|
اول سفره الى تركيا وبحاجه لتوجيهكم السلام عليكم ورحمة الله وبركاته اسعد الله اوقاتكم بكل خير اول رحله لي الى تركيا 14 يوم من 7 يوليو الى 21 يوليو شخصين بالغين وطفلين اعمارهم اقل من 6 سنوات اربع ايام في اسطنبول يومين بداية الرحله رحله الى سبانجا واخر يومين للتسوق والباقي في الشمال التركي .. عندي اكثر من استفسار ل اهل الخبره مشكورين اولا السكن منطقة شيشلي فنادقها ارخص من السلطان وسيكرجي واوسع بكثير هل السكن فيها مناسب للعوائل وامنه وماهي الفنادق اللي ترشحون السكن فيها وهل شيشلي مناسبه لرحلة سبانجا والتسوق ثانيآ الحجز الداخلي الحجز عن طريق برنامج wego ولا عن طريق مواقع الشركات واذا حجزت عن طريق التطبيق بعد الدفع ماهي الاجراءت المتبقيه ل اكمال حجز الطيران ثالثاً الشمال التركي ترتيب الرحله من فنادق ومن اماكن التنقل رابعآ سياسة الفنادق عددنا شخصين وطفلين المتوفر في بوكينق الاغلب شخصين وطفل فقط او ثلاثيه ل ثلاث اشخاص كبار وطفل هل مسموح اختيار غرفه واسعه من شخصين وطفل لعددنا المعذره على الاطاله ولكم مني جزيل الشكر |
و عليكم السلام ان شاء الله سفره موفقه و ترجع بالسلامه بس نصيحي لك و انا اخوك انتبه من السرقات في العاصمة و خاصة وسائل النقل العام خ> مصروف يومك و الباقي في خزنة الفندق الجوزات صورة تكفي الصفحة الاولى و الجوال صورها و كل شي في الفندق و لا كل الامور طيبة انا رحت مرتين و ابريل الثالثة اسال الله التوفيق و يحفظك ربي |
وعليكم السلام ورحمة الله وبركاتة بالنسبة لشيشلي فهي منطقة مناسبة جدا للعوائل ومخدومة بشكل ممتاز ، اما انها مناسبة لرحلة سبانجة فهالنقطة انا ما فهمتها لكن اذا قصدك علي القرب فطبعا لا هى فالجانب الاوربي لكن اغلب الناس تسكن فى الاوربي وتروح سبانجا عن طريق الرحلات السياحية wego هو موقع وسيط يبحث لك عن افضل الاسعار بين الشركات الافضل انك تستخدمة فقط للمقارنة واحجز من موقع الشركة نفسها سياسة الفنادق ما يدققون علي الاطفال وخاصة ان اطفالك صغار فلا تشيل هم من هذه الناحية |
اهلا بك بالنسبة للسكن في شيشلي مناسب جداً وهي مناسبة للانطلاق لأي مكان بإذن الله بالنسبة لحجوزات الطيران سواء داخلي أو دولي فالأفضل الحجز عن طريق موقع شركة الطيران نفسها لأن المواقع الوسيطة غالباً تكون شروطهم عنيفة جداً في حال التعديل أو الإلغاء بالنسبة للشمال التركي .. هذا جدول ملخص بتجربتي لعله يفيدك https://www.arabtrvl.com/vb/picture....ictureid=62823 بالنسبة للأطفال تحت 6 سنوات فغالباً ماهم محسوبين في أي شيء لا سكن ولا مترو ولا رسوم دخول المزارات السياحية بالتوفيق |
مشكورين على المعلومات افادتني كثير |
بارك الله فيكم على المعلومات استفدنا منها |
السلام عليكم وانا بعد أول سفرة عندي بعض الاستفسارات حاطة ف بالي إسطنبول والشمال التركي ف حال كنسلت الشمال هل فيه بدائل مثل الشمال بحيث ما اضطر لسفر الداخلي؟؟ ومشكورين |
اقتباس:
اهلا بك حسب توقيت رحلتك .. إذا الصيف فالمناطق المحيطة باسطنبول لا تصل لمستوى الشمال من حيث الطبيعة والطقس أما لو في فترة ربيع فالخضار والجو اللطيف في كل المدن التركية وتقدري تروحي لبورصة وسبانجا يفضل إذا عندك أسئلة متعددة تفتحي موضوع جديد حتى تاخذ حيز أكبر من انتباه الاعضاء ويفيدوك بالتوفيق |
اقتباس:
هلا أخوي @نواف أريد افتح موضوع جديد لكن المشكلة قلة المشاركات |
| الساعة الآن 09:11 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO