![]() |
استفسار عن الصرف والطقس السلام عليكم ورحمة الله وبركاته أشكركم جميعًا ع جهودكم الجبارة في الرد على الجميع وتفصيلكم الجميل في الردود ومالنا غنى عنكم وتحملونا🙈 حبي استفسر عن الجو في إسطنبول في بداية أكتوبر وهل فيه أمطار والعملة عادي اخذ معي ريال سعودي واصرفه هناك من دون مااحوله لدولار هنا في السعودية وبالنسبة للفيزا هل تنصحوني اطلعها قبل او في المطار؟ انا ماحب التسوق كثير احسه مو جو سفر بس ابي اروح لمكان يكون فيه اوت لت واسعاره رخيصة وجودته زينة |
اهلا بك الجو في اكتوبر جميل ويأتي في الأفضلية بعد ابريل الأمطار في علم الغيب وكثرتها ما تنفع خذ معك ريال واصرفه لليرة هناك تقدر تاخد دولار ولكن الريال يفي بالغرض أرى الفيزا من المطار أفضل 60 دولار أو 45 يورو ..اليورو أوفر طالما ما تحب التسوق فالمحلات التركية تفي بالغرض ال سي ويككي … فلو ... ديفاكتو ستكون موجودة في أي مول قريب للفندق بالتوفيق |
السلام عليكم و رجمة الله و بركاته .. أضافة لما ذكر أخوي نواف الله يجزاه خير ... و يبارك فيه فيما يخص حمل الكاش في السفر .. من الأفضل أستخدام البطاقات الأئتمانية و الخاصة بالعملات مثل بطاقة السفر من بنك الأستثمار أو سفر بلس من الراجحي أو المسافر من بنك الأنماء تضتف للبطاقة عملة الليرة التركية و في كل مره تحتاج للصرف تضيف المبلغ المناسب بتحويله من حسابك الجاري إلى البطاقة في محفظة الليرة (عدا بطاقة الراجحي يضاف المبلغ بالدولار فقط و التسديد يكون بالليرة التركية) و أيضاً يمكن السحب من البطاقة أي مبلغ بالليرة التركية بكل يسر و سهولة من واقع تجارب شخصية عديدة في دول كثيرة حول العالم البطاقات أأمن و الله نصيحة لا تحمل كاش بالسفر إلا مبلغ بسيط للأحتياط بالتوفيق |
اقتباس:
|
اقتباس:
اقتباس:
انا معي بطاقة الراجحي سفر بلس بس احس اذا حاسبت فيها ليرة عن طريق محفظة الدولار بتاخذ عموله اكثر او لا؟ |
اقتباس:
ما أعتقد لأن أول شئ سعر الصرف للدولار ثابت 3.75 ريال و كانوا يقولون ما فيه رسوم عمليات دولية على أستخدام البطاقة بالعملات الغير مسجلة بالبطاقة قبل أسبوعين أستخدمها في جنوب أفريقيا أسدد فيها مشتريات و مطاعم و سحبت نقدي مرتين تقريباً بالعكس سعر الصرف ممتاز .. و يمكنك مباشرة معرفة الرسوم بعد الشراء لأن الرسال تظهر لك كم خصم من محفظة الدولار .. طبعاً الأفضل بطاقة السفر من بنك الأستثمار .. مباشرة يتم فتح محفظة بالليرة التركية و يتم تحويل المبلغ و الصرف منه بالتوفيق |
اقتباس:
|
بالتوفيق ان شاء الله البطاقة توفي بالغرض لاكن لابد من الكاش خاصة الليرة التركية بعض الاكشاش والمحلات الصغير ماعنها جهاز السحب |
اقتباس:
و عليكم السلام ورحمة الله و بركاته الاخوة الكرام ما قصروا بالرد جزاهم الله كل خير الجو في اكتوبر بيكون جميل و ما يحتاج ملابس ثقيلة لكن شتوية بتحتاجوا إذا طلعتم على مدينة بورصا و روحتم على الجبل يكون معكم ملابس ثقيلة و كذلك إذا فكرتم في زيارة مدن الشمال التركي تحتاجون معكم ملابس ثقيلة لكن معظم المولات بيكون فيها تدفئة فالجو بيكون معقول جدا . اقترح عليكم التسوق من الاسواق الصغيرة مثل سوق الجراند بازار او السوق المصري في إيمانونو يمكنكم شراء بعض الهدايا و يوجد بعض العروض لملابس الموسم الماضي لكن اظن ملابس الشتاء ما راح يكون عليها عروض لكن يمكنكم زيارة مول فيا بورت بالجانب الاسيوي بالقرب من مطار صبيحة هو مول اوتليت و فيه عروض طوال العام . |
الف شكر جميعاً كفيتوا ووفيتوا والله يجعلها في ميزان حسناتكم ويجزاكم خير |
معليش تذكرت استفسار: هل فيه استرجاع ضرايب في مطار صبيحة؟ |
اذكر كان فية مكتب صغير وزحمة جدا |
اهلا بك غالباً أي مطار دولي متوفر اتذكر أن المبلغ المُعَاد ما يسوى إذا مشترياتك تجاوزت الآلاف بتستفيد بالتوفيق |
زين يعطيكم العافية |
الساعة الآن 01:36 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO