|
تخطيط رحلة عائلية للشمال التركي السلام عليكم احتاج مساعدتكم جداا ضايعة في التنسيق لرحلة و اول مرة امسك موضوع التنسيق ابغى مساعدة في التخطيط رحلة بين 12 ل15 يوم معايا اطفال من 6سنين ل سنة ميزانيتي متوسطة لقليلة لدحين فكرتي ليلتين اسطنبول منطقة مرمرة 4 ليالي طرابزون 4 اوزنجول ( مو عارفة هنا كيف اخطط للموضوع اقسم ايام السكن بين الاثنين ولا نفضل في طرابزون احسن ) ليلتين في اسطنبول تقسيم هل كدا الايام كفاية ولا اغير،؟ ايش المعالم و الاماكن الي تستاهل زيارة و تناسب وجود الاطفال و كل معلم قد ايش يحتاج وقت ؟ كيف احجز طيران داخلي من اسطنبول لطرابزون -طرابزون اسطنبول؟ ايش الافضل من ناحية المواصلات سواء في اسطنبول ولا الشمال ؟ ايش اقتراحاتكم لفنادق (شاملة الافطار) و احجز بوكينج ولا مباشر استخدام الفيزا امن هناك ولا يفضل اشيل صرف رحلتي غالبا 30/7 يعني في الصيف و مدري اذا في شي مو عاملة له حساب ياليت تفيدوني وشكرا |
هلا وسهلا اختي نورتي المنتدئ اولا لازم تخططي كم يوم السفر علشان نفيدك بترتيب الايام مثال اذا 12 يوم 8 ايام شمال تركيا 4 ايام اسطنبول |
اهلا بك فترة 12-15 كافية جداً لتغطية اسطنبول مع الشمال أقترح اول يومين في اسطنبول ثم 8 أيام للشمال ثم بقية الأيام لاسطنبول توزيع أيام الشمال .. 4 طرابزون ويومين اوزنجول أو ثلاثة .. وليلة لايدر بالنسبة لترفيه الأطفال في تركيا لا يرتقي لبعض الدول وخصوصاً شرق آسيا ولكن بعطيك بعض الفعاليات للأطفال في اسطنبول أما الشمال التركي يعتمد على الطبيعة بشكل كبير فعاليات الأطفال في اسطنبول .. ملاهي فيا لاند .. اكواريوم .. عروض الدلافين .. حديقة مينا تورك .. متحف الشوكلاتة بالنسبة للحجز الداخلي يفضل اونلاين وغالباً رحلات الخطوط التركية هي الأميز في المواعيد ويفضل الحجز من بلدك بالنسبة للمواصلات في اسطنبول إذا عددكم قليل يفضل مترو وترام وإذا في حدود 5 أشخاص تكاسي وإذا أكثر سيارة خاصة باليومية .. أما في الشمال التركي إما استئجار سيارة بدون سواق وهذا الأوفر والأكثر خصوصية أو سيارة مع سواق وهذا الأغلى والأريح للبال تقدري تستخدمي الفيزا ومقبولة ولكن لابد من الكاش معك نصيحتي لك اقرأي تقارير أكثر لتتضح لك الصورة فما زال لديك وقت ولكن اجتهدي أكثر وأكثر ونحن معك وتحت أمرك بالتوفيق |
اقتباس:
بالنسبه للأطفال اذا عددهم اكثر من اثنين رايي اختاري مكان واحد ، الشمال التركي او اسطنبول ( موضوع التنقل في المطارات أحسه متعب مع وجود اطفال وبعمر صغير ) الشمال التركي مافيه الا طبيعه وطقس هذا المميز ( الاطفال في هالعمر بينبسطو بأبسط شيء بعكس الكبار ) والله يوفقكم |
تقسيم الجدول يومين اسطنبول 3اوزنجول يوم ايدر 4 طرابزون يومين اسطنبول كل هالاماكن فيها فعاليات فاوزنجول وضعو العاب ودراجات وقوارب فههي تناسب العائلة بينما ايدر فيها ونطيطات لكن اقل من اوزنجول واما طرابزون فيها حدائق وتسوق بالنسبة لاسطنبول يفيدوك اهل الخبرة |
اقتباس:
|
اقتباس:
|
اقتباس:
نحنا شخصين و 3 اطفال فاتوقع التكاسي افضل |
اقتباس:
احترت شوية اكنسل شي ولا اخلي خطتي و اتحمل الي يجيني :29::40::e312: |
اقتباس:
|
| الساعة الآن 09:01 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO