![]() |
الشمال التركي احب اشكر اعضاء المنتدى والمشاركين فيه لأنني استفدت من هذا المنتدى الكثير سهلت علي مهمة السفر الي الشمال التركي بشكل كبير وحابب اضيف مشاركتي البسيطة لايضاح بعض الامور التي تخص الرحلة الي بعض مناطق الشمال التركي ومنها اولا: اللي يقدر يسوق في المناطق الجبلية الافضل له يستأجر سيارة ويقودها بنفسه اوفر له من سياره بسائق ويكون حر نفسه للذهاب الي اي مكان بدون ارتباط. ثانيًا: السكن كان خلال رحلتي في شهر 2022/7 محدود الخيارات نظرا للزحمة العالية والضغط على الفنادق والشقق في طرابزون فيفضل السكن في مناطق قريبة منها ك منطقة ريزا وهي الافضل بنظري لانها اقرب الي منطقة ايدر ويمكن الذهاب الي اوزنجول صباحًا والعودة مساءً. ثالثًا: الاكل هناك خيارات كثيرة ولاكن حسب تجربتي فان المطاعم العربية كانت دون المستوى المطلوب. رابعًا: اللي يريد ان يشتري البقلاوة والحلويات لايعتمد على السائق بل يبحث بنفسه عن افضل المحلات. خامسًا:شراء شريحة بيانات من ميدان طرابزون افضل وارخص من اي مكان اخر وايضا في صرف النقود. واحب ان انوه على ان هناك محل بين طرابزون وريزا اسعاره غاليه ويوجد له بديل( ايوب سلطان). المنطقة جميلة من خضرة وانهار وجو بارد جميل ولاتخلوا من العنصرية ضد العرب ولاكن انت سائح قادم للاستجمام والراحة فعيش يومك كما تحب .ارجوا اني اكون افدت احد بالمشاركة البسيطة هذي. |
ما قصرت والحمد لله على سلامتك وأتمنى لك رحلات قادمة جميلة |
كل الشكر لك حبيبنا |
نصايح في محلها استمتع بوقت سيارة تقودها بنفسك هي افضل حل لشراء الحلويات اشوف الي عليه لوحه علي بابا اسعاره مقبوله وعنده كل انواع الحلويات و العسل و الشاي في اوف قبل لفه اوزنجول الله يرحم بوصهيب وصيته ان لانتكدس كلنا في طربزون |
يعطيك العافية على هذي المعلومات انا رحلتي بعد اسبوعين واريد ان استاجر سيارة لو اخذت سيارة صغيرة قير اتوماتيك راح تطلعني مرتفعات طرابزون وحيدر نبي ومرتفعات مراد ؟ |
اقتباس:
السيارة كانت فان صغير بسايق وين وصلنا لحيدر نبي حصلنا كثير خليجيين صاعدين بسيارات صغيرة وعادي اعرف واحد شخصيا صعد لها بشتاء بعز الثلوج والسيارات تتزحلق طبعا كان تهور منه |
اقتباس:
ماعندك اي مشكله الطرق مسفلته في المرتفعات وتطلع لها جميع السيارات . اتمنى لك رحله سعيده. |
الساعة الآن 03:08 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO