|
احتاج مساعدة لسفرة تركيا !! السلام عليكم و رحمة الله و بركاته انا و زوجي قررنا نسافر مع بعض لاول مره بعد كورونا ، و صراحة محتارين بين تايلند و تركيا ، بس الامور اللي مخليتني اتجنب تايلند هي انها ما تلبي رغباتي صراحة انا انسانه احب الحياة و الزحمة و السهر ( يعني اخرج في الليل عشان لا احد يفهم غلط 😜😂 ) و في نفس الوقت احب البحر و اجواء البحر و التشميس و كذا ، حسيت تايلند من بعد مغيب الشمس خلاص تنتهي الحياة خصوصا في الجزر بس في بانكوك يقولو في حياة ليلية بس مو امان و حسيت انو ممكن تكون غير امنه في الليل و الاماكن فيها مو نظيفة و ماهي فخمه ( صححولي لو انا غلطانه ) انا انسانه ابدا مااحب الطبيعه و خضار و جبال مو شي يستهويني ، ففكرت في تركيا بس في نفس الوقت مابغا اروح بس اسطنبول ، و طربزون و ازنجول و ذي الاشياء مو جوي صراحة ، انا جوي اسطنبول و بودرم و انطاليا بس للاسف يقولو بودرم خلص موسمها صحيح هالكلام ؟؟ الله يسعدكم ابغا اراءكم و مساعدتكم و لو رشحتولي تركيا هل اقدر اروح بودروم كم يوم بعدين اسطنبول ؟ و يلوا كمان قالولي حلوة و زي مدينة صغيرة مره محتارة صراحة 😭 المدة ما بين 7 الى 10 ايام لان خلااااص احس مره احتاج سفره اعمل فيها ريفرش لمخي و نفسيتي و حياتي و كل شي 😅🥲 و بس والله اسفه طولت عليكم ☺ |
عليكم السلام لا احد يفهمك اكثر من نفسك لذلك حددي ماذا ما يناسبك ثم ابحثي عن البلد المناسب فيه ناس تحب تايلند وناس ما تحبه ولا يناسبها وناس تحب تركيا وناس لو تعطيه تذاكر بلاش ما يروح تركيا الناس اذواق وأفكار مختلفة لذلك انت من يقرر ماذا يناسبك من عدمه |
الذي قالوا بادروم انتهى موسمها يقصدون موسم الروس والغربيين لأنهم يفضلون البحر في الصبف يتشمسون تحت اشعة الشمس التي يفتقدونها في بلادهم يرغبون في اسمرار بشرتهم أما انطاليا والانيا وفتحيه وبودروم ومرمريس فهذا بداية موسمهم بالنسبه لنا فقد بدأ الجو يبرد :22::22::22: |
اذا تبين بحر مالكم الا تايلند تركيا بودروم وانطاليا بيكونون باردين ما تستانسين في البحر والجو |
اقتباس:
الساعه الثانية عشر تقريبا يذهبون للنوم واماكن السهر فيها قليلة جدا وموحشة يلوا تصلح للاسرخاء واللي يبي الهدوء |
اعتقد انتي تبين البحر والاجواء اعتقد تايلند اهي مناسبه لج السهر والتمشي بالليل عادي عندهم اسواق ليليه والمطاعم مفتوحة اما تركيا بدا الجو يبرد والسهر بالشتاء المحلات والمطاعم تسكر هذا رأيي واكيد الخبراء يعرفون اكثر |
اقتباس:
و عليكم السلام و رحمة الله و بركاته الاخت الكريمة اذا تحبين البحر و اجواء البحر الجو مناسب الان اكثر لتايلاند و يمكن تقسيم الايام في رحلتك بين بوكيت و بانكوك حتي ما تشعروا بالملل ايضا يمكن تروحوا على ماليزيا و لنكاوي و بينانج افضل بكثير خاصة ان احس ماليزيا اكثر امنا و التزاما عن تايلاند لذا انت فقط اللي يمكنها تقرير المناسب في هذا التوقيت . عندك ايضا اختيار اخر و هو المالديف لذا اقترح عليكي تمري على بعض التقارير في البوابة راح تساعدك في اختيار الوجهة اللي تناسبكم . اما بالنسبة لاسطنبول فهذه الايام الجو يميل إلى البرودة و احيانا تنزل امطار خفيفة في مدن الشمال و اسطنبول و الاماكن اللي تستحق الزيارة كلها اماكن طبيعة و جبال اما بودروم و مرمريس و انطاليا راح تكون باردة عليكم إذا تبغون البحر هناك . اما بالنسبة لإسطنبول للخروج و التسوق فهي افضل اختيار برايي و خاصة ان بها اماكن مميزة خصوصا المطاعم و الفنادق اللي على البسفور و افضلها الموجود في الجانب الاسيوي في اسكودار و الجانب الاوروبي في منطقة بيبك . فإذا اخترتم اسطنبول كرحلة تسوق و تغيير اجواء فيمكن زيارة اسطنبول و ايضا مدينة دينزلي Denizili و منها بموكالي pamukkale فيها حمامات ساخنة جميلة و عندك منتجعات في يلوا فيها فنادق بها حمامات دافئة و ادخلي على التقارير لتاخذي فكرة عن الجولات السياحية . هذا رابط عن حمامات باموكالي https://www.youtube.com/watch?v=g1LQHy4qziI هذا رابط فندق ترمال يلوافا فيه حمامات سباحة دافئة Hotels - Thermal Hot Spring Resort YALOVA تحياتي |
طيب انا هذا اللي ابغاه ، ابغا تشميس و اعمل تان و بحر |
اش هيا دنزلي ؟ يعني مدينة حلوة و اش فيها !! |
فعلا تايلند في الليل ماتصلح ابد عكس تركيا في اماكن كثيره في اسطنبول وغيرها حيويه جدا في الليل مافي شي اسمه خلص موسمها كل وقت له مكان في تركيا مثلا بورصة بالطبيعه و الثلوج من شهر 11 الى شهر 3 و4 كذلك صبنجه بدروم جميله في هذا الوقت على ما اعتقد ومتابعتي ولم ازرها في الاصل |
اقتباس:
تريدها صباحي خلاص يكفي :e317: بس هي قالت ماتستهويها الطبيعه ويلو طبيعه حلوه |
اقتباس:
هلا مرحبا أختي أم فهد بخصوص تركيا أنه ما قط رحتها أما تايلند فرحت لها أكثر من 5 مرات وراح أكلمك بخصوص تايلند تايلند شغالة 24 ساعة .. وخصوصاُ في بانكوك وبوكيت في النهار الرحلات السياحية زيارة الشواطئ ورحلات الجزر والمجمعات والأسواق وبالليل الأسواق الليلية اللي بعضها يكون متواجد لين الفجر وبعض الرحلات السياحية المحدودة جداً وتايلند بلد آمن جداً وشعب بشوش وطول الوقت مبتسم .. ولكن النقطة المهمة وهذا الشيء في كل بلد (إذا راح تحترم قوانين البلد وتحترم الشعب راح تعيش بسلام، أما إذا ما راح تحترم قوانين البلد ولا راح تحترم الشعب طبعاً النتيجة راح تكون سلبية) وفي تايلند الكل في حاله ومحد يتدخل في أحد كلش .. |
برشلونة المدينة المناسبة لكم واسبانيا بشكل عام |
اقتباس:
الاخت الكريمة التوجه لمدينة دنيزلي فقط لانها مدينة فيها مطار و هي اقرب نقطة يمكن التوجه منها إلى مدينة باموكالي pamukkale حتي ما تكون المسافة بعيدة عليكم بالسيارة من اسطنبول المسافة اكثر من 12 ساعة لذا بالطائرة افضل طبعا و بمجرد الوصول لدينزلي نصف ساعة بالسيارة او تاكسي تتوجهوا لبموكالي . ترشيحي لكي باموكالي لان فيها حمامات دافئة و مياهها دافئة لذا اقترح تدحلي على الفيديو تبع المدينة و إذا نالت اعجابك احجزي باحد الفنادق هناك و عندك الطيران الداخلي تسويه من اسطنبول لدنيزلي https://www.booking.com/hotel/tr/ric...rc=hp_iw_title https://www.booking.com/hotel/tr/pam...rc=hp_iw_title https://www.booking.com/hotel/tr/sah...rc=hp_iw_title |
| الساعة الآن 08:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO