|
سفرة عائلية مشورتكم السلام عليكم رحمة الله وبركاتة يسعد الله اوقاتكم بالخير، جماعة الخير احتاج مساعدتكم بتخطيط لسفر للوالد والوالدة ان شاءالله. الخطه يسافرون بداية شهر سبتمبر ل (ازمير - انطاليا - طرابزون) طبعا اهلي قد راحو تركيا قبل وحابين يكتشفون هالمدن بعيد عن اسطنبول. ف احتاج مشورتكم جزاكم الله خير كيف الخطه ووش تفضلون الوصول والمغادرة من اي مدينه؟ المدة 14 يوم والميزانية 20 الف ريال شامل الطيران والفنادق، احتاج رقم تكسي يوديهم ويجيبهم لانهم كبار ولا ودي يتعبون يشيلون هم. شكرا لكم .... |
اقتباس:
عليكم السلام ازمير غرب تركيا وانطاليا بالجنوب وطرابزون في الشمال انتبه لاتاخدهم بتاكسي وتتعبهم وتبهدلهم الافضل حجز طيران داخلي او تختار لك مدن قريبه من بعض |
اقتباس:
و عليكم السلام و رحمة الله و بركاته اتمني Sln6 و انت تضع ترتيب لرحلة الوالد و الوالدة ان تضع فى اعتبارك ان كثرة ركوب الطائرات يتعب كتيرا كبار السن و كثرة التنقل بين المدن ايضا لذا اقترح عليك ان تختار التنقل بين مدينتين فقط فيمكن الغاء انطاليا مثلا و الاكتفاء بفتيحة و مرمريس مع طرابزون . و ان تضع فى حسابك يوم السفر و يوم الوصول يكون متعب و ذلك مع الانتظار بعض الوقت لركوب الطيران الداخلي لذا اضفت يومين لاسطنبول . بالنسبة للطيران الداخلي عندك طيران الخطوط التركية من مطار اسطنبول و عندك طيران بيجاسوس من مطار صبيحة فالامر يتوقف على مطار الوصول لهم من الطيران الخارجي و ارشح لك مطار صبيحة كمطار للوصول و يتحرك منه الطيران الداخلي بيجاسوس . تركيا هذه الايام شديدة الزحام فلابد من حجز الفنادق مسبقا . و بالنسبة للميزانية فقد ترتفع معك نظرا لارتفاع الاسعار و حجز السائق و غيره . بالنسبة لترتيب الرحلة بين المدن اقترح الاتي : انطاليا 4 مرمريس و فتيحة 4 طرابزون 4 اسطنبول 2 اقترح الغاء ازمير و استبدالها بمرمريس و فتيحة و يمكن السفر بالطيران الداخلي من انطاليا إلى مطار دلمان او ركوب تاكسي من انطاليا لفتيحة يومين ثم يومين مرمريس و بعدها طيران داخلي لطرابزون . تحياتي |
اهلا بك بداية الله يحفظ لك والدينك ويرزقك برهم ويسعدك بدنياك وآخرتك أقترح استبعاد انطاليا وازمير ففي هذا التوقيت يكون الطقس حار يمكن التركيز على اسطنبول وما حولها مع إضافة الشمال التركي بشكل موسع أفضل شيء ترتب لهم مع سواق أمين مجرب أو تتفق مع شركة سياحية تاخذ سواق من عندهم يكون هو قائد للرحلة ومرشدهم السياحي والاتراك فيهم نخوة واحترام لكبار السن بالتوفيق |
مرحبا من الافضل ان تدع وجهتين فقط لعدم قضاء وقت وتضييعه في المواصلات و لمشقة لوالديك ومنها ازمير و انطاليا نفس المناخ فاقترح على حضرتك طرابزون و انطاليا سوف تكون رحلة جدممتازة و ممكن اساعد حضرتك في تنسيق كل شيء منذ الدخول الى الاراضي التركية |
سعيد انا حسبت ان ازمير قريبه جدا من انطاليا بس كانت حسبتي خطا، و مثل ما تفضلت راح اخليها مطار داخلي رحلة واحده و راح ادور لهم على سواق يكون معاهم ان شاءالله، شكرا لك حبيبنا يعطيك العافيه على ردك …. sheriok2new صحيح كلامك معك 100%، جميله اقتراحاتك بخصوص فتيحة ومرمريس وترتيبك جدا جميل الله يبيض وجهك ويسعدك شكرا وماقصرت … نواف يارب جزاك الله خير، المشكله قد راحوا اسطنبول مع بورصه وسبانجا و يلوا مرتين ولا حابين يزورونها مره ثانيه عشان كذا حبيت تساعدوني بالتخطيط، ومعك بالفكره بخصوص السواق يارب احصل ابن حلال يسهل امورهم. شكرا لك حبيبنا …. Tour4arab اهلا اخوي صحيح كلامك ، ماتقصر جزاك الله خير. اخواني جميعا بيض الله وجيهكم والله يرزقكم ماتتمنون على نصايحكم وتفاعلكم معاي … الان الخطه وضحت ف حاب استشيركم: 1- القدوم من الدمام الى اسطنبول مطار صبيحة ومن مطار صبيحة الداخلي الى انطاليا لمدة 4 ايام، 2- التوجة الى صبيحة و مرمريس لمده 3 ايام وافضل السكن في واحده منهم وقضاء يوم كامل في الاخري و الرجوع. 3- السفر الداخلي الى طرابزون والقضاء 6 ايام والعودة الى الدمام من مطار طرابزون. وشرايكم بالخطه؟ هل في تعديل تنصحوني فيه؟ وياليت تعطوني رايكم بالفنادق لكل مدينه منهم اكون شاكر لكم. واهم نقطه بنسبه لي تدلوني على سواق مجرب وامين ل ( انطاليا + فتيحة + مرمريس) وسواق اخر في طرابزون …. شكرا لكم … |
الله يرضى عليك في بر والديك الميزانية فيها شك على مدى 14 يوم على فرض ان التذاكر حصلتهم 1500 على 3 صارت 4500 اضفة الى السكن خل نحط معدل 500 في 14 يوم 7000 يبقى عندك 8500 ريال ومعدل الاكل و التكاسي قول 500 في اليوم راحت الميزانية الى او على الاخر الا ان يكون عندك فيزا كارد وتحاول تاخذ منها بقدر الامكان في مدينة ازمير وفيه ازميت والمسافات بعيده عن بعض تحتاج طيران داخلي اكيد |
ماجد القطري جزاك الله خير حبيبنا، صادق لازم نرفع الميزانية، شكرا على نصيحتك ماقصرت يالغالي ... |
اقتباس:
جماعة الخير في تحديث بالنسبة الخطه بعد ماشاورتهم وقلت لهم ان انطاليا وحوالينها بتكون شوي حر. فالخطه راح تتغير وبكون كلها بالشمال التركي لطيب وبرودة اجوائها شهر سبتمبر، ف وشرايكم بالترتيب التالي: 1- طرابزون 2- ارتفين ( المسافه حسب قوقل 3 ونص) 3- ريزا 4- اوزنجول ( واخر يوم على مطار طرابزون والى الوطن) هل الخطه مريحة لهم؟؟ ياليت تقترحون توزيع الايام اذا الخطه مناسبة. شكرا ومقدر لكم |
مكرر وحدف |
اقتباس:
السلام عليكم و رحمة الله و بركاته الله يجزيك خير الجزاء على دعواتك الكريمة بخصوص الغاء انطاليا هذا قرار صحيح و الاكتفاء بالشمال التركي لكن احس اننا لازم نلغي ارتفين بعيدة و الطريق راح يتعب الوالد و الوالدة خصوصا ان طرق صعود الجبل فيها لفات كثيرة و اضم صوتي لصوت الاخ سعيد و اقترح نخلي الذهاب على مدينة اوردو و يروحون منها على الشمال حتي إذا يقضون يومين في إيدر و يرجعون و يمروا على اوزنجول إذا امكن اليوم الثالث بطريق العودة لاوردو . برايي هي مدينة صغيرة لكن جميلة و غير مزدحمة بالسياح مثل طرابزون و ما حولها و الاسعار راح تكون معقولة جدا و فيها اماكن سياحية جميلة تستحق الزيارة يمكنك مراجعة تقريرحديث للاخ ماجد القطري عن اوردو اقترح عمل جولة التليفريك زيارة الشلالات بالمنطقة منها OHTAMIS WATERFALL زيارة ULUGOL تحياتى |
جماعة الخير كل الشكر لكم ... ابشركم حجزت طيران وحجزت في منتجع ريدوس ثرمنال ل اول 5 ليالي الان احتاج رقم سواق عشان يكمل معاهم باقي ال 10 ايام. وياليت تنصحوني ب جدول ( طرابزون، ايدر، وارودو والباقي) ووش الافضل فيهم لسكن غير عن طرابزون جزاكم الله الف خيير .... |
اقتباس:
منتجع ريدوس ثرمنال لو قلتي ايش رايك احجز او لا اقولك لا لكن بما انك حجزت اكد لهم ان فيه مكيف لان ازعاج لو فتحت الشباك تريد هوا المقاعي الي تحت مزعجين شيشه وطلبات وازعاج او تغيرون الحجز على الفلل التابعه لهم ان امكن اهدى وفيها مكيف الجو حلو هناك وهدوء في الطبيعه لكنه مكانه عالي ومشوار لو خاطركم تطلعون اوزنجول يعني ساعة او اقل بسوي نزول وبعدها طلوع الى اوزنجول وعوده مثلها ساعتين او اكثر مابي اكدر عليك لكن واقع مجرب حجزت خمس ايام مليت ممكن تتاقلم مع الوضع لو تنسى الطلعات البعيده وتخلي مشاويرك في المنتجع نفيه بين مسبح كبريتي ورحله الى الطبيعه الي فوق المنتجع تشرح الصدر اتوقع بعد هم ينسقون طلعات عند النهر او تتفق مع سايق اقرب مناطق لكم في ريزا شلال ريزا مكانه شرح وحلو بدون صعدات https://goo.gl/maps/sS8YMs26Y5WzJL6z6 بختصار 1 تاقلم مع الوضع بالفسحه في المنتجع ومرافق الي فيه و الطبيعه الي حواليه خاصة ان غالبا الجو ورعه هناك 2 حاول تغيير او تقليل الايام ان امكن ذلك |
مساء الخير بالنسبه لرأيي الخاص تكون تدكرتهم على مطار طرابزون مباشرة من المطار الى منتجع ريدوس الحراري والسواق كل يوم يكشتهم على منطقه يوم او اكثر اوزنغول ويوم آيدر ........ ويوم هامسكوي ....... ويوم حيدر نبي و هكدا الى آخره كل يوم كشته واترك عنك آرتفين اوردو افضل لهم فيها بارشمبا ....ومرتفعات بوزتبه بالتلفريك :60::60::60::60: مشاركتي السابقه ناقصني ان اذكر كم عدد الايام يقضون في المنتع الاخ ماجد ماعجبه منتجع ريدوس الحراري مع ان لم يذمّه احد وانا مجربه اجمل المنتجعات في الشمال التركي يقع في الطريق الى اوزنجول وآيدر وسط الطبيعه الخلابه كنت اقصد يتوجهون للمنتجع مباشره من مطار طرابزون يقضون فيه يومين يريحون استجمام في المسابح الحراريه ويتمتعون بالطبيعه والنهر الذي حواليه لكن اعترف ان فاتني ذكر اليومين ثم يذهبون الى اوزنجول ويسكنون فيها يومين او اكثر حسب رغبتهم ثم يذهبون الى آيدر ويسكنون يوم او يومين ثم يرجعون الى طرابزون يسكنون بها ومنها ينطلقون الى المناطق السياحيه اذا تبون كل شي بالتفصيل افصّل لكم لكني حبيت اختصر الكلام فنقول يوم كشته في حيدر نبي ويوم كشته في دير صوميلا ومغارة شال يوم في اكشبات وبحيرة سيراجول ومطاعمها يوم التوجه الى ميدان طرابزون وسط المدينه ثم الى مطل بوزتبة طرابزون وشرب الشاهي من اعلى المدينه يوم التوجه الى هامسكوي وآيا صوفيا طرابزون ويوجد غيرهم من المناطق السياحيه لكن حسب مقدرتهم ورغبتهم وبعد ماينتهي الجدول في طرابزون التوجه الى مدينة اوردو وقضاء يومين هناك والباقي حسب رغبتهم ومقدرتهم |
اقتباس:
اذا الرحله شبابيه تختلف او عائلية هو مع امه وابوه كبار سن لذلك حجز 5 ايام في المنتجع ويريد ان يخرج ويرجع للمنتجع كل يوم و هذا صعب النزول من المنتجع الى البحر تقريبا ساعة وبعدها لو حب يروح اوزنجول بنفس اليوم يرجع الى المنتجع متعب جدا لو سكن فيه يومين ممكن جدا ومثل ماذكرت انه يتفرج على الطبيعه من حوله ولا ينزل لكن الذهاب العوده للمنتجع كل شي بعيد وتعب سواء ايدر او اوزنجول او حيدر نبي ابدا مايصلح صعب الا ان يسكن في اوزنجول ويستقر او في ايدر ويستقر وينسى حيدر نبي |
| الساعة الآن 06:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO