|
استفسار بخصوص استقبال رسائل البنوك في تركيا الأخوة الكرام : لدي رحلة إن شاء الله إلى تركيا شهر اغسطس الجاي ووجدت أن باقة التجوال من stc لمدة اسبوعين للأسف ب 300 ريال وأكيد أن باقات شركات الاتصال في تركيا أرخص بكثير لكن المشكلة !!! هي أنني أحتاج أن تكون شريحة stc شغالة لاستقبال رسائل بنك الراجحي علما بأن جوالي مسبق الدفع من stc وش أفضل حل لهذا الموضوع وفقكم الله ؟ |
بصراحة أشوف أن تفعيل التجوال على نفس الجوال أفضل من شراء شريحة و باقة و تغييرها في الجوال و كل ما بغيت تستخدم رقمك الأساسي تغيير الشريحة أو يكون معاك جهازين !!! و للمعلومية .. في الوقت الراهن تحتاج يكون رقمك مفعل علشان تصلك رسائل البنوك لو لا سمح الله حصل أحتيال و أخترق حسابك أثناء السفر 300 ريال على مدة 14 يوم يعني 21.50 ريال يومياً ما أعتقد أنها بتأثر في ميزانية السفر الأجمالية هذي وجهة نظري فيما يخص موضوع التجوال و باقات النت في السفر |
الأهم التجوال شغال توصلك رسايل لا تكلم فيه ولا تستقبل خلي شغلك واتس النت اكيد بتركيا ارخص بكثير والأفضل شركة تركسل |
السلام عليكم ورحمه الله وبركاته في شركة STC شريحة الكترونية على نفس الجوال من غير شريحة تحطها اذا رحت تركيا تاخذ شريحة وتركبها بالجوال والشريحة الالكترونية موجودة وتقدر تتنقل بينهم انشالله اني افدتك ووصلت المعلومه |
اكتب اسم الدوله اللي مسافر لها ع 900 على طول تجيك رساله منهم بالتفاصيل |
وجهة نظري فعل التجوال وريح راسك أو إذا عندك جهاز أخر خذه وإستخدمه لشريحة البلد |
الأخوة الأفاضل : - Abu Muataz - الفراهيدي - ahmedhaif - فهد آل مغيرة - أم احمد شكراً جزيلا لكريم استجابتكم ، آراؤكم سديدة ورشيدة جعل الله ذلك في موازين حسناتكم ، ولا حرمكم الأجر . |
انا سافرت عدة دول ومااشترك بباقات التجوال لانه غالي بس رسايل البنوك توصلني دايما بس فعل خدمة التجوال وتجيك بالنسبه لي،شغاله معي في تركيا ومصر وتايلند وانا مو مشتركة في،باقات تجوال،وجوالي مافيه اي رصيد ، |
| الساعة الآن 03:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO