|
ممكن مساعده كيف انتقل للشمال اذا وصلت ل اسطنبول احنا 7 اشخاص والسابعه طفل عمره 10 المطار طربوزان غالي واسطنبول رخيص من موقع الطيران لو اختارت مطار اسطنبول 2 يومين ابي الفندق القريبه الي ماتحتاج سياره للاماكن السياحيه والاسواق وباقي الايام هي 8 ايام ابيه بالشمال كيف انتقل له بعباره وكيف طريقته والشهر راح يكون 8 انتقل بتااكسي ؟؟؟ والسعر كم |
الانتقال الى الشمال يكون بالطياره لان وايد بعيد لا يمكن يكون بالتاكسي |
اهلا بك طالما جالسين يومين في اسطنبول فما في داعي السكن عند المطار .. الأفضل تشوفوا لكم شقة في شيشلي أو ليفنت وتستفيدوا من هاليومين في تغطية المزارات السياحية بالنسبة للوصول لطرابزون مثل ما ذكرت اختنا نمارق بالطيارة أما السيارة مشوار طويل التنقلات داخل طرابزون إما تستاجروا سيارة بسواق أو أو تسوقوها بأنفسكم .. البديل الأول أريح والثاني أوفر بالتوفيق |
بالتوفيق ان شاء الله |
تحجزون التذاكر من النت من موقع الطيران التركي هو الافضل والارخص https://www.edreams.net/flights/airl...m_term=turkish airlines&gclid=EAIaIQobChMIj8C2z_q-4gIVDl8NCh1V9Av_EAAYASAAEgLG2_D_BwE#!/ تم الإرسال من SM-N950F باستخدام Tapatalk |
اقتباس:
القصد ليس السكن قرب المطار. اخترت الوصول لمطار اسطنبول واسطنبول بس بومين وباقي الايام بالشمال قلت عبارت بمكن ارخص من الطيران الداخلي وكم ساعه العدد مقل ماذكرت فوق |
عبارت —العباره هل جيده وسعره رخيص اولا ؟؟ |
اقتباس:
|
اقتباس:
اهلا بك ما أتذكر أفراد سافروا بالعبارة وأكيد وقت طويل وغالباً حركة السفن تكون لأغراض النقل التجاري وليس الأفراد والله وأعلم بالتوفيق |
لايوجد عبارات بين اسطنبول و الشمال التركي . التنقل اما عن طريق السيارة . تستاجرون سيارة من المطار وتتجهون نحو طرابزون و الطريق ممتع جدا و تنامون في الطريق ليلة او ليلتين في مدينة صامسون ( اكبر مدن الشمال ) و ليلة اخرى في مدينة اوردو ثم مدينة طرابزون (ولاتنسون زيارة تلفريك اوردو ). و تقدرون تستاجرون السيارة من مطار اسطنبول وانتم في السعودية عن طريق موقع ( رينت كار ) ارخص لكم غالباً من الاستئجار المباشر بشرط تكون عندكم بطاقة فيزا باسم الشخص الذي سيستأجر السيارة ، واما تنتقلون عن طريق الطيران الى طرابزون . واذا تبون طيران احجزوا بدري على طيران بيجاسوس الاقتصادي Pegasus اذا حجزتوا بدري تصيدون اسعار رخيصة جدا . و تقدرون تنتقلون عن طريق الباصات اذا عندكم ظرف يمنعكم عن الطيران ومن استئجار السيارة . تتجهون الى صامسون بالباص ثم الى اوردو بالباص ثم الى طرابزون بالباص . |
المسافة بعيدة فوق 1000كم المسافة فوق 1000 كم من اسطنبول الى طرابزون الطائرة وغيرها لا تفكرون لا عبارة ولا قطار فقط طيران أو باص والباص مقرف يوم كامل انتم مسافرين لبلد فيه 80 مليون مواطن كل شي زحمة احجزوا على الطيران التركي ذهاب وعودة وهو ارخص ولا اعلم مكان مغادرتكم ولكن سيكون لديكم طيران رخيص مع الحجز المبكر ولو يتطلب الامر تأجيل سفركم إلى اخر وقت الصيف واجازاتكم خاصة وأن التأشيرة إن وجدت تكون اليكترونية ملاحظة : أول مرة سافرت لتركيا كانت رحلتي الى مطار اتاتورك (الان مغلق) وكانت المغادرة من مطار صبيحة لطرابزون ارخص من المغادرة من مطار اتاتورك قلت نحجز عليها دامها ارخص والمطارين في اسطنبول طلعت قيمة التاكسي الى مطار صبيحة ضعفي مبلغ الفرق بين المطارين يعني دفعت زيادة وخسرت وقت وسويت لنفسي قلق |
هذا موقع طيران بيجاسوس الاقتصادي https://www.flypgs.com/en |
اقتباس:
تم الإرسال من SM-N950F باستخدام Tapatalk |
بالنسبة للتأشيرة ما يحتاج تأشيرة الكترونية . اذا وصلتم تعطون الموظف ستين دولار و يلصقها بالجواز خلال اقل من دقيقة . اول ايام زحمة مطار اتاتورك كان البعض ياخذ تأشيرة الكترونية عشان ما يوقف بالطابور . لكن الان خلاص معاد فيه زحمة زي اول . خصوصاً مطار صبيحة على طول تخلصون اموركم |
اقتباس:
|
اقتباس:
الداخلية من اسطنبول الى طرابزون صبيحة الداخلية من طرابزون الى اسطنبول صبيحة (كانت على اتاتورك ولكن قلصت المدة في الشمال ولم اجد امكانية الا على صبيحة) الدولية المغادرة من صبيحة (هنا كان القلق) كان المفترض تكون المغادرة الدولية من اتاتورك لأن اقامتي كانت في الجانب الاوروبي الهدف من استعادت هذه الذكريات هنا هو ان لا يعتقد الشخص أن انخفاض سعر الحجز في أي من مطارت نفس المدينة يعني أنه الافضل لك وأيضا لا يعني اعجابي أو عدم اعجابي بمنطقة سيوافق هواك فقد يخالف هواك 100% وأيضا بعض اسعار الطيران الاقتصادي قد تكون اقل مثلا ب 500 ريال ولكنها ستفقدك متعة السفر |
اقتباس:
وجنب المول فيه فندق ٥ نجوم اسعاره معقولة اسمه كراون بلازا إسطنبول آسيا Crowne Plaza Istanbul - Asia |
لكن اذا تبون فنادق قريبة من الأسواق بحيث ما تحتاجون سيارة اسكنوا في منطقة شيشلي . افتحي موقع بوكينق و احجزي في منطقة شيشلي و عطي التكسي عنوان الفندق وهو يوديكم له . واذا محتارة ارشح لك فندق Grand Aras Hotel & Suites Istanbul Sisli يبعد 4 دقايق مشي عن مول ( جواهر اسطنبول ) و قريب جدا من محطة مترو شيشلي . او فندق ليستانا Listana Hotel بين محطة مترو عثمان بيه و محطة مترو شيشلي . و قريب من مول ( جواهر اسطنبول ) 11 دقيقة مشي و 4 دقايق بالتكسي |
| الساعة الآن 10:27 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO