![]() |
تم حجز التذاكر وبدأ التخطيط للسفر ..جميع استفسارتي هنا السلام عليكم ورحمة الله وبركاته بفضل الله تغير موعد رحلتي واصبح الموعد من 21 سبتمبر الى 29 سبتمبر ماراح استغنى عن مشورتكم في توزيع الايام وحجوزات الفنادق الفكرة الان ان تكون الزيارة لاسطنبول وبورصة وسبانجا اقتراحاتكم لو سمحتم حول توزيع الايام لو سمحتم ايضا الفنادق علما بان اسرتي مكونه انا وزوجتي وبنتي الكبيرة وطفلة يعني 3 بالغين وطفلة اقتراحاتكم ومشورتكم راح تكون جميع استفساراتي تحت هذا الموضوع مع شكري للجميع مقدما |
اهلا بك رحلتك تقريباً 8 أيام فأقترح لو تختصرها على اسطنبول وسبانجا .. وإذا حاب تضيف بورصة ممكن ولكن تحتاج تكون حركتكم سريعة بالنسبة لسبانجا يفضل توصل هناك قبل الظهر وتستفيد اليوم كامل وترجع لاسطنبول اليوم الثاني ما أنصح بالنسبة لعددكم بالذهاب لسبانجا أو بورصة مع قروب لأنها بتكون مكلفة ومرهقة فيفضل تستأجر سيارة تقودها بنفسك بالتوفيق |
تسلم اخوي نواف لاهنت طيب السوال يوم واحد تكفي لسبانجا الامر الثاني استئجار السيارة لو اخذتها من المطار هل في فروع اخرى غير المطار اقدر اسلمها فيه ثالثا بورصة هل اخذ فيها مثلا يومين او اروح وارجع في نفس اليوم وشكرا لك ع تجاوبك والجميع |
هلا اخوي اسمحلي اجاوبك باللي عندي والاخ نواف وباقي الاخوة يصححولي يوم واحد حسب ما قرات تكفي اذا احببت المبيت هناك بما ان رحلتك قصيرة بالنسبة لبورصة ممكن تبات فيها يوم برضو وتطلع منها على سبانجا مرورا بيلوا الشي الثاني الافضل تستاجر سيارة من المواقع اللي موجودة في النت مثل رينتال كار او سكاي سكنر اكيد بتكون ارخص ومتوفرة بالنسبة لتسليم السيارة في موقع مختلف لما تدخل على احد المواقع اللي قلتلك عليها تضغط على ايقونة تسليم السيارة في موقع مختلف وتحط المكان اللي تبغا تسلم السيارة فيه اتمنى اكون افدتك وطبعا الاعضاء الكرام راح يعدلون علي لو في شي افضل |
اهلا بك اخوي محمد ما قصر في التوضيحات .. وبالنسبة لاستئجار سيارة تسوقها بنفسك تنفع إذا بتجلس أكثر من يوم في المناطق المحيطة باسطنبول أما لو ناوي تروح وتجي في نفس اليوم ما تستاهل طبعاً الأجمل إنك تقضي يومين في بورصة ثم يومين في سبانجا ولكن حددت لك يوم واحد فقط لأن رحلتك بالكامل قصيرة ماهي طويلة فبالتالي كل يوم تقضيه في سبانجا أو بورصة بيكون على حساب اسطنبول شخصياً في أول زيارة لتركيا حاولت تغطية اسطنبول وإعطاءها حقها كاملاً ثم في زيارات لاحقة بدأت التوجه لمناطق أخرى على حساب اسطنبول بالتوفيق |
ربي يسعدكم جميعا ماقصرتوا طبعا للمعلومية هذه الزيارة الثانية لي لتركيا الزيارة الاولى كانت بين الشمال التركي واسطنبول استمتعت برحلتي للشمال التركي كثيييرا ولكن للاسف اسطنبول كانت من اسوأ رحلاتي يمكن كان السبب ذلك سوء التخطيط وحابب اعوض واغير الصورة الي في بالي عن اسطنبول وحابب تساعدوني في ذلك ولاغنى عنكم ومساعدتكم شاكر لكم والله يجزاكم خير |
اسطنبول تتميز بالامور التاريخية وتنوع المزارات (متاحف ..مطاعم .. اماكن تاريخية..اسواق...الخ) سبانجا و بورصة (طبيعة .. شوية اماكن رايقة) بورصة فيها تلفريك جبل الوداغ.. اتوقع شغال .. اقترح تحجز فندقك باسطنبةل الجزء الاوروبي اولا كم مثلا 3 ايام.. بورصة يوم.. جوها بالصيف لكيع؛ حر زي الطايف نهارا وبراد بالليل.. سبانجا يومين.. اسنطبول الاسيوي يومين.. اقرأ .. كثير وكون صورة بخصوص التنقلات .. عليك بالمترو و الترام باسطنبول.. والمدن الثانية استأجر سيارة.. نصيحة : كل يوم شيك ع الخريطة عشان تعرف اماكن الزحام.. وتبتعد عنها خصوصا لافكرت تطلع بره اسطنبول.. بالتوفيق:61: |
|
ماقصرت اخوي على مشاركتك ممنون لك |
راح اشارككم الافكار تحت هذا العنوان وابغاكم تشاركوني اراءكم لاهنتو اولا التقسيم كالتالي ٢١ -٢٣ سبتمبر اسطنبول ٢٣- ٢٥ التوجه لصبانجا لمدة يومين ٢٥-٢٩ العودة لاسطنبول مع تخصيص يوم واحد للذهاب لبورصة اتمنى تفيدوني بالاراء وشاكر لكم جميعا اخوكم مجهول النت |
اهلا بك إذا قررت تزور اسطنبول وسبانجا وبورصة فأقترح يكون خط السير بهذا الشكل : أول ما توصل مطار اسطنبول تستأجر سيارة وتنطلق على بورصة يومين ثم على سبانجا يومين ثم ترجع لاسطنبول تسلم السيارة وتجلس فيها بقية أيام الرحلة وبتلاقي في تقريري ( بنكهة توليب ولمسة جليد ... ) نفس خط السير ونفس مدة السفر حاول تطلع على التقرير لعله يفيدك بالتوفيق |
ربي يسعدك اخوي نواف ماقصرت لي رجعه باذن الله لطرح الاسئلة شاكر لكم تحملكم لي |
تحت أمرك في أي وقت واحسنت تجمع أسئلتك في موضوع واحد ليكون مفيد للجميع |
ربي يحفظك خبيرنا لاعدمناك اخوي |
السلام عليكم اخوي نواف دوما منواجد الله يعطيه العافيه ومن يقرا بسالك سبانجا وبورصة بارده كطبيعة الشمال او نفس مناخ اسطنبول ؟؟ شاكر ومقدر لك |
اهلا بك سبانجا مثل اسطنبول ولكن ميزتها ريف فتشعر أن الجو الطف قليلاً بورصة أيضاً مقاربة لاسطنبول في الجو وتعتبر مدينة أكثر من كونها ريف وهناك جبل اولوداغ في بورصة يعتبر لطيف صيفاً ومغطى بالثلج وبارد جداً في فصل الشتاء بالتوفيق |
تفضل اخي جدول يوضح المدن والضل وقت للزيارة فيها https://twitter.com/turkialhawa/stat...652829696?s=21 |
نفس الموعد اللي ناويه اروح له الله ييسر |
السلام عليكم ورحمة الله وبركاته عدنا لاستفسارتنا مع اقتراب موعد السفر مارأيكم بافضل فندق او اجنحه في سبانجه او معشوقية واقصد بافضل يعني ينظيف وخدماته حلوه ويكون بالسعر المعقول شاكر لكم جميعا |
اقتباس:
اشتريت تكت من موقع pegasus الرحلة يوم السبت المقبل أن شاء الله وهذه اول مرة اشتري تكت من الإنترنت فماذا افعل الأن او في المطار جزاك الله خيرا |
اقتباس:
عند الشراء اون لاين تيجيك رسالة على الايميل البريد الالكتروني فيها رقم الحجز ، فعند ذهابك الى المطار ما عليك سوى اعطائهم رقم الحجز فقط |
الساعة الآن 02:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO