|
نداء للي عارفين اسطنبول عندي استفسارات بسم الله الرحمن الرحيم .. ان شاءالله انكم بخير ونعمه (": رحلتي باذن الواحد الاحد 9 ايام تقريا في اسطنبول بشهر مارس واسالتي كالاتي حالة الطقس بارده ام معتدله؟ ابي سواقين كويسين ثقه خصوصا اننا نساء .. هل الوضع الامني آمن ؟ بصراحه متخوفه قليلا لاننا كلنا نساء .. ابي سكن كويس يعني شقه عائليه احنا تقريبا 4 اشخاص ابي بمكان كويس ىقريب من محلات و مطاعم يعني ب حي حيوي ع مايقولون ؟؟ بس ابي سعره ممتاز م يتعدا 3000 لمدة الرحله !! وش الاماكن الكويسه ىاللي فعلا تستاهل الذهاب اليها للترفيه والمتعه من ناحية كافيهات حدايق محلات نزهات بشكل عام ايضا ياليت تفيدوني بمعلومات شامله ممكن اسقطت استفسار مهم ولكن باذن الله ماتقصرون معي وشكرا .. :e328: |
أهلين وسهلين فيك وحياك الله الجو بالبداية بيكون بارد اكيد العام الماضي زرت اسطنبول أواخر ابريل كان برد وخاصه للأطفال اما بما انكم كبار ما فيه مشكله البس ثقيل وخلاص بالنسبة للسواقين عندك الشركة المعلنه بالمنتدى او ممكن احد الأخوان اللي كان له تجربة يذكرها لكن بالنسبة لي أنا الشركه اتعامل معاهم من سنوات .. الوضع الأمني ممتاز وما فيه أي شي ... أبتعد عن ممن يعرض خدماته من العرب ... الشقق الأغلب تكون بمنطقه شيشلي لكن بأمكانكم تاخذون عرفتين متصله بأي فندق انا افضل منطقة السكن اذا كانت فنادق تكون سيركجي عمق اسطنبول وكل شي جنبك بالنسبة للأماكن السياحية لكن اذا اعتمادكم على السائق ما راح يفرق المكان .. بالنسبة للأماكن عندك الكافيهات منتشره على جوانب البسفور بالجانبين ومن أشهرها اوبا اكتب بقوقل ماب ويطلع لك .. ودائماً استعن بقوقل ماب بمطاعم او كافيها او أي شي يعرض لك صور ويفيدكـ... المولات فينيسيا و لا ننسى مول وولتر قاردن بالجانب الأسيوي الحدائق العامه اذا كان الطقس دافي احياناً ... اورتاكوي من أهم المواقع في اسطنبول ويفضل زيارته عصر او قبل الغروب ... الأماكن كثيره في اسطنبول لو تطلع على كم تقرير راح تاخذ فكره اكثر من خلال الرابط هذا مختصر تقارير الديار العثمانية افضل شركة اتصال ترك سل طبعاً ولتفعيل الشريحة يلزمك الجواز يفضل استخراج بطاقة السفر من البنك السعودي للأستثمال |
هلا حياك الله الجو في مارس بارد ولكن دامكم كبار مافيه اي مشكله اهم شي لازم تدفون بالملابس الوضع الامني بشكل عام في تركيا ممتاز ولكن خلكم حريصين مع التعامل مع الناس ام شي النقاط التالية: تجنبوا النقاش بالامور السياسيه والامور الدينيه تجنبوا التعامل مع العرب المقيمين هناك لان اغلبهم نيتهم يستفيد منكم الا من رحم الله تجنبوا اماكن اللي تكثر فيها الملاهي الليليله واللي حولها خصوصا بالليل كون خير سفير لبلدكم بالنسبه للسواقين انا اشوف انه خيار غير مناسب تتراوح تكلفه السواق باليوم من 100 الى 130 دولار ويعتبر مبلغ مبالغ فيه اذا تبون شوري بما انه ما عندكم اطفال استخدموا المواصلات العامه ادري انكم متخوفين انكم ما تعرفونها بس تراها اسهل من السهل اذا ما تبون المواصلات العامه عليكم باوبر هذي بعض النقاط المهمه من وجهة نظري: 1/ بطاقه الفيزا من بنك السعودي للاستثمار 2/ حجوزات الفنادق مع طباعه الحجز. 3/ صوره من الجوازات + الفيزا. 4/ صرف الفلوس 1000 ريال الى ليرهوالباقي دولار وافضل ماوجدت هو في الصرافينالمتواجدين في لاليلي واكسراي. 6/ شراء شريحه انترنت تركيا سيل. 7/ شطاف المسافر. 8/ الراوتر للانترنت. 9/ التاكد من الاوزان قبل الطيران. 10/ تفعيل خدمه التجوال الدولي. 11/ الحظور في المطافر بدري. 12/ شنطه ظهر. 13/ حجز المقاعد. ------------------------------------------------------------------------- هذي بعض الاماكن المشهور باسطنبول مع تعليقي ورايي الشخصي: حديقه جولهانه -- ممشى كويس قصر الطوب كابي -- كويس متحف أيه صوفيا.-- كويس صهاريج البازلك. -- ما تسوى حمام ايه صوفيه ( حريم السلطان ) - حلو بس غالي شوي باليورو جامع السلطان احمد جامع ايه صوفيا البازار الكبير تلفريك ايوب – مطل ومقهى بيرلوتي –مسجد وضريح ابي ايوب الانصاري - ما يسوى جواهر مول - ممتاز حديقه ميني تورك - ممتاز متحف اسطنبول - كويس برج السفير - مايسوى جامع اورتاكوي - كويس قصر دولما باشا ( قصرالسلاطين ) - ممتاز يبيله يوم كامل من الصباح برج غلطه - ممتاز رحله بحريه في مضيق البسفور. - ممتاز غابات بلغراد - ممتاز حديقة إميرجان - ممتاز ملاهي فيالاند - ممتاز السوق المصري. وتر جاردن مول - ممتاز تل العرائس - ممتاز شارع استقلال ميدان تقسيم جزيره الاميرات اكواريوم الرحلات: بورصه: السوق المسقوف + سوق الحرير جبل اولداغ + التلفريك جومالي كيزيك القرية العثمانية في مدينة بورصة قرية ميسي بورصة سبانجا |
ماشاء الله الأخوه ماتركو مجال نشارك فيه شموليه بكل شي لكن من تجربتي بالنسبه للتنقل .. المواصلات العامه امتع .. والسائق الخاص اريح .. وبالامكان طلب التكاسي بين الفتره والأخرى عن تطبيقات التكاسي الخاصه بتركيا ( بالنسبه لاوبر حسب علمي انه محضور لدى تركيا ويخالف من يستخدمه سواء راكب او سائق ) يوجد تطبيق ( itaksi و bitaksi ) كلها مناسبه لطلب التكاسي ويوجد فئه اعلى من التاكسي الأصفر تسمى تركواز اعتبرها افضل حيث ان السيارات اكبر والسائقين اكثر مهاره وافضل تعامل وكل الفئتين توجد بالتطبيق لكن بالنسبه للسائق لو كانت السفره نصها بسائق ونصها بدون ممكن تكون خيار جيد كمثال ( اول يوم السائق استقبال من المطار وجوله خفيفه قبل الفندق ) اربع أيام تكون بالمواصلات العامه ( موجود لها خرائط بالمحطات تريحك بمعرفه الاتجاهات ) وبطاقه المواصلات تباع عند اغلب البقالات والاكشاك الصغيره وتكلفه الشخص لركوب المترو او الترام تتراوح بين 1.50 الى 2.50 حسب نوع الوسيله والأيام الباقيه تكون بسائق ( في حال ماارتحت بالمواصلات العامه ) أسعار السائقين بخدمه جوله في إسطنبول تتراوح من 90 الى 130 دولار حسب نوع السياره يضاف اليها 40 دولار اذا كان فيه استقبال او توديع الى مطار إسطنبول الجديد والسائق خيار جيد اذا كان يوجد أطفال او في حال لاتوجد رغبه بالمشي وبعض المكاتب حجز السائق فوري لايتطلب حجز مسبق بايام ولوجود اعلان سائقين لدى الموقع اعتذر عن ذكر من سبق لي التجربه معهم من السائقين خارج هذا المكتب وبالنسبه للحدائق أحببت حديقه اميرغان تحتاج الى خمس ساعات اقل شي وحديقه جولهانه للي رايح جهه الفاتح والسلطان احمد تعتبر مناسبه لتغيير الجو اما بالنسبه للانترنت أرى ان شركه ( rent connnct ) مناسبه تحجز مسبقاً عن طريق الموقع الخاص بهم مودم بانترنت مفتوح للايام المتواجد بها والاستلام افضل تحديد المطار حيث ان طريقه الاستلام مريحه جداً اما بالنسبه للتسليم كذلك يوجد لديهم تسليم بالمطار لكنني افضل اختيار التسليم بالفندق ولاا انسى بالتوصيه بضرورة عدم الخروج بعد الساعه 10 ليلاً خصوصاً في المناطق المنعزله |
اخوي الفراهيدي والشقاوي وبرجون شككككككرا جزيييلا على المعلومات الله يسعدكم دنيا واخره حرفيا محتاجه مثل هالمعلومات هذه كفيتو ووفيتووو 💜💜💜 الشقق شفت بشيشلي بس كلن يذم من جهه ان لقينا شي ذمو يا الخدمات او المنطقه او اشياء اخرى ف اذا تعرفون شقق كذا فندقيه ونظيفه واهم شي بمنطقه امنه ياليت تفيدوني فيها .. ايضا هل شيشلي منطقه امنه؟؟؟ |
أرشح لكم منطقة سيركجي منطقة آمنة وحيوية وقريبة من ميناء امينونو والسوق المصري وحديقة جولهانة وجامع السلطان أحمد وقصر التوبكابي وآيا صوفيا وغيرها من الأماكن السياحية ، شوفوا هذه الفنادق إذا تناسبكم أسعارها توجد بها غرف رباعية وغرف متصلة : http://www.booking.com/Share-A1ni9J http://www.booking.com/Share-WGEirC http://www.booking.com/Share-juuck4 http://www.booking.com/Share-ZclXrHm http://www.booking.com/Share-9MQwS3 http://www.booking.com/Share-CbKxoa http://www.booking.com/Share-3V2Ws3 http://www.booking.com/Share-pIe2nP بالتوفيق |
منطقه سيركجي مناسبه للي بيتنقل عبر وسائل المواصلات العامه واللي يبغى السوق المصري وقراند بازار والجهه هذيك عموماً ولكن غير مناسبه للي يبي يأخذ سائق او سياره .. زحمه بالسيارات نوعاً ما منطقه شيشلي مناسبه خصوصاً للي يبغى المولات فيه ثلاث او اربع مولات قريبه منها ومحطه مترو عثمان بيه قريبه ومناسبه للي بياخذ سائق ولكن يوجد فنادق قريبه من الشارع العام وارى انها الأفضل تجربتي مع الشقق الفندقيه ( عن طريق بوكينج ) كانت سيئه ولكن اتصفح ( AIRPNP ) اشوف عنده خيارات سكن جميله ورخيصه وتجربتي بفنادق إسطنبول عموماً أفضل ان اتصفح الفنادق عن طريق بوكينج واحجز عن طريق مكاتب السفر تعاملت مع مكتب جيد من ناحيه الأسعار يفرق واجد عن بوكينج لان تركيا وكما شهدت الاستقبال او المكاتب ارخص من بوكينج بعكس الدول الاخرى بحكم حضر البوكينج لدى تركيا يتوجب عليك تشغيل VPN عندما تكون هناك لتتمكن من تصفح بوكينج |
شكرا لكل من فادني بمعلوماته عز الله مساعدتكم وردودكم تبيض الوجه 👌🏻💙💙💙 طيب بورصا بشهر مارس فيها ثلج ؟؟ |
اهلا بك إذا بأول مارس أكيد فيه ثلج أما آخره بتلحق شيء خفيف .. والله أعلم استفيد من خرائط السناب تعطيك تصوير لحظي بالتوفيق |
السلام عليكم الاخوة ما قصروا ما شاءالله بالنسبة للشقق لو قررت السكن في منطقة سيركيجي جربي شقق اصلان تواصلي معهم عالواتس السيد أصلان محترم ولطيف جدا واسعارهم معقولة كنت ساحجز لديهم الصيف الماضي لولا انني لم اجد شقة لمدة اقامتي اطلعي عالشقق في البوكينح https://www.booking.com/hotel/tr/asl...up_children=0; وهذا رقم هاتف السيد اصلان 00905322141171 اتمنى لكن رحلة سعيدة:e030: |
| الساعة الآن 10:27 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO