|
مساعدتكم لاهنتو :28:صباحكم ورد كيفكم جيتكم استشيركم لثقتي فيكم هذي اول رحله لنا لتركيا واتمنى اتوفق فيها لاني لونجحت بتكرر زيارتنا ابيكم تفيدوني جزاكم الله خير في كذا نقطه محتاره فيها وشايله هممها اول شي انا واخواتي ومعنا الوالد بنكون بالرحله وحابه اسال بخصوص تعامل الشعب مع السياح كيف بيكون لان الوالد كبير بسنه وعنده ضعط وسكر ولايقرأ وانا واخواتي بنكون معاه فقط وانا الي بيكون علي اداره الرحله والتعامل مع عامه المواصلات والمطاعم واداره الرحله ياليت تطمنوني من هالناحيه ثانيا قررنا للشمال التركي اوزنجول وطرابزون وايدر وبيكون توقيت رحلتنا ١٠ ايام تقريبا بتكون مقيمه على ايدر وطرابزون واوزنجول اول شي يالييت تفيدوني بسكن كويس في اوزنجول وطىابزون وايدر بيكون عددنا ٤ اشخاص ٣ بنات والوالد اطال الله عمره نبي يكون السكن نظيف وراقي ويشمل الافطار ويكون له اطلاله جميله والاهمم وانااختكم التعامل الزين ههههه يكونون كويسين وكذا ثاني شي المواصلات ودي صراحه ان الوالد يسوق لكن عليه مخالفات ومايشوف كويس لذالك قرررنا نستاجر سياره بسواقها وش تنصحونا منوين نستاجر ويااالبت الي يعرف سواق محترم وخدوم وشركه كويسسه لايقصر عشان نحجزه ونرتاح لان المواصلات مهمه +كم السعر ثالث شي المطااااعم ابي افضل مطاعم كويسه نظيفه تعامل محترم واكل زين والي بيذكر مطعم ياااليت يكتب هو وش اقرب مكان سياحه له يعني مثلا مطعم فلاني بكون قريب من مرتفعات حيدر نبي وكذا عشان لمن نروح له اعرف انه قريب من كذا واماكن قريبه من بعضهااا وبرضو ماستغنى عن نصصايحكم وتوجيهاتكم وتشكولار مقدماااا للجميع :28: |
اهلا بك الشعب التركي ليس بذلك الشعب المنفتح والمبتسم في وجوه السياح ولكن للأمانة لم أجد منهم هجوم أو بوادر شر تجاهي كسائح ... وتبقى هذه تجربتي الشخصية ولربما غيري لديه تجارب معاكسة بالنسبة لتركيبة المسافرين في رحلتكم أنصح باستئجار سيارة مع سواق أمين خلوق .. وفي ظل الظروف التي ذكرتيها عن الوالد ( الله يمتعه بالصحة والعافية ) لا أنصح بالقيادة هناك وخصوصاً في الشمال التركي بالنسبة للحصول على سواقين متميزين فغالباً تحصلوا عليهم من البحث في قوقل أو التواصل مع الأصدقاء والأقارب الذين سبق لهم زيارة تركيا أو التواصل مع الشركات السياحية .. ولربما أحد الأعضاء هنا يزودكم برقم سواق بعد تجربة جيدة بالنسبة للسكن في طرابزون أو الشمال .. فيفضل البحث في بوكينق بعد وضع المواصفات المطلوبة .. وإذا كان لديكم رغبة السكن في شقة متميزة .. فقد نزلت في أحد الشقق مؤخراً متميزة ويمكن إرسالها لك برسالة خاصة إن رغبتي بالنسبة للمطاعم في الشمال التركي ... تقريباً جميع المطاعم المحاذية للبحر الأسود ذات إطلالة جيدة .. وهناك مطعم ( شام ) سبق تجربته في رحلة ماضية وبالنسبة لحيدر نبي على سبيل المثال بمجرد الوصول ستشاهدين مجموعة من المطاعم المتناثرة هنا وهناك فيمكن الاختيار الأفضل إطلالة والمنطقة صغيرة والخيارات واضحة ومحددة .. فيه تطبيق في الابل ستور اسمه ( الخرائط السياحية ) أتوقع بيفيدكم كثير بالتوفيق |
اقتباس:
ما بعد كلام الحبيب كلام الله يسعده ،،، بخصوص النقطة أعلاه اقتباس:
|
. . إذا ر حلتكم هاليومين ،،، إطلعوا مباشرة إلى اوزنقول ،،، في هذه الشقق الرائعة دام معاكم سواق https://www.booking.com/hotel/tr/uzungapl-apart.ar.html 3 أيام ، ومن بعدها آيدر ليلتين ( الحجز على عينكم ) والعودة مرة ثانية إلى طرابزون وإختيار شقة أو فندق على عينكم مافي زحمة الحمد لله والعرض أكثر من الطلب ،،، ممكن تطلعون أوردو يوم أو يومين وتسكنوا فيها لو حابين ،،، بس هالمرة خلوكم في طرابزون وتعرفوا عليها أكثر وأكثر حاولي تخحزي مودم ونت مفتوح والإستلام في مطار طرابزون وراح يفككم من غرابيل النت الغير محدود بالتوفيق |
عليكم السلام لتنسيق رحلة جيدة ودقيقة بسياره خاصة مع سواق تواصلوا مع الشركه المعلنة في المنتدى شركة نظامية وموثوقة وانا شخصيا جربتها |
أختي أنا جربت شركة سيفلي في الشمال التركي عطيتهم جدول سياحي من إختياري أنا وليس من إختيار الشركة وفقط عليهم توفير سيارة بسائق اليوم الواحد 110 دولار وسياراتهم ميني باص تتسع لأكثر من 10 أشخاص والسائق تركي لا يتكلم العربية ولا الإنجليزية ولكن الحمدلله تفاهمت معه شوية تركي مع شوية انجليزي وأحيانا أعطيه عناوين بالتركي ومشت الأمور وكان طيب ومحترم جدا إذا تريدي رقم الشركة برسلك على الخاص |
اقتباس:
ارسلي عنوانها لاهنت ومشكور مقدما |
اقتباس:
|
اقتباس:
|
اقتباس:
|
اقتباس:
|
السائق كان شاب تركي اسمه علي طيب ومحترم ولا أخفي عليك عاملته كصديق سوف أرسل لك رقم أحد موظفي الشركة اسمه أحمد سمور على الخاص وحاليا له تغطيات يومية من الشمال التركي في الحالة بالواتساب |
اقتباس:
ممكن رقم السائق وفي اي مدينة بالضبط |
اقتباس:
اهلا بك تم ارسال رسالة خاصة بطلبك بالتوفيق |
اقتباس:
مره افددتني بخصوص السكن الله يج اكم خير |
اقتباس:
اوتنصحني وايش افضل سياره ل٤ او٥ اشخاص بالكثير وكيف نظامهم يعني بنتظرني عند المطاعم وكذا ولاكيف كيف نظامه |
وكمان بخصوص النت وش نصييحتكم منوين اخذ النت وكيف ؟ وبخصوص الحجز يكون ببوكينق والدفع يكون كاش عند الوصول اويسحبونه مقدما وش الافضل وبخصوص الاسواق وش افضل اسواق عندهم هناك |
اهلا بك بخصوص النت تقدري تشتري شريحة من شركة تورك سيل .. ولكن البعض وأنا منهم أحب استأجر مودم صغير واي فاي انترنت مفتوح وتقدري تربطي فيه لعدد 10 أجهزة .. وهناك عدة شركات تقدم هذه الخدمة وتبقى شركة ( رنت كونكت ) هي الأكثر احترافية في الاستلام والتسليم والقيمة بسعر 5 يورو في اليوم .. وهذا كود خصم ( nice ) بيعطيك خصم يوم مجاني .. وطريقة الحجز والتفاصيل بتلاقي شروحات كثير في النت واليوتيوب لنفس هذه الشركة بالنسبة للدفع في بوكينق .. قبل السفر بيومين او ثلاثة ارسلي لبوكينق طلبك برغبة الدفع كاش عند الوصول بدل الخصم من البطاقة الائتمانية وغالباً بيجيك الرد بالموافقة .. أما عن الأفضل يعود لك حسب رغبتك أما بالنسبة لي اتحاشى اتعامل بالبطاقة الائتمانية بالخارج لعدم احتساب عمولات بنكية .. ولكن الكثير غيري ينصح بالتقليل من حمل الكاش بالنسبة للتسوق .. فيه موضوع مثبت ( من تجاربنا ينطلق سياحنا ) فيه سؤال عن افضل الاسواق وبتلاقي مشاركات الاعضاء وآراءهم بالتوفيق |
اقتباس:
حسب تجربتي معهم تعرفت على الشركة من السناب وكنت أتابع تغطيات أحد موظفي الشركة للشمال التركي وبعد ذلك تواصلت معه عن طريق الواتساب وأعطيته جدولي السياحي موزع بالأيام وسألته كم يكلف ؟ ثم اتفقنا على السعر وقبل السفر بإسبوع تواصلت معه أذكره ومن ثم قبل السفر بيوم وعند وصولي مطار طرابزون وجدت السائق رافعا لوحة بإسمي وقام بإيصالنا إلى الفندق في أوزنجول وكنت في نهاية كل جولة سياحية أتفق معه متى يأتي في اليوم التالي عن طريق الموظف العربي في الفندق ليكلمه بالتركي وبعض الأحيان أكتب الوقت في الهاتف ويفهمني وكنت أيضا أستعين بجوجل ماب واستخرج له عناوين الأماكن السياحية باللغة التركية وكذلك أستعين ببعض التطبيقات في الترجمة من العربي إلى التركي حتى أتواصل معه ويفهمني وأفهمه والحمدلله مشت الأمور بكل أريحية وارتحت كثيرا مع السائق ولم أقع في مشاكل معه أبدا ويمشي حسب ما تقول له ، ودفعت المبلغ كاملا للسائق في آخر يوم في طرابزون أثناء توصيلنا للمطار وطوال أيام الرحلة لم ألتقي بأحد من موظفي الشركة فقط كان تواصلي معهم عن طريق الهاتف فهذه كل تجربتي مع الشركة بالنسبة لرقم الشركة أرسلته لك في رسالة خاصة . |
ياليت اخوي المسافر تفيدني برقم الشركه والسائق اذا امكن على الخاص لاهنت وكذلك اسم السائق |
اقتباس:
|
اقتباس:
في الشمال التركي طرابزون وما حولها |
اقتباس:
|
| الساعة الآن 02:11 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO