جوا باين انها قديمه


https://www.arabtrvl.com/up/uploads/...4974884471.jpg

https://www.arabtrvl.com/up/uploads/...3497505881.png


في السابق وقت ما رحت فيالاند كان خالي ومافي احد كثير وكان اغلب الموجودين خليج اما هذا المره كان اجمل في نااس وعالم وزحمه شوي و طلاب مدارس كان في حياه في المكان مو ميت حبيته اكثر

التذاكر ناسيه كم الالعاب مش كثيره المكان مرتب ونظييف ونلعب اللعبه اكثر من مره الشمس مو حاره الجو بارد كان يوم مميز

و موجود على اليسار بعد الدخول صناديق امانه بمبلغ معين تفتح مره واحده فقط واذا فتحتها ثاني ترجع تدفع من جديد واحجام مختلفه نفعنا كثير حطيت جكيتي و كامرتي ولانطلقت للعب :53::53::53:


https://www.arabtrvl.com/up/uploads/...4975225051.jpg


https://www.arabtrvl.com/up/uploads/...4975941351.jpg

https://www.arabtrvl.com/up/uploads/...4975973141.jpg

الالعاب متنوعه بين اللعب و العروض حبيت فكرتها مرا

الرحله الاولى كانت في لعبتين غيروها وحده كانت لعرض دورا واللعبه الثانيه كانت عربيه ومسدس ليزر تضرب على صوره وحوش اعتقد :22: وحطو بدالهم لعبيتن غير وحده حبيتها مرا جربتها في جورجيا كانت عائليه واصغر استمتعت اكثر من الي فتركيا بس حلوه صراحه هي عباره عن قبه بيضاء كبيره وتعرض فيها المجرات وجلسات كنب مريحه وتحس احساس الاسترخاء بشكل مو طبيعي ما ودي العرض يخلص

اللعبه الثانيه كانت عرض الطائر الغاضب حلو مو بطال


هذي اللعبه عباره عن قارب ويدور في المكان وداخل المكان مجسمات ثقافات شعوب العالم من ملابس و طريقه التحيه جدا ممتع وشي غريب وجديد (كانت موجوده من زمان ودخلتها ثاني مازالت جميله في نظري )

https://www.arabtrvl.com/up/uploads/...4976115711.png


https://www.arabtrvl.com/up/uploads/...4976851291.png


وهذا عرض اخر للدوله العثمانيه والفتوحات باللغه التركيه ما فهمت شي بس حلو فكره رائعه


https://www.arabtrvl.com/up/uploads/...4976890481.png

وهذا مكانها من الخارج

https://www.arabtrvl.com/up/uploads/...4977166011.jpg


ومن لا يحبها :18::18:

https://www.arabtrvl.com/up/uploads/...4976977231.png

https://www.arabtrvl.com/up/uploads/...4977032371.png

https://www.arabtrvl.com/up/uploads/...4977064271.png


موجود ماك ( اذا ما خانتني الذاكره هو الوحيد الي لقينا وجبات فيه وكانت محدوده بعد بس كان لذيذ ) واغلب المكان كشكات ذره وايس كريم وفشار اشياء زي كذا
وبسبب الجو لازم ناكل بسرعه بسسرعه عشان لايبرد :32::32:

https://www.arabtrvl.com/up/uploads/...4977237511.png


الحمدلله لعبنا واستمتعنا وغيرنا جو وخرجنا من الفيالاند من جهة التكاسي (لا اله الا الله ) بطلنا من البرنامج قلنا غالي مومعقول فسالنا التكاسي لازم عداد طيب مشاينا نجرب السياره قدييمه حالتها حاله من الداخل السواق قرقور ما يسكت بس نبا نوصل يالطيف ورحنا على فينسيا وكم ياطويلين العمر ياخذ ( 55 ليره )

عصبت طلعت قروني الشاطين كلها اتجمعت على راسي واقفه
مش زي ما قريت نهائي ولا مثل اوبر نهائينا بتاتا البته ( اوبر جربته في ماليزيا السيارات كانت نظييفه وموقديمه ومكيفه واغلى مشوار كان ب 19 بعملتهم فقط و وقت الذروه اوبر يكنسل الطلب بسبب الزحمه والتكاسي كانت على 30 بعملتهم اكثر شي ) يارب صبرك

نزلنا المول مسدوده نفسي راحت فلوسنا على التكاسي غير كذا مرمطت التاكسي عبال ما نلاقي واحد عدل

بس ركبت القارب اخذ لفه شوي ونزلنا و خرجنا من المول بعد نقاش وهدوء العاصفه

https://www.arabtrvl.com/up/uploads/...4978348191.png


https://www.arabtrvl.com/up/uploads/...3497838531.png
كويس اني متنقبه كلهم يصورو القارب


المول كبير وحلو يفتح النفس بس انا مالي نفس ل اي شي رحنا جهة التكاسي زاد الغضب العصبيه والنرفزه

وقت خروجنا من المول يعتبر وقت الذروه و اكثر شي سيئ في اسطنبول زحمتها مو طبيعيه ابدا زححححممممه كرهتها كره


طبعا التكاسي شافو نفسهم علينا عجبك عجبك ما عجبك راحو للي بعدو
وكل ما اتاخرت ثانيه زاد السعر

فوق هذا كله السيارات فضيعه ابدا مو مريح وكانها من عام جدي
اخذنا تاكسي للهوتيل ب 55ليره
المكيف خربنا والاخ يبا يدخن عشان زحمتها فلازم يدخن وفرصه رائعه لزوجي العزيز يدخن هو كمان



وصلنا الهوتيل واحلى شي بس اعطيه اسم الميناء وهو يودينا وفي السياره اخبره على مكان الهوتيل

طلعنا للغرفه و ابليس يهدي علي بص حضرتك انا متعوده اخرج الاقي السواق برا انزل الاقي السواق يستنى

غير كذا الموضوع مايستاهل مرمطه وتعب لا سياره عدله ولا سعر عدل ولا ناس عدله ليش اتعب عمري وغير كذا الاماكن الي برحلها اغلبها ماراح اطول فيها ليش ادفع ذيك القيمه او ما اعرف الخلل انو اتوقعت سعر وانصدمت بسعر ثاني و ميزانيه زوجي محدوده يعني مو معقول ثلاث تكاسي لمكانين فقط بقيمه 180ليره

او امكن صدمت اسلوب التكاسي وسياراتهم الي ماش او عشان جربت اوبر في دوله ثانيه وتركيا كان العكس تماما مو عارفه فين الخلل فيني او في التاكسي او المكان او الدوله خلاص تعبت نفسيا

والحمدلله في 150 دولار ما حولناها خليناه من ضمن الاحتياطات كلمة سواقي العزيز المحبوب الطيب الساكت الي سيارته نظيفه وكل شي فيه رائع قلنا تعال بكرا مشينا ما عجبنا نظامهم
فقال كنت عارف انو ماراح يعجبكم :32::32::32:
بس انا مشغول ارسلكم اخويا اخوانكم يعرفونو اوك تم وافقنا اهم شي بس سياره خاصه

ارتحت نفسيا و زوجي هدي بعد ما تعب عنده القولون اخذ دواه وخرجنا نكمل مرتاحيين يارب لك الحمد والشكر



قدام الهوتيل موجود الميناء الي يكون فيه رحلات البسيفور والسفن انواع في كبار مرا ومليانه ناس وفي اصغر
لها اسماء تلاقو لها تقارير للاعضاء بالتفصيل

اخذنا الصغيره دورين واحد كان يوزع تذاكر و رحنا معاه في سياره زي الباص ودانا للسفينه وكنت ابي اشتري معايا اكل لكن قالو في كوفي جوا :11::22:

وين اي كوفي مافي الا كم شبس وبسكوت واعتقد ماعندهم كابتشينو مخلص ومافي اندومي ولاشي لكن الاجواء تجنن تجنن تجنن ترد الروح وتهدي الاعصاب وقت ذهابنا كان وقت الغروب يعني شي خيااااال بشكل لا يوصف نهائي

وميزه اسطنبول مرا حلوه انو النهار طويييل نقدر نروح اكثر من مكان لكن عيبها زحمتها نتاخر عبال ما نوصل لوجهتنا الي نباها :8::50:


هذي صوره الميناء من غرفتنا

https://www.arabtrvl.com/up/uploads/...4980161431.jpg


https://www.arabtrvl.com/up/uploads/...4980696841.jpg

https://www.arabtrvl.com/up/uploads/...3498072461.jpg

https://www.arabtrvl.com/up/uploads/...4980754461.jpg


https://www.arabtrvl.com/up/uploads/...4980786151.jpg


https://www.arabtrvl.com/up/uploads/...4980818091.jpg


https://www.arabtrvl.com/up/uploads/...4980853071.jpg


https://www.arabtrvl.com/up/uploads/...4980879351.jpg


https://www.arabtrvl.com/up/uploads/...4980914261.jpg


https://www.arabtrvl.com/up/uploads/...4980938721.png


https://www.arabtrvl.com/up/uploads/...4980962941.jpg


https://www.arabtrvl.com/up/uploads/...3498100441.jpg


https://www.arabtrvl.com/up/uploads/...4981033561.jpg


باين انو استمتعت في الرحله كثرت الصور :32::32:

انصح فيها كثير مرا حلوه

رجعنا ولازم ناخذ تاكسي لان السياره الباص ودتنا مكان بعيد عن الهوتيل والشارع مليان كلاب وكنت بأروح فيها سياره صدمت شنطتي :e15a::10:

السياره خارجه من خط الخدمه والكلاب تتبعها وكبيره بعد ولمن شافت شي اسود الي هو عبايتي لحقتني انا
حسبي الله عليها طيرت قلبي وتنبح وراي والسياره بتعدي ولا عليها مني وانا ابكي ميته رعب ومرايا السياره تصدم الشنطه وكنت باطيح وجا رجال الله يسعده فزعلنا :32::32:
ياربي اهدي اعصابي يجي شي يطير قلبي ما سارت سفره كل اليوم اكشن في اكشن :26::4::24:

اخذنا تاكسي ب 20 ليره وصلنا قبل الفندق عند مطعم مشهور ناسيه اسمه ونطالع نلاقي سيارة شرطه :e432::e432:

وان شفت السياره طار قلبي بس مصيبه جاتنا

طلع انو في عمليه سرقه خاتم من المطعم الي انا جايه اكل عندهم كاني ناقصه الظاهر ذاك اليوم ما قريت الاذككار اليوم كله شد وجذب ماش

واقول لزوجي العزيز مشينا نروح يسرقو مننا شي بدون ما نحس لا مو ناقصه مرا ومشينا لمطعمنا الي خلف الهوتيل اكلنا ورجعنا الهويتل
الحمدلله بخير وصحه وسلامه وفضل من ربنا


وغدا يوم اجمل باذن الله


من كتابة الموضوع تلفت اعصابي احتاج راحه اسبوع

:e13c::e13c::e13c:

الفيا لاند ... معلم جميل ومميز في اسطنبول ...

أعتقد بأنه تم تغيير اسمها ..

بصراحة تجربة سيئة جداً مع التاكسي والبرنامج ...

الجولة البحرية .. يكفي أنها في البسفور ليتشكل جمااااالها ..

رحلة ممتعة والاكل بتركيا لايوصف

مشكورين لمروركم حبايبي :e20c:


فعلا الاكل التركي محدود مافي تنوع والمنيو لكل المطاعم وحده و كويس انو لذيذ :13:

:e437::e437:

ونكمل الجزء ما قبل الاخير معكم :e204:


اليوم الرابع

وراح نكون مع سواق خاص :18: :53::53:


الجدول راح يكون تل العرايس ( Büyük Chamlega Tepesi ) جميله جدا استرخاء :200: , قصر دولمابهجه :e506: , مسجد السلطان احمد ,و الشوبنق :55::55::55: :(35)::(35)::(35):


افطرنا واتصلنا على سواقنا ( يا حبني له ) وارسل صاحبه ممتاز برضو ورحنا اول شي على التله ( Büyük Chamlega Tepesi ) الاجواء جميله جدا الجو باااارد اغلبهم اتراك وهادي المكان

موجود مطعم وجبات خفيفه و مشروبات اخذنا فطاير بالجبنه لذيذه وبطاطا تركش

موجود جلسات خشب بين الاشجر مرا حبيتها واشتهيت القهوه ما معي العده :31::31::31::31:

كانت في عروس الله يسعدهم يارب :39:


https://www.arabtrvl.com/up/uploads/...5131746151.jpg


https://www.arabtrvl.com/up/uploads/...5131854281.jpg


https://www.arabtrvl.com/up/uploads/...5131894251.png



اعصابنا هاديه مو شايلين هم سياره ولا شي

بعده رحنا قصر دولما بهجه ( اعتقد ) لان اليوم الي رحنا كان وقت ويكند وبعض القصور مفتوحه وببعضها لا فروحنا لقصر قريب والانتظار كان طويل في باصات سياحيه

اخذنا جزء واحد فقط ( حريملك ) في نص الطريق زوجي العزيز طفش رغم انو هو الي مختار المكان :24::3::56:



https://www.arabtrvl.com/up/uploads/...5132865311.jpg



انطلقنا مسجد السلطان احمد وبسبب الويكند العالم خارجه الدنيا زحمه مو طبيعيه المشوار الواحد يطلع من عيننا راح الوقت كلو في الطريق وكان المسجد مقفل يفتحو وقت الصلاه كان موجود صيانه

الي كان مفتوح ايا صوفيا ومش عاوزينه اخذنا ايس كريم ومشينا


https://www.arabtrvl.com/up/uploads/...5143059081.png


https://www.arabtrvl.com/up/uploads/...5142977841.png

طيب الان وين نروح اغلب الاماكن مغلقه والزحمه كل مالو في تزايد وانا ما اتسوقت للان :28:


طلبنا من السواق نروح سوق اوت لوت كان رخيص ( Olivium Outlet Center ) الملابس حلوه ورخيصه بس لازم تدوري
وكويس انو رحنالو اول اغلب الاشياء الي كنت ابيها لقيتها عندهم و بزياده بعد
بس المكان ماعجبني زحمه والتكييف مش ولابد
اشتريت كم شغله حلوه وغيرنا المول رحنا الي موجود في اكرايوم



فرق في التكيف و الزحمه والديكورات والاسعار :2:
الطابق الاول اسعاره نار مرا :50:
الطابق الثاني حلو اسعاره وشغلاته حلوين :18:
ومليان كوفيهات :e204:

ما خرجت الا بعد ما اغلقت اغلب المحلات :1::1:


https://www.arabtrvl.com/up/uploads/...5143853431.jpg

رغم اني ما طولت في الكوفي لكن الي اخذ وقت هو عبال ما نوصل اللمول كانت الزحمه بزياده ويوم ويكيند

السيارات بالعافيه تتحرك ابدا ماشفت زحمه مثلهم طفشت وربي

رجعنا على الهوتيل الشوارع فااااااضيه مافي الا سيارتنا ياجماعه يقفلو بدري 10 يقفلو ما يسير يهووو

:28::::(123)::yolks00460::yolks00450::yolks00640:


برضو اتعشينا من المطاعم الي خلف الهوتيل :7:


:69::69::69::69::69:

اخر يوم في تركيا الحبيبه

:23::23::23::23:

ما عندنا خيارات كثير وما نبي نتعب قبل الرحله لانها ترانزيت لدبي انتظار ساعه ونصف
حطينا الشناط عند الرسبشين ونزلنا على رجولنا نتمشى
حسينا انو الجو حار الظاهر اتعودنا عى بردهم متاخر :1:

قريب من الهوتيل السوق المصري و محلات شنط
ومحل LC في كل مكان اشوفو الي عند الهوتيل كان 3 ادوار
وفي كوفي في السطوح وكان عامل احتفال بمناسبه الطفل يادوب لحقنا على الترتيب الحفل
:e045::e046:

https://www.arabtrvl.com/up/uploads/...5148203371.jpg


https://www.arabtrvl.com/up/uploads/...5148361771.jpg


https://www.arabtrvl.com/up/uploads/...5148235021.jpg

ورحنا على مطار صبيه ومكانه بعيد وكان كمان المطار عاملين حفل لهم
:e01d::e01d::e01d::e01d:

واعتذر على قلة الصور و بساطه التقرير :e507:
والف شكر على المتابعه :e306::e32a:



فأمان الله
:e022::e022:

بارك الله فيك

شكرا للتقرير الجميل
لو اعتمدتوا عالمواصلات العامة باسطنبول كان افضل واريح من التكسي والسيارة الخاصة.
كل المناطق السياحية تقريبا توصل لها المواصلات العامة.

تقرير خفيف لطيف السهل الممتنع يديكى العافية
:49::18::7: