|
رحلة لتركيا 10 ايام ( شهر عسل) السلام عليكم اخوني الشكر مقدم لكم على كل المساعدة والمعلومات اللي توفروها بشكل عام انا مخطط اطلع شهر عسل ومنها 10 ايام لتركيا طبعاً اول مرة اسافر تركيا حابب اعرف افضل الاماكن اللي نروح لها تكون هاديه ومافيها زحمه وازعاج كثير ومتاسبة للاسترخاء حابب تكون الرحلة الى منطقتين او 3 مناطق بالكثير ومافيها مسافة طويلة للتنقل الرحلة بتكون في شهر 3 ميلادي وياريت تعطوني اسماء فنادق كويسه وامنه للعوائل حتى لو كانت 5-4 نجوم وشكراً لكم |
اهلا بك أقترح عليك أحد بديلين الأول : اسطنبول مع جولات سريعة لبورصة وسبانجا الثاني : اسطنبول مع انطاليا ( والمدة مناصفة بين المنطقتين ) ميزة الاقتراح الأول ما فيه طيران داخلي بورصة وسبانجا تروح مع قروب سياحي ميزة الاقتراح الثاني تزور انطاليا في توقيت مناسب وأسعار المنتجعات تكون منخفضة قليلاً والطقس مناسب حاول تقرأ وتحدد وجهتك وبنساعدك بالتفاصيل بالتوفيق |
الله يعطيك العافية ابو نواف وماقصرت افضل الاقتراح الثاني وين ممكن اروح ك منتجات وفنادق وابغى اعرف كيف اوصل للقروبات السياحية . |
اهلا بك بالنسبة للمنتجعات في انطاليا كثيرة ولكن حاول تركز على منتجعات منطقة ( لارا ) لو كتبت في بوكينق لارا بتطلع لك .. وإذا ميزانيتك تسمح فحاول تنزل في فندق ( أرض الأساطير ) يعتبر مدينة متكاملة من التسوق والترفيه ... إذا شفت المنتجعات مرتفعة على ميزانيتك فممكن تخلي يومين ثلاثة في فندق عادي وتستأجر سيارة وتغطي فيها معالم انطاليا وبعد كذا تسلم السيارة وتنزل في منتجع مريح متكامل ... وعادة المنتجعات بانطاليا تشمل مع السعر كل الوجبات على مدار اليوم .. فأنت عاد شوف ميزانيتك وادرس وضعك .. وإذا حبيت بنرشدك لتقارير مركزة على انطاليا وبتلاقيها في المواضيع المثبتة بالنسبة للقروبات السياحية فأنا كنت أقصد لبورصة وسبانجا لأنها تنفع لشخصين .. أما بالنسبة لانطاليا بتلاقيها في استقبال الفندق ولكن إذا اجتهدت في جمع المعلومات ومعك سيارة فما تحتاج تروح معاهم أما لو بتريح راسك وما يفرق معك الصرف فتقدر تروح معاهم بالتوفيق |
عساك ع القوة يابو نواف وماقصرت اذا ممكن تدلني على بعض مواضيع المثبته على انطاليا اكون شاكر للك |
اهلا بك هذه تقارير عن انطاليا https://www.arabtrvl.com/vb/t27036.html https://www.arabtrvl.com/vb/t35304.html https://www.arabtrvl.com/vb/t43100.html وفيه موضوع لاخونا الفراهيدي بالمواضيع المثبتة فيه تجميع لكل التقارير وبتلاقي أكثر بالتوفيق |
اقتباس:
|
| الساعة الآن 05:46 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO