|
الامان في تركيا السلام عليكم انا ناويه اسافر في الصيف لتركيا عائلتين لكن خوفوني ناس من درجة الامان في تركيا على السعوديين هل فعلاً خطر سفرنا لتركيا او امان |
السلام عليكم و رحمة الله و بركاته .. و الله يا أختي أم بندر .. فيه ناس تبالغ في التخويف و هم ما سافروا و لا تعدوا حوش بيتهم أو بالأصح يحذر من باب سمعنا و يقولون و فيه و صار كذا ... و في الحقيقة المواقف غير حقيقية ... و ناس كثيرين سافروا موخراً و استمتعوا بالإقامة في تركيا بدون منغصات و لكن النقطة المهمة .. أي شخص يسافر يجب أن يبتعد عن الأماكن المعزولة و التجمعات و ان لا يدخل في سجال مع أغراب لا يعرفهم .. و السكن في أماكن معروفة .. و عدم الخروج في أوقات متأخرة بالليل .. و نقطة أخرى لمن يرغب في السفر إلى تركيا أو غيرها .. أن كنت لا تشعر بالإرتياح من البلد ولو بنسبة 1% فلا داعي أن تسافر له و تعيش أيامك تحت ضغط التوتر و الشد فأنت لست مجبر على تخريب متعة أجازتك و أجازة من معك ... و أهم شئ التوكل على الله و هو خير الحافظين و ختاماً تمنياتنا للجميع بالسلامة .. |
لا أزيد على كلام خبيرنا أبو معتز ما شاء الله كفى ووفى في رده السابق فقط نصيحة مهمة عليكم بقراءة التقارير والاستعداد بفترة كافية قبل الرحلة بالتخطيط الجيد يجعلكم خبراء في البلد ويعطيكم راحة نفسية ويبعدكم عن التوتر والخوف ، فيه نصائح بسيطة عملتها في بوستر مختصر ممكن ترجعون لها في نهاية تقريري التركي على هذا الرابط : https://www.arabtrvl.com/vb/t36345-37.html على العموم تركيا بلد جميلة وفيها تنوع بين الطبيعة والتاريخ والأسواق والسائح نفسه هو من يحدد درجة الأمان وجعل رحلته سعيدة لا تنسى ، سائلاً الله لكم رحلة موفقة وسعيدة |
اهلا بك ما قصروا الأخوة أبو معتز والمسافر كلام مختصر ومفيد جداً بالتوفيق |
الاشاعات متعودين عليها وكل فتره تنشط قبل الاجازه وهذي راح تصير مع بدايه رمضان الوضع آمن ومافيه شي اللي بيسافر الله ييسر له ويحذف تويتر |
حتى الان الامور جيده نوعا ما في حال اختيار المنطقة المناسبة للسكن والبعد عن التعامل مع التكاسي لانهم اقذر فئة هناك الا من رحم الله ، البعد عن اماكن الزحمة واستخدام اجهزة الصراف في الاماكن المظلمة "حدث لي شخصيا تقمير وسرقة بطاقة" البعد عن اللي يعرضون خدمات ، تقسم والسلطان احمد خط احمر ينصح بعدم الذهاب لها اخر الليل |
اقتباس:
|
اقتباس:
عين العقل |
أهلين ام بندر انا جيا قبل كم يوم من تركيا وكنت فيها 3 اسابيع أبدا مافي اي شي بالعكس شايفة اخلاقهم متحسنة عن العادة :1: والحمدلله انبسطنا اكتر شي في الاجواء الشتوية توكلي على الله و روحي انبسطي ,,, بالتوفيق |
السلام عليكم ورحمة الله بالنسبة لسؤالك الأخوة لم يقصؤوا وأعطو الجواب .. لكن حبيت اقول في اي بلد في العالم ممكن نزوره يمكن يكون غير أمن اذا نحن مارتبنا صح وحجزنا في الاماكن المعروفة .. يعني بترجع لاختياراتنا والله يوفق ويحمي الجميع :e32a: |
تركيا رووووعه بس قلق الين تسافري وترجعي كل فتره يألفوا سالفه:59: فلو تقدرو تروحو البوسنه بدالها يكون افضل |
الامور طيبه وكل مكان بالعالم فيه الزين والشين والواحد يحرص ومايشيل اشياء غالية ( شنط ماركة او يلبس ذهب كثير ) يعني لايقول للحرامي تعالي اسرقني .. يصير عادي مثل اللي حوله ومايشيل فلوسه كلها معه والافضل تقسمون الكاش اللي مكعم بينكم ولو تجمع عليكم ناس يبون يبيعونكم شي فاعرفوا المضوع فيه ( إن ) وابتعدوا عنهم بسرعه وترا الثمن بيكون مرة رخيص ومغري بس لايغركم ... من شهر بتقسيم كنا نبي تاكسي المهم بنركب مع واحد وتجمع يمكن خمسه علينا يبين يبيعونا عطور يقول مهربينها من المطار او سارقينها :32: وكانت مررررررة رخيصه ومجموعه زينه شانيل وبيربري وقوتشي وعلى 50 ليرة قلت مامعي فلوس المهم شرينا واحد ( وطلع مغشوش ) بخة يمكن مايمديك تشمها بعد كان الجو فيه هواء :32: .. قالوا خذو 3 ب 50 قلت روحوا عني خلاص وركبت وصكيت الباب مشى التاكسي وقال معك كاش تحاسبني كان سعره رخيص بعد ب 30 والباقين اقل واحد ب 80 ... قلت ايه ووريته قال لا هذي الفلوس للتداول في الشرع بس البنك مايقبلها ..عطني غيرها قلت مامعي ونزلنا وخذنا باض ب 4 ليرات .... شيكت على اغراضي والحمد لله مافيه شي انسرق لان حسيت انها محاولة نصب وسرق .. هذي المرة الوحيدة اللي صار لي موقف حسيته مشروع سرقه بس منيب متأكد والله مابي اظلمهم ولاخرب علينا يومنا ولاشي ولله الحمد .. |
رحت تركيا مرتين ......... ونفسي أروح لها ثالث مره بس نفس السؤال / الخوف من تدني مستوى الآمـــــــان هناك ! على أن تركيا من أجمل البلاد اللي زرتها لها طابع خاص |
كنت بانطاليا وما واجهتنا اي مشكله الله الحافظ |
اللي يبي يسافر ويستمتع يروح لبلد مطمئن ومرتاح نفسياً مو يكون في قلق طول فترة الرحلة دائم نسمع عن كثير من المشاكل في تركيا الفترة الماضية الامر يعود لكم في السفر استخيروا الله قبل اتخاذ قراركم |
دامك بعيد عن المراقص والبارات انت في أمان ولن يتعرض لك احد اما اماكن السهر وغير ذلك فهي غير أمنه في تركيا وجل من يعمل هتاك من ارذل الناس |
اقتباس:
كل القصص والاحداث في تركيا لم نسمع انها حدثت في مراقص او بارات بل كانت في اماكن عامه او فنادق واما النصب والاحتيال حدث ولا حرج من اصحاب التاكسي ومحلات ايجار السيارت والمعاملة السيئة في المطارات واخر حدث من اسبوعين تقريبا بعد التهجم على السائح الخليجي مع عائلة وطفلة واعتقد كثير منا شاهدالفيديو على مواقع التواصل الاجتماعية الحافظ الله والحذر واجب على جميع السواح في تركيا |
اقتباس:
لم يقتل في تركيا احد ولكن انقتل في مصر اكثر من خمسه خلال السنوات القليله الماضيه اما النصب فكذلك في مصر اكثر |
حابه اسال كم تكلفه السفر لتركيا لخمس اشخاص منهم ثلاث اطفال والمده اسبوع .بعد عيدالفطر .والفنادق 4نجوم يعني تقريبا اذا كان فقط اسطنبول وطربزون |
اقتباس:
ظني بتكنسلون السفر هالايام السالفة مهي امن وامان السالفة صارت كلها كورونا والغاء خطوط طيران تحياتي أرسلت بواسطة iPhone بإستخدام Tapatalk |
اقتباس:
150 ألف دولار تحياتي أرسلت بواسطة iPhone بإستخدام Tapatalk |
اقتباس:
150 الف دولار !!! كثير و تركيا رخيصة مقارنةً بدول آخرى |
هههههههه يمكن ٨٠٠٠ الف وافلها فل مع الفنادق تم الإرسال من SM-N960F باستخدام Tapatalk |
شوفي ام بندر مافية دولة في العالم فيها الامان مرتفع دائما تجد الصالح والطالح في اي دولة وبخصوص تركيا تحديدا اغلب الاخبار والمقاطع المصورة تتكلم عن سوء ادب بعض الاتراك مع السعوديين بصفة خاصة بسبب المشاكل السياسية بين البلدين لاكن في كل الاحوال لابد من الحذر الشديد والمثل يقول يا غريب خلك اديب والبعد ايضا عن اماكن تجمع النصابين مثل منطقة تقسيم والله يحفظنا يارب بحفظة ملاحظة : الشمال التركي افضل الخيارات للعائلة بنسبة لي انا وذالك عن تجربة شخصية بعد رحلتين واحدة لاسطنبول والثانية للشمال التركي |
اقتباس:
طيب يمكن قليلة انا اقول اذاً 450 الف دولار ويمكن ماتكفي لليوم الاخير تختمونها بصمونه وشاي سادة تحياتي أرسلت بواسطة iPhone بإستخدام Tapatalk |
هههههههههههههههههههههههههههههههههه |
| الساعة الآن 10:38 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO